প্রধানমন্ত্রীগী লোইশঙ

পি.এম.না গুজরাতকী বদোদরাদা সি-২৯৫ এয়রক্রাফ মেন্যুফেকচরিং ফেসিলিতী উরেপ-উয়ুং তমখ্রে


“ভারতনা ‘মেক ইন ইন্দিয়া, মেক ফোর দি গ্লোব’ হায়বা মন্ত্রগা লোয়ননা মাংদা চংশিল্লি”

“মমিং লৈরবা কলচরেল অমসুং এজুকেসন সেন্তর ওইরিবা বদোদরা অসি এভিএসন সেক্তর হব অমা ওইনা নৌনা শক খঙনরগনি”

“এয়র ত্রাফিক্কা মরী লৈননা মালেমগী মকোক থোংবা লৈবাক অহুমগী মনুংদা ঐখোয়সু চনবা ঙম্লক্লগনি”

“লাইচৎ, লান নংখিবা অমসুং সপ্লাই-চেন্দা অপনবশিং থোক্লবসু ভারতকী খুমাং চাউশিনবগী খোঙজেল অসি অদুমক লেংদনা লৈখি”

“ভারতনা লো কোস্ত মেন্যুফেকচরিং অমসুং হায় আউতপুৎকী খুদোংচাবশিং পীরি”

“ঙসি ভারতনা অনৌবা ৱাখল্লোন, অনৌবা ৱার্ক কলচরগা লোয়ননা থবক তৌরি”

“ঙসি ঐখোয়গী থৌশিল থৌরাংশিং অসি স্তেবল, প্রিদিক্তেবল অমসুং ফ্যুচরিস্তিক ওইরে”

“ঐখোয়না ২০২৫ ফাওবদা ঐখোয়গী দিফেন্স মেন্যুফেকচরিং অসি দোলর বিলিয়ন ২৫দগী হেনগৎনবা পান্দম থম্মি। ঐখোয়গী দিফেন্স এক্সপোর্তশিং অসি দোলর বিলিয়ন ৫ হেল্লগনি”

Posted On: 30 OCT 2022 4:25PM by PIB Imphal

প্রধান মন্ত্রী, শ্রী নরেন্দ্র মোদীনা ঙসি গুজরাতকী বদোদরাদা সি-২৯৫ এয়রক্রাফ মেন্যুফেকচরিং ফেসিলিতীগী উরেপ-উয়ুং তমখ্রে। মহাক্না আত্মনির্ভর ভারতকী মখাদা এরোস্পেস ইন্দস্ত্রীদা ফংখিবা তেক্নোলোজীগী অমদি মেন্যুফেকচরিংগী মাইপাকশিং উৎলিবা একজিবিসন্দসু চৎখি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি ঐখোয়না ভারতপু মালেমগী মেন্যুফেকচরিং হব ওইহন্নবা মাইকৈদা অচৌবা খোঙথাং অমা থাংজিনখি। মহাক্না হায় ভারতনা লৈবাক কয়াদা পাম্নরবা ফাইতর জেৎশিং, তেঙ্কশিং, সবমেরিনশিং, হীদাক-লাংথকশিং, ভেক্সিনশিং, ইলেক্ত্রোনিক গেদজেৎশিং, মোবাইল ফোনশিং অমসুং কারশিং শারি। প্রধান মন্ত্রীনা হায় ভারতনা ‘মেক ইন ইন্দিয়া, মেক ফোর দি গ্লোব’ হায়বা মন্ত্রগা লোয়ননা মাংদা চংশিল্লি অমসুং হৌজিক ভারতনা মালেমগী ওইনা ত্রান্সপোর্ত এয়রক্রাফকী অচৌবা মেন্যুফেকচর্র অমা ওইরক্লি। প্রধান মন্ত্রীনা হায় চাউথোকচবগা লোয়ননা ভারতনা ‘মেক ইন ইন্দিয়া’ হায়বা ৱাহৈশিং অসি য়াওবা অচৌবা পেসেঞ্জর এয়রক্রাফশিং অথুবদা শারগনি।

