പ്രധാനമന്ത്രിയുടെ ഓഫീസ്
സംസ്ഥാന ആഭ്യന്തര മന്ത്രിമാരുടെ 'ചിന്തന്‍ ശിവിര്‍' വേളയില്‍ വീഡിയോ കോണ്‍ഫറന്‍സിംഗിലൂടെ പ്രധാനമന്ത്രിയുടെ പ്രസംഗം
Posted On:
28 OCT 2022 6:33PM by PIB Thiruvananthpuram
നമസ്‌കാരം!
കേന്ദ്രമന്ത്രിസഭയിലെ എന്റെ സഹപ്രവര്‍ത്തകന്‍ ശ്രീ അമിത് ഷാ, മുഖ്യമന്ത്രിമാര്‍, സംസ്ഥാന ആഭ്യന്തര മന്ത്രിമാര്‍, വിവിധ സംസ്ഥാനങ്ങളിലെ പൊലീസ് ഡയറക്ടര്‍ ജനറല്‍മാര്‍, ആഭ്യന്തര മന്ത്രാലയത്തിലെ മുതിര്‍ന്ന ഉദ്യോഗസ്ഥര്‍, മറ്റെല്ലാ പ്രമുഖരേ, മഹതികളേ മാന്യരേ,
ഈ ദിവസങ്ങളില്‍ നാട്ടില്‍ ഉത്സവാന്തരീക്ഷമാണ്. ഓണം, ഈദ്, ദസറ, ദുര്‍ഗാപൂജ, ദീപാവലി തുടങ്ങി ഒട്ടനവധി ആഘോഷങ്ങള്‍ രാജ്യവാസികള്‍ സമാധാനത്തോടും ഐക്യത്തോടും കൂടി ആഘോഷിച്ചു. ഇനി വരാനിരിക്കുന്ന മറ്റു പല ഉത്സവങ്ങളും ഉണ്ട്, ഛത് പൂജ ഉള്‍പ്പെടെ. വിവിധ വെല്ലുവിളികളുടെ പശ്ചാത്തലത്തില്‍, ഈ ഉത്സവങ്ങളില്‍ രാജ്യത്തിന്റെ ഐക്യം ശക്തിപ്പെടുത്തുന്നത് നിങ്ങളുടെ തയ്യാറെടുപ്പിന്റെ പ്രതിഫലനം കൂടിയാണ്. ഭരണഘടന പ്രകാരം ക്രമസമാധാനം സംസ്ഥാനങ്ങളുടെ ഉത്തരവാദിത്തമാണെങ്കിലും, അത് രാജ്യത്തിന്റെ ഐക്യവും അഖണ്ഡതയുമായി ബന്ധപ്പെട്ടിരിക്കുന്നു. സൂരജ്കുണ്ഡില്‍ നടക്കുന്ന ആഭ്യന്തര മന്ത്രിമാരുടെ ഈ 'ചിന്തന്‍ ശിവിര്‍' (കൂടിയാലോചനാ സമ്മേളനം) സഹകരണ ഫെഡറലിസത്തിന്റെ മികച്ച ഉദാഹരണം കൂടിയാണ്. ഓരോ സംസ്ഥാനവും പരസ്പരം പഠിക്കുകയും പരസ്പരം പ്രചോദനം ഉള്‍ക്കൊണ്ട് രാജ്യത്തിന്റെ പുരോഗതിക്കായി ഒരുമിച്ച് പ്രവര്‍ത്തിക്കുകയും വേണം. ഇതാണ് ഭരണഘടനയുടെ ആത്മാവ്, രാജ്യവാസികളോടുള്ള നമ്മുടെ ഉത്തരവാദിത്തം കൂടിയാണ് ഇത്.
സുഹൃത്തുക്കളേ,
സ്വാതന്ത്ര്യത്തിന്റെ 'അമൃതകാലം' നമ്മുടെ മുന്നിലുണ്ട്. അടുത്ത 25 വര്‍ഷം രാജ്യത്തിന്റെ 'അമൃത' തലമുറയെയാണു നയിക്കുക. 'പഞ്ചപ്രാണ'ങ്ങളുടെ (അഞ്ച് പ്രതിജ്ഞകള്‍) ദൃഢനിശ്ചയങ്ങള്‍ ഉള്‍ക്കൊണ്ടാണ് ഈ 'അമൃത്' തലമുറ സൃഷ്ടിക്കപ്പെടുന്നത്. ഒരു വികസിത ഇന്ത്യ കെട്ടിപ്പടുക്കുക, അടിമത്തത്തിന്റെ എല്ലാ സങ്കല്‍പ്പങ്ങളില്‍ നിന്നും സ്വാതന്ത്ര്യം, നമ്മുടെ പൈതൃകം, ഐക്യം, ഐക്യദാര്‍ഢ്യം, ഏറ്റവും പ്രധാനമായി പൗരധര്‍മ്മം എന്നിവയില്‍ അഭിമാനിക്കുക - ഈ അഞ്ച് പ്രതിജ്ഞകളുടെ പ്രാധാന്യം നിങ്ങള്‍ എല്ലാവരും മനസ്സിലാക്കുന്നു. ഇതൊരു ബൃഹത്തായ ദൃഢനിശ്ചയമാണ്, അത് 'സബ്ക പ്രയാസ്' (എല്ലാവരുടെയും പരിശ്രമം) കൊണ്ട് മാത്രമേ പൂര്‍ത്തീകരിക്കാന്‍ കഴിയൂ. രീതികള്‍ വ്യത്യസ്തമായിരിക്കാം, നമ്മുടെ വഴികളും മുന്‍ഗണനകളും വ്യത്യസ്തമായിരിക്കാം, എന്നാല്‍ ഈ 'പഞ്ചപ്രാണങ്ങള്‍' രാജ്യത്തിന്റെ എല്ലാ സംസ്ഥാനങ്ങളിലും നമ്മുടെ ഭരണത്തിന്റെ പ്രചോദനമായിരിക്കണം. സദ്ഭരണത്തിന്റെ കാതല്‍ ഇവയാകുമ്പോള്‍ ഇന്ത്യയുടെ സാധ്യതകള്‍ വളരെ വിപുലമാകും. രാജ്യത്തിന്റെ സാധ്യതകള്‍ വര്‍ദ്ധിക്കുമ്പോള്‍, ഓരോ പൗരന്റെയും, രാജ്യത്തെ ഓരോ കുടുംബത്തിന്റെയും ശക്തി വര്‍ദ്ധിക്കും. ഇതാണ് സദ്ഭരണം, സമൂഹത്തിന്റെ അവസാന നിരയില്‍ നില്‍ക്കുന്ന അവസാന വ്യക്തിക്കും രാജ്യത്തെ എല്ലാ സംസ്ഥാനങ്ങളും ഉറപ്പാക്കണം. ഇക്കാര്യത്തില്‍ നിങ്ങള്‍ക്കെല്ലാവര്‍ക്കും വളരെ പ്രധാനപ്പെട്ട പങ്കുണ്ട്.
സുഹൃത്തുക്കളേ,
ഈ 'ശിബിര'ത്തില്‍ പങ്കെടുക്കുന്ന നിങ്ങളില്‍ മിക്കവരും ഒന്നുകില്‍ നിങ്ങളുടെ സംസ്ഥാനത്തെ നയിക്കുന്നവരാണ്, അല്ലെങ്കില്‍ ക്രമസമാധാനപാലനത്തിന് നേരിട്ട് ഉത്തരവാദികളാണ്. ക്രമസമാധാനം സംസ്ഥാനത്തിന്റെ വികസനവുമായി നേരിട്ട് ബന്ധപ്പെട്ടിരിക്കുന്നു. അതിനാല്‍, സംസ്ഥാനങ്ങളില്‍ വികസനത്തിന് അനുകൂലമായ അന്തരീക്ഷം സൃഷ്ടിക്കുന്നതില്‍ നിങ്ങളുടെ തീരുമാനങ്ങളും നയങ്ങളും പ്രവര്‍ത്തനങ്ങളും വളരെ പ്രധാനമാണ്.
സുഹൃത്തുക്കളേ,
മുഴുവന്‍ ക്രമസമാധാന സംവിധാനവും വിശ്വസനീയവും പൊതുജനങ്ങള്‍ക്കിടയിലെ അതിന്റെ ധാരണയും ഒരുപോലെ പ്രധാനമാണ്. ഏതെങ്കിലും പ്രകൃതി ദുരന്തമുണ്ടായാല്‍ എന്‍.ഡി.ആര്‍.എഫും എസ്.ഡി.ആര്‍.എഫും ഒരു പ്രധാന ശക്തിയായി ഉയര്‍ന്നു വന്നത് നിങ്ങള്‍ കണ്ടു. ഏത് പ്രതിസന്ധിക്കും മുന്നോടിയായി അവര്‍ പ്രത്യക്ഷപ്പെടുന്നത്, സ്ഥിതിഗതികള്‍ ഇപ്പോള്‍ നിയന്ത്രണവിധേയമാകുമെന്നും ഞങ്ങള്‍ അവരെ അനുസരിക്കണമെന്നും അവര്‍ പറയുന്നത് ശ്രദ്ധിച്ചാല്‍ നമുക്ക് കഷ്ടപ്പാടുകള്‍ കുറയുമെന്നും നാട്ടുകാരില്‍ ഒരു വിശ്വാസം സൃഷ്ടിച്ചു. എന്‍ഡിആര്‍എഫിലും എസ്ഡിആര്‍എഫിലും ഉള്ളത് ആരൊക്കെയാണെന്ന് സ്വയം നോക്കൂ. അവര്‍ നിങ്ങളുടെ സഹപ്രവര്‍ത്തകരാണ്. അവര്‍ സായുധ സേനയിലെ ജവാന്മാരാണ്. പക്ഷേ, സമൂഹത്തില്‍ അവരോട് ഒരുതരം ബഹുമാനമുണ്ട്. ദുരന്തബാധിത പ്രദേശങ്ങളില്‍ എന്‍ഡിആര്‍എഫ്- എസ്ഡിആര്‍എഫ് സംഘം എത്തിയാലുടന്‍, സ്ഥിതിഗതികള്‍ കൈകാര്യം ചെയ്യാന്‍ ഒരു വിദഗ്ധ സംഘം ഉണ്ടെന്ന് ആളുകള്‍ക്ക് ഉറപ്പ് അനുഭവപ്പെടുന്നു.
