ভারত ইমানা য়াইফরে,

ভারত ইমানা য়াইফরে,

জিলা অসিগী কাচিন কোয়া খুদিংদগী ঐখোয়বু থৌজাল পীবীনবা লাকপীরিবা পুম্নমক্না পুং অনি মখাইদগী অহুমগী মমাংদা মফম অসিদা লাক্তুনা লৈরখি হায়না ঐঙোন্দা পাউদমবীখি। নখোয়গী খাংবা কনবা, নখোয়গী মীনুংশি, নখোয়গী থৱায় য়াওবা অমসুং হরাও-তয়াম্বগী মতৌ অসিনা নখোয়গীদমক থবক তৌনীংনবা ঐঙোন্দা অনৌবা পাঙ্গল অমসুং শক্তি পীরি। অনৌবা থাজবা পীরি অমসুং মসিগীদমক ময়াম পুম্নমকপু খুরুমজরি।

হৌখিবা চহি কুন অসিদা নখোয়গী থৌনা, নখোয়গী মীনুংশিং, নখোয়গা লৈনরিবা অফবা মরী অসি তশেংনমক ঐহাক্কী লাইবক ফবনি অমসুং পুম্নমক অসি ত্রাইবেল ইচিল-ইনাওশিং অমসুং ইমা-ইবেলশিংনা পীবীখিবনি। ঐহাক্না ফংজরিবা থৌজাল অসুম্না পোলিতিক্সতা লাইবক ফবা কনাসু লৈরমলোই। অমসুং চহি ২০ লেপ্পা লৈতনা মীনুংশি ফংখিবা অসিনা অমসুং মসিনা মরম ওইদুনা ঐহাক্না গান্ধীনগর নত্ত্রগা দিল্লীদা লৈরবসু ঐহাক্কী ৱাখলদা ৱাফম অমা খক্তা খল্লো, করিগুম্বা ময়ামবু থাগৎপা ফোঙদোকচনবা খুদোংচাবা অমা ফংলবদি মদু ঐহাক্না অদুমক লৌদুনা লাকখি।

ঙসিসু তাপী নর্মদা য়াওনা অপুনবা ত্রাইবেলগী মফমদা লুপা করোর কয়াগী প্রোজেক্তশিংগী উরেপ-উয়ুং তমখি অমসুং শঙ্গাখি। ঙরাং অমসুং ঙসি পাঙথোকখিবা থৌরমদা ঐহাক্না উরেপ-উয়ুং তমখিবা অমসুং মদুগী বজেৎ এস্তিমেৎশিং অমসুং মদুদা চংবা চাদিং অসি করিগুম্বা ঐহাক্না পুনশিনবা তারবদি মমাংগী সরকারশিংগী থা ১২গী বজেৎ অদু অসুম্না ওইখিদে। কাইথরিবা বজেৎ অসি ময়ামগীদমক্তনি।

পুম্নমক অসি নখোয়গী খক্তগীনি, মসি নখোয়গী অঙাংশিংগী অফবা তুংলমচৎকীদমক্তনি। নখোয়গী ইমা-ইপাশিংনা হিংখিবা পুন্সি মহিং অমসুং উমংশিংদা লেনখিবা পুন্সি অসিগুম্বা অৱাবা খরদি কোকহনবা ঙম্লে অদুবু অদুমক অৱাবদি মায়োক্নরি। অদুবু ঐহাক্না নখোয়দা থাজবা পীরি অমসুং মরম অসিনা ঐহাক্না নখোয়গী অঙাংশিংনা মখল অমত্তগী অৱাবা মায়োক্নবা তৌদনবা অয়ুক নুমিদাং খাক্তনা হোৎনরি। ঐহাক্না ত্রাইবেলগী মফম অসি শেমগৎ শাগৎপা পাম্মি।

ত্রাইবেলগী মফম অসিগী য়াইফনবগীদমক, ত্রাইবেল ইচিল ইনাওশিংগী য়াইফনবগীদমক ঐখোয়না কন্না হোৎনরি মরমদি ঐহাক্না নখোয়গী থৌজালশিংগা লোয়ননা হৌরকখি। মফম অসিদা পাইরম্বা মমাংগী সরকারশিং অদু নখোয়না উরে। নখোয়না ৱা ঙাংদ্রবসু পুম্নমক খঙই।