মহাক্না হায়খি মদুদি ঙসি উরেপ-উয়ুং তম্লিবা ফেসিলিতী অসিনা লৈবাক অসিগী দিফেসন্স অমসুং ত্রান্সপোর্ত সেক্তরদা অওনবা পুরকপগী শক্তি লৈ। মহাক্না হায় মসি অহানবা ওইনা ভারতকী দিফেন্স সেক্তরদা অচৌবা ইনভেস্তমেন্ত তৌবনি। মফম অসিদা শাজবা ত্রান্সপোর্ত এয়রক্রাফশিংনা আর্মদ ফোর্সশিংগী মপাঙ্গল হাপ্পা খক্তা নত্তনা মসিনা এয়রক্রাফ মেন্যুফেকচরিংগী অনৌবা ইকোসিস্তেম অমা শেমগৎপদা মতেং পাংলগনি। মহাক্না হায়, “কলচরেল অমসুং এজুকেসন সেন্তরগীদমক খঙনরম্বা বদোদরা অসি এভিএসন সেক্তর হব হায়না নৌনা শক খঙনরগনি”। প্রধান মন্ত্রীনা এম.ই.এম.ই. ১০০ হেনবনা প্রোজেক্ত অসিদা য়াওবদা নুংঙাইবা ফোঙদোকখি। মহাক্না হায় ‘মেক ইন ইন্দিয়া, মেক ফোর দি গ্লোব’কী ৱাশক অসিনা লমদম অসিদগী অনৌবা শাহৌ ফংলগনি মরমদি প্রোজেক্ত অসিনা তুংলমচৎতা অতোপ্পা লৈবাকশিংদগী এক্সপোর্তকী ওর্দর লৌবা ঙম্লগনি।

ভারতকী খোঙজেল য়াংনা খুমাং চাউশিল্লিবা এভিএসন সেক্তরগী মতাংদা পল্লদুনা প্রধান মন্ত্রীনা হায় ঐখোয়না এয়র ত্রাফিক্কা মরী লৈননা মালেমগী মকোক থোংবা লৈবাক অহুমগী মনুংদা চনবা ঙম্লগনি। উরান স্কিমনা চৎথোক চৎশিন তৌরিবা মীওইশিংবু এয়র ত্রেবেলরশিংদা ওন্থোকপদা মতেং পাংলি হায়না মহাক্না ফোঙদোকখি। পেসেঞ্জর অমসুং কার্গো এয়রক্রাফশিংগী দিমান্দ হেনগৎলক্লিবা অসিগী মতাংদা প্রধান মন্ত্রীনা হায়খি মদুদি ভারতনা মথংগী চহি ১৫দা এয়রক্রাফ ২০০০ হেন্না মথৌ তারগনি। প্রধান মন্ত্রীনা হায় ঙসি অসি মাইকৈ অসিদা মরু ওইবা খোঙথাং অমা থাংজিল্লি অমসুং ভারতনা হায়রিবা অসিগীদমক শেম শাবা হান্নদগী হৌখ্রবনি। শ্রী মোদীনা হায় কোরোনাগী লাইচৎ অমসুং লান্না শোকহল্লবা অমসুং সপ্লাই চেন্দা অপনবশিং থোকপদা অকাইবা পীরিবা মালেম অসিগীদমক মালেমগী ওইবা খুদোংচাবা অমা ভারতনা পীরি। অসিগুম্বা অৱাবা ফীভমশিংদসু ভারতনা খুমাং চাউশিনবগী খোঙজেল অসি অদুমক লেংদনা লৈখি হায়না মহাক্না ফোঙদোকখি। মহাক্না হায় ওপরেতিং কন্দিসনশিং লেপ্পা লৈতনা ফগৎলক্লি অমসুং ভারতনা কোস্ত কম্পিতিতিবনেস লোয়ননা ক্বালিতীদা মীৎয়েং চংলি। প্রধান মন্ত্রীনা হায়, “ভারতনা লো কোস্ত মেন্যুফেকচরিং অমসুং হায় আউতপুৎকী খুদোংচাবা ফংহল্লি”। মহাক্না মখা তারদুনা হায় ভারত্তা স্কিল মেনপাৱরগী অচৌবা তেলেন্ত পুল অমা লৈ। হৌখিবা চহি ৮ অসিদা সরকারনা পুরকখিবা রিফোর্মশিংগী মতাংদা পল্লদুনা প্রধান মন্ত্রীনা হায় ভারতনা লৈবাক অসিদা মেন্যুফেকচরিংগীদমক অমুক্তা ওইখিদ্রিবা এনভাইর্নমেন্ত অমা শেমগৎলি। প্রধান মন্ত্রীনা অরাইবা কোর্পোরেৎ তেক্স স্ত্রকচর অমা শেম্লি লোয়ননা মদু গ্লোবেল ওইনা কম্পিতিতিব ওইহনবা, চাদা ১০০ ওইবা এফ.দি.আই. রুৎ হাংদোকপা, প্রাইবেৎ কম্পনীশিংগীদমক দিফেন্স অমসুং স্পেস সেক্তরশিং হাংদোকপা, সেন্ত্রেল লেবর লো ২৯বু কোদ ৪দা রিফোর্ম তৌবা, কমপ্লায়েন্স ৩৩,০০০ মুত্থৎপা অমসুং তেক্সশিংগী লোইনাইদ্রবা লাং অদু মুত্থৎতুনা গুদস এন্দ সর্ভিস তেক্স শেম্বা অসিগুম্বা খুদমশিং পীখি। মহাক্না হায়, “ঙসি ভারত্তা ইকনোমিক রিফোর্মশিংগী অনৌবা চহিচা অমা হৌরে অমসুং রাজ্যশিংগী মথক্তা মসিগী খ্বাইদগী কান্নবা অসি মেন্যুফেকচরিং সেক্তরনা ফংলি”।