സുഹൃത്തുക്കളേ,
കുറ്റകൃത്യങ്ങള്‍ നടക്കുന്ന ഏതെങ്കിലും സ്ഥലത്ത് പൊലീസ് എത്തുമ്പോള്‍ തന്നെ ഗവണ്‍മെന്റ് എത്തിയെന്ന തോന്നല്‍ ജനങ്ങളില്‍ ഉണ്ടാകും. കൊറോണ കാലഘട്ടത്തില്‍ പൊലീസിന്റെ വിശ്വാസ്യതയില്‍ വളരെയധികം പുരോഗതി നാം കണ്ടു. പൊലീസുകാര്‍ ആവശ്യക്കാരെ സഹായിക്കുകയും ആവശ്യമായ വിഭവങ്ങള്‍ ക്രമീകരിക്കുകയും സ്വന്തം ജീവന്‍ പോലും പണയപ്പെടുത്തുകയും ചെയ്തു. അതായത്, കര്‍ത്തവ്യത്തോടുള്ള കര്‍മത്തെ സംബന്ധിച്ചിടത്തോളം ഒരു കുറവുമില്ല. എന്നിരുന്നാലും, ശരിയായ ധാരണ നിലനിര്‍ത്തേണ്ടതിന്റെ ആവശ്യകതയും ഉണ്ട്. അതിനാല്‍, പൊലീസ് സേനയെ പ്രചോദിപ്പിക്കുന്നതിനും അതിനനുസൃതമായി ആസൂത്രണം ചെയ്യുന്നതിനും മുകളില്‍ നിന്ന് താഴേയ്ക്ക് നിരന്തരമായ ഒരു പ്രക്രിയ ഉണ്ടാകണം. എന്തെങ്കിലും തെറ്റ് ചെയ്യാതിരിക്കാന്‍ ഓരോ ചെറിയ പ്രശ്‌നത്തിലും അവരെ പതിവായി നയിക്കണം.
സുഹൃത്തുക്കളേ,
ഒരു കാര്യം കൂടി നമ്മള്‍ മനസ്സിലാക്കണം. ഇപ്പോള്‍ ക്രമസമാധാനം ഏതെങ്കിലും ഒരു സംസ്ഥാനത്തിന്റെ പരിധിയില്‍ ഒതുങ്ങുന്നില്ല. ഇപ്പോള്‍ അന്തര്‍ സംസ്ഥാന തലത്തിലും രാജ്യാന്തര തലത്തിലും കുറ്റകൃത്യങ്ങള്‍ നടക്കുന്നു. സാങ്കേതിക വിദ്യയുടെ സഹായത്തോടെ ഒരു സംസ്ഥാനത്ത് ഇരിക്കുന്ന കുറ്റവാളികള്‍ മറ്റൊരു സംസ്ഥാനത്ത് ഭീകരമായ കുറ്റകൃത്യങ്ങള്‍ ചെയ്യാനുള്ള ചങ്കൂറ്റം കാണിക്കുന്നു. രാജ്യത്തിന്റെ അതിര്‍ത്തിക്ക് പുറത്തുള്ള കുറ്റവാളികളും സാങ്കേതികവിദ്യ ദുരുപയോഗം ചെയ്യുന്നു. അതിനാല്‍, എല്ലാ സംസ്ഥാനങ്ങളിലെയും ഏജന്‍സികള്‍ തമ്മിലുള്ള ഏകോപനവും കേന്ദ്ര-സംസ്ഥാന ഏജന്‍സികള്‍ തമ്മിലുള്ള ഏകോപനവും വളരെ പ്രധാനമാണ്. രണ്ട് സംസ്ഥാനങ്ങളിലെ സമീപ ജില്ലകളുടെ പ്രശ്നങ്ങള്‍ കാലാനുസൃതമായി വിലയിരുത്തണമെന്നും അവ ഒരുമിച്ച് പ്രവര്‍ത്തിക്കണമെന്നും ഡിജിപിമാരുടെ സമ്മേളനത്തില്‍ ഞാന്‍ ആവര്‍ത്തിച്ചത് നിങ്ങള്‍ ഓര്‍ക്കുന്നുണ്ടാകും. അത് ഒരു പുതിയ ശക്തിയുടെ സൃഷ്ടിയിലേക്ക് നയിക്കും. ചിലപ്പോള്‍ കേന്ദ്ര ഏജന്‍സികള്‍ക്ക് പല സംസ്ഥാനങ്ങളിലും ഒരേസമയം അന്വേഷണം നടത്തേണ്ടി വരും, അവര്‍ക്ക് മറ്റ് രാജ്യങ്ങളിലേക്ക് പോകേണ്ടി വരും.
അതിനാല്‍, ഏതെങ്കിലും സംസ്ഥാനത്തിനോ കേന്ദ്ര ഏജന്‍സിക്കോ പൂര്‍ണ്ണ സഹകരണം നല്‍കേണ്ടത് ഓരോ സംസ്ഥാനത്തിന്റെയും ഉത്തരവാദിത്തമാണ്. എല്ലാ ഏജന്‍സികളും പരസ്പരം സഹകരിക്കണം. ഒരു ഏജന്‍സിയുടെയും അധികാരത്തിലും പ്രവര്‍ത്തനപരിധിയിലും അനാവശ്യമായി ഇടപെടരുത്. ചിലപ്പോള്‍, കുറ്റകൃത്യം നടന്ന സ്ഥലത്തെയും പൊലീസ് സ്റ്റേഷന്റെ പരിധി സംബന്ധിച്ചുമുള്ള ആശയക്കുഴപ്പം കാരണം എഫ്ഐആര്‍ രജിസ്റ്റര്‍ ചെയ്യാത്തതായി നമ്മള്‍ കാണുന്നു. ഈ കാര്യങ്ങള്‍ പൊലീസിലോ സ്റ്റേഷനിലോ മാത്രം ഒതുങ്ങുന്നതല്ല. സംസ്ഥാനങ്ങള്‍ക്കിടയിലും ഇത് സംഭവിക്കുന്നു. കേന്ദ്രവും സംസ്ഥാനങ്ങളും തമ്മിലാണ് ഇത് സംഭവിക്കുന്നത്. ഇന്ത്യയിലെയും വിദേശത്തെയും ഏജന്‍സികള്‍ക്കിടയിലും ഇത് സംഭവിക്കുന്നു. അതിനാല്‍, എല്ലാ തലങ്ങളിലുമുള്ള ഏകോപനവും സമാഹരണവും സഹകരണവും നമ്മുടെ സ്വന്തം കാര്യക്ഷമതയ്ക്കും ഫലത്തിനും അതുപോലെ തന്നെ രാജ്യത്തെ സാധാരണ പൗരന് സുരക്ഷിതത്വം നല്‍കുന്നതിനും വളരെ പ്രധാനമാണ്. എല്ലാ തലങ്ങളിലും സഹകരണമുണ്ടെങ്കില്‍ എല്ലാ സംസ്ഥാനങ്ങള്‍ക്കും പ്രയോജനം ലഭിക്കും.
സുഹൃത്തുക്കളേ,
സൈബര്‍ കുറ്റകൃത്യങ്ങള്‍ അല്ലെങ്കില്‍ ആയുധങ്ങളും മയക്കുമരുന്നുകളും കടത്തുന്നതില്‍ ഡ്രോണ്‍ സാങ്കേതികവിദ്യയുടെ ഉപയോഗം എന്നിവയെ ചെറുക്കുന്നതിനുള്ള സാങ്കേതികവിദ്യയില്‍ നാം പ്രവര്‍ത്തിക്കേണ്ടതുണ്ട്. നോക്കൂ, ഇത് 5ജി യുഗമാണ്. ഇപ്പോള്‍ 5ജിയുടെ നേട്ടങ്ങള്‍ക്കൊപ്പം, ആ തലത്തിലുള്ള ബോധവല്‍ക്കരണവും ആവശ്യമാണ്. മുഖം തിരിച്ചറിയല്‍ സാങ്കേതികവിദ്യ, ഓട്ടോമാറ്റിക് നമ്പര്‍ പ്ലേറ്റ് തിരിച്ചറിയല്‍ സാങ്കേതികവിദ്യ, ഡ്രോണുകള്‍, സിസിടിവി മാനിഫോള്‍ഡുകള്‍ തുടങ്ങിയ സാങ്കേതികവിദ്യകളുടെ പ്രകടനം 5ജി മെച്ചപ്പെടുത്താന്‍ പോകുന്നു. നാം എത്ര വേഗത്തില്‍ മുന്നോട്ട് നീങ്ങുന്നുവോ, ആഗോളവല്‍ക്കരണം മൂലം ക്രിമിനല്‍ ലോകം ഒരുപോലെ പിടിക്കപ്പെടുന്നു. സാങ്കേതിക വിദ്യയിലും അവര്‍ ഒരുപോലെ പ്രാവീണ്യമുള്ളവരാണ്. അതിനര്‍ത്ഥം നമ്മള്‍ അവരെക്കാള്‍ പത്തടി മുന്നില്‍ ആസൂത്രണം ചെയ്യണം എന്നാണ്. നമ്മുടെ ക്രമസമാധാന സംവിധാനത്തെ സ്മാര്‍ട്ടാക്കാന്‍ നാം കൂടുതല്‍ അടിയന്തിരമായി പ്രവര്‍ത്തിക്കേണ്ടതുണ്ട്.
സുഹൃത്തുക്കളേ,
സാങ്കേതികവിദ്യയുടെ ഉപയോഗത്തില്‍ പണം ഒരു തടസ്സമാകാന്‍ അനുവദിക്കരുതെന്ന് ഞാന്‍ എല്ലാവരോടും അഭ്യര്‍ത്ഥിക്കുന്നു. അതിനാല്‍, എല്ലാ ബഹുമാനപ്പെട്ട മുഖ്യമന്ത്രിമാരോടും ആഭ്യന്തര മന്ത്രിമാരോടും ഈ വിഷയത്തില്‍ ഒരു ടീം ഉണ്ടാക്കാനും ക്രിമിനല്‍ ലോകം എങ്ങനെ സാങ്കേതിക വിദ്യാസമ്പന്നരാകുന്നുവെന്നും നമ്മുടെ പക്കലുള്ള സാങ്കേതികവിദ്യ എങ്ങനെ നമ്മുടെ ജനങ്ങള്‍ക്ക് സുരക്ഷിതത്വം നല്‍കുമെന്നും ഗൗരവമായി ആലോചിക്കണമെന്ന് ഞാന്‍ അഭ്യര്‍ത്ഥിക്കുന്നു. അനാവശ്യ ചെലവുകള്‍ ഒഴിവാക്കി ഇതു സംബന്ധിച്ച ബജറ്റ് കണ്ടെത്താനാകും. സാങ്കേതികവിദ്യയുടെ മികച്ച ഉപയോഗം മുഴുവന്‍ പൊലീസ് സജ്ജീകരണത്തെയും ശക്തിപ്പെടുത്തുക മാത്രമല്ല, സ്വന്തം സുരക്ഷയെക്കുറിച്ച് സാധാരണ പൗരന്മാര്‍ക്കിടയില്‍ വിശ്വാസമുണ്ടാക്കുകയും ചെയ്യുന്നു. കുറ്റകൃത്യങ്ങള്‍ തടയുന്നതിനും കുറ്റകൃത്യങ്ങള്‍ കണ്ടെത്തുന്നതിനും സാങ്കേതികവിദ്യ സഹായിക്കുന്നു. കുറ്റകൃത്യങ്ങളുടെ അന്വേഷണത്തിലും ഇത് ഏറെ പ്രയോജനകരമാണ്. കണ്ടോ, സിസിടിവി കാരണം കുറെ ക്രിമിനലുകള്‍ ഇന്ന് പിടിയിലാകുന്നു. സ്മാര്‍ട്ട് സിറ്റി പ്രചാരണ പരിപാടിക്കു കീഴില്‍ നഗരങ്ങളില്‍ സൃഷ്ടിച്ച ആധുനിക കമാന്‍ഡ് ആന്‍ഡ് കണ്‍ട്രോള്‍ സംവിധാനങ്ങളും വളരെയധികം സഹായിക്കുന്നു.