নাকল অমরোমদা মমাংগী কোংগ্রেস সরকারশিং য়েংলগা ঙসি লৈবাক শিনবা থুংবদা লৈরিবা বি.জে.পি. সরকারশিং য়েংলুবা কোংগ্রেস সরকারশিংনা নখোয়গী অফবা তুংলমচৎকীদমক করিগু নাচুংদে। মখোয়গী ৱাখলদা মীখলশিংগী মতাংদা খক্তা খল্লি অমসুং মীখলশিংগী মমাংদা মখোয়না ৱাশকশিং শকখি, মখোয়না তাৎকী ৱাশক শক্তুনা মদু কাউথোকখি।

নাকল অমরোমদা বি.জে.পি. সরকারনা ত্রাইবেলশিংগী য়াইফনবা খ্বাইদগী মরু ওইবা মীৎয়েং চংলি। ঐখোয়গী ত্রাইবেল ইচিল-ইনাওশিংনা শক্তি লৈনবা, মতিক-ময়াই লৈনবা অপুনবা লমদম অসি খুমাং চাউশিন্নবা হোৎনদুনা লাকখি। নাকল অমরোমদা কোংগ্রেসনা ত্রাইবেলগী চৎনবী অসিবু করেম্নবা পাম্বা মওংদা সরকার চল্লাইখি।

করিগুম্বা ত্রাইবেল অমনা তর্বান নত্ত্রগা জেকেত লিৎলবদি মখোয়গী স্পীচতা মখোয়বু করেম্নৈ অদুবু ঐহাক্না হায়জনীংবদি কোংগ্রেস লুচিংবশিং অসিদা হায়জনীংবদি নখোয়না ত্রাইবেল লুচিংবশিং, মখোয়গী চৎনবী, মখোয়গী নাৎ অসিবু নোক্নদুনা মখোয়গী রাজনিতীগী ওইবা খুদোংচাবা লৌনবা হোৎনরি। চুম্মি ত্রাইবেল ইচিল-ইনাওশিংনা নখোয়বু কৈদৌনুংদা ঙাকপীরোই অমসুং মতম লাক্লবা মতমদা লমন খুনগনি।

নাকল অমরোমদা কোংগ্রেস সরকারনা ত্রাইবেলশিংগী শাবা পোৎলমশিংগী মগুন খঙবীদে, বি.জে.পি. সরকারশিং লাক্লবা মতমদা বন-ধনগী শক্তি অসি ঐখোয়গীদমক য়াম্না মরু ওই অমসুং মসিগী উমং অসি মালেমগী কৈথেলশিংনি।

ইচিল-ইনাওশিং,

বি.জে.পি. সরকারনা লৈবাক অসিদা লৈঙাক পাইবা মতমদা ত্রাইবেলশিংগী য়াইফ থৌরাংদা খ্বাইদগী মরু ওইবা মীৎয়েং চংখি, সরকার অমা হেক্তগা চাংদম্নবা মতমদা ঐখোয়গী সরকারনা থবক কয়া জাতিদা কত্থোকখি। কোংগ্রেস সরকারশিংনা নীংতম্বা ফংলবা মতুংদা দিকেদ কয়া পাইখি অমসুং মখোয়না ত্রাইবেল ইচিল-ইনাওশিংগী পুন্সিদা মায়োক্নরিবা সমস্যাশিং কোকহন্নবা হোৎনখিবা লৈতে। ঐখোয়না ত্রাইবেল ইচিল-ইনাওশিংগী চাউখৎ-থৌরাং খোঙজেল য়াংনা পুরক্নবা অমসুং তুংলমচৎকী চাউখৎ-থৌরাংগীদমক খ্বাইদগী ফবা ফেসিলিতীশিং পীনবা খনখি। ঐখোয়ন মখোয়দা মেক্সিমম ফেসিলিতীশিং ফংহন্নবা হোৎনখি।