প্রধান মন্ত্রীনা মাইপাক্নবগীদমক ৱাখল্লোন্দা অহোংবা পুরকপা অসি থাগৎখি। মহাক্না হায়, “ঙসি ভারতনা অনৌবা ৱাখল্লোন, অনৌবা ৱার্ক-কলচরগা লোয়ননা থবক তৌরি”। মহাক্না সরকারনা পুম্নমক খঙই হায়বা ৱাখল্লোন্দা লৈবাক অসিগী তেলেন্ত অমসুং প্রাইবেৎ সেক্তরগী শক্তি নমথদুনা লৈঙাকপগী ৱাখল্লোন লৈরমখিবা মতম অদু নীংশিংখি। “হৌজিক ঐখোয়না ‘সবকা প্রয়াস’ ঙাক্না চৎতুনা সরকারনা পব্লিক অমসুং প্রাইবেৎ সেক্তর চপ মান্ননা মরু ওইনা লৌবা হৌরকখি”। প‌্রধান মন্ত্রীনা মমাং সরকারগী মেকশিফ এপ্রোচতা মেন্যুফেকচরিং সেক্তর অসিবু সবসিদীগী খুত্থাংদা মমিংতগী চলাইদুনা থমখিবা অদুবু নীংঙমদবা ফোঙদোকখি। লোজিস্তিক্স, ইলেক্ত্রিসিতী সপ্লাই নত্ত্রগা ৱাতর সপ্লাইগুম্বা তঙাই ফদবা ফেসিলিতীশিংবু নাথৈদুনা থমখি। মহাক্না হায়, “ঐখোয়না ৱারেপ লৌবদা মেকশিফ এপ্রোচ অসি থাপ্না থমখি অমসুং ইনভেস্তরশিংগীদমক তোঙান-তোঙানবা অনৌবা ইনসেন্তিবশিং পুথোকখি। প্রদক্সন লিঙ্ক ইনসেন্তিব স্কিম হৌদোকখি মদিনা অহোংবা অসিবু ময়েক শেংহনখি। ঙসি ঐখোয়গী থৌশিল থৌরাংশিং অসি স্তেবল, প্রিদিক্তেবল অমসুং ফ্যুচরিস্তিক ওইরে”।