സുഹൃത്തുക്കളേ,
പുതിയ സാങ്കേതിക വിദ്യകളുടെ വികസനത്തിനായി കേന്ദ്ര ഗവണ്‍മെന്റ്
പൊലീസ് ടെക്നോളജി മിഷനും ആരംഭിച്ചിട്ടുണ്ട്. പല സംസ്ഥാനങ്ങളും ഇക്കാര്യത്തില്‍ തങ്ങളുടെ തലത്തില്‍ പ്രവര്‍ത്തിക്കുന്നുണ്ട്. എന്നാല്‍ വിവിധ തലങ്ങളില്‍ നടക്കുന്ന വിവിധ പരീക്ഷണങ്ങള്‍ മൂലം സാങ്കേതികവിദ്യ അനാവശ്യമാകുമെന്നും അതിനാല്‍ നമ്മുടെ ഊര്‍ജ്ജവും പാഴായിപ്പോകുമെന്നും അനുഭവം പറയുന്നു. പലപ്പോഴും അന്വേഷണ സാമഗ്രികള്‍ ബന്ധപ്പെട്ട സംസ്ഥാനത്തില്‍ തന്നെ തുടരും, അവ പങ്കിടില്ല. അത്തരം വിവരങ്ങള്‍ പങ്കുവയ്ക്കുന്നതിനുള്ള ഒരു പൊതു വേദി നാം ചിന്തിക്കേണ്ടതുണ്ട്. ഉദാഹരണത്തിന്, ഒരാള്‍ വളരെ നല്ല എന്തെങ്കിലുമൊന്നില്‍ (സാങ്കേതികവിദ്യ) അഭിമാനിക്കുകയും അത് ആരുമായും പങ്കിടേണ്ടതില്ലെന്ന് തീരുമാനിക്കുകയും ചെയ്യുന്നു. അയാള്‍ക്ക് ഏറ്റവും മികച്ച സാങ്കേതിക വിദ്യയുണ്ടാകാമെങ്കിലും അദ്ദേഹത്തിന്റെ ഒറ്റപ്പെട്ട സമീപനം കാരണം അത് പ്രയോജനപ്പെടാത്ത ഒരു സമയം വരാം. അതിനാല്‍, സാങ്കേതികവിദ്യ ഇന്ത്യയെ അടിസ്ഥാനമാക്കിയുള്ളതായിരിക്കണം. നമ്മുടെ എല്ലാ മികച്ച പ്രവര്‍ത്തനങ്ങളും മികച്ച കണ്ടുപിടുത്തങ്ങളും പൊതുവായ ഉപയോഗത്തിനുള്ളതായിരിക്കണം.
സുഹൃത്തുക്കളേ,
ഇന്ന് ഫോറന്‍സിക് സയന്‍സിന്റെ പ്രാധാന്യം വളരുകയാണ്, അത് പോലീസ് വകുപ്പില്‍ മാത്രം ഒതുങ്ങുന്നില്ല. അഭിഭാഷകമേഖല, ജുഡീഷ്യറി, ആശുപത്രികള്‍ എന്നിവയും ഫോറന്‍സിക് സയന്‍സിനെക്കുറിച്ചുള്ള അറിവ് വികസിപ്പിക്കേണ്ടതുണ്ട്. കുറ്റകൃത്യങ്ങള്‍ മുന്നില്‍ കൊണ്ടുവരുന്നതിനും കൂട്ടായ പരിശ്രമത്തിലൂടെ കുറ്റവാളികള്‍ക്ക് ശിക്ഷ ഉറപ്പാക്കുന്നതിനും ഫോറന്‍സിക് സയന്‍സിന്റെ ഉപയോഗം വളരെ പ്രയോജനകരമാണ്. ഫോറന്‍സിക് സയന്‍സ് പൊലീസ് വകുപ്പിന്റെ അധീനതയില്‍ മാത്രം തുടര്‍ന്നാല്‍ പോരാ. ഗാന്ധിനഗറില്‍ സ്ഥിതി ചെയ്യുന്ന നാഷണല്‍ ഫോറന്‍സിക് സയന്‍സ് യൂണിവേഴ്‌സിറ്റി രാജ്യത്തെ എല്ലാ സംസ്ഥാനങ്ങള്‍ക്കും സഹായകമാണ്. കൂടാതെ, ലോകത്തിലെ 60-70 രാജ്യങ്ങളും ഈ ഫോറന്‍സിക് സയന്‍സ് യൂണിവേഴ്‌സിറ്റി പ്രയോജനപ്പെടുത്തുന്നു. നമ്മുടെ എല്ലാ സംസ്ഥാനങ്ങളും ഈ സര്‍വകലാശാല പരമാവധി പ്രയോജനപ്പെടുത്തണം. ഇത് തികച്ചും ഫ്യൂച്ചറിസ്റ്റിക് ടെക്നോളജി പ്രവര്‍ത്തിക്കുന്ന സംവിധാനമാണ്. മനുഷ്യ വിഭവശേഷി വികസനവും പുതിയ സാങ്കേതിക ഉപകരണങ്ങള്‍ സൃഷ്ടിക്കുന്നതും ഇതില്‍ ഉള്‍പ്പെടുന്നു. വളരെ ബുദ്ധിമുട്ടുള്ള കേസുകള്‍ പരിഹരിക്കുന്നതിനും ഇതിന്റെ ലാബ് ഉപയോഗപ്രദമാകുന്നുണ്ട്. എല്ലാ സംസ്ഥാനങ്ങളും ഈ സംവിധാനം സജീവമായി ഉപയോഗിക്കണമെന്ന് ഞാന്‍ കരുതുന്നു.
സുഹൃത്തുക്കളേ,
ക്രമസമാധാനപാലനം 24x7 ജോലിയാണ്. എന്നാല്‍ പ്രക്രിയകള്‍ തുടര്‍ച്ചയായി മെച്ചപ്പെടുത്തുകയും അവയെ ആധുനികമായി നിലനിര്‍ത്തുകയും ചെയ്യേണ്ടത് ആവശ്യമാണ്. കഴിഞ്ഞ കുറച്ച് വര്‍ഷങ്ങളായി ഇന്ത്യാ ഗവണ്‍മെന്റ് നടത്തിയ ക്രമസമാധാന പരിഷ്‌കാരങ്ങള്‍ രാജ്യത്തുടനീളം സമാധാന അന്തരീക്ഷം സൃഷ്ടിക്കാന്‍ സഹായിച്ചു. ഇന്ത്യയുടെ വൈവിധ്യവും വിശാലതയും കാരണം നമ്മുടെ നിയമപാലക സംവിധാനത്തിന്മേല്‍ കടുത്ത സമ്മര്‍ദ്ദമുണ്ടെന്ന് നിങ്ങള്‍ക്കറിയാമല്ലോ. അതിനാല്‍, നമ്മുടെ സംവിധാനങ്ങള്‍ ഊര്‍ജ്ജത്തെ ശരിയായ ദിശയില്‍ എത്തിക്കേണ്ടത് വളരെ പ്രധാനമാണ്. അല്ലാത്തപക്ഷം, അനാവശ്യമായ പല കേസുകളിലും ചെറിയ പിഴവുകള്‍ അന്വേഷിക്കുന്നതില്‍ പോലീസ് വകുപ്പിന്റെ ഊര്‍ജം പാഴാക്കുന്നത് നാം കണ്ടു. അതിനാല്‍, വ്യാപാരവും ബിസിനസ്സുമായി ബന്ധപ്പെട്ട നിരവധി വ്യവസ്ഥകള്‍ ഞങ്ങള്‍ ഇപ്പോള്‍ ക്രിമിനല്‍ കുറ്റമാക്കുകയും അവ കുറ്റകൃത്യങ്ങളുടെ വിഭാഗത്തില്‍ നിന്ന് പുറത്തെടുക്കുകയും ചെയ്തു. 1,500-ലധികം പുരാതന നിയമങ്ങള്‍ നിര്‍ത്തലാക്കുന്നതിലൂടെ വലിയ ഭാരം കുറച്ചു. നിയമങ്ങള്‍ അവരുടെ തലത്തില്‍ വിലയിരുത്താന്‍ ഞാന്‍ സംസ്ഥാനങ്ങളോട് അഭ്യര്‍ത്ഥിക്കുന്നു. നിലവിലെ ആവശ്യകതകള്‍ കണക്കിലെടുത്ത് സ്വാതന്ത്ര്യത്തിന് മുമ്പ് നിലനിന്നിരുന്ന എല്ലാ നിയമങ്ങളും മാറ്റിസ്ഥാപിക്കുക, നിയമങ്ങള്‍ നിരപരാധികളായ പൗരന്മാരെ ബുദ്ധിമുട്ടിക്കുന്നതില്‍ ഇതു വഴിത്തിരിവാകും.
സുഹൃത്തുക്കളേ,
,
സ്വമിത്വ യോജനയ്ക്ക് കീഴില്‍ രാജ്യത്തെ ഗ്രാമങ്ങളില്‍ ഡ്രോണ്‍ സാങ്കേതികവിദ്യ ഉപയോഗിച്ച് പ്രോപ്പര്‍ട്ടി കാര്‍ഡുകള്‍ വിതരണം ചെയ്യാനുള്ള ഗവണ്‍മെന്റ് സംരംഭവും ഭൂമി സംബന്ധമായ തര്‍ക്കങ്ങള്‍ കുറയ്ക്കാന്‍ സഹായിക്കും. അല്ലാത്തപക്ഷം, ഒരാള്‍ തന്റെ അയല്‍ക്കാരനില്‍ നിന്ന് ഒരടി ഭൂമി പോലും ബലപ്രയോഗത്തിലൂടെ കൈക്കലാക്കിയതിന് ശേഷം ഗ്രാമങ്ങളില്‍ അക്രമാസക്തമായ ഏറ്റുമുട്ടലുകള്‍ ഉണ്ടാകാറുണ്ടായിരുന്നു.