ঐখোয়না মেক্সিমম ফেসিলিতীশিং পীনবা হোৎনরিবা অসিনা মরম ওইদুনা কোংগ্রেসকী মীওইশিংনা লাক্তুনা তাৎকী ৱাশক শক্লগনি হায়না ঐহাক্না থাজৈ অদুবু ত্রাইবেল ইচিল-ইনাওশিংনা মখোয়না থৌশাবীখিদবা অদুগী লমন শোইদনা খুনগনি হায়না ঐহাক্না থাজৈ।

য়ুমদা মৈ ফংহন্নবা, পক্কাগী য়ুম শানবা, গ্যাস কন্নেক্সন পীনবা, তোইলেৎ শানবা, য়ুমশিংগী অনকপদা মেদিকেল সেন্তর থম্নবা, হিংনবগী পাম্বৈ লৈহন্নবা অমসুং মনাক নকপদা শান্নবুং শানবা অমসুং অঙাংশিংগী স্কুল লৈহন্নবা, খুঙ্গং ফাওবগী লম্বী শেম্নবগীদমক ঐখোয়না মথং-মথং সমস্যা অসি কোকহন্নবা কেম্পেন হৌদোকখি। ঐহাক্না নীংশিংলি গুজরাতনা মমাংদা অমুক্তা তৌখিদ্রিবা থবক খরা তৌখি। ঐহাক্না অহানবা ওইনা গুজরাতকী সি.এম. ওইবা মতমদা সহর অসিগী মীয়াম্না নুমিদাংগী মতম ফাওবদদি মৈ ফংহল্লু মসিগীদমক করিগুম্বা খরদি পাইখৎলু হায়বখিবা অদু ঐহাক্না নীংশিংলি। ঙসি গুজরাত্তা পুং ২৪ মৈ ফংলে, য়েংবীয়ু ঐহাক্না সি.এম. ওইরিঙৈদা মৈ ফংহন্নবা হায়খিবা অদু ঙসিদি জিলা অসিনা মৈ পুং ২৪ ফংবা অহানবা জিলা ওইখি, ময়াম নীংশিংলিবা নত্ত্রা?

গুজরাতকী জ্যোতি গ্রাম য়োজনা ঐহাক্কী দাঙ্গ জিলা অসিদা পুং ২৪ মৈ ফংনবা শিল-লাংখি। হায়বদি ত্রাইবেলশিংগী খুন ৩০০দা মৈ য়ৌহনখি অমসুং মখোয়দা পুং ২৪ মৈ ফংহনদুনা খুঙ্গংগী য়ুমথোং খুদিংদা জ্যোতিগী কান্নবা পীরি। করিগুম্বা অতোপ্পা লুচিংবা ওইরম্লবদি মখোয়না অহমদাবাদ নত্ত্রগা বদোদরা খল্লম্বা য়াই মরমদি মখোয়গী ফোতোগ্রাফশিং অদু পাউচেশিংদা য়াওগনি অদুবু দাঙ্গদদি কনানা মখোয়গী ফোতো হাপকনি। ঐহাক্কী ওইনদি ত্রাইবেলশিংগী য়াইফবা হায়বা অসিনা ঐহাক্কী মরু ওইবা হীরম ওইখি অমসুং মসিগী ইথিল অসি দাঙ্গ জিলাদগী লাকখিবনি অমসুং মৈ ফংলবা মতুংদা অঙাংশিংনা মহৈ মশিংদা থৱায় য়াওরকপা অমসুং মীয়ামগী পুন্সিদা অহোংবা লাকপা ঐহাক্না উবা ফংখি অমসুং মসিগী ইথিল লৌদুনা ঐহাক্না প্রধানমন্ত্রী ওইখি, ঐহাক্না ভারত্তা মৈ ফংবদা অসিগুম্বা খুঙ্গং কয়া লৈরমগনি হায়না খনখি।