প্রধান মন্ত্রীনা মেন্যুফেচকরিং অসি য়ৌশিনবা ঙমদনা লৈ হায়না লৌবনা সর্ভিস সেক্তরদা মপুং ওইনা মীৎয়েং চংখিবগী ৱাখল্লোন লৈরমখিবা মতম অদু নীংশিংখি। মহাক্না হায়, “ঙসি ঐখোয়না সর্ভিসেস অমসুং মেন্যুফেকচরিং সেক্তর অনিমক ফগৎহল্লি”। মহাক্না মেন্যুফেকচরিং অমসুং সর্ভিস সেক্তর অনিমক্তা মীৎয়েং থম্লিবা হোলিস্তিস এপ্রোচপু মরু ওইনা লৌখি হায়না ফোঙদোকখি। মহাক্না মখা তারদুনা হায়, “ঙসি ভারতনা মেন্যুফেকচরিংদা মীপুম খুদিংমক্তগী মাংজিল থানা চৎনবা শেম-শারি”। প্রধান মন্ত্রীনা হায়, “মসি হৌখিবা চহি ৮দা ঐখোয়না স্কিল দিবেলপমেন্ত অমসুং মসিনা শেমখিবা এনভাইর্নমেন্তদা মীৎয়েং থম্বনা ওইথোকপা ঙমহনখিবনি। অহোংবশিং অসি পুনশিন্দুনা ঙসি ভারতকী মেন্যুফেকচরিং সেক্তরগী চাউখৎ খোঙচৎ অসিনা থাক অসি য়ৌবা ঙমখিবনি”।

সরকার অসিগী ইনবেস্তমেন্ত ফ্রেন্দলী ওইবা থৌশিলশিং অদুগী মতাংদা পল্লদুনা মসিগী কান্নবা অসি এফ.দি.আই.দা ময়েক শেংনা উবা ফংলে হায়না ফোঙদোকখি। “হৌখিবা চহি নিপান অসিদা লৈবাক ১৬০ হেনবদগী কম্পনীশিংনা ভারত্তা ইনবেস্ত তৌরকখি হায়না মহাক্না ফোঙদোকখি”। মহাক্না মখাতানা ফোঙদোক্লদুনা অসিগুম্বা ফোরেন ইনভেস্তমেন্তশিং অসি ইন্দস্ত্রী খরখক্তা ইনবেস্ত তৌবা নত্তে অদুবু ইকনোমীগী সেক্তর ৬১দা শন্দোক্লি অমসুং ভারতকী রাজ্য ৩১ কোনশিল্লি। এরোস্পেস সেক্তর খক্তদা বিলিয়ন দোলর ৩দগী হেন্না ইনবেস্ত তৌখ্রে হায়না প্রধান মন্ত্রীনা ফোঙদোকখি। সেক্তর অসিদা ২০১৪গী মতুংদা ইনবেস্ত তৌখিবা অসি ২০০০ দগী ২০১৪ ফাওবগী মনুংদা তৌখিবা অদুগী শরুক মঙা ওই হায়না মহাক্না ফোঙদোকখি। লাক্কদৌরিবা চহিশিং অসিদা দিফেন্স অমসুং এরোস্পেস সেক্তরশিংনা আত্মনিভর ভারত কেম্পেনগী মরুওইবা য়ুম্বীশিং ওইরগনি হায়না প্রধান মন্ত্রীনা ফোঙদোকখি। ২০২৫ ফাওবদা ঐখোয়গী দিফেন্স মেন্যুফেকচরিং অসি দোলর ২৫ হেন্নবা পান্দম থম্লি। ঐখোয়গী দিফেন্স এক্সপোর্তশিং অসি বিলিয়ন দোলর ৫ হেল্লগনি হায়না মহাক্না মখা তাখি। উত্তর প্রদেশ অমসুং তমিল নাদুদা শেমগৎলিবা দিফেন্স কোরিদোরশিং অসিনা সেক্তর অসি পাকথোক চাউথোকহনবদা চাউনা মতেং পাংলগনি হায়না প্রধান মন্ত্রীনা ফোঙদোকখি। শ্রী মোদীনা ঙাকশেল মন্ত্রালয় অমসুং গুজরাত সরকারবু গান্ধীনগরদা খ্বাইদগী চাউবা দেফ-এক্সপো শিল-লাংখিবগী থাগৎপা ফোঙদোকখি।  দেফ-এক্সপোদা উৎখিবা খুৎশু খুৎলাই অমসুং তেক্নোলোজী খুদিংমক ভারত্তা শাজবা ঙাক্তনি হায়না মহাক্না ফোঙদোকখি। “প্রোজেক্ত সি-২৯৫কী মমিশিং অদুসু লাক্কদৌরিবা চহিশিংদা পাংথোক্কদবা দেফ-এক্সপোদা উবা ফংলগনি হায়না প্রধান মন্ত্রীনা মখা তাখি।  