സുഹൃത്തുക്കളേ,
പ്രത്യക്ഷമായും പരോക്ഷമായും ഇത്തരം നിരവധി ശ്രമങ്ങള്‍ നിയമ നിര്‍വ്വഹണ ഏജന്‍സികളെ അവരുടെ മുന്‍ഗണനകള്‍ നിശ്ചയിക്കുന്നതില്‍ സഹായിച്ചിട്ടുണ്ട്. എന്നാല്‍ നമ്മുടെ തന്ത്രം മാറ്റുകയും 20-30-50 വര്‍ഷം പഴക്കമുള്ള രീതികള്‍ പിന്തുടരുകയും ചെയ്തില്ലെങ്കില്‍ ഈ ശ്രമങ്ങള്‍ ഫലം നല്‍കില്ല. കഴിഞ്ഞ കുറച്ച് വര്‍ഷങ്ങളായി കേന്ദ്ര ഗവണ്‍മെന്റ് ഉണ്ടാക്കിയ നിയമങ്ങളും ക്രമസമാധാനത്തെ ശക്തിപ്പെടുത്തിയിട്ടുണ്ട്. തീവ്രവാദത്തിനും ഹവാല ശൃംഖലയ്ക്കും അഴിമതിക്കും എതിരെ അഭൂതപൂര്‍വമായ കാര്‍ക്കശ്യമാണ് ഇന്ന് രാജ്യത്ത് നിലനില്‍ക്കുന്നത്. ജനങ്ങള്‍ക്കിടയില്‍ വിശ്വാസം വളരുകയാണ്. യുഎപിഎ പോലുള്ള നിയമങ്ങള്‍ തീവ്രവാദത്തിനെതിരായ നിര്‍ണായക പോരാട്ടത്തില്‍ സംവിധാനങ്ങള്‍ക്ക് കരുത്ത് പകര്‍ന്നു. ചുരുക്കത്തില്‍, ഒരു വശത്ത്, ഞങ്ങള്‍ രാജ്യത്തിന്റെ നിയമപാലന സംവിധാനത്തെ ശക്തിപ്പെടുത്തുന്നു, മറുവശത്ത്, ഞങ്ങള്‍ അവരുടെ മേലുള്ള അനാവശ്യ ഭാരങ്ങള്‍ നീക്കം ചെയ്യുന്നു.
സുഹൃത്തുക്കളേ,
നമ്മുടെ രാജ്യത്തെ പോലീസിന് മറ്റൊരു പ്രധാന വിഷയം കൂടിയുണ്ട്. ഇന്ന് ഒരു രാഷ്ട്രം, ഒരു റേഷന്‍ കാര്‍ഡ്, ഒരു രാജ്യം-ഒരു മൊബിലിറ്റി കാര്‍ഡ്, ഒരു രാജ്യം-ഒരു ഗ്രിഡ്, ഒരു രാജ്യം-ഒരു ആംഗ്യഭാഷ തുടങ്ങിയ സംവിധാനങ്ങളുണ്ട്, പോലീസിന്റെ യൂണിഫോമിന്റെ കാര്യത്തില്‍ അത്തരമൊരു സമീപനം വികസിപ്പിക്കാന്‍ കഴിയുമോ? നമ്മുടെ സംസ്ഥാനങ്ങള്‍ക്ക് ഒരുമിച്ചിരുന്ന് അത് ചര്‍ച്ച ചെയ്യാന്‍ കഴിയുമോ? ഒരുപാട് നേട്ടങ്ങള്‍ ഉണ്ടാകുമായിരുന്നു. ഒന്ന്, ഗുണമേന്മയുള്ളഉല്‍പ്പന്നങ്ങള്‍ ഉണ്ടായിരിക്കും, അത് ബഹുജനത്തിന്റ അളവുകോലായിരിക്കും. കോടിക്കണക്കിന് തൊപ്പികള്‍ വേണ്ടിവരും. കോടിക്കണക്കിന് ബെല്‍റ്റുകള്‍ വേണ്ടിവരും. ഒരു പൊലീസുകാരനെ എവിയെപ്പോായാലും തിരിച്ചറിയാന്‍ രാജ്യത്തെ ഏതൊരു പൗരനും എളുപ്പമായിരിക്കും. ഉദാഹരണത്തിന്, ഒരു പോസ്റ്റ് ഓഫീസ് ബോക്‌സ് ഉണ്ട്. ആ പെട്ടിയില്‍ ഒരു കത്ത് പതിച്ചാല്‍ അത് ലക്ഷ്യസ്ഥാനത്ത് എത്തുമെന്ന് ഇന്ത്യയിലെ സാക്ഷരരും നിരക്ഷരരുമായ ആളുകള്‍ക്ക് അറിയാം. അതിന് അതിന്റേതായ സ്വത്വമുണ്ട്. പൊലീസ് യൂണിഫോമിന്റെ കാര്യത്തില്‍ നാം ഗൗരവമായി ചിന്തിക്കേണ്ടത് അത്യാവശ്യമാണ്. അത് അടിച്ചേല്‍പ്പിക്കേണ്ട ആവശ്യമില്ല, പക്ഷേ അത് വികസിപ്പിക്കാന്‍ കഴിയും. അത് വളരെ പ്രയോജനകരമാകുമെന്നും പരസ്പരം ശക്തി കൂട്ടുമെന്നും ഞാന്‍ കരുതുന്നു. വണ്‍ നേഷന്‍-വണ്‍ പൊലീസ് യൂണിഫോമില്‍ ബന്ധപ്പെട്ട സംസ്ഥാനത്തിന്റെ വ്യത്യസ്ത ടാഗുകളും നമ്പറുകളും ഉണ്ടാകാം, എന്നാല്‍ ഒരു പൊതു വ്യ്ക്തിത്വം ഉണ്ടായിരിക്കണം. ഇത് എന്റെ ആശയം മാത്രമാണ്, നിങ്ങള്‍ അതിനെക്കുറിച്ച് ചിന്തിക്കണം. ശരിയെന്നു തോന്നിയാല്‍ 5-50-100 വര്‍ഷത്തിനു ശേഷം പരിഗണിക്കാം. അതുപോലെ, വൈദഗ്ധ്യത്തിനായി വിവിധ തരത്തിലുള്ള പൊലീസിന്റെ പുതിയ വകുപ്പുകള്‍ ആരംഭിച്ചിരിക്കുകയാണല്ലോ.
ഇപ്പോള്‍, ടൂറിസം ലോകത്തിലെ ഒരു വലിയ വിപണിയായി മാറിയിരിക്കുന്നു. ഇന്ത്യയില്‍ നിരവധി ടൂറിസം സാധ്യതകള്‍ വര്‍ധിച്ചുവരികയാണ്. ലോകമെമ്പാടുമുള്ള സഞ്ചാരികളുടെ ഇന്ത്യയിലേക്കുള്ള ഒഴുക്ക് വര്‍ധിക്കും. വിനോദസഞ്ചാര മേഖലയില്‍ ഏറെ മുന്നിലുള്ള നിരവധി രാജ്യങ്ങളുണ്ട്. ആ രാജ്യങ്ങളില്‍ ടൂറിസത്തിന് പ്രത്യേക പൊലീസ് സേനയുണ്ട്. ആ ശക്തിയുടെ തികച്ചും വ്യത്യസ്തമായ ഒരു പരിശീലനമുണ്ട്. വിവിധ ഭാഷകളും അവരെ പഠിപ്പിക്കുന്നു. അവരുടെ പെരുമാറ്റവും വളരെ വ്യത്യസ്തമാണ്. ആ രാജ്യങ്ങള്‍ സന്ദര്‍ശിക്കുന്ന വിദേശ വിനോദസഞ്ചാരികള്‍ക്കും അറിയാം ഈ പൊലീസ് സേന തങ്ങളുടെ സഹായത്തിനാണെന്ന്. താമസിയാതെ, നമ്മുടെ രാജ്യത്ത് ഈ ശക്തി വികസിപ്പിക്കേണ്ടതുണ്ട്. വ്യത്യസ്ത രാജ്യങ്ങളില്‍ നിന്ന് ഇന്ത്യ സന്ദര്‍ശിക്കുന്ന ഒരു ടൂറിസ്റ്റും വിദേശ നിക്ഷേപകനും തമ്മില്‍ വലിയ വ്യത്യാസമുണ്ട്. ഒരു വിദേശ ടൂറിസ്റ്റിന് ഉടന്‍ തന്നെ നിങ്ങളുടെ രാജ്യത്തിന്റെ അംബാസഡര്‍ ആകാന്‍ കഴിയും. നാടിന്റെ നല്ലതും ചീത്തയുമായ മതിപ്പ് അദ്ദേഹം വീട്ടിലേക്ക് കൊണ്ടുപോകും. ഒരു നിക്ഷേപകന് നല്ലതോ ചീത്തയോ എന്തും തിരിച്ചറിയാന്‍ വളരെ സമയമെടുക്കും. എന്നാല്‍ ഒരു വിനോദസഞ്ചാരി ഇവിടെ സ്ഥിതി ഇതാണെന്ന വാര്‍ത്ത പരത്താന്‍ കഷ്ടിച്ച് രണ്ട് ദിവസം എടുക്കും. ഇന്ത്യയിലും, ഇടത്തരക്കാരുടെ വളര്‍ച്ചയ്ക്കൊപ്പം ടൂറിസം മാറ്റങ്ങള്‍ക്ക് സാക്ഷ്യം വഹിക്കുന്നു. ഗതാഗതത്തിന്റെ രൂപത്തില്‍ ടൂറിസം വെല്ലുവിളികള്‍ നേരിടുന്നു. മുന്‍കൂട്ടി ആസൂത്രണം ചെയ്തില്ലെങ്കില്‍, ടൂറിസ്റ്റ് കേന്ദ്രങ്ങള്‍ സ്വയം മാറാന്‍ പോകുന്നില്ല. ഷിംല സന്ദര്‍ശിക്കരുതെന്നും മറ്റേതെങ്കിലും വിനോദസഞ്ചാര കേന്ദ്രം സന്ദര്‍ശിക്കരുതെന്നും ഞങ്ങള്‍ ആരോടെങ്കിലും നിര്‍ദ്ദേശിച്ചാല്‍, അവന്‍ അത് ചെയ്യുമോ? ഷിംല സന്ദര്‍ശിക്കാന്‍ ആഗ്രഹിക്കുന്നവര്‍ ഷിംലയിലേക്ക് പോകും.
നൈനിറ്റാള്‍, ശ്രീനഗര്‍, ഗുല്‍മാര്‍ഗ് തുടങ്ങിയവ സന്ദര്‍ശിക്കാന്‍ ആഗ്രഹിക്കുന്നവരുടെ കാര്യവും ഇതുതന്നെയാണ്. നമ്മള്‍ സംവിധാനങ്ങള്‍ വികസിപ്പിക്കേണ്ടതുണ്ട്.
സുഹൃത്തുക്കളേ,
കൊറോണ കാലത്ത്, പൊലീസ് ഉദ്യോഗസ്ഥര്‍ അവരുടെ പ്രദേശത്തെ ജനങ്ങളുടെ ക്ഷേമത്തെക്കുറിച്ച് ഫോണിലൂടെ ചോദിച്ചറിഞ്ഞത് നമ്മള്‍ കണ്ടതാണ്. പ്രധാനമായി, പല നഗരങ്ങളിലെയും പല മുതിര്‍ന്ന പോലീസ് ഉദ്യോഗസ്ഥരും മുതിര്‍ന്ന പൗരന്മാരെ മനസ്സോടെ പരിപാലിക്കുന്നതിനുള്ള ഈ ഉത്തരവാദിത്തം ഏറ്റെടുത്തു. മുതിര്‍ന്ന പൗരന്മാരുമായി പോലീസ് ഉദ്യോഗസ്ഥര്‍ നിരന്തരം സമ്പര്‍ക്കം പുലര്‍ത്തുമ്പോള്‍ അവരുടെ ക്ഷേമത്തെക്കുറിച്ചോ അവര്‍ വീടുകള്‍ പൂട്ടി പുറത്തിറങ്ങാന്‍ ഉദ്ദേശിക്കുന്നുണ്ടോ എന്നതിനെക്കുറിച്ചോ ചോദിക്കുമ്പോള്‍ പൗരന്മാരുടെ ആത്മവിശ്വാസം വര്‍ദ്ധിക്കുന്നു. അത്തരം ഇടപെടലുകള്‍ നിങ്ങള്‍ക്ക് ഒരു വലിയ ശക്തിയായി മാറുന്നു. പ്രൊഫഷണലായ രീതിയില്‍ ഇത്തരം ഇടപെടലുകള്‍ നമ്മള്‍ എത്രയധികം ഉപയോഗിക്കുന്നുവോ അത്രയും ഗുണം ചെയ്യും. ഒരു പോലീസ് സ്റ്റേഷനില്‍ നിന്ന് ആഴ്ചയിലൊരിക്കല്‍ ഒരു മുതിര്‍ന്ന പൗരന് ഗൗരവമുള്ളതും ആനിമേറ്റുചെയ്തതുമായ ഫോണ്‍ കോള്‍ ചെയ്താല്‍, അയാള്‍ ആ മാസം മുഴുവന്‍ പോലീസിന്റെ നല്ല പ്രവര്‍ത്തനങ്ങള്‍ പ്രചരിപ്പിക്കും. നിങ്ങള്‍ക്ക് മാത്രമേ ആളുകള്‍ക്കിടയില്‍ അത്തരമൊരു ധാരണ സൃഷ്ടിക്കാന്‍ കഴിയൂ. നാം അതീവ ജാഗ്രത പുലര്‍ത്തേണ്ട മറ്റൊരു വിഷയമുണ്ട്. അതാണ് സാങ്കേതിക ബുദ്ധിയുടെ ഉപയോഗം. അതിന് അതിന്റേതായ ഗുണങ്ങളുണ്ട്. എന്നാല്‍ അതേ സമയം, നമുക്ക് മനുഷ്യ ബുദ്ധിയില്‍ നിന്ന് പിന്തിരിയാന്‍ കഴിയില്ല. ഇത് 100 വര്‍ഷമായി പ്രയോഗത്തില്‍ വരുന്ന കാര്യമാണ്, സാങ്കേതികവിദ്യയില്‍ നിരവധി പുരോഗതികള്‍ ഉണ്ടായിട്ടും അടുത്ത 100 വര്‍ഷങ്ങളിലും ഇത് പോലീസുകാര്‍ക്ക് ഉപയോഗപ്രദമാകും. നിങ്ങള്‍ക്ക് കഴിയുന്നിടത്തോളം മനുഷ്യ ബുദ്ധിയെ ശക്തിപ്പെടുത്തുക. അതിന് വലിയ സാധ്യതകളുണ്ട്. ഒരു കുറ്റവാളിയുടെ കണ്ണുകളില്‍ നോക്കി അവനോട് സംസാരിച്ച് സത്യത്തിന്റെ ചുരുളഴിക്കാന്‍ കഴിയുന്ന ഒരു പോലീസുകാരന്റെ വലിയ ശക്തിയാണിത്. മനുഷ്യന്റെ ബുദ്ധിയുടെയും സാങ്കേതിക ബുദ്ധിയുടെയും സംയോജനം നിങ്ങള്‍ക്ക് ജീവിതം എളുപ്പമാക്കും. ആളുകളുടെ ചില അനാവശ്യ നീക്കങ്ങള്‍ നിങ്ങള്‍ സംശയിക്കുന്നുവെങ്കില്‍, നിങ്ങള്‍ ഉടന്‍ തന്നെ അറിയും. ഈ രണ്ട് സംവിധാനങ്ങളുടെയും ഉപയോഗം ഒരു മികച്ച മാറ്റം കൊണ്ടുവരുമെന്ന് ഞാന്‍ കരുതുന്നു, ഒരു കുറ്റകൃത്യം ചെയ്യുന്നതിന് മുമ്പ് 50 തവണ ചിന്തിക്കാന്‍ ഇത് ഒരു കുറ്റവാളിയെ പ്രേരിപ്പിക്കും.
സുഹൃത്തുക്കളേ,
മറ്റൊരു യാഥാര്‍ത്ഥ്യത്തെക്കുറിച്ച് നാം ബോധവാന്മാരായിരിക്കണം. ആഗോള തലത്തില്‍ ഇന്ത്യ ദ്രുതഗതിയിലുള്ള സാമ്പത്തിക പുരോഗതി കൈവരിക്കുന്ന രീതി. നാം പുതിയ വെല്ലുവിളികള്‍ നേരിടാന്‍ ബാധ്യസ്ഥരാണ്. തുടക്കത്തില്‍, നിങ്ങള്‍ വിമര്‍ശിക്കപ്പെടും, നിങ്ങളെ കളിയാക്കാനുള്ള ശ്രമങ്ങള്‍ ഉണ്ടാകും, എന്നാല്‍ നിങ്ങള്‍ മുന്നോട്ട് പോകണം. നിങ്ങള്‍ നന്നായി ചെയ്താല്‍ മത്സരം പലപ്പോഴും ശത്രുതയിലേക്ക് നയിക്കുന്നു. തങ്ങളേക്കാള്‍ ഇന്ത്യ വിജയിക്കണമെന്ന് ആഗ്രഹിക്കാത്ത നിരവധി ശക്തികള്‍ ലോകത്ത് ഉണ്ടായിരിക്കും. തങ്ങള്‍ക്ക് വൈദഗ്ധ്യമുള്ള മേഖലയില്‍ ഇന്ത്യ കടന്നുകയറുന്നത് അവര്‍ ഇഷ്ടപ്പെടുന്നില്ല. ഒരു ഉല്‍പ്പന്നത്തിന്റെ മേല്‍ അവര്‍ക്ക് കുത്തകയുണ്ടെങ്കില്‍, അതിന്റെ ഉല്‍പാദനത്തിലേക്ക് ഇന്ത്യ അവലംബിച്ചാല്‍ ഇന്ത്യ തങ്ങളുടെ വിപണി പിടിച്ചെടുക്കുമെന്ന് അവര്‍ ഭയപ്പെടുന്നു. ഇന്ത്യയ്ക്ക് ഒരു വലിയ വിപണിയുണ്ട്, ഇന്ത്യ ഉല്‍പ്പന്നം ഉത്പാദിപ്പിക്കാന്‍ തുടങ്ങിയാല്‍ അവര്‍ തങ്ങളുടെ ഉല്‍പ്പന്നം എവിടെ വില്‍ക്കും. അതിനാല്‍, നാം പല രൂപത്തിലുള്ള വെല്ലുവിളികള്‍ക്കെതിരെ പോരാടുന്നു, അത്തരം വെല്ലുവിളികള്‍ പലപ്പോഴും ശത്രുതയുള്ളതായി മാറുന്നു. അതുകൊണ്ട് തന്നെ ഇത്തരം വെല്ലുവിളികളെ കുറിച്ച് നാം ബോധവാന്മാരായിരിക്കണം. അതേസമയം, മറ്റുള്ളവരെ കുറിച്ച് മോശമായി ചിന്തിക്കേണ്ടതില്ല. അത് മനുഷ്യപ്രകൃതിയാണ്. ഉദാഹരണത്തിന്, നിങ്ങളുടെ ഡിപ്പാര്‍ട്ട്മെന്റിലെ രണ്ട് ഓഫീസര്‍മാരില്‍ ഒരാള്‍ക്ക് സ്ഥാനക്കയറ്റം ലഭിക്കുകയാണെങ്കില്‍ അസ്വസ്ഥത അനുഭവപ്പെടും. തല്‍ഫലമായി, സ്ഥാനക്കയറ്റത്തിന് 10 വര്‍ഷം മുമ്പ് രണ്ട് ഉദ്യോഗസ്ഥര്‍ തമ്മിലുള്ള ഒളിഞ്ഞിരിക്കാത്ത മത്സരം ആരംഭിക്കും. ഇത് എല്ലായിടത്തും സംഭവിക്കുന്നു, സഹോദരന്മാരേ. അതുകൊണ്ട്, നമ്മുടെ സാധ്യതകളെ സംരക്ഷിച്ചുകൊണ്ട് നമ്മുടെ സമീപനത്തില്‍ ദീര്‍ഘവീക്ഷണമുള്ളവരായിരിക്കണമെന്ന് ഞാന്‍ ആവര്‍ത്തിക്കുന്നു. നേരത്തെയും ഇപ്പോഴുമുള്ള ക്രമസമാധാന നിലയിലുണ്ടായ വെല്ലുവിളികള്‍ക്ക് വലിയ വ്യത്യാസമാണ് ഉണ്ടാകാന്‍ പോകുന്നത്. പഴയ വെല്ലുവിളികളെ നേരിടുക മാത്രമല്ല, പുതിയ വെല്ലുവിളികള്‍ നേരിടാന്‍ നാം സ്വയം തയ്യാറാകുകയും വേണം. രാജ്യത്തിനെതിരായ ഇത്തരം വിദ്വേഷ ശക്തികളുടെ ആവിര്‍ഭാവത്തിനെതിരെ കര്‍ശന നടപടി സ്വീകരിക്കുകയും നിയമം അനുസരിക്കുന്ന ജനങ്ങളുടെ സുരക്ഷയും അവകാശങ്ങളും ഉറപ്പാക്കുകയും ചെയ്യേണ്ടത് നമ്മുടെ ഉത്തരവാദിത്തമാണ്. ഒരു ഔദാര്യവും വെച്ചുപൊറുപ്പിക്കാനാവില്ല, അല്ലാത്തപക്ഷം, നമ്മുടെ നിയമം അനുസരിക്കുന്ന പൗരന്മാര്‍ എവിടെ പോകും? അവര്‍ രാജ്യത്തെ 99% പൗരന്മാരാണ്, പ്രശ്‌നം ഒരു ശതമാനത്തിന്റേതാണ്. 99 ശതമാനം ജനങ്ങള്‍ക്കിടയില്‍ വിശ്വാസം സൃഷ്ടിക്കാന്‍ ഒരു ശതമാനം ആളുകളോട് മൃദുസമീപനം കാണിക്കേണ്ട ആവശ്യമില്ല.
സുഹൃത്തുക്കളേ,
സമൂഹമാധ്യമങ്ങളുടെ ശക്തിയെ നമ്മള്‍ കുറച്ചുകാണരുത്. ചെറിയ വ്യാജവാര്‍ത്തകള്‍ പോലും രാജ്യത്തുടനീളം കോളിളക്കം സൃഷ്ടിക്കും. സംവരണത്തിനെതിരെ പ്രചരിക്കുന്ന കിംവദന്തികള്‍ മൂലം രാജ്യത്തിനുണ്ടായ നാശനഷ്ടങ്ങള്‍ നമുക്കറിയാം. ഇത് വ്യാജ വാര്‍ത്തയാണെന്ന് മനസ്സിലാക്കിയ ആളുകള്‍ 6-8 മണിക്കൂറിന് ശേഷം ശാന്തരായപ്പോള്‍, അതിനകം തന്നെ വളരെയധികം നാശനഷ്ടങ്ങള്‍ സംഭവിച്ചിരുന്നു. അതിനാല്‍, വിവിധ സമൂഹമാധ്യമ പ്ലാറ്റ്ഫോമുകളില്‍ ലഭിക്കുന്ന ഏതൊരു കാര്യവും പങ്കുവയ്ക്കുന്നതിന് മുമ്പ് പത്ത് തവണ ചിന്തിക്കണമെന്ന് നാം ആളുകളെ ബോധവത്കരിക്കേണ്ടതുണ്ട്. ഒരാള്‍ക്ക് കൈമാറിക്കിട്ടിയ വാര്‍ത്തകളുടെ സത്യാവസ്ഥ പരിശോധിക്കണം, കൂടാതെ എല്ലാ പ്ലാറ്റ്ഫോമുകളിലും സ്ഥിരീകരണ സംവിധാനം ലഭ്യമാണ്. ഒന്ന്-രണ്ട്-പത്ത് പ്ലാറ്റ്ഫോമുകള്‍ സന്ദര്‍ശിച്ചാല്‍, നിങ്ങള്‍ക്ക് യഥാര്‍ത്ഥ വാര്‍ത്തകള്‍ ലഭിക്കും. വ്യാജവാര്‍ത്തകള്‍ക്കെതിരെ ജനങ്ങളെ ബോധവത്കരിക്കണം. കപട ലോകം നയിക്കുന്ന സമൂഹത്തിനെതിരെ ഒരു വലിയ ശക്തിയെ സൃഷ്ടിക്കേണ്ടതുണ്ട്. ഇക്കാര്യത്തില്‍ സാങ്കേതിക ശക്തി സൃഷ്ടിക്കേണ്ടതുണ്ട്.
സുഹൃത്തുക്കളേ,
അമിത് ഭായ് ജനകീയ പ്രതിരോധത്തിന്റെ പ്രാധാന്യത്തെക്കുറിച്ച് മാത്രമാണ് പറഞ്ഞത്. നമ്മുടെ ശ്രദ്ധ തിരിച്ചുവിട്ട നിരവധി വിഷയങ്ങളുണ്ട്. ശരിയായ വിഷയം അമിത് ഭായ് ശ്രദ്ധിച്ചു. സിവില്‍ ഡിഫന്‍സ് നിരവധി പതിറ്റാണ്ടുകളായി പ്രയോഗത്തിലുണ്ട്, ഇതിന് വളരെയധികം പ്രയോജനമുണ്ട്. ഞങ്ങളുടെ സ്‌കൂളുകളിലും കോളേജുകളിലും സിവില്‍ ഡിഫന്‍സിനെക്കുറിച്ച് ഞങ്ങളെ പഠിപ്പിച്ചു. തീ അണയ്ക്കാനുള്ള ക്രമീകരണങ്ങള്‍ ഞങ്ങള്‍ നേരത്തെ ചെയ്തിരുന്നു. അത് നമ്മുടെ പ്രകൃതിയുടെ ഭാഗമാകണം. ഓരോ മുനിസിപ്പാലിറ്റിയിലെയും ഒരു സ്‌കൂളില്‍ അഗ്‌നിശമന സേനയിലെയും പൊലീസിലെയും ഉദ്യോഗസ്ഥര്‍ എല്ലാ ആഴ്ചയും അഗ്‌നിശമന പരിശീലനങ്ങള്‍ സംഘടിപ്പിക്കണമെന്ന് ഞാന്‍ പലപ്പോഴും പറഞ്ഞിട്ടുണ്ട്. വിദ്യാര്‍ത്ഥികള്‍ക്ക് വിദ്യാഭ്യാസം മാത്രമല്ല, അഗ്‌നിശമനസേനാ ഉദ്യോഗസ്ഥര്‍ക്കും ഇത്തരം അഭ്യാസങ്ങള്‍ ലഭിക്കും. എല്ലാ സ്‌കൂളുകളിലും ആഴ്ചതോറും നടത്തണം. ഒരു നഗരത്തിലെ ഒരു സ്‌കൂളിന്റെ അത്തരം അഭ്യാസങ്ങള്‍ക്ക് 10 വര്‍ഷത്തിന് ശേഷമാണ് അടുത്ത അവസരം വരുന്നത്. എന്നാല്‍ ഓരോ തലമുറയും സിവില്‍ ഡിഫന്‍സിന്റെയും അഗ്‌നിശമന നൈപുണ്യത്തിന്റെയും പ്രയോജനത്തെക്കുറിച്ച് അറിയും. അത് നിങ്ങള്‍ക്ക് വലിയ ഉത്തേജനം കൂടിയാകും. എളുപ്പം ചെയ്യാവുന്ന കാര്യമാണ്.
സുഹൃത്തുക്കളേ,
കഴിഞ്ഞ ഏതാനും വര്‍ഷങ്ങളായി, എല്ലാ ഗവണ്‍മെന്റുകളും ഭീകരതയുടെ ഭൂഗര്‍ഭ ശൃംഖലയെ അതിന്റെ ഗൗരവം കണക്കിലെടുത്ത് വളരെ ഉത്തരവാദിത്തത്തോടെ നശിപ്പിക്കാന്‍ എന്തെങ്കിലും അല്ലെങ്കില്‍ മറ്റെന്തെങ്കിലും ചെയ്യാന്‍ ശ്രമിച്ചു. എവിടെയോ വിജയം നേരത്തെ നേടിയതാകാം, എവിടെയെങ്കിലും വൈകിപ്പോയിരിക്കാം, എന്നാല്‍ ഇന്ന് എല്ലാവര്‍ക്കും അതിന്റെ ഗൗരവം വിശദീകരിക്കേണ്ടിവരില്ല. ഇനി ശക്തി കൂട്ടിയാണ് കൈകാര്യം ചെയ്യേണ്ടത്. അതുപോലെ, നക്‌സലിസത്തിന്റെ എല്ലാ രൂപങ്ങളും നമുക്ക് പരാജയപ്പെടുത്തേണ്ടതുണ്ട്. തോക്ക് ചൂണ്ടുന്നവരും പേന പിടിക്കുന്നവരും നക്‌സലുകളാണ്. ഈ പ്രശ്‌നത്തിന് പരിഹാരം കാണേണ്ടതുണ്ട്. നമ്മുടെ യുവതലമുറയെ ആശയക്കുഴപ്പത്തിലാക്കാന്‍ ആളുകള്‍ ഇത്തരം അപക്വമായ വിഷയങ്ങളില്‍ അവലംബിക്കുന്നു, രാജ്യം വളരെയധികം കഷ്ടപ്പെടേണ്ടിവരും. അടിയന്തര നടപടികള്‍ സ്വീകരിച്ചില്ലെങ്കില്‍ ആര്‍ക്കും ഇത് കൈകാര്യം ചെയ്യാന്‍ കഴിയില്ല. നമ്മള്‍ നക്സല്‍ ബാധിത ജില്ലകളെ ലക്ഷ്യം വെച്ചത് പോലെ, ഭാവിതലമുറയെ ലക്ഷ്യമാക്കി വികൃതമായ ചിന്താഗതി സൃഷ്ടിക്കാന്‍ കഴിയുന്ന സ്ഥലങ്ങളിലേക്ക് അവരുടെ ബൗദ്ധിക വലയം വിപുലീകരിക്കാന്‍ അവര്‍ (നക്‌സലൈറ്റുകള്‍) ഇപ്പോള്‍ അവലംബിക്കുന്നു. ആളുകള്‍ക്കിടയില്‍ വിദ്വേഷം സൃഷ്ടിക്കാന്‍ അവര്‍ക്ക് കഴിയും. വൈകാരിക പ്രശ്നങ്ങള്‍ ആനുപാതികമായി ഉയര്‍ത്തിക്കാട്ടി, രാജ്യത്തിന്റെ ഐക്യവും അഖണ്ഡതയും തകര്‍ക്കുന്നതിലൂടെ സമൂഹത്തില്‍ ഒരു വിള്ളല്‍ സൃഷ്ടിക്കാന്‍ അവര്‍ക്ക് കഴിയും. സര്‍ദാര്‍ വല്ലഭായ് പട്ടേല്‍ നമ്മുടെ പ്രചോദനമാകുമ്പോള്‍ അത്തരം ശക്തികളെ വിജയിക്കാന്‍ അനുവദിക്കാനാവില്ല. എന്നാല്‍ അത് വിവേകത്തോടെയും വിവേകത്തോടെയും ചെയ്യണം. ഞങ്ങളുടെ സുരക്ഷാ സജ്ജീകരണത്തില്‍ വൈദഗ്ധ്യം സൃഷ്ടിക്കേണ്ടതുണ്ട്. ഏത് സംസ്ഥാനത്തും ഇത്തരം അനാവശ്യ സംഭവങ്ങള്‍ ഉണ്ടായാല്‍, നമ്മുടെ ഉന്നത വിദഗ്ധര്‍ അവിടെയെത്തി ഒരു ഓണ്‍-ദി-സ്‌പോട്ട് പഠനം നടത്തണം. അവര്‍ അവിടെ കുറച്ച് ദിവസങ്ങള്‍ ചെലവഴിക്കുകയും സാഹചര്യം എങ്ങനെ വികസിച്ചുവെന്നും അത് എങ്ങനെ കൈകാര്യം ചെയ്തുവെന്നും മനസിലാക്കാന്‍ ശ്രമിക്കണം. പഠിക്കാന്‍ നാം എപ്പോഴും തയ്യാറായിരിക്കണം. അന്താരാഷ്ട്ര തലത്തിലും ഇത്തരം ശക്തികള്‍ക്ക് ധാരാളം സഹായം ലഭിക്കുന്നു. അവര്‍ വളരെ കൗശലക്കാരാണ്, അവര്‍ വളരെ നിഷ്‌കളങ്കരായി കാണപ്പെടുന്നു. അവര്‍ നിയമത്തിന്റെയും ഭരണഘടനയുടെയും ഭാഷ സംസാരിക്കുന്നുണ്ടെങ്കിലും അവരുടെ പ്രവര്‍ത്തനങ്ങള്‍ തികച്ചും വ്യത്യസ്തമാണ്. നമ്മുടെ സുരക്ഷാ ഉപകരണത്തിന് ശരിയും തെറ്റും തമ്മില്‍ വേര്‍തിരിച്ചറിയാനുള്ള കഴിവുണ്ടായിരിക്കണം. ശാശ്വത സമാധാനത്തിനായി ഇത്തരം ശക്തികള്‍ക്കെതിരെ വേഗത്തില്‍ നീങ്ങേണ്ടത് വളരെ പ്രധാനമാണ്.
സുഹൃത്തുക്കളേ,
ജമ്മു-കാശ്മീര്‍ ആയാലും വടക്കുകിഴക്കന്‍ സംസ്ഥാനമായാലും നമ്മള്‍ ജനങ്ങളുടെ വിശ്വാസം നേടിയെടുക്കുകയാണ്. വിധ്വംസക ശക്തികളും മുഖ്യധാരയില്‍ ചേരാന്‍ കൊതിക്കുന്നു. ദ്രുതഗതിയിലുള്ള വികസനവും അടിസ്ഥാന സൗകര്യങ്ങളും ജനങ്ങളുടെ അഭിലാഷങ്ങളുടെ പൂര്‍ത്തീകരണവും കാണുമ്പോള്‍ അവരും ആയുധം ഉപേക്ഷിച്ച് മുഖ്യധാരയില്‍ ചേരാന്‍ തയ്യാറെടുക്കുകയാണ്. അതുപോലെ നമ്മുടെ അതിര്‍ത്തിയിലെയും തീരപ്രദേശങ്ങളിലെയും വികസനത്തിന് ഊന്നല്‍ നല്‍കണം. വൈബ്രന്റ് വില്ലേജ് എന്ന ആശയത്തിനും ബജറ്റ് അവതരണ വേളയില്‍ ഊന്നല്‍ നല്‍കിയിട്ടുണ്ട്. നിങ്ങള്‍ അതിനെക്കുറിച്ച് ചിന്തിക്കണം. ഉന്നത ഉദ്യോഗസ്ഥര്‍ ഈ അതിര്‍ത്തി ഗ്രാമങ്ങളില്‍ കുറച്ച് രാത്രികള്‍ ചെലവഴിക്കണം. ഒരു വര്‍ഷത്തില്‍ അഞ്ചോ ഏഴോ അതിര്‍ത്തി ഗ്രാമങ്ങളിലെങ്കിലും ഏതാനും മണിക്കൂറുകള്‍ ചെലവഴിക്കാന്‍ മന്ത്രിമാരോട് ഞാന്‍ അഭ്യര്‍ത്ഥിക്കുന്നു. സംസ്ഥാന അതിര്‍ത്തി ഗ്രാമമായാലും രാജ്യാന്തര അതിര്‍ത്തി ഗ്രാമമായാലും ഒരുപാട് സൂക്ഷ്മതകള്‍ അറിയാന്‍ സാധിക്കും.
സുഹൃത്തുക്കളേ
ആയുധങ്ങളുടെയും മയക്കുമരുന്നുകളുടെയും കള്ളക്കടത്തിലെ ഏറ്റവും പുതിയ ആശങ്കയാണ് ഡ്രോണ്‍. നമ്മുടെ അതിര്‍ത്തിയിലും തീരപ്രദേശങ്ങളിലും നാം ജാഗ്രത പാലിക്കണം. ഒന്നല്ലെങ്കില്‍ മറ്റൊരു ഏജന്‍സിയെ കുറ്റപ്പെടുത്താനോ കോസ്റ്റ് ഗാര്‍ഡുകളുടെ ഉത്തരവാദിത്തം മാത്രമാണെന്ന് ആശ്വസിക്കാനോ നമുക്ക് കഴിയില്ല. നമുക്ക് മികച്ച ഏകോപനം ആവശ്യമാണ്. ദേശീയതാല്‍പ്പര്യങ്ങള്‍ മുന്‍നിര്‍ത്തി ഒറ്റക്കെട്ടായി മുന്നോട്ട് പോയാല്‍ ഈ വെല്ലുവിളികളെല്ലാം കുള്ളനാകുമെന്ന് എനിക്ക് ഉറപ്പുണ്ട്. മറ്റ് പ്രശ്നങ്ങളും കൈകാര്യം ചെയ്യാന്‍ ഞങ്ങള്‍ നന്നായി തയ്യാറാകും. ഈ മസ്തിഷ്‌കപ്രക്ഷോഭ സെഷനിലെ ചര്‍ച്ചകള്‍ പ്രവര്‍ത്തനക്ഷമമായ പോയിന്റുകളിലേക്ക് നയിക്കുമെന്ന് എനിക്ക് ഉറപ്പുണ്ട്. എല്ലാ സംസ്ഥാനങ്ങളുടെയും സഹകരണത്തോടെ ഒരു കൂട്ടായ റോഡ്മാപ്പ് ഉണ്ടാകും. ഡൊമെയ്നിനെച്ചൊല്ലിയുള്ള പോരാട്ടത്തില്‍ നമ്മള്‍ കുടുങ്ങിക്കിടക്കുകയാണെങ്കില്‍, നിയമത്തോട് അല്‍പ്പം ബഹുമാനമില്ലാത്ത സാമൂഹിക വിരുദ്ധര്‍ ഈ അരാജകത്വം പൂര്‍ണ്ണമായും മുതലെടുക്കും. ഞങ്ങള്‍ക്കിടയില്‍ പ്രൊഫഷണല്‍ ധാരണയും വിശ്വാസവും ഉണ്ടാകണം. ഈ ഉത്തരവാദിത്തം ഞങ്ങളുടെ കേഡര്‍മാര്‍ക്കാണ്. അതൊരു വലിയ ഉത്തരവാദിത്തമാണ്. ഒരുമിച്ച് പ്രവര്‍ത്തിച്ചാല്‍ ആഗ്രഹിച്ച ഫലം ലഭിക്കുമെന്ന് ഞാന്‍ വിശ്വസിക്കുന്നു. ഒരു രാജ്യത്തിന് മുമ്പുള്ള ഏത് അവസരവും യൂണിഫോമില്‍ നിന്ന് ശക്തി പ്രാപിക്കുന്നു. വിശ്വാസത്തിന് പിന്നിലെ നിര്‍ണായക ഘടകമാണ് യൂണിഫോം സേനകള്‍. അവരെ കൂടുതല്‍ ശക്തരും ദീര്‍ഘവീക്ഷണമുള്ളവരും പൗരന്മാരോട് സംവേദനക്ഷമതയുള്ളവരുമാക്കിയാല്‍ നമുക്ക് വളരെയധികം പ്രയോജനം ലഭിക്കും.
ഡിജിപിമാരുടെ സമ്മേളനത്തില്‍ ഞാന്‍ ചില നിര്‍ദേശങ്ങള്‍ നല്‍കി. ഡിജിപി സമ്മേളനം വളരെ ഉപകാരപ്രദമായ ഒരു സമ്മേളനമായി മാറിയെന്നാണ് എല്ലാ മുഖ്യമന്ത്രിമാരോടും ആഭ്യന്തര മന്ത്രിമാരോടും ഞാന്‍ പറയുക. രാഷ്ട്രീയവുമായി ബന്ധിപ്പിക്കാതെ പൂര്‍ണ്ണമായി മനസ്സുകൊടുത്ത ചര്‍ച്ചയുണ്ടായി എന്നതാണ് ആ സമ്മേളനത്തിന്റെ ഫലം. ഐഎഎസ് കേഡറില്‍ പെട്ട എല്ലാ സെക്രട്ടറിമാരുമായും വിവിധ ജനപ്രതിനിധികളുമായും ഞാന്‍ അതു പങ്കിടുന്നു. ഡിജിപി സമ്മേളനത്തിന്റെ മുഴുവന്‍ വിവരങ്ങളും നിങ്ങള്‍ക്ക് ലഭിക്കുകയും നിങ്ങളുടെ അതാത് സംസ്ഥാനങ്ങളില്‍ നടപടിയെടുക്കാവുന്ന പോയിന്റുകള്‍ ഉടനടി നടപ്പിലാക്കുകയും വേണം. അത് വളരെ ഉപകാരപ്രദമായിരിക്കും. ഡിജിപി സമ്മേളനത്തോട് നമ്മുടെ ഉന്നത മേധാവി പങ്കെടുത്തെന്നും അതോടെ അതു കഴിഞ്ഞെന്നും ഒരു അലസ സമീപനം ഉണ്ടാകരുത്. രാജ്യത്തിന്റെ സുരക്ഷയെ മുന്‍നിര്‍ത്തിയാണ് ഈ സമ്മേളനം. ഉദാഹരണത്തിന്, പൊലീസ് ഉദ്യോഗസ്ഥര്‍ക്കുള്ള വീടുകള്‍ സംബന്ധിച്ച് ഒരു നിര്‍ദ്ദേശം ഉണ്ടായിരുന്നു. ആ സമ്മേളനത്തില്‍, വന്‍ നഗരങ്ങളിലെ നമ്മുടെ പോലീസ് സ്റ്റേഷനുകള്‍ ബഹുനില കെട്ടിടങ്ങളാക്കി മാറ്റാമോ എന്ന് ഞാന്‍ നിര്‍ദ്ദേശിച്ചിരുന്നു. ഒരു ബഹുനില കെട്ടിടമുണ്ടെങ്കില്‍, പൊലീസ് സ്റ്റേഷനും അതേ പരിസരത്ത് നിന്ന് പ്രവര്‍ത്തിക്കാം, പൊലീസുകാര്‍ക്കും അതേ 20 നില കെട്ടിടത്തില്‍ ഹൗസിംഗ് ക്വാര്‍ട്ടേഴ്സ് ഉണ്ടായിരിക്കാം. സ്ഥലം മാറ്റപ്പെടുന്ന പൊലീസുകാരന്‍ സ്ഥലം ഒഴിയുകയും പകരം വീട്ടുന്നയാള്‍ക്കും അതേ വീട് ലഭിക്കുകയും ചെയ്യും. ഇന്ന്, നഗരത്തില്‍ നിന്ന് 25 കിലോമീറ്റര്‍ അകലെയാണ് പൊലീസുകാര്‍ക്ക് വീടുകള്‍ ലഭിക്കുന്നത്. യാത്രയ്ക്കായി അവര്‍ രണ്ടു മണിക്കൂര്‍ പാഴാക്കുന്നു. ഉയര്‍ന്ന കെട്ടിടങ്ങളുടെ നിര്‍മ്മാണത്തിനായി നമുക്ക് അതാത് സംസ്ഥാന സര്‍ക്കാരുമായും മുനിസിപ്പാലിറ്റിയുമായും സംസാരിക്കാം. അത്തരം കാര്യങ്ങള്‍ നമുക്ക് സംഘടിപ്പിക്കാം. ഒരു ഒറ്റപ്പെട്ട പൊലീസ് സ്റ്റേഷന്‍ ഒരു ആധുനിക സ്റ്റേഷനായി മാറുകയും അതേ സമുച്ചയത്തിലെ 20-25 നിലകളുള്ള ഉയര്‍ന്ന കെട്ടിടത്തില്‍ പോലീസുകാര്‍ക്ക് പാര്‍പ്പിടം ക്രമീകരിക്കുകയും ചെയ്യാം.
അത്തരം ഒരു സാധ്യത വികസിപ്പിക്കാന്‍ കഴിയുന്ന വന്‍ നഗരങ്ങളിലെ അത്തരം 25-50 സ്റ്റേഷനുകള്‍ നമുക്ക് എളുപ്പത്തില്‍ തിരിച്ചറിയാന്‍ കഴിയുമെന്ന് ഞാന്‍ വിശ്വസിക്കുന്നു. അല്ലാത്തപക്ഷം, നഗരങ്ങളില്‍ നിന്ന് 20-25 കിലോമീറ്റര്‍ അകലെ പൊലീസ് ക്വാര്‍ട്ടേഴ്സ് പണിയുകയാണ്. അമിത് ഭായ് പറഞ്ഞതുപോലെ, ബജറ്റ് ശരിയായി വിനിയോഗിക്കുന്നില്ല, പണം വിവേകത്തോടെ ചെലവഴിക്കുന്നില്ല. ഒരു പ്രത്യേക ആവശ്യത്തിനായി അനുവദിച്ച തുക അതിനായി മാത്രം ചെലവഴിക്കണമെന്നും അതും സമയപരിധിക്കുള്ളില്‍ ചെലവഴിക്കണമെന്നും ഞാന്‍ ആവര്‍ത്തിച്ച് ഊന്നിപ്പറയുന്നു. അനുവദിച്ച തുക ചെലവഴിക്കാന്‍ കഴിയാത്തതാണ് പ്രശ്‌നം. നമ്മുടെ നാട്ടില്‍ അങ്ങനെയൊരു സാഹചര്യം ഞങ്ങള്‍ ആഗ്രഹിക്കുന്നില്ല. നമ്മുടെ സാധ്യതകള്‍ വര്‍ധിപ്പിക്കുകയും തീരുമാനമെടുക്കല്‍ പ്രക്രിയ വേഗത്തിലാക്കുകയും വേണം. എങ്കില്‍ മാത്രമേ സമയപരിധിക്കുള്ളില്‍ പണം വിനിയോഗിക്കാനാകൂ. സമയപരിധിക്കുള്ളില്‍ പണം ചെലവഴിക്കുമ്പോള്‍, അത് പണം പാഴാക്കുന്നത് തടയുക മാത്രമല്ല, അത് നിരവധി നേട്ടങ്ങളിലേക്ക് നയിക്കുന്നു.
മറ്റൊരു വിഷയത്തിലേക്ക് നിങ്ങളുടെ ശ്രദ്ധ ക്ഷണിക്കാന്‍ ഞാന്‍ ആഗ്രഹിക്കുന്നു. എല്ലാ സംസ്ഥാനങ്ങളിലെയും പൊലീസും കേന്ദ്ര ഗവണ്‍മെന്റും പഴയ വാഹനങ്ങളുടെ സ്‌ക്രാപ്പിംഗ് നയം പഠിക്കണം. പഴയ വാഹനങ്ങള്‍ സ്‌ക്രാപ്പുചെയ്യുന്ന ദിശയിലേക്ക് നീങ്ങാന്‍ ശ്രമിക്കുക. കാര്യക്ഷമതയുമായി ബന്ധപ്പെട്ട പ്രശ്‌നമായതിനാല്‍ പൊലീസിന് പഴയ വാഹനങ്ങള്‍ പാടില്ല. രണ്ട് ഗുണങ്ങളുണ്ടാകും. സ്‌ക്രാപ്പിംഗ് ബിസിനസില്‍ ഏര്‍പ്പെട്ടിരിക്കുന്നവര്‍ക്ക് ഒരു പ്രത്യേക സംസ്ഥാനത്ത് സ്‌ക്രാപ്പിംഗിനായി ഏകദേശം 2,000 വാഹനങ്ങള്‍ കണ്ടെത്തിയിട്ടുണ്ടെന്നും അതിനായി അവര്‍ ഉടന്‍ ഒരു യൂണിറ്റ് സ്ഥാപിക്കുമെന്നും ഉറപ്പ് നല്‍കും. പഴയ വാഹനങ്ങളുടെ പുനരുപയോഗം മൂലം വൃത്താകൃതിയിലുള്ള സമ്പദ്വ്യവസ്ഥ ഉണ്ടാകും. 2,000 വാഹനങ്ങള്‍ വാങ്ങുമെന്ന് ഉറപ്പുനല്‍കിയാല്‍ കാര്‍ നിര്‍മ്മാതാക്കള്‍ മികച്ച വിലക്കുറവില്‍ ഗുണനിലവാരമുള്ള ഉല്‍പ്പന്നങ്ങള്‍ വാഗ്ദാനം ചെയ്യും. നമ്മുടെ എല്ലാ പൊലീസ് വകുപ്പുകള്‍ക്കും ആധുനിക വാഹനങ്ങള്‍ ഉണ്ടാകും. നാം ഇത് പരിശോധിക്കണം, സംസ്ഥാനങ്ങളിലെ ബന്ധപ്പെട്ട മന്ത്രിമാര്‍ സ്‌ക്രാപ്പിംഗ് ബിസിനസുമായി ബന്ധപ്പെട്ടവരുടെ യോഗം വിളിക്കണമെന്ന് ഞാന്‍ ആഗ്രഹിക്കുന്നു. നമുക്ക് അവര്‍ക്ക് ഭൂമി വാഗ്ദാനം ചെയ്ത് പഴയ വാഹനങ്ങള്‍ പുനരുപയോഗിക്കുന്നതിനുള്ള യൂണിറ്റുകള്‍ സ്ഥാപിക്കാന്‍ അവരോട് പറയാം. പഴയ വാഹനങ്ങള്‍ സ്‌ക്രാപ്പിന് നല്‍കാന്‍ പൊലീസ് വകുപ്പ് മുന്‍കൈയെടുക്കുമെന്ന് അവരോട് പറയണം. ഇത് വളരെ പ്രധാനപ്പെട്ടതാണ്. കേന്ദ്ര ഗവണ്‍മെന്റിന്റെ വിവിധ വകുപ്പുകളും അവരുടെ പഴയ മാലിന്യങ്ങളെല്ലാം ഇടയ്ക്കിടെ നീക്കം ചെയ്യുന്നു.
പുതിയ വാഹനങ്ങള്‍ നമ്മുടെ പരിസ്ഥിതിയിലും മാറ്റമുണ്ടാക്കും. ഇത്തരം ചെറിയ വിഷയങ്ങളില്‍ സമയബന്ധിതമായി തീരുമാനങ്ങള്‍ എടുക്കുകയാണെങ്കില്‍, ജനങ്ങള്‍ക്ക് സുരക്ഷിതത്വം നല്‍കുന്നതോടൊപ്പം രാജ്യത്തിന്റെ വികസനത്തില്‍ നിങ്ങളും ഒരു പ്രധാന പങ്കാളിയായി മാറും. ഈ മീറ്റിംഗില്‍ നിങ്ങള്‍ കാണിച്ച ഗൗരവം മികച്ച ഫലങ്ങളിലേക്ക് നയിക്കുമെന്ന് എനിക്ക് ഉറപ്പുണ്ട്. ഇത്രയധികം മുഖ്യമന്ത്രിമാര്‍ ഈ യോഗത്തില്‍ പങ്കെടുക്കുമ്പോള്‍, ഞാന്‍ നിങ്ങളുടെ ഇടയില്‍ ഉണ്ടായിരിക്കണമായിരുന്നുവെന്ന് എനിക്ക് തോന്നുന്നു. എന്നാല്‍ ചില അസൈന്‍മെന്റുകള്‍ കാരണം എനിക്ക് വരാന്‍ കഴിഞ്ഞില്ല. എന്നിരുന്നാലും, ബഹുമാന്യരായ ഒട്ടനവധി മുഖ്യമന്ത്രിമാര്‍ ഉള്ളപ്പോള്‍, ഒരു പ്രധാനമന്ത്രി എന്ന നിലയില്‍, ഞാന്‍ നിങ്ങളോടൊപ്പമുണ്ടായിരിക്കേണ്ടതും ചായകുടിച്ച് നിങ്ങളുമായി നിരവധി വിഷയങ്ങള്‍ ചര്‍ച്ചചെയ്യേണ്ടതുമായിരുന്നുവെന്ന് എനിക്ക് തോന്നുന്നു. എന്നാല്‍ ഇത്തവണ എനിക്ക് അത് ചെയ്യാന്‍ കഴിഞ്ഞില്ല. ആഭ്യന്തരമന്ത്രി ഈ സമ്മേളനത്തില്‍ നേരിട്ട് പങ്കെടുക്കുന്നുണ്ട്, നിങ്ങളുമായി അദ്ദേഹം നടത്തിയ ആശയവിനിമയങ്ങള്‍ എന്നെ അറിയിക്കും. നിങ്ങളുടെ പ്രതീക്ഷയ്ക്കൊത്ത് ഉയരാന്‍ കേന്ദ്ര ഗവണ്‍മെന്റ് പരമാവധി ശ്രമിക്കുമെന്ന് എല്ലാ മുഖ്യമന്ത്രിമാര്‍ക്കും ആഭ്യന്തര മന്ത്രിമാര്‍ക്കും ഞാന്‍ ഉറപ്പ് നല്‍കുന്നു. ഞാന്‍ നിങ്ങള്‍ക്കെല്ലാവര്‍ക്കും വളരെ നന്ദി പറയുകയും നിങ്ങള്‍ക്ക് എന്റെ ആശംസകള്‍ അറിയിക്കുകയും ചെയ്യുന്നു.
ND
(Release ID: 1871938)
Visitor Counter : 210
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada