বানস্কন্থা জিলাগী অম্বাজি তাউনগী ত্রাইবল অঙাংশিংগী ম্যুজিকেল বেন্দ অমনা ওক্তোবরগী ৩১দা কেৱাদিয়াদা প্রধান মন্ত্রীগী মমাংদা থৌরম পাংথোক্লগনি। প্রধান মন্ত্রীনা রাস্ত্রিয়া এক্তা দিৱসগী থৌরমদা কেৱাদিয়াদা লাক্লগনি।

ম্যুজিকেল বেন্দ অসিনা প্রধান মন্ত্রীগীদমক্তা থৌরম পাংথোকপা অসিনা মসিনা অহানবা নত্তে। ২০২২গী সেপ্তেম্বর ৩০দা প্রধান মন্ত্রীনা গুজরাতকী অম্বাজিদা লাক্তুনা অমসুং লুপা করোর ৭২০০ হেনবা চাউখৎ-থৌরাংগী প্রোজেক্ত কয়া অমা লৈবাক মীয়ামদা কত্থোক্তুনা, উরেপ-উয়ুং তমখিবা অদুদা মীয়ামগী ফংশন অমগীদমক্তা মহাক্না লাকপা মতমদা প্রধান মন্ত্রীবু তরাম্না ওক্লদুনা থৌরম পাংথোকখি।    

প্রধান মন্ত্রীনা নহা ওইরিবা বেন্দ অসিনা উৎলিবা অসিবু থাগৎপা অমসুং নুঙাইবা ফোংদোকপদা নত্তনা মহাক্না মীয়ামগী ওইবা ফংশন অদুনা হৌদ্রিঙৈগী মমাংদা মখোয়গা হকথেংননা উনদুনা ৱারি-ৱাতাই শানখি। মহাক্কী নহা ওইরিবা মরুপশিং অসিবু পুক্নিং থৌগৎনবা, প্রধান মন্ত্রীনা মখোয়গা লোইননা গ্রুপ ফোতো অমা নম্মিন্নবগীদমক্তা হায়খি।

অসিগুম্বা ম্যুজিক্কী লমদা থোইদোক-হেন্দোক্না হৈথোই-শিংথোইরবা, মসিগী ত্রাইবল অঙাংশিং অসিগী ৱারি অসি তম্বদা মতিক য়াম্না চাই। অঙাংশিং অসি মতম অমদা মখোয়গী তঙাইফদনা মথৌ তাবা পোৎলমশিংগীদমক্তা অমসুং লাইরিক-লৈশু তম্নবগী খুদোংচবা অমা ফংনবগীদমক্তা লান্থেংনরকখি। মখোয়শিং অসি অম্বাজি লাইশঙ মনাক্তা অচৎ-অওংশিংদগী নিংদুনা অনম্বা মতমদা লৈরম্মি। অম্বাজিদা লৈবা শ্রী শক্তি সেৱা কেন্দ্র কৌবা লোকেল এন.জি.ও. অমনা অসিগুম্বা অঙাংশিং অসিবু ললাইরিক-লাইশু তমহনবদা নত্তনা মকোয়শিং অসিনা খ্বাইদগী হেন্না হৈথোই-শিংথোইবা ইরমশিং অদুবুসু মশক কঙদোক্নবা মখোয়গা থবক তৌমিন্নখি। ম্যুজিকেল বেন্দ লৈরিবা ত্রাইবল অঙাংশিং অসিসু এন.জি.ও. শ্রী শক্তি সেৱা কেন্দ্রনা তাকপী-তম্বীরকখি।  

প্রধান মন্ত্রীনা নহা ওইরিবশিং অসিগী পার্ফোর্মেন্স অদুবু অসুক মতিক্কী য়াম্না নুংঙাইবা ফাওখি অমসুং থাগৎপা ফোংদোকখি হায়বদা মহাক্না পুৱারি ওইরবা নুমিৎ রাস্ত্রিয়া এক্তা দিৱসকী থৌরমদা শরুক য়ানবা অমসুং মদুদা মখোয়গী থৌরম অদুবুসু উৎননবা হায়দুনা ওক্তোবরগী ৩১দা কেৱাদিয়া লাক্ননবা হায়দুনা চেবাও পীখি।

ওক্তোবরগী ৩১দা, প্রধান মন্ত্রীনা কেৱাদিবাদা লাক্লগনি অমসুং সরদার পতেলগী ১৪৭ শুবা মপোক কুমওনদা ইকাইখুম্নবা উৎলগনি। মহাক্না এক্তা দিৱস পেরেদতা শরুক য়ারগনি অমসুং লাল বহাদুর শাস্ত্রি  নেস্নেল একাদেমী ওফ এদমিনিস্ত্রেশনদা ফাউন্দেশন কোর্স চত্থরিবা সিভিল সর্বিস কয়া অমগী ওফিসর ত্রেনীশিংগসু ৱারি-ৱাতাই শানরগনি।

***