লোইশিল্লকপগী ৱারোলদা প্রধান মন্ত্রীনা ইন্দস্ত্রী অসিগা মরী লৈনবা মীপুম খুদিংমক্তা মীকুপ অসিদা লৈবাক অসিদা মমাংদা অমুক্তা ওইদ্রিবা মওংদা ইনবেস্তমেন্ত লাকহন্নবা অপাম্বা ফোঙদোকখ্রে। মহাক্না মখা তারদুনা লৈবাক অসিগী স্তার্ত অপশিংনা মাংলোমদা চংশিনবদা মতেং পাংগদবনি হায়না ফোঙদোকখি। রিসর্সকী লমদা লনাই সেক্তরনা শরুক য়াবা হেনগৎহন্নবা অপাম্বসু ফোঙদোকখি। “করিগুম্বা ঐখোয়না মাইকৈ অসিদা শাফু পীরবদি ঐখোয়না ইনোবেসন অমসুং মেন্যুফেকচরিংগী হেন্না কনবা ইকোসিস্তেম অমা শেমগৎপা ঙমগনি।

থৌরম অদুদা শরুক য়াখিবশিং অদুগী মনুংদা গুজরাতকী মুখ্য মন্ত্রী, শ্রী ভুপেন্দ্র পতেল, গুজরাতকী রাজ্যপাল, শ্রী অচার্য় দেবব্রত, ঙাকশেল মন্ত্রালয়গী কেন্দ্র মন্ত্রী শ্রী রাজনাথ সিংহ, সিভিল এভিএসনগী কেন্দ্রগী মন্ত্রী শ্রী জ্যোতিরাদিত্য সিন্ধিয়া, তাতা সন্সকী চিয়র্মেন শ্রী এন চন্দ্রসেকরন অমসুং এয়র্বসকী চীফ কম্মর্সিএল ওফিসর, মিস্তর খৃস্তিয়ন স্কেরর য়াওরি।

 

বেকগ্রাউন্দ

প্রধান মন্ত্রীনা লৈবাকসিগী অহানবা প্রাইভেৎ সেক্তরগী এয়রক্রাফ মেন্যুফেকচরিং ফেসিলিতী ওইগৌরিবা সি-২৯৫ এয়রক্রাফ মেনুফেকচরিং ফেসিলিতীগী উরেপ উয়ুং তমখ্রে‍। ফেসিলিতী অসি, তাতা এদভান্স সিস্তেম লিমিতেদ অমসুং এয়রবস দিফেন্স এন্দ স্পেস, স্পেনগা খুৎশম্নদুনা ইন্দিয়ন এয়র ফোর্সকী সি-২৯৫ এয়রক্রাফ ৪০ শানবগীদমক শীজিন্নগনি‍। ফেসিলিতী অসি দিফেন্স সেক্তরদা আত্মনিরভর্তা পুরক্নবগী মায়কৈদা মরুওইবা খোঙথাঙ অমা ওইগনি, অমদি সেক্তর অসিদা প্রাইভেৎ প্লেয়রশিংগী মতিং ফুদোকহনবদা মতেং ওইগনি‍। প্রধান মন্ত্রীনা আত্মনিরভর ভারতকী মখাদা এরোস্পেসগী লমদা চঙশিল্লিবা তেক্নোলোজী অমসুং মেনুফেকচরিংগী ফীভমশিং উৎপা একজিবিসন অমদসু চৎকনি‍।

*****



(Release ID: 1872057) Visitor Counter : 131