খুরুমজরি!

ঐহাক্কী কেন্দ্রগী মন্ত্রী-মন্দলগী মরুপ, শ্রী অমিত শাহ, তোঙান-তোঙানবা রাজ্যশিংগী মুখ্য মন্ত্রীশিং, গৃহ মন্ত্রীশিং, রাজ্যশিংগী দিরেক্তর জেনরেল ওফ পুলিস, গৃহ মন্ত্রালয়গী মকোক থোংবা ওফিসিএলশিং, অতোপ্পা দিগনিতরীশিং, নুপী অমসুং নুপাশিং! হৌজিক অসি লৈবাক অসিগী হরাও কুহ্মৈগী মতমনি। ইরৈবাকচাশিংনা শান্তি ওইনা অমসুং নুংশি চাননা ওনম, ইদ, দশেরা, দুর্গ পুজা অমসুং দীপাৱলী য়াওনা কুহ্মৈ কয়া পাঙথোক্লি। হৌজিক ছথ পুজা য়াওনা অতোপ্পা কুহ্মৈ কয়া লৈরি। শীংনবা কয়াগী মরক্তা কুহ্মৈশিং অসিদা লৈবাক্কী অপুনবগী শক্তম মপাঙ্গল কনখৎহল্লিবা অসিনা ঐখোয়না শেম শাদুনা লৈরিবা অসিগী মমি তারি। সংবিধানগী ওইনা লো অমসুং ওর্দর অসি রাজ্যশিংগী থৌদাং ওইরবসু লৈবাক অসিগী অপুনবগী শক্তম অমসুং অমত্তা ওইবগী ৱাখল্লোনগসু চপ মান্ননা মরী লৈনৈ। সুরজকুন্দদা পাঙথোক্লিবা গৃহ মন্ত্রীশিংগী চিন্তন শিবির অসি কোওপরেতিব ফেদরেলিজমগী অফবা খুদম অমসুনি। রাজ্য খুদিংমক্না অমনা অমদগী তমশিনগদবনি, পুক্নিং থৌগৎনগদবনি, লৈবাক্কী য়াইফনবগীদমক থবক পাইখৎকদবনি, মসি সংবিধানগী থৱায়নি অমদি মসি লৈবাক মীয়ামগী মফমদা ঐখোয়গী থৌদাংসু ওইরিবনি।

মরুপশিং,

ঐখোয়গী মাংদা নীংতম্বগী অমৃত কাল লৈররে। মথংগী চহি ২৫ অসি লৈবাক অসিদা অমৃতকী মীরোল শেমগদবনি। অমৃত মীরোলদা পঞ্চ প্রনশিংগী ফিরেপ ঙাক্না চৎতুনা অমৃত মীরোল শেমগনি। চাউখৎপা ভারত অমা শেমগৎপা, মীখা পোনবগী ৱাখল্লোন খুদিংমক্তগী নীংতম্বা ফংহনবা, হেরিতেজকীদমক চাউথোকচবা পোকপা, অপুনবগী শক্তম অমসুং অমত্তা ওইনা লেপ্পা অমসুং মরু ওইনা সিবিক দ্যুতী মশক খঙবা, হায়রিবা পঞ্চ প্রন মঙাগী মরু ওইবা অসি ঐখোয়না মুন্না খঙনরি। মসি অচৌবা ফিরেপ অমনি, হায়রিবা অসি মীপুম খুদিংমক্না হোৎনরবা খক্তদা থুংহনবা ঙমগনি। পাম্বৈশিং খেন্নবা য়াই, লম্বী অদু খেন্নবা য়াই অদুবু পঞ্চ প্রন অসিদি লৈবাক অসিগী রাজ্য খুদিংমক্কী লৈঙাক্কী ইথিল ওইগদবনি। অফবা লৈঙাক্কী মসিনা য়ুম্ফম ওইরবা মতমদা ভারতকী মতিক-ময়াই অসি হেন্না হেনগৎলক্কনি। লৈবাক্কী মপাঙ্গল কনখৎলবা মতমদা প্রজা খুদিংমক্কী, লৈবাক অসিগী ইমুং খুদিংমক্কী শক্তি হেনগৎলক্কনি। অফবা লৈঙাক অসিগী কান্নবা অসি খুন্নাইগী অরোইবা পরিংদা লৈরিবা অরোইবা মীশক অদু ফাওবা য়ৌনবা লৈবাক্কী রাজ্য খুদিংমক্তা কান্নবা ফংহনগদবনি। মসিনা নখোয় পুম্নমক্কী থৌদাং চাউই।

মরুপশিং,

মসিদা শরুক য়াবীরিবা নখোয় পুম্নমক্না রাজ্য লমজিংবা নত্ত্রগা লো অমসুং ওর্দরগী হকথেংননা থৌদাং য়ারি। লো অমসুং ওর্দর অসি রাজ্যগী চাউখৎ-থৌরাংগী হকথেংননা মরী লৈনৈ। মরম অসিনা নখোয়গী ৱারেপশিং অমসুং থৌশিল-থৌরাংশিং অমসুং নখোয়গী প্রেক্তিসশিং অসি রাজ্যশিংগী চাউখৎ খোঙচৎকীদমক কনদক্তিব এনভাইর্নমেন্ত অমা শেমগৎপদা য়াম্না মরু ওই।

মরুপশিং,

লো অমসুং ওর্দরগী অপুনবা সিস্তেম অসি থাজবা য়াবা অমা ওইহনবা, মীয়াম্না মখোয়গী মতাংদা করি ৱাখল্লোন লৈবগে হায়বা অসিসু চপ মান্ননা মরু ওই। মহৌশাগী ওইবা খুদোংথিবা থোরকপা মতমদা হৌজিক্তি এন.দি.আর.এফ.না এস.আর.দি.এফ.কী মশক তাকপা হেনগৎলক্লি। মখোয়গী য়ুনিফোর্ম অসি শেৎতুনা মখোয়না খুদোংথিবা নংলিবা মফমশিংদা অথুবদা য়ৌশিল্লি অমসুং মসিনা মরম ওইদুনা ইরৈবাকচাশিংগী ৱাখল্লোনশিংদা ইচিল-ইনাওশিং অসিনা লাক্লে মখোয়না ঐখোয়বু য়েংশিনবীরগনি হায়বগী থাজবা অমা পোকহল্লি। মখোয়না হায়রিবা অসি থাজসি করিগুম্বা মখোয়না হায়রিবা অসি লৌরবদি ঐখোয়গী অমাং অতা থোকপা হন্থগনি হায়না খল্লি। অমসুং য়েংবীয়ু এন.দি.আর.এফ.তা য়াওরিবা অসি কনানো? এস.দি.আর.এফ. অসি কনানো? মখোয় অসি ঐখোয়গী পুম্নমক্কী মরুপশিংনি। মখোয়বু খুন্নাই অসিনা চাউনা ইকাই খুম্নৈ। এন.দি.আর.এফ.-এস.দি.আর.এফ.কী তীমনা খুদোংথিবা থোক্লিবা মফমশিংদা য়ৌরকপা মতমদা মীয়াম্না এক্সপর্ত তীম য়ৌরক্লে মখোয়না হৌজিক থবক তৌবা হৌরগনি হায়না অপেনবা পোকই।

মরুপশিং,

ক্রাইম থোকফমদা পুলিস হেক য়ৌরকপদা মীয়াম্না সরকার য়ৌরক্লে হায়বগী ৱাখল্লোন অমা পোকই। কোরোনাগী মতমগী মনুংদা ঐখোয়না পুলিসকী ক্রেদিবিলিতী করম্না হেনগৎলকখিবগে উবা ফংখি। পুলিসনা লায়রবশিংবু মতেং পাংখি, মথৌ তাবা রিসোর্সশিং খোমজিনখি, মখোয়গী পুন্সি খুবাক্তা হাপতুনা হোৎনখি। হায়বরি মখোয়গী মথৌ পাঙথোকপদা তুংহনখিদে, অসিগুম্বা ৱাখল্লোন অসি পোকহন্নবা তঙাই ফদে মসিগীদমক পুলিস ফোর্সপু পুক্নিং থৌগৎপা, প্লান্নিং তৌবা অমদি লেপ্পা লৈতনা অপীকপা হীরম খুদিংমক্তা লমজিংবীবা তঙাই ফদে।

মরুপশিং,

ঐখোয়না ৱাফম অমগা খঙবা তঙাই ফদে। হৌজিক লো অমসুং ওর্দর অসি রাজ্য অমা খক্তগী মীৎয়েং মখাদা লৈবা সিস্তেম অমা ওইদ্রে। হৌজিক ইন্তর-স্তেৎ অমসুং ইন্তর-নেস্নেলদা ক্রাইমশিং থোক্লি হায়বদি তেক্নোলোজীগী মতেংগা লোয়ননা রাজ্য অমগী ক্রিমিনেলশিংনা অতোপ্পা রাজ্য অমদা শাথিরবা ক্রাইমশিং তৌবা ঙম্বগী শক্তি লৈরে। লৈবাক্কী ঙমখৈগী ৱাংমদা লৈরিবা ক্রিমিনেলশিংনসু তেক্নোলোজীবু ফত্তবা মওংদা শীজিন্নরি। মরম অসিনা রাজ্য খুদিংমক্কী এজেন্সীশিংগী মরক্তা তেংবাং পীনবা, কেন্দ্র অমদিং রাজ্যগী এজেন্সীশিংগী মরক্তা তেংবাং পীনবা য়াম্না মরু ওই। অমসুং মসিনা মরম ওইদুনা ঐহাক্না দি.জি.পি. কনফরেন্সতা থংননা লৈরিবা রাজ্যশিংগী লোন্নরিবা জিলাশিংগীদমক মখোয়না পেরিওদিক ওইনা মীফম ফমদুনা রাজ্য অনিগী জিলা অনিগী সমস্যাশিং পুনশিনগদবনি, পুন্না থবক তৌগদবনি। মসিদগী শক্তি ফংগনি। করিগুম্বা মতমদা কেন্দ্রগী এজেন্সীশিংনা অমুক্তদা রাজ্য কয়ামরুমদা ইনভেস্তিগেসনশিং পাঙথোকপা মথৌ তাই। অতোপ্পা লৈবাকশিংদা চৎপসু মথৌ তারকই। মরম অসিনা রাজ্যগী এজেন্সী নত্ত্রগা কেন্দ্রগী এজেন্সীশিং নত্ত্রগা অতোপ্পা মরী লৈনবা রাজ্য অমগী ওইরবসু মসি রাজ্য খুদিংমক্কী থৌদাংনি। এজেন্সী খুদিংমক্না অমনা অমদা তেংবাং পীনবা মথৌ তাই। কনাগুম্বা অমনা চাউই কনাগুম্বনা পীকই, কনাগী হকনো, মসি ঙাংনদুনা লৈরিঙৈদা এফ.আই.আর. তঙ্খাই অমদি রেজিস্তর তৌখিদে, করিগী অসুম্না তৌরিবনো? মফম অদু ঐগী পুলিস স্তেসন্না কোন্দে, মাগী পুলিস স্তেসনগী মনুং চংল্লি হায়না লেপথোকনৈ। মসিদা ৱাফম অসি পুলিস স্তেসন নত্তে। রাজ্য অনিগী মরক্তা ওইরবসু, কেন্দ্র নত্ত্রগা রাজ্যগী মরক্তা ওইরবসু, ভারতকী অমসুং মপালগী স্তেসনশিং ওইরবসু ঐখোয়গী ইফিসিএন্সীগীদমক, ঐখোয়গী অফবা ফলগীদমক, মীচম প্রজাশিংদা সেক্যুরিতী পীনবা, ঐখোয়গী মরক্তা কোওর্দিনেসন, কমপাইলেসন, কোওপরেসন পীনবা য়াম্না তঙাই ফদে। অমসুং মসি পুনশিনবা হেনগৎলিবা মখৈ নখোয়গী রাজ্যগী শক্তি হেনগৎলক্কনি।

মরুপশিং,

সাইবরক্রাইম নত্ত্রগা খুৎশু-খুৎলাই অমসুং দ্রগশিং ললোনবদা দ্রোন তেক্নোলোজী শীজিন্নবা ওইরবদু মসিগীদমক ঐখোয়না অনৌবা তেক্নোলোজীদা থবক তৌবা তঙাই ফদে। হৌজিক ঐখোয়না ফাইব-জিগী চহিচাদা চংশিল্লি, ফাইব-জী অসিনা খোঙজেল য়াংনা য়ৌশিল্লগনি। হৌজিক ফাইব-জিগী কান্নবা কয়ামরুম লৈরে, এৱের্নেস কয়াসু মথৌ তাই। ফাইব-জিনা ফেসিএল রিকগনিসন, ওতোমেতিক নম্বর-প্লেৎ রিকগনিসন তেক্নোলোজী, দ্রোনশিং অমসুং সি.সি.তি.বি.গুম্বা তেক্নোলোজীশিংগী পর্ফোরমেন্স শরুক কয়া হেনগৎহল্লি। অদুবু ঐখোয়না খোঙজেল য়াংনা খুমাং চাউশিল্লিবা মখৈ ক্রাইম তৌবা অসি গ্লোবেলাইজ ওইরকই। মখোয়না তেক্নোলোজীদা খুমাং চাউশিল্লি। হায়বদি ঐখোয়না মখোয়দগী খোঙকাপ তরা চখৎনা লৈবা তাই। ঐখোয়গী লো অমসুং ওর্দর সিস্তেম ফগৎহন্নবগীদমক হেন্না খুমাং য়াংনা ঐখোয়না থবক তৌগদবনি।

মরুপশিং,

বজেৎকী চাংগী মতুং ইন্না তেক্নোলোজীদা পোৎলুম পীদনবা ঐহাক্না হায়জরি। অমসুং ইকাই খুম্নরবা মুখ্য মন্ত্রীশিং, গৃহ মন্ত্রীশিংদা ঐহাক্না ৱাফম অমা হায়জনীংই মদুদি হীরম অসিদা তীম অমা শেম্বীয়ু মখোয়না মালেম অসিদা ক্রিমিনেল ৱর্ল্দগী তেক্নোলোজীনা করম্বা মাইকৈদা চংশিল্লি, ঐখোয়গী মীয়ামদা সেক্যুরিতী পীনবা তেক্নোলোজী করম্না ফংহনগনি ঐখোয়না মুন্না খন্নবা তাই। মসিদা চৎকদবা বজেৎ অসিনা অতোপ্পা চাদিং কয়া মাংহনদনবা মরম ওইগনি। অমসুং অফবা তেক্নোলোজী শীজিন্নবনা অপুনবা পুলিস সিস্তেম মপাঙ্গল কনখৎহনবা খক্তা নত্তনা মীচম মীয়ামবু ঙাকশেনবগী থাজবা হেনগৎহনগনি। তেক্নোলোজীনা ক্রাইম প্রিবেন্সন অমসুং ক্রাইম দিতেক্সনদা মতেং পাংগনি, মসি ক্রাইম ইনভেস্তিগেসন্দা য়াম্না কান্নগনি। য়েংবীয়ু ঙসি সি.সি.তি.ভি.না মরম ওইদুনা ক্রিমিনেল কয়া ফাবা ঙম্মিবা। স্মার্ত সিতী কেম্পেনশিংগী মখাদা সহর কয়াদা শেমগৎলিবা মোর্দন কম্মান্দ অমসুং কন্ত্রোল সিস্তেমশিং অসিনা চাউনা মতেং পাংলি।

মরুপশিং,

অসিগুম্বা অনৌবা তেক্নোলোজী দিবেলপ তৌনবগীদমক কেন্দ্র সরকারনা পুলিস তেক্নোলোজী মিসন হৌখি। মসিদা রাজ্য কয়ানা মখোয়গী থাক্তা থবক তৌরি। অদুবু ঐখোয়গী তোঙান-তোঙানবা এক্সপরিমেন্তশিং, ঐখোয়গী তেক্নোলোজীশিং তিন্নদবা অসিনা মরম ওইদুনা ঐখোয়গী ইনর্জী মাংলি। মেতরিএল অমা হেক্তা ওইরবসু মদু রাজ্য খক্তগী ওইনা তৌই। ঐখোয়না ৱাখল চাউথোক্তুনা অমত্তা ওইবা প্লেৎফোর্ম অমগী মরমদা খনবা তাই। করিগুম্বা কনাগুম্বদা অফবা পোৎশক অমা লৈরবদি মদু লৈরে, কনাগুম্বা অমত্তদা পীরোই, ঐহাক্কী শক্তি ওইগনি হায়না খন্দুনা লৈথোক্কনু, মীয়ামগী মতেং য়াওদ্রবদি অসিগুম্বা তেক্নোলোজী অসি কানফম খঙদনা মাংগনি। অমসুং মসিনা মরম ওইদুনা তেক্নোলোজীগী মতাংদা ভারতকী লৈরিবা ৱাখল্লোন, ঐখোয়গী বেস্ত প্রেক্তিসশিং, বেস্ত ইনোভেসনশিং অসিগী অমত্তা ওইবা লিঙ্ক অমা লৈগদবনি, ইন্তর-ওপরেবল ওইগদবনি, সিস্তেমশিং অসি অমগা অমগা লায়না ৱারী শাবা ঙমগদবনি।  

মরুপশিং,

ঙসি ফোরেন্সিক সাইন্সকী মরু ওইবা হেনগৎলক্লি অমসুং মসি পুলিস দিপার্তমেন্ত খক্তগী ওইদ্রে। লিগেল ফ্রেতর্নিতীনা ফোরেন্সিক সাইন্স খঙবা তাই, জুদিসিএরীনা ফোরেন্সিক সাইন্স খঙবা মথৌ তাই, হোস্পিতাল ফাওবনা ফোরেন্সিক সাইন্স খঙবগী মথৌ তাবা লৈরে। পুম্নমক অসিনা হোৎনরিবশিং অসিগা লোয়ননা ফোরেন্সিক সাইন্স শীজিন্নদুনা ক্রাইম পুথোকপা অমসুং ক্রিমিনেলশিং দন্দী পীবদা চাউনা কান্নবা পুরক্লি। পুলিস খক্তদা ফোরেন্স সাইন্সকী সিস্তেম খরা লৈবনা য়ারোই। অমসুং মসিনা মরম ওইদুনা রাজ্য খুদিংমক্তা গান্ধীনগরদা লৈরিবা নেস্নেল ফোরেন্স সাইন্স য়ুনিভর্সিতী অমসুং মাগী পোতেন্সিএলগী বেলেন্স ওইবা সিস্তেম অমা তঙাই ফদে। ঐখোয়গী রাজ্যশিংনা মসিগী কান্নবা লৌগদবনি। মসি মপুং ফানা ফ্যুচরিস্তিক তেক্নোলোজী দ্রিবন সিস্তেমনি। মসিদা হ্যুমেন রিসোর্স দিবেলপমেন্তগীদমক থবক য়াওরি, অনৌবা তেক্নোলোজীগী খুৎলাই শেম্নবগী থবক য়াওরি। অমসুং লেব অসিনা অচৌবা অরুবা কেসশিংগী ৱারোইশিন পুরকপদা কান্নরগনি। ঐহাক্না হায়জগে করম্না রাজ্য পুম্নমক্না সিস্তেম অসি এক্তিব ওইনা শীজিন্নগদগে হায়বা অদু?

মরুপশিং,

লো অমসুং ওর্দর ঙাকপা হায়বসি পুং ২৪ চুপ্না তৌগদবা থবক অমনি। অদুবু মসিদা মথৌ তারিবা থবক থৌওংশিং হেন্না খুমাঙ চাওশিলহন্নবা অমদি ফগৎহন্নবা থবক পাইখৎপা মথৌ তাই‍। হৌখিবা চহি খরা অসিদা ভারত সরকারগী থাক্তা লো অমসুং ওর্দরগা মরী লৈনবা রিফোর্মশিং অসিনা লৈবাক পুম্বদা শান্তি পুরক্নবগী এৎমোস্ফিয়র অমা শেমগৎপদা মতেং পাংখি। ভারতকী দাইভর্সিতী অসিনা মরম ওইরগা ঐখোয়গী লো এনফোর্সমেন্ত সিস্তেম অসি ঙাক্না থমনবা প্রেসর কয়া য়াম্না লৈরমগনি নখোয়নসু খঙই। মরম অসিনা ঐখোয়গী সিস্তেম অসিনা অচুম্বা মাইকৈদা ইনর্জী থাদবা য়াম্না মরু ওই। নত্ত্রবদি ঐখোয়না অপীকপা অশোইবশিংদা পুলিস দিপার্তমেন্তগী ইনর্জী পুম্নমক মাংহনবা ঐখোয়না অসিগুম্বা কান্নদ্রবা কেসশিং উবা ফংখ্রে। মরম অসিনা ঐখোয়না বিজিনেসকা মরী লৈনবা প্রোবিজন কয়া হৌজিক দিক্রিমিনেলাইজ তৌরে, মখোয়বু ক্রাইমগী কেতগোরীদগী লৌথোকখি। অরিবা লো লিশিং অমা মখাই হেন্না মুৎথৎতুনা তুংলমচৎকী অচৌবা পোৎলুম অমা কোকহনখি। রাজ্যশিংদা ঐহাক্না হায়জনীংবদি নখোয়না লোশিং ইভাল্যুএৎ তৌবীয়ু। নীংতম্বগী মমাংদা লৈরমখিবা লোশিংবু হৌজিক মতমগী ওইবা লোশিংনা মহুৎ শিনখি। লো খুদিংমক ক্রিমিনেলগী মীৎয়েংদগী য়েংদুনা চমজরবা প্রজাশিংদা অৱাবা পীবগী মতম অদু লোইখ্রে।

‍

মরুপশিং,

স্বামিত্ব য়োজনাগী মখাদা লৈবাক অসিগী খুঙ্গংশিংদা দ্রোন তেক্নোলোজীগী খুত্থাংদা সরকার অসিনা হৌজিক প্রোপর্তী কার্দশিং য়েন্থোক্লি। স্বামিত্ব য়োজনাগী মখাদা মখোয়না লমগা মরী লৈনবা চয়েৎনবশিং কোকহনবা, খুঙ্গংদা খৎনা চৈনবা থোকপা হন্থহল্লগনি।

মরুপশিং,

হকথেংননা নত্ত্রগা নাকোইননা অসিগুম্বা খোঙথাংশিং অসিনা লো এনফোর্সমেন্ত এজেন্সীশিংগী মরু ওইবা খঙহনবদা মতেং পাংখি। অদুবু ঐখোয়না লালোংদা অহোংবা পুরক্ত্রবদি, চহি ২০-৩০-৫০গী পাম্বৈশিং শীজিন্নদুনা লৈরবদি কান্নবা ফংলোই। হৌখিবা চহি খরা অসিদা কেন্দ্র সরকারনা শেমখিবা লোশিংনা লো অমসুং ওর্দরগী মপাঙ্গল কনখৎহনখি। তেরোতিজম, হৱালা নেৎৱার্ক, করপ্সন ওইরবসু ঙাই লৈবাক অসিদা অমুক্তা ওইখিদ্রিবা মওংদা চেকশিল্লি। মীয়াম্না থাজবা হৌরক্লি। য়ু.এ.পি.এ. গুম্বা লোশিংনা তেরোরিজমগী মায়োক্তা অকনবা মওংদা থেংনবদা সিস্তেমশিংগী মপাঙ্গল কনখৎহল্লি। হায়বদি নাকল অমরোমদা ঐখোয়না লৈবাক অসিগী লো এনফোর্সমেন্ত সিস্তেমগী কেপাসিতী হেনগৎহল্লি অদুগা নাকল অমদনা ঐখোয়নদা মখোয়না পুরম্বা কান্নদ্রবা পোৎলুম হন্থহল্লি।

মরুপশিং,

ঐখোয়গী পুলিসকীদমক মরু ওইবা অতোপ্পা ৱাফম অমগা লৈরি। ৱান নেসন, ৱান রাসন কার্দকী সিস্তেম গুম্না ৱান নেসন – ৱান মোবিলিতী কার্দ শেম্লি, ৱান নেসন – ৱান গ্রীদ শেম্লি। ৱান নেসন – ৱান সাইন লেংগ্বেজসু শেমখিবগুম্না পুলিসকী য়ুনিফোর্মসু শেমখি। মসিগা মান্নবা এপ্রোচ অমসু পাইখৎখি। ঐখোয়গী রাজ্যশিংনা পুন্না ফম্লবা মতমদা মসিনা কান্নবা কয়া পুরক্কনি। তুপি অমা লৈরবা মতমদা তুপি করোর কয়া মথৌ তাগনি। করিগুম্বা বেল্ত অমা থৌ তারবদি করোর কয়া মথৌ তাগনি। অমসুং লৈবাক অসিগী প্রজাশিংনা মফম অমা হেক্তদা চৎপদা উরবসু মহাক্না পুলিসনি হায়বা অদুমক খঙগনি।  হৌজিক পোস্ত ওফিস বোক্সগুম্না মহৈ হৈবা, ময়েক চৎতবা ভারতকী মীওইশিংনা পোস্তশিংগী বোক্স মশক খঙলি। হায়বদি মসিদা হাপ্পা চেশিং অসি লমথুংফম য়ৌই খঙই। মসিগী আইদেন্তিতী অমা লৈজৈ। ঐখোয়গী লৈবাক অসিগী পুলিসতা ঐখোয়না অমত্তা ওইবা ৱাখল খনবা, অমত্তা ওইবা তঙাই ফদে। মসিনা চাউনা কান্নবা পীগনি অমসুং অমনা অমগী মপাঙ্গল কনখৎহনগনি। ৱান নেসন – ৱান পুলিস য়ুনিফোর্মদা রাজ্য অমমমগী তেগ তোঙাল্লবসু আইদেন্তিতীদা অমত্তা ওইগদবনি। ঐহাক্কী ৱাখল অমা লৈ অমসুং ৱাখল্লোনা অদু খন্নবনি। করিগুম্বা মসি চহি ৫, ৫০, ১০০ মতুংদা চুমগনি খল্লবদি মদু শোইদনা উবা ফংগনি। মতৌ অসুম্না পুলিসকী তোঙান-তোঙানবা মখলগী অনৌবা বিভাগশিং হাংদোকপা হৌখ্রে। এক্সপর্তিস থুংলরে। হৌজিক ঐখোয়না মালেমদা রিমোৎনেসকী অচৌবা কৈথেল অমা উবা ফংলগনি। ভারতকী তুরিজমগী ওইথোকপা য়াবশিং অসি চাউনা হেনগৎলক্লি। মালেমগী ভারত্তা লাক্লিবা লমকোইবশিংগী মশিং অসি হেনগৎলকপা য়ানা লৈ। ঙসি মালেমদা তুরিজমগী লমদা য়াম্না মাংজিল থারিবা লৈবাক কয়া লৈ। তুরিজমগা মরী লৈনবা থবক তৌবা পুলিস থম্লি। তোঙানবা ত্রেনিং পীরি। লোলশিং তম্বীরি। মখোয়গী বিহেভিয়র মপুং ফানা হোংখি। অমসুং মপালদগী লাকপা লমকোইবশিংনা মখোয়গী মতেং পাংনবা পুলিস সিস্তেম লৈবা হায়বা খঙই। করিগুম্বদা ঐখোয়গী লৈবাক অসিদা ফেসিলিতী অসিগী এক্সপর্তিস দিবেলপ তৌগদবনি। তুরিজমগীদমক ভারত্তা লাকপা অমসুং কেপিতেল ইনভেস্তমেন্তগীদমক ভারত্তা লাকপা মীওই অমদা মসিগী খেন্নবা চাউনা লৈ খঙহনগদবনি। তুরিস্তনা নখোয়গী এম্বেসেদর খুদক্তা ওইহনগদবনি। মহাক্না অফবা ৱাফমশিং মালেমদা পাউদমগনি অমসুং ফত্তবা ৱাফমসু পাউদমগনি। তুরিস্ত অমনা মসিগী পাউ অসি নুমিৎ নিনি খক্তদা য়ৌহনবা ঙম্মি। অমসুং মসিনা মরম ওইদুনা ঙসি মিদল ক্লাসকী চাং অসি ঙসি ভারত্তসু হেনগৎলক্লিবনি। তুরিজমগী মতাংদা অহোংবা কয়া লৈরে। হৌজিক তুরিজম অমসুং ত্রাফিক অসি অনৌবা সমস্যা অমা ওইরি। হৌজিক ঐখোয়না মাংজৌননা ৱাখল খলহৌদ্রবা, অতোপ্পা পাম্বৈ থীহৌদ্রবদি তুরিজমগী ঐখোয়গী সেন্তরশিংদা অহোংবা পুরকপা ওইথোক্লোই।

মরুপশিং,

কোরোনাগী মতমদা ঐখোয়না উবা ফংখ্রে মদুদি পুলিসনা মীয়ামদা মরু ওইনা সিনিয়র সিতিজেনশিংদা য়ুমদগী থোরক্তনবা হায়খি মখোয়না অৱাবা পোৎলুম পুখি। মখোয়না মশানা য়ানা থবক তৌখি। মসিনা মরম ওইরগা প্রজাশিংগী থাজবনা নখোয়গী শক্তি ওইখি। মখোয় হেন্না মপাঙ্গল কল্লকখি। ঐখোয়না ৱাফম অমগা খঙবা মথৌ তাই মদুদি তেক্নোলোজীকেল ইন্তেলিজেন্স অসি নখোয়গী শক্তিনি, মসিগী কান্নবা লৈজৈ অদুবু হ্যুমেন ইন্তেলিজেন্সপুদি নাথৈগনু।  ঙসিদগী চহি চমাগী মমাংদা পুলিস দিপার্তমেন্তনা মসিগী মোদ অসি এদোপ্ত তৌখি, তেক্নোলোজীনা ফনা হোংলবসু মসি চহি ১০০গী মতুংদা অদুমক মথৌ তাগনি। ইন্সতিত্যুত অদু য়ারিবা মখৈ মপাঙ্গল কনখৎহল্লু। মদুগী শক্তি নখোয়দা লৈ। অমসুং করিগুম্বা শক্তি লৈরবদি পুম্নমক লায়না ওইথোক্কনি। অমসুং ঐখোয়গী সিস্তেমশিং অসি হেন্না ফগৎহনগনি হায়না ঐহাক্না খল্লি। মসিনা ক্রিমিনেলশিংবু শরুক ৫০ থোক্না খনহনগনি।

মরুপশিং,

ঐখোয়না ৱাফম অমগা খঙবা মথৌ তাই। ঙসি মালেমগী থাক্তা ভারতনা খুমাং চাউশিল্লিবা অসিদা ভারতকী শিংনবশিং অসিসু খোঙজেল য়াংনা হেনগৎলক্লি। অহানবদা থৌশাদবা, মতুংদা নোক্নবা মতুংদা মাংদা অদুমক চংশিনবা। মতুংদা অথোই-অহেন তানবগী ৱাখল্লোন অমা পোক্লকই। করিগুম্বা মসিদা অদুমক চংশিল্লবদি মদুনা য়েক্নবগী শক্লোন লৌরকই। মখোয়গী লৈবাকগুম্না ভারতনা মতিক ময়াই লৈবা পামদবা মালেমদা শক্তি কয়া লৈরক্কনি। মহাক্না লম অদুদা লৈরিবা এক্সপর্তিস অসিগুম্বা ভারত্তা লৈহল্লোইদবনি। করিগুম্বা ভারতনা প্রদক্সন হৌরবদি মার্কেৎ কেপচর তৌখ্রগনি, ভারত অসি অচৌবা কৈথেলনি করিগুম্বা ভারতনা মশাগী পুথোকচবা হৌরক্লবদি ঐখোয়গী পোৎশিং কদায়দা য়োনগনি। শীংনবা মখল কয়া লাক্কনি অমসুং মখোয়না য়েক্নবগী শক্লোন লৌহল্লোইদবনি। মরম অসিনা ঐখোয়না ঐখোয়গী শীংনবশিং অসি খঙবা তাই। ঐখোয়না মীৎয়েং শান্না য়েংবা তমদুনা অকোইবগী ফীভমদা কাইহল্লোইদবা মতিক ময়াই অদু খঙবা তাই মসিগীদমক এখোয়না মমাগী লো অমসুং ওর্দর অমদি ঙসিগী শীংনবশিং অসিগী মরক্তা লৈরিবা অচৌবা খেন্নবা অসি খঙনবা হোৎনগদবনি।মমাংগী অদু লেংদনা থমদুনা ঐখোয়না অনৌবশিংগীদমক ইশাবু শেম শাজগদবনি। ঐখোয়গী মায়োক্তা, লৈবাক অসিগী মায়োক্তা লৈরিবা শক্তিশিং অদু থেংনগদবনি। অসিগুম্বা নেগেতিব ফোর্সশিং অসি মায়োক্নবা, লো ঙাক্না চৎপা সহরশিংগী হকশিংগীদমক, জেনরেল সিভিল সেক্যুরিতীগীদমক মসি ঐখোয়গী থৌদাংনি।

মরুপশিং,

ঐখোয়না তৌরিবা থবক অদু সোসিএল মেদিয়ানা জজ তৌহল্লোইদবনি।  অরানবা পাউ মচা অমনা লৈবাক পুম্বদা ইরাং থোকহনবা ঙম্মি। তোকঙা শন্দোরকপা, অরানবা পাউ শন্দোরকপনা লৈবাক অসিদা অমাংবা কয়া থোকহনখ্রে হায়বা ঐখোয়না খঙই। ঐহাক্না পুং ৬-৮গী মতুংদা খঙলকপা মতমদা মীওই খুদিংমক তপথখিগনুই অদুবু মদুনা অমাংবা কয়া থোকহল্লমগনি। অমসুং মসিনা মরম ওইদুনা ঐখোয়না মীয়ামবু ভাব তাহনবা তাই। ফোরৱার্দ তৌদ্রিঙৈদা শরুক তরেৎ তরা থোক্না খনগদবনি। করিগুম্বা অমবু অয়াবা পীদ্রিঙৈদা মদু ভেরিফাই তৌগদবনি অমসুং প্লেৎফোর্ম পুম্নমক্তা ভেরিফিকেসন তৌনবগী সিস্তেম লৈ। করিগুম্বা নখোয়না হঞ্জিন-হঞ্জিন্না য়েংলবদি মদুগী অনৌবা ভর্জন অমা থোরক্কনি। ঐখোয়না ফেক ৱার্লনা দ্রিবন তৌবা সোসাইতীদা, অচৌবা শক্তি অমা শেমগৎপা মথৌ তাই। তেক্নোলোজিকেল পাৱর শেমগৎপা তাই।

মরুপশিং,

সিভিল দিফেন্সকী মথৌ তাবগী মতাংদা অমিত ভাইনসু হৌজিক হায়বীখ্রে, হৌজিক ঐখোয়গী মীৎয়েং অসি দাইভর্ত তৌরিবা ৱাফম খরা লৈ। অমিত ভাইনা অচুম্বা ৱাফমশিং পুথোকখ্রে। ৱাফমশিং অসি দিকেদ কয়াদগী চত্থরক্লি, মসি স্কুল অমসুং কোলেজতা চাউনা শীজিন্নরি, ঐখোয়না সিভাইল দিফেন্স, প্রাইমরী হেল্থ সবজেক্তশিং তম্বা মথৌ তাই। মমসংদা ফায়র ফাইধিংগীদমক ঐখোয়না শেম-শারম্মি। ঐখোয়না মসি ইজী নেচর ওইহল্লি। অমসুং ম্যুনিসিপালিধী, মেত্রোপোলিতন ম্যুনিসিপালিতী খুদিংমক্তা চয়োল অমদা অমুক্তং ফায়র ফাইতিং ফিল্দ অমসুং পুলসনা স্কুলদা চৎতুনা দ্রিল তৌনবা হায়দুনা লাকখি। করিগুম্বা অঙাংশিংনা স্কুলদা উরবদি, মখোয়না মদুগী কান্নবা ফংগনি। মথংগী নুমিৎতা অতোপ্পা স্কুলদা চৎকনি অসুম্না চহি তরাদা অচৌবা সহর অমা থুংনা চৎকনি। মীরোল খুদিংমক্না সিভিল দিফেন্সকা মরী লৈননা, ফায়র ফাইতিংগা মরী লৈননা দ্রিল পুম্নমক প্রজাশিংনা তৌগদবি হায়বা খঙলগনি। মসিদগী নখোয়দা চাউনা শক্তি ফংগনি। মসি লায়না তৌবা য়াবা থবক ওইরক্কনি।

মরুপশিং,

হৌখিবা চহি খরসিদা সরকার পুম্নমক্না তেরোরিজমগী গ্রাউন্দ নেৎৱার্ক মাংহন তাকহনবদা করিগুম্বা খরা তৌনবা হোৎনখি, মসিগী সিরিয়সনেস অসি অচৌবা থৌদাংগা লোয়ননা খঙখি। মফম অমদা কান্নবা অসি হান্না ফংলম্বা য়াই, মফম অমদা থেংথবা য়াই, অদুবু ঙসিদি মীপুম খুদিংমক্না মসিগী সিরিয়সনেস অদু ফোঙদোকপা তাবনি। হৌজিক ঐখোয়না মসিদা পাঙ্গল হাপচিন্দুনা হেন্দল তৌগদবনি। মতৌ অসুম্না ঐখোয়না নক্সালিজমঈ মওং খুদিংমক মাইথিবা পীগদবনি। গন মেন অমা লৈ অমসুং নক্সালিজমগা লোয়ননা কলম অমসু লৈ। ঐখোয়না মসি পুম্নমক অসি মায়োক্নগদবনি। ঐখোয়না নক্সালনা শোকহল্লবা জিলাশিংদা মীৎয়েং থমখিবগুম্না, মতৌ অসুম্না হৌজিক মখোয়না মখোয়গী ৱাখলগী সর্কল অদু মফম অদুদা য়ৌহন্নবা হোৎনরি মদুনা লাক্কদৌরিবা মিরোলশিংদা অফবা ৱাখল্লোন অমা শেমগত্পা ঙমগনি। করিগুম্বা রাজ্য অমত্তদা থৌদোক অমা থোকখিবা তারবদি ঐখোয়গী মকোক থোংবা এক্সপর্তশিং অদু মফম অদুদা তম্নবগীদমক থাগদবনি, মদু য়ুনিভর্সিতিদা চৎতুনা নুমিৎ হুম্নি মফম অদুদা লাক্তুনা লৈগনি, করিগুম্বা মফম অদুদা থোকখিবা ওইরবদি, মখোয়না করম্না থেংনখিবগে, ৱাফম অদু করম্না চাউখৎলকখিবগে হায়বদু ঐখোয়না খঙই। ঐখোয়না লেপ্পা লৈতনা তম্নবা হোৎনগদবনি। অমসুং অসিগুম্বা মখলগী মালেম অসিদা লৈরিবা মীওইশিংনা মখোয়না ইন্তর্নেস‌নেল লেভেলদগীসু মতেং কয়া ফংই। অসিগুম্বা অচৌবা সংবিধান অমসুং আইনগী লোন্দা ৱা ঙাংবদা তেন্দেন্সি অসিনা অতোপ্পা থবক অমা তৌই। লেংদবা শান্তিগীদমক ঐখোয়না খোঙজেল য়াংনা চংশিনবা অসি য়াম্না মরুওই।

মরুপশিং,

জম্মু অমসুং কাশ্মির নত্ত্রগা অৱাং নোংপোক ওইরবসু ঙসি ঐখোয়দা থাজবা হেনগৎলক্লি। দেস্ত্রক্তিব ফোর্সশিংনা মেনস্ত্রীমদা চংলকপা পাম্লি। অমসুং ঐখোয়না চাউখৎ-থৌরাং, ইনফ্রাস্ত্রকচর ময়েক শেংনা উবা ফংবা মতমদা মখোয়গী অনীংবা অপাম্বশিংসু থুংবা ঙম্মি। অদুনা ঐখোয়না হৌজিক খুৎলাই থাদোক্তুনা পুন্না চৎনবা হোৎনরি। মতৌ অসুম্না ঐখোয়না ঙমখৈ অমসুং সমুদ্র খোঙবানগী মফমশিংদা চাউখৎপা পুরক্নবা মীৎয়েং থম্মি। নখোয়গী মকোক থোংবা ওফিসরশিংনা ঙমখৈদা লৈবা খুঙ্গংশিংদা অহিং য়ারেক্কদবনি। মন্ত্রীশিংনা চহি অমদা ঙমখৈগী খুঙ্গংশিংদা য়ামদ্রবদি মঙা নত্ত্রগা তরেৎলক চৎকদবনি অমসুং পুং অহুম-মরি লৈগদবনি।

মরুপশিং,

খুৎলাই, দ্রগ, লল্লোন-ইতিক পুম্নমক অসি চত্থরি। দ্রোনশিংদা অনৌবা ক্রাইসিস অমা থোক্লি। ঐখোয়না মখোয়গীদমক ঐখোয়গী ঙমখৈ অমসুং সমুদ্রগী অপুনবা শক্তি অসি য়াম্না মথৌ তাই। ঐখোয়না হায়গনি মদুদি মসি তৌরোই, কোস্তগারর্দনা মসি তৌগনি, মফম অসিদা ৱারি শান্নরোই, ঐখোয়না খোমজিনবা অসি য়াম্না ফজনা হেনগত্হনগদবনি। ঐহাক্না থাজৈ মদুদি করিগুম্বা ঐখোয়না নেসনেল পর্সপেক্তিব অমগা লোয়ননা পুন্না মাংলোমদা চংশিল্লবদি ঐখোয়গী মাংদা লৈরিবা শীংনবা খুদিংমক হন্থগনি। অমসুং মসি হেন্দল তৌবগী ঐখোয়গী শক্তিসু হেনগৎলক্কনি। কেম্প অসিদা খন্ন-নৈনবদঈ এক্সন লৌখত্পা য়াবা ৱাফম খরা থোরক্কনি হায়না ঐনা থাজৈ। অপুনবা রোদমেপ অমা শেমগনি, রাজ্য খুদিংমক্না পুন্না থবক তৌমিন্নগদবনি। মসি অদোমগী তেরিতোরিনি, মসি ঐগি এরিয়ানি, মসি অদোমগী হকনি, মসি ঐগী হকনি, করিগুম্বা ঐখোয়না মসিদা শরুক য়াদুনা লৈরবদি, মদুগী মতুংদা আইন ঙাকপা ঙমদবা এন্তি-সোসিএল ফোর্সশিংনা মসিগী অরানবা অসিগী মপুং ফাবা কান্নবা লৌবা ঙমগনি। মরম অসিনা ঐখোয়গী মরক্তা লৌশিং, কম্পাইলেসন, থাজবা লৈগদবনি অমসুং মসি পুম্নমক অসি য়াম্না প্রোফেসনেল ওইগদবনি। অমসুং মসিগী থৌদাং অসি ঐখোয়গী কেদরশিংগী মফমদা লৈরি, মসি অচৌবা থৌদাং অমনি। অমসুং ঐহাক্না থাজৈ মদুদি করিগুম্বা ঐখোয়না পুন্না থবক তৌমিন্নরবদি ঐখোয়না পাম্লিবা ফল অদু ফংবা ঙম্লগনি, অমসুং লৈবাক অসিগীদমক লাক্কদৌরিবা খুদোংচাবা অদু, শক্তি অসি অহানবা মীৎয়েংদা য়ুনিফোর্ম ফোর্সশিংদগী লাকই। থাজবগী মরম অমদি য়ুনিফোর্ম ফোর্সশিং ওইরকই। ঐখোয়না মহাকপু হেন্না পাঙ্গল লৈহনবগা লোয়ননা মহাক্না মীৎয়েং কয়াগা লোয়ননা থবক তৌগনি, ঐখোয়না মহাকপু প্রজাশিংদা সেন্সিতিব ওইহনবনা কান্নবা কয়া অমা ফংগনি।

দি.জি.পি কনফরেন্সতা ঐহাক্না সজেসন খরা পীখ্রে। ঐহাক্না মুখ্য মন্ত্ঈ অমসুং গৃহ মন্ত্রী পুম্নমক্তা হায়জরি মদুদি দি.জি.পি কনফরেন্স অসি য়াম্না ফবা ইন্সতিত্যুসন অমা ওইরকখি। মসিদা ওপন দিস্কসন অমসুং মসিদা জিরো ইলিমেন্ত য়াওরি। মসিদগী থোরকপা ৱাফমসিং, হোম দিপার্তমেন্তগী ঐগী সেক্রেতরি পুম্নমক লৈরিবা অসি আই.এ.এস.কি কেদরদগীনি অমসুং মীখলগী মতুংদা খল্লগা সরকার চলাইরিবা রাজনিতিনা লাক্তুনা খল্লি। দি.জি.পি কনফরেন্সতা থোকখিবা থৌদোকশিংদগী মপুং ফাবা ৱারোল অমা লৌগদবনি। মদুদা ঐখোয়না ঐখোয়গী রাজ্যদা এক্সন তৌবা য়াবা পোইন্ত অদু খুদক্তা ইমপ্লিমেন্ত তৌগদবনি। অদুদগী কান্নবা ফংলগনি। ঐখোয়না দি.জি.পি কনফরেন্সকা লোয়ননা মীফম অমা পাঙথোকখি, ঐখোয়গী সাহিব অসি মফম অসিদা লাকখি। মসি লৈবাক অমগী সেক্যুরিতিগীদমক থবক তৌবনি। হৌজিক্ ঐহাক্না সজেসন অমা পীখি মদুদি মরুওইনা পুলিস স্তেসন নত্রগা পুলিস স্তেসন লৈবা অচৌবা সহরশিংদা মসিগি মনুংদা খরদি মল্তিস্তোরি ওইবা য়াই হায়না খনবিয়ু? মখাদা পুলিস স্তেসন, অদুবু করিগুম্বা মথক্তা মথোল্ ২০গী য়ুম অমা শারগা শরুক অহুম্ থোকপগী অমা শাগদৌরবদি মফম অদুদা লৈরিবা পুলিসকি মশিং অদুনা মফম অদুদা য়ুম অদু ফংগনি। করিগুম্বা ত্রান্সফর তৌরবদি, মদুগী মতুংদা লাকপা অদুনা চপ মান্নবা য়ুম অদু ফংগনি। মরম অদুনা পুলিসনা ঙসি সহরগী মপান্দা মাইল ২৫ লাপ্না লৈবা য়ুম অদু থীরি। মহাক্কী মনাক্তা য়ৌবদা পুং অনি চংই। ঐখোয়না লম হেন্না ফংনবগীদমক রাজ্য অদুগা ৱাঈ শানবসু য়াই, কোর্পোরেসন অদুগা ৱারি শানবসু য়াই, মসিবু হেন্না ৱাংবা থাক্তা শেমগত্পা য়াই, মসিনা কান্নবা পীগনি অমসুং পুম্নমক অসিগী মথক্তা ঐখোয়না সেক্যুরিতিগী থৌরাংশিং ওর্গনাইজ তৌবা য়াই।

অমসুং পুলিস স্তেসন ২৫-৫০না অচৌবা সহরদা লৈবা অসি অসিগুম্বা চাউখৎ থৌরাং লৈরিবা ওইথোক্কনি। মরমদি অচৌবা সহরশিংদা ঐখোয়না পুলিস ক্বাতরশিং শানবা কিমি ২০-২৫ চৎপা তাই অমসুং অমিত ভাইনা হৌজিক হায়বীখ্রে মদুদি মসিগী বজেৎ শীজিন্নদনা লৈরি। মসিগী শেনফম অসি চাদিং তৌদে। অসিগুম্বা ফীভম অসি ভারত সরকারনা থেংনরকপা অসিদা ঐহাক্না বজেৎ অসিগীদমক থবক তৌনবা হন্না হন্না হায়জরি। অসিগুম্বা ফীভম লৈবাক অসিদা ওইহন্নীংদে। ঐখোয়গী শক্তি হেনগৎহনবা তাই ঐখোয়গী ৱারেপ লৌবগী শক্তি হেনগৎহনগদবনি। মসিগী মতুংদা ঐখোয়না মতম চানা শেল শীজিন্নবা ঙমগবি। অমাংবা হন্থহন্দুনা হেন্না কান্নবা ফংবা ঙমগনি।

ঐহাক্না ৱাফম অমদা মীৎয়েং চীংশিনবা পাম্মি, স্তেৎ পুলিস অমসুং ভারত সরকারগী পুলিসনা পুরক্লিবা স্ক্রেপ্পিং পোলিসী অসি য়েংবীয়ু। অমসুং নখোয়গী অরিবা গারীশিং অদু স্ক্রেপিং তৌনবা মাইকৈদা চংশিনবা মতমদা মসি পুলিসনা গারি অদু অরিবা ওইনা য়েংলোই মাগী ইফিসিএন্সীগা মরী লৈনবা ৱাফমদা য়েংগনি। মসিগী কান্নবা অনি লৈগনি। স্ক্রেপিংগী বিজিনেস তৌরিবশিংনা রাজ্য অমদা অসিগুম্বা স্ক্রেপিং তৌনবা গারি ২,০০০ মশক খঙদোকখ্রে। সর্ক্যুলর ইকনোমীগী রিসাইকল তৌগনি অমসুং করিগুম্বা গারি লিশিং ২ লৈরবদি অনৌবা গারি শারিবশিংনা মফম অদুদা লাক্কনি, করিগুম্বা গারি লিশিং ২ পুরক্লবদি ঐখোয়না রেৎ তাহনগনি। মোদর্ন গারিশিংনা পুলিসনা লাকপা য়াগনি। মসিগী মতাংদা খন্নসি অমসুং ঐহাক্না মন্ত্রীশিংদা অসিগুম্বা স্ক্রেপিংগী থবক হৈবা মীওইশিং কৌনবা হায়জরি। অমসুং ঐখোয়না মখোয়দা লম পীসি, নখোয়না স্ক্রেপিংগীদমক রিসাইকল য়ুনিৎশিং থম্মি। ঐখোয়না অহানবদা পুলিসকী গারিশিং পীগনি। পুলিসকীদমক অনৌবা গারিশিং লৌগনি। মসি য়াম্না মরু ওইবনি। ভারত সরকারগী তোঙান-তোঙানবা য়ুনিৎশিংনা মখোয়গী অরিবা গর্বেজ লৌথোকখিগনি। অমসুং করিগুম্বা অনৌবা ঐখোয়গী এনভাইর্নমেন্তেল ইফিসিএন্সী ওইবা লাক্লবদি মীপুম খুদিংমক্তা কান্নবা পীগনি। অদুনা অপীকপা হীরমশিংদসু করিগুম্বা ঐখোয়না ৱারেপ লৌদুনা মদু অকক্নবা মতমগী মনুংদা ইমপ্লিমেন্ত তৌরবদি মদুনা মীয়ামদা সেক্যুরিতী পীবা ঙমগনি। লৈবাক্কী চাউখৎ খোঙচৎতা অচৌবা শরুক য়ারিবা অমা ওইবা ফংগনি। অমসুং ঐহাক্না থাজৈ মদুদি মীফম অসিবু নখোয়না য়াম্না লুম্না লৌই অমদি মরু ওইনা মুখ্য মন্ত্রী কয়ানা লাক্তুনা মীফম অসিদা শরুক য়ারিবা অসিদা ঐহাক্না নখোয়গী নরক্তা য়াওদুনা শরুক য়ানীংবা পোকই। অদুবু অতোপ্পা প্রোগ্রাম খরা লৈবনা ঐহাক্না লাকপা ফংখিদ্রে। অদুবু ইকাই খুম্নরবা মুখ্য মন্ত্রীশিংনা লাকপা অসিদা প্রধান মন্ত্রী অমা ওইনা নখোয়গী নরক্তা ফমদুনা ৱারী শান্নীংবা অসি মহৌশানি অদুবু হন্দক্তি ফংদ্রে। গৃহ মন্ত্রীনা নখোয়দা শারিবা ৱাফমশিং অসিগী মতাংদা নখোয়না ঐঙোন্দা শোইদনা তান্নরক্কনি অমসুং মসিগী থৌদাং ঐহাক্না য়াজগনি। অঙম্বা থাক্তা হোৎনগনি। পুম্নমকপু ঐহাক্না হন্না-হন্না থাগৎচরি।

***