মীওইশিং অসিনা তৌরমখিবশিং অদুগীদমক ঐহাক্না ইকাইবা পোকই। ইলেক্ত্রিক পোল অমা ফাওবা য়ুংদবা খুঙ্গং ১৮০০০ লৈরমখি। ঐখোয়না কেম্পেন অমা হৌদোকখি অমসুং মৈ ফংবা খুঙ্গং অমা ফাওবা ঙসিদি ভারত্তা লৈত্রে। পুম্নমক অসি ঐহাক্না দাঙ্গদগী তমশিনখিবনি। ঐহাক্না দাঙ্গগী থবক য়েংলগা মসি তমশিনখি অমসুং মসিনা মরম ওইরগা ত্রাইবেলগী মফম অসি ঐহাক্কী ওইনা পব্লিক এজুকেসনগী খ্বাইদগী চাউবা পাম্বৈনি। ত্রাইবেলগী মফমশিংদা লৌউ-শিংউবুপুন্সি হাপ্নবা ঐখোয়না বলসাদ জিলাদা বারী য়োজনা হৌদোকখিবা অদু ময়াম্না শোইদনা নীংশিংলমগনি।

ঐহাক্কী ত্রাইবেল ইচিল-ইনাওশিংদা বিঘা অমা নত্ত্রগা বিঘা অনিগী লম ফাওবা লৈতে মদুসু পোৎহোলশিং নত্ত্রগা চীংশিংগী মনাক্তা লৈ। হৌজিক মহাক্না ফীভম অদুদা করি তৌগনি? নখোয়গী কন্না হোৎনবা অদুনা মরম ওইদুনা মিলেৎ লোকপা ঙমখি। মখোয়গী অৱাবা খংদুনা ঐখোয়না বারী য়োজনা হৌদোকখি অমসুং ঙসি ফাওবা ঐখোয়না বলসাদকী মাইকৈদা চৎপা মতমদা ঐখোয়গী ত্রাইনেল ইচিল-ইনাওশিংনা অপীকপা লমদা কাজু থাবা হৌবা উবা ফংলি। হৈনৌ, পুংথোন নত্ত্রগা চম্প্রা, চিকু অসিগুম্বা উহৈশিং পুথোকপা হৌখি অঞসুং ত্রাইবেল ইচিল-ইনাওশিংনা কাজু পুথোকপদা গোৱাগী লম্বা তৌরি।

অমসুং বারী য়োজনানা পুন্সিদা অওনবা কয়া পুরকখি অমসুং মসিগী নুংশিৎ অসি লৈবাক শিনবা থুংবদা শিৎলি, ঐখোয়গী ত্রাইবেল ইচিল-ইনাওশিংনা পোৎথোক লৈতবা লমদমদা উহৈ পানবা হৌরে, ৱা থাবা হৌরে অমসুং মতম অদুদা ঐখোয়গী অব্দুল কলামনা রাস্ত্রপতি ওইরি, মহাক্না মফম অসিদা লাক্তুনা য়েংনীংই হায়না ফোঙদোকখি, মদুদা ঐহাক্না লাকপীয়ু হায়খি। মহাক্কী মপোক নুমিৎতা মহাক্না ফেসিলিতী অমত্তা লীদনা বলসাদ জিলাগী ত্রাইবেলশিংগী খুঙ্গংশিংদা চৎখি অমসুং বারী য়োজনা য়েংখি অমদি মসিবু য়াম্না থাগৎখি।

বারী য়োজনানা ঐখোয়গী ত্রাইবেল মীয়ামগী পুন্সিদা অচৌবা অহোংবা অমা পুরকখি। ঐখোয়গী ত্রাইবেল ইচিল-ইনাওশিংগী ফীভম করম তৌরমখি? মফম অদুদা নোং চুখি অদুবু ঈশিং অদু চেন্থোকখিদুনা কালেন থাগী মতমদা থক্নবা ঈশিং অমত্তা ফংদে। কোংগ্রেস সরকারশিংনা মসিদা মীৎয়েং অমত্তা চংখিদে। লুচিংবা খরনা মখোয়গী খুঙ্গংশিংদা ঈশিং তেঙ্কী শাখি অদুবু মদু অমুক ফাওবা ঈশিং হাপ্পীখিদে।

ঐহাক্না সি.এম. ওইরিঙৈ মতমদা তেঙ্কীশিং অসি ঈশিং হাপ্নবগী থবক তৌখিবা মতম অদু ঐহাক্না নীংশিংলি। মৈ ফংহনখিবা অদুগুম্না ঈশিং ফংহনখি। ঐখোয়না হেন্দ পম্পশিং ইনস্তোল তৌখি, অমসুং ঙসিনা ঐখোয়না ৱাতর গ্রীদশিং ফংহল্লি। অৱাংবা মফমশিংদা ঈশিং চীংখৎতুনা ত্রাইবেলশিংগী মনুং হঞ্জিনবা মফমশিংগী কেনেলশিংদা লীপ ইরিগেসন পুরকখি মসিগীদমক অপুনবা নেৎৱার্ক শেমখি অমসুং ঈশিং ফংহনখি অমসুং দাবা-কাথাগী ত্রাইবেল ইচিল-ইনাওশিংনা কয়া য়াম্না অৱাবা মায়োক্নৈ। দাবা-কাথাগী কেনেলদগী ঈশিং চীংখৎতুনা ঐহাক্না ত্রাইবেল ইচিল-ইনাওশিং অমসুং লৌমীশিংদা ঈশিং ফংহনখি অমসুং মহৈ-মরোং অহুম হৌবা হৌখি। ঐহাক্কী লৌমী ইচিল-ইনাওশিংনা লুপা করোর কয়াগী য়োজনা অসিগী কান্নবা ফংখি, ত্রাইবেলগী মফমশিংদা ঐখোয়গী ইমা অমদি ইচে-ইচলশিংনা ঈশিং য়ৌহন্নবা ঐহাক্না হোৎনখি অমসুং মসিনা মরম ওইদুনা খুদোংচাবা অসি ঙসি ফংবা ঙম্লে।

মতম অমদা গুজরাত্তা য়ুম ১০০ লৈবদা ২৫দা খক্তা ঈশিং ফংখি, হেন্দপম্পশিং অসি মখোয়দগী য়াম্না লাপ্না লৈ অমসুং ঐহাক্না হৌদোকখিবা অদু ঙসি গুজরাতকী ভুপেন্দ্র ভাইগী সরকারনা কন্না হোৎনদুনা য়ুম ১০০গী মনুংদা ১০০দা তোতি ঈশিং সপ্লাই তৌরি।

ইচিল-ইনাওশিং,

ত্রাইবেলগী মফমশিংগী তঙাই ফদবশিং থুংহন্নবগীদমক ঐখোয়না বন ৱন বন্ধু কল্যান য়োজনা অমুক হিংগৎহনখি অমসুং ঙসি মঙ্গু বাইনা মফম অসিদা লাক্লি, মহাক্না মধ্য প্রদেশকী রাজ্যপালনা ওইরিবা অসি ঐখোয়গী লাইবক ফবনি। গুজরাতকী ত্রাইবেল মমা অমনা পোকখিবা মঙ্গু ভাইনা মধ্য প্রদেশকী রাজ্যপাল ওইনা য়াইফ থৌরাংগী থবক তৌরি। ঙসি অসিগুম্বা য়াইফরবা থৌরমদা মহাক্না লাকপীবা অসি ঐখোয়গী লাইবক ফবনি।

মঙ্গু ভাইনা মফম অসিগী মন্ত্রী ওইরম্বা মতমদা মহাক্না ত্রাইবেলশিংগীদমক অয়ুক নুমিদাং খাইদনা মহাক্কী পুন্সি কত্থোকখি অমসুং অশোইবা অমত্তা লৈতবা লুচিংবা অমা ওইখি। ভারতীয় জনতা পার্তীনা অসিগুম্বা ত্রাইবেল লুচিংবা অমা পুথোক্নবা থবক তৌখি। মতম অদুদা মঙ্গু ভাইগী লুচিং মখাদা থবক পাইখৎপা হৌখিবা অদি ঙসি ঐখোয়গী ত্রাইবেল জিলা, তাপী জিলাদা ঐখোয়গী ইচানুপীশিংনা স্কুল অমসুং কোলেজ কাবা ফংলে। ত্রাইবেল খুন্নাইগী ইচানুপা অমসুং ইচানুপীশিংনা সাইন্স তম্বা হৌখি, দোক্তর, ইঞ্জিনীয়রশিং ওইখি। মখোয়না নর্সিংদা চংখি অমসুং হৌজিক্তি মপাল লৈবাক্তা চৎপা হৌরে।

চহি ২০-২৫দা ত্রাইবেলগী মফমশিংদা আদিৱাসী আশ্রম স্কুল খরা খক্তা লৈরমখি। সাইন্স স্ত্রীম স্কুল অমত্তা লৈরমখিদে। করিগুম্বা ১০-১২তা সাইন্স ফেকলতী লৈতবা তারবদি ঐহাক্কী ত্রাইবেল অঙাংশিংনা করম্না ইঞ্জিনীয়র দোক্তরশিং ওইগনি? ঐহাক্না মীপুম খুদিংমকপু মসিগী অৱাবা অসিদগী কোকহনখি অমসুং ঙসি অঙাংশিং অসিনা দোক্তরশিং অমসুং ইঞ্জিনীয়রশিং ওইদুনা লৈবাক, খুন্নাই অমসুং ত্রাইবেলগী লমদমগী মিংচৎ পুরকখি অমসুং। ঐখোয়না থবক অসি পাঙথোকখি। কোংগ্রেসনা অসিগুম্বা থবক অমত্তা তৌরমদে।

ইচিল-ইনাওশিং,

কোংগ্রেসকী ৱাখল্লোন অমসুং মখোয়গী থবক তৌবগী মওংশিংদা ঐখোয়না অহোংবা পুরকখি অমসুং ঙরাং গুজরাতকী গান্ধীনগরদা ঐহাক্না ভারতকী অহানবা অচৌবা থৌরম হায়বদি মিসন স্কুল্স ওফ এক্সিলেন্স হৌদোকখি। অসিগুম্বা তেক্নোলোজী স্কুলশিংনা মালেম পুম্বগা থাক মান্ননা পুখৎলননি অমসুং গুজরাতকী ওইনা স্কুলশিং অসিদগী লিশিং মরিদি ত্রাইবেলগী মফমশিংদা ওইখি মরমদি ঐহাক্না থাজৈ মদুদি ত্রাইবেল ইচিল-ইনাওশিংনা করিগুম্বা মসিগী এজুকেসন অসি ফংলবদি মখোয়না মালেম অসিদা মীংচৎ পুরক্কনি।

হৌখিবা চহি কুন অসিদা ত্রাইবেলগী মফমদা স্কুল লিশিং তরা হেন্না শাখি, নুপীমচাশিংনা মহৈ তম্বা ফংনবগীদমক একলব্য মোদেল স্কুল অমসুং রেসিদেন্সিএল স্কুলশিং শাখি। মখোয়গীদমক শান্ন-খোৎনবা ফংহন্নবা শেম শাখি। ঙসি ত্রাইবেলগী মফমশিংগী ইচানুপা অমসুং ইচানুপীশিংনা খেল কুম্ভ পাঙথোক্লি মখোয়না মনা ফংলি। মসিনা মখোয়গী শক্তি। ঐখোয়না নর্মদাদা বিরসা মুন্দা ত্রাইবেল য়ুনিভর্সিতী অমসুং গোধরাদা গোবিন্দ গুরু য়ুনিভর্সিতীগুম্বা ত্রাইবেল অঙাংশিংগীদমক থবক পাইখৎখি।

ঐখোয়না ত্রাইবেল অঙাংশিংগীদমক স্কোলরশিপকী বজেৎ শরুক অনি হেনগৎহনখি। একলব্য মোদেল স্কুলগী মশিংসু হেনগৎলকখি। করিগুম্বা ত্রাইবেলগী অঙাংশিংনা মহৈ তম্বা ফংলবদি মখোয়না মপাল লৈবাক্তা চৎপা ফংলবনি মখোয়বু শেল থুমদা মতেং পাংবা ঙম্নবা থৌরাং অমা ওইগনি।

ঙসি ঐখোয়গী ত্রাইবেলশিংনা মালেম শিনবা থুংবদা অচৌবা লৈবাকশিংদা শীংথানীংঙাই ওইবা থবক তৌরি। ঐখোয়গী সরকারনা ত্রান্সপরেন্সী পুরক্লিবা মওং, শেঞ্জা থুমজা তৌদনবা পাইখৎলিবা থবক, খেলো ইন্দিয়া পাঙথোক্লিবা অসিনা ত্রাইবেলগী অঙাংশিংনা খুদোংচাবশিং ফংলি।

ইচিল-ইনাওশিং,

ঐহাক্না ৱন বন্ধু য়োজনাগুম্বগা লোয়ননা গুজরাত্তা লাকখি, ভুপেন্দ্র ভাউনা স্কুম অসি ঙসি মাংদং পুখৎলি অমসুং মসিদা লুপা করোর লাখ অমা হেন্না চাদিং তৌখি। উমরগাওদগী অম্বাজী খুঙ্গংগী ত্রাইবেলগী মফমদা লুপা করোর লাখ অমা চাদিং তৌখি।

মসিগী অনিশুবা ফেজকী থবক অসিদা লুপা করোর লাখ অমা হেন্না চাদিং তৌখি অমসুং অমগী মতুংদা অমা অনৌবা স্কুলশিং, মেদিকেল কোলেজশিং, নর্সিং কোলেজশিং শাখি। স্কিম অসিগী মখাদা ত্রাইবেলশিংগীদমক লুপা করোর লাখ ২.৫ চাদিং তৌখি। ঐহাক্কী গুজরাত্তা য়ুম লাখ ২.৫ শাখি। ঐখোয়না ত্রাইবেল ইচিল-ইনাওশিংগীদমক পক্কাগী য়ুম শাখি, লমগী লীজ ফংহনখি, মখোয়না মপু ওইহনখি।

ইচিল-ইনাওশিং,

ত্রাইবেলগী মফমশিংদা হৌখিবা চহি মঙা-তরেৎ অসিদা ত্রাইবেলগী ইমুংশিংদা য়ুম লাখ ৬, লেন্দ লিজ লাখ অমা পীনবগী থবক ঐখোয়না পাঙথোকপা ঙমখি। নখোয়বু শেবা তৌনবা খুদোংচাবা ঐঙোন্দা পীবা মতমদা ত্রাইবেলগী খুন্নাইদা মচি ওইবা চীঞ্জাক চাবা ফংদবগী সমস্যা লৈরমখি। ঐখোয়গী চহি ১১-১২ নত্ত্রগা ১৩গী ইচানুপীশিংনা মশা ইনখৎলকপগী মতমদা মখোয়গী ইমুংনা থেংনরিবা সমস্যা অদুগীদমক ঐখোয়না ৱাখল ৱাখি অমসুং অঙাংশিংগীদমক সঞ্জীবনি দুধ য়োজনাগী খুত্থাংদা খুঙ্গং খুঙ্গংদা শঙ্গোম য়ৌহনখি। হেল্থ সেন্তর লিশিং অমা মখাইদা সিকল সেলগুম্বা লাইনাশিংগীদমক লৈবাক শিনবা থুংবদা কেম্পেন হৌদোকখি। ঐখোয়না অফবা লায়েং পীনবা থবক তৌখি। মরম অসিনা চহি কয়া সিকল সেলগী চৈথেং মরক্তা হিংখিবা ত্রাইবেলগী ইমুংশিংনা মসিদগী কোকচবা ঙমখি।

ইচিল-ইনাওশিং,

ঐখোয়গী থবক অসি সমস্যাশিং কোকহনবনি, অথুবা মতমদা মদু কোকহনবনি লোয়ননা ন্যুত্রিসন স্কিমগী খুত্থাংদা ঐখোয়গী অঙাংশিংবু মশা মউ ফনা থম্বা ঙমখি। ঐখোয়গী ইমা অমদি ইচিল-ইনাওশিংনা মীরোল্লিঙৈ মনুংদা মচি ওইবা চীঞ্জাক ফংনবা মসিগীদমক মখোয়দা লুপা লিশিং কয়াগী কিত য়েন্থোক্তুনা মতেং পাংলি। ইমা, ইচে-ইচল অমসুং অঙাংশিং ওইরবসু মখোয়না মতম চানা তীকা থাদোকখি, মখোয়দা পেরলাইসিসগুম্বা লাইনা অমত্তা নাখিদে। অপীকপা অঙাংশিংগী পুন্সিদা থেংনবা অরুবা অনাবা মখল অমা হেক্তা ইন্দ্রধনুশ স্কিমগী মখাদা ঙাকথোক্নবা হোৎনখি।

মসি খক্তা নত্তনা চহি অনি মখাইগী মমাংদা লৈবাক পুম্বদা কোরোনাগী লাইচৎ লাকখি, ফীভম অদুদা ঐখোয়না অহানবা ওইনা করি তৌখি, ঐখোয়না অৱাবা তারিবা খুঙ্গংশিং, উমংশিংদা, মিদল ক্লাসকী মীওই মিলিয়ন ৮০০দা লেম্না রাসন ফংহনখি অমসুং লায়রবগী য়ধমদা চাকশঙগী মৈ মুৎহনখিদে, মশিং অসি তাবদা মালেমগী মীয়াম্না অঙকপা পোক্নখি, মখোয়গী মমিৎ লাউথোকখি। ঐখোয়না লায়রবশিংগীদমক লুপা করোর লাখ অহুম চাদিং তৌখি। ইমুং অমত্তা চারা হেনহনখিদে, অঙাং অমত্তা চাক লাম্না তুমহনখিদে। ঐখোয়না মখোয়গীদমক খনখি।

ঐখোয়গী ইমা অমদি ইচে-ইচলশিংনা য়ুমদা শীংনা থোংবনা মরম ওইদুনা মৈখুনা মমিৎ শোকহনখিবা মতমদা ফোরেস্ত বিভাগনা কয়াদা অৱাবা মায়োক্নখি। ঐখোয়না মখোয়দা গ্যাস কন্নেক্সন পীখি, গ্যাস সিলিন্দরশিং পীখি অমসুং মখোয়দা দিৱালীদা সিলিন্দর অনি-অনি পীনবা ৱারেপ লৌখিবগীদমক ভুপেন্দ্র ভাইবু ঐহাক্না থাগৎচরি। ইমা অমসুং ইচে-ইচলশিংগী থৌজালশিংগা লোয়ননা অনৌবা থবকশিং তৌনবা ঐখোয়না শক্তি ফংলি। ইমুং লিশিং কয়ানা মখোয়গী কান্নবা ফংখি।

ঐখোয়না আয়ুশ্মান ভারত স্কিম পুদুনা লাকখি। করিগুম্বা লায়না অমা হেক্তা নারবদি নখোয়গী নচানুপাশিংনা লুপা লাখ মঙা ফাওবগী বিল থীনবা শেম শাদুনা লৈরি। শুপ্নগী লাখ অমা নত্তে, চহি খুদিংগী লুপা লাখ মঙা। করিগুম্বা হৌজিক চহি নিফু হিংলবদি চহি খুদিংগী অদোমগী লাইনা লায়েংনবা লুপা লাখ মঙা ফংগনি। আয়ুশ্মান য়োজনা হায়বগী ৱাহন্থোক অসি সনাগুম্বনি। অদোম্না সনা পাইদুনা চৎপদা খুদক্তা শেল ফংই। আয়ুশ্মান কার্দ অসি সনাগা পাঙ্খক ওই। আয়ুশ্মান কার্দনা অচৌবা হোস্পিতালশিংগী থোং হাংহল্লি। অদোমগী লাইনাগীদমক অচৌবা ওপরেসন মথৌ তারবদি মদু পাঙথোক্কনি।

মসি খক্তা নত্তনা তাপী, ব্যারী নত্ত্রগা সুরত খক্তদা থবক পাইখৎপা নত্তে। অদোমনা কোলকাতা, মুম্বাই, দিল্লীদা লৈরবসু মসি সনাগুম্না মথৌ তৌগনