ধনতেরসনা লাকপদা প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা মধ্য প্রদেশকী সতনাদা প্রধান মন্ত্রী আৱাস য়োজনা – গ্রামিনগী বেনিফিসরী লাখ ৪.৫১গী ‘গৃহ প্রবেশম’দা শরুক য়াখ্রে।

থৌরম অসিদা ৱা ঙাংলদুনা প্রধান মন্ত্রীনা মীপুম খুদিংমকপু ধনতেরস অমসুং দিৱালীগী য়াইফরবা থৌরমনা লাকপদা য়াইফ পাউজেল পীখ্রে। মহাক্না হায়, “ঙসি অসি মখোয়গী অনৌবা পক্কাগী য়ুমশিংগী গৃহ প্রবেশ তৌরিবা মধ্য প্রদেশকী ইচিল ইনাও লাখ ৪.৫০গীদমক্তা অনৌবা অহৌবা অমনি”। কার নত্ত্রগা য়ুমশিংগুম্বা মমল য়াম্বা লনশিং লৈনবগীদমক্তা খুন্নাইগী শেল পাইবা মীওইশিংনা খক্তা ধনতেরস পালন তৌরমখিবা মতম অদু নীংশিংলদুনা প্রধান মন্ত্রীনা হায়খি ধনতেরস অসি মতম অমদা নুংঙাই য়াইফবশিং খক্তগী কুহ্মৈ ওইরমখি। প্রধান মন্ত্রীনা হায়খি, ঙসি লায়রবশিংনা ধনতেরস অসিদা মখোয়গী অনৌবা য়ুমশিংগী গৃহ প্রবেশ তৌরিবা অসি অনৌবা ভারত অদুনি। শ্রী মোদীনা ঙসি য়ুমগী মপু ওইখ্রবশিং মরু ওইনা নুপীশিংদা নুংঙাইবা ফোঙদোকখি।

প্রধান মন্ত্রীনা হায়খি মদুদি ঙসি য়ুম ফংলিবা মীওইশিং অসিনা ফংগদৌরিবা ওইথোকপা য়াবশিং অদু মহাক্না উবা ফংই মরমদি য়ুম লৈত্রবদি ওইথোকপা য়াবা পুম্নমক মমি শাম্মি। ঙসি অসি অনৌবা য়ুমগী শুপ্নগী গৃহ প্রবেশকী নুমিৎ খক্তা নত্তে মসিনা অনৌবা নুংঙাইবা, অনৌবা ফিরেপ, অনৌবা মঙলানশিং, অনৌবা থৌনা অমসুং অনৌবা তুংলমচৎকী অহৌবা ওইরি। মহাক্না হায়, “ইমুং করোর ৩.৫গী অচৌবা মঙলানশিং ঐখোয়না থুংহনবা ঙম্বা অসি ঐখোয়গী সরকারগী য়াম্না লাইবক ফবনি”।

অনৌবা য়ুমশিংগা লোয়ননা ফংলিবা খুদোংচাবশিং অদু পল্লদুনা প্রধান মন্ত্রীনা হায়খি সরকার অসি লায়রবগীদমক লৈবা ওইবনা অমসুং মখোয়গী য়াইফনবা কত্থোকপনা অমসুং লায়রবশিংগী তঙাই ফদবশিং অমসুং অপাম্বশিং খঙবনা সরকারনা শাখিবা য়ুমশিং অসিদা তোইলেৎশিং য়াওহল্লি, ইলেক্ত্রিসিতী, ৱাতর কন্নেক্সন, গ্যাস কন্নেক্সন ফংহল্লি। তঙাই ফদবা খুদোংচাবা পুম্নমক য়াওবগা লোয়ননা প্রধান মন্ত্রী আৱাস য়োজনাগী মখাদা সরকারগী তোঙান-তোঙানবা পোলিসী অমসুং স্কিমশিংনা য়ুমশিং শারি।

প্রধান মন্ত্রীনা মমাংগী সরকারনা তৌরমখিবা থবক, করিগুম্বা মখোয়না য়ুমশিং শাবীরবসু মখোয়না তোখাইনা তোইলেৎশিং শাবা তাখি অমসুং য়ুমগী মপুশিংনা মখোয়গী য়ুমশিংদা ইলেক্ত্রিসিতী, ঈশিং অমসুং গ্যাস কন্নেক্সনশিংগীদমক তোঙান-তোঙানবা সরকারগী ওফিসশিংদা পিল্লর অমদগী পোস্ত অমদা কোইচেন চেনবা তারমখিবা অদু নীংশিংখি। প্রধান মন্ত্রীনা য়ুমগী মপুশিংনা থেংখাং কয়াদা শেল পীবা তারমখি। মমাং সরকারশিংগী মতমগী মনুংদা য়ুমশিং শাবা অমসুং খুৎশিন্নবগীদমক লৈরিবা কাংলোনশিং অমসুং অকনবা রুল অমদি রিগ্যুলেসনশিং অদুগী মতাংদা পল্লদুনা প্রধান মন্ত্রীনা হায়খি য়ুমগী মপুশিংগী অপাম্বশিং অমসুং অনীংবশিং অসিদা মখোয়না মীৎয়েং চংখিদে। প্রধান মন্ত্রীনা হায়খি, “ঐখোয়না মওংশিং অসিদা অহোংবা পুরকখি অমসুং য়ুম মপুশিংদা মপুং ফানা হক পীখি”। প্রধান মন্ত্রীনা পীরিবা হক অসিগী মতাংদা পল্লদুনা আয় পি.এম. আৱাস য়োজনা অসি হৌজিক খুন্নাই অমসুং শেন্মীৎলোন্দা শক্তি পীনবগীদমক হৌজিক খুৎলাই অমা ওইররে।

প্রধান মন্ত্রীনা হায়খি মমাংদা লৈরম্বা ফত্রবা পোলিসীশিংনা মরম ওইদুনা মীয়াম্না মখোয়গী য়ুম লৈতবগী চৈথেংশিং অদু মথংগী মীরোলশিংদা অমুক থংথখি। প্রধান মন্ত্রীনা হায়খি “ঐহাক্না তমথীরবা সাইকল অসিগী ঐহাক্কী ইরৈবাকচা করোর কয়াবু কনবা ঙমখিবগী খুদোংচাবা ফংহনবীখিবগীদমক ঐহাক্না অপেনবা পোকই”। মধ্য প্রদেশমক্তদা য়ুম লাখ ৩০ শাখি। য়ুম লাখ ৯-১০ শাবগী থবক পাইখৎলি। লাখ কয়া শাবা অসিনা থবক্কীদমক অনৌবা খুদোংচাবশিং পীরি। তোঙান-তোঙানবা কনস্ত্রক্সন মেতরিএলশিংগী মথক্তা তোঙান-তোঙানবা লমশিংদা অতোপ্পা শেন্মীৎলোনগী খুদোংচাবা কয়াগা লোয়ননা মিস্ত্রীগী স্কিল লৈরবা থবকশিং পীবা ঙমখি। মহাক্না হায়খি মদুদি মধ্য প্রদেশতা য়ুমশিং শাবা খক্তদা লুপা করোর ২২,০০০ চাদিং তৌখি। কেপিতেল চাউনা থাদখিবা অসিনা রাজ্য অসিদা লৈরিবা শেন্মীৎলোনগী পুন্সিগী হীরম পুম্নমক্তা মতেং পাংখি। মহাক্না মখা তারদুনা হায়খি, “য়ুমশিং অসিনা পুম্নমক্কী য়াইফ-মঙ্গোল পুরক্লগনি”।

হোংলক্লিবা ৱার্ক কলচরগী মতাংদা প্রধান মন্ত্রীনা হায়খি মমাংগী খেন্নবা মতৌগুম্না প্রজাশিংনা সরকারদা খুদোংচাবশিং অসিগীদমক কোইচেন চেন্দুনা হায়জখি, হৌজিক পাল্লিবা সরকার অসিনা প্রজাশিংগী মনাক্তা চৎলি অমসুং মীয়ামদা স্কিমশিংগী কান্নবা পুম্নমক ফংহন্নবা কেম্পেনশিং পাইখৎলি। মহাক্না হায়, “ঙসি ঐখোয়না অচান মীরান নাইদনা স্কিমশিংগী কবরেজকী সেচুরেসনগী মরমদা ঙাংনরি”।

মীয়ামগী তঙাই ফদবশিং থুংহন্নবা সরকারনা খোঙজেল য়াংনা থবক পাইখৎলিবা অসিগী মতাংদা প্রধান মন্ত্রীনা হায়খি মসি মমাংগী সরকারদগী তমশিনখিবা পরাশিং অদুনা মরম ওইরগনি। মমাংদা মীওই কয়ানা তঙাই ফদবা খুদোংচাবশিং ফংদবা মীওই কয়া লৈরমখিবনা মখোয়না অতোপ্পা অমত্তগী মরমদা খনবগী মতম লৈখিদে। মহাক্না হায়, “মরম অসিনা ‘গরীবি হরাও” হায়বা খোলাও অসি কান্নরমদ্রিবনি। মরম অসিনা ঐখোয়না লৈবাক অসিগী প্রজা খুদিংমক্তা তঙাই ফদবা খুদোংচাবশিং থুনমক ফংহন্নবা ৱারেপ লৌখি অমসুং মখোয়গী লৈতা লায়রবা কোকহন্নবা খোঙথাংশিং লৌখৎলি”।

মহাক্না হায়খি সরকারনা লাইচৎ মনুংদা ইরৈবাকচা করোর ৮০দা লেম্না রাশন পীখি অমসুং মসিদা লুপা করোর লাখ ৩ হেন্না চাদিং তৌখি। প্রধান মন্ত্রীনা হায়, “তেক্স থীরিবা মীওইশিংনা মখোয়গী শেল অদু মফম চানা শীজিন্নরে খঙবা মতমদা মহাক্না নুংঙাইবা পোকই। ঙসি লৈবাক অসিগী তেক্স থীরিবা মীওই করোর কয়ানা কোরোনাগী মনুংদা মীওই করোর কয়াবু মতেং পাংনবা মখোয়না তৌখিবা মমল য়াম্লবা সর্ভিস অদুদা মখোয়না অপেনবা পোক্লি। হায়রিবা চপ মান্নবা তেক্স থীরিবা মীওই অদুনা মঙোন্দগী লৌখিবা শেল অদুনা লেম্না ‘রীৱারি’ য়েন্থোকপা উবদা থমোয় পেনখি। ঙসি অসিগুম্বা তেক্স থীরিবা মীওই কয়ানা ঐঙোন্দা ফোঙনা চীথি ইবীরকখি। লৈবাক অসিগী অচৌবা শরুক অমনা লৈবাক অসিদগী রীৱারি কলচর মুত্থৎনবা হোৎনরক্লিবা অসিদা ঐহাক্না নুংঙাইবা ফাওই”।

প্রধান মন্ত্রীনা সরকারগী পান্দম অসি শুপ্নগী মাগী প্রজাশিংগী মঙলানশিং অমসুং অনীংবা অপাম্বশিং থুংহনবা খক্তা নত্তে অদুবু মিদল অমসুং লো-ইনকম গ্রুপশিংগী চাদিং হন্থহন্নবা হোৎনবসুনি। প্রধান মন্ত্রীনা আয়ুশ্মান ভারত অসিবু খুদম ওইনা পীখি অমসুং হৌজিক ফাওবদা স্কিম অসিগী শরুক ওইনা শেল থুমদা শোত্থরবা অনাবা করোর মরিদা লায়েং ফংহনখি হায়না ফোঙদোকখি। মহাক্না হায় সরকার অসিনা কোরোনাগী মনুংদা লেম্না ভেক্সিন কাপ্পগী কেম্পেনগীদমক লুপা করোর লিশিং কয়া চাদিং তৌখি অমসুং লায়রবশিংগী ফুরিৎ খাওদগী শেল চৎহনখিদে।

য়ুক্রেনগী লান্না মরম ওইদুনা হারগী মমলশিং ৱাংখৎলকপা অসিগী মতাংদা প্রধান মন্ত্রীনা হায়খি সরকার অসিনা লৌমীশিংনা অৱাবা পোৎলুম অসি পুদনবগীদমক চহি অসিদা সরকারনা লুপা করোর লাখ ২গী অহেনবা শেনফম চাদিং তৌখি। প্রধান মন্ত্রীনা হায়খি, “কেন্দ্র সরকারগী পি.এম. কিসান সম্মান নিধি অসি লৌমীশিংগীদমক্তা থৌজাল অমা পীরি”। মহাক্না হায়খি নুমিৎ খরনিগী মমাংদা বেনিফিসরী লৌমী খুদিংমক্তা খুদক্তা লুপা করোর লিশিং ১৬কী ইনস্তোলমেন্ত য়ৌহনখি। প্রধান মন্ত্রীনা হায়, “হৌজিক ঐখোয়গী সরকারনা লৌমীশিংগী বেঙ্ক একাউন্তশিংদা লুপা করোর লাখ ২ হেন্না দিপোজিৎ তোখি। অমসুং মসিনা লৌউ পন্থানা লাকপদা কান্নবা পীরি অমসুং লৌমীশিংনা হার অমসুং হীদাকশিং লৈনবা শেলগী মথৌ তাই”। মহাক্না মখা তারদুনা হায়খি মহৈ মরোংশিং য়োনবদগী ফংলকপা শেল অদু হকথেংননা বেঙ্ক একাউন্তদা চংলি। প্রধান মন্ত্রীনা হায়খি, “এম.এন.আর.ই.জি.এ.গী শেল অসি বেঙ্ক একাউন্তদা হকথেংননা হাপ্পি। মাত্রু বন্দনা য়োজনাগী লুপা লিশিং কয়া মীরোনবীশিংনা মচি ওইবা চীঞ্জাক খ্বাইদগী মথৌ তাবা মতমদা য়ৌহল্লি”। পুম্নমক অসি সর্ভিস অমসুং পোলিতিকেল ৱিলগী ৱাখল্লোন চেনবনা ওইথোকপা ঙমহনবনি।

প্রধান মন্ত্রীনা মীচম প্রজাগী পুন্সি লায়থোকহনবদা তেক্নোলোজী পাকশন্না শীজিন্নরি হায়নসু ফোঙদোকখি। মহাক্না স্বামিত্ব স্কিমদা প্রোপর্তী রেকোর্দশিং শেম্বদা অমসুং লৌউ-শিংউদা দ্রোন সর্ভেশিং চত্থখিবা অদু পনখি। মহাক্না কিসান সমৃদ্ধি কেন্দ্রশিংদা হারগী দুকান লাখ কয়া ওন্থোকখিবগী হন্দক্তা পাইখৎখিবা খোঙথাংশিং নীংশিংখি অমসুং য়ুরিয়া – ভারত ব্রান্দ কৌবা লৈবাক শিনবা থুংবদগী অমত্তা ওইবা ব্রান্দ অমা হৌদোকখি অমসুং মসিনা লৌমীশিংবু মতেং পাংনবা খোঙথাংশিং ওইরগনি হায়না থাজবা থমখি।

বেকগ্রাউন্দ

লৈবাক অসিগী মীওই খুদিংমক তঙাইফদবা খুদোংচাবা খুদিংমক য়াওরবা মশাগী য়ুম অমা ফংহনবা হায়বসি প্রধান মন্ত্রীগী শোইফদ্রবা থবক অমনি। মসি মাইকৈ অসিদা থাংজিনবা অতোপ্পা খোঙথাং অমনি। প্রধান মন্ত্রী আৱাস য়োজনাগী মখাদা মধ্য প্রদেশতা হৌজিক ফাওবদা য়ুম লাখ ৩৮ শানবা য়াবা পীখ্রে অমসুং লুপা কোতি ৩৫,০০০ হেন্না চঙনা য়ুম লাখ ২৯ রোম শাখ্রে।

Honoured to join 'Grih Pravesh' and inauguration of houses built under PM Awas Yojana (Gramin) in Madhya Pradesh. https://t.co/IBeV1Ta5O1

— Narendra Modi (@narendramodi) October 22, 2022

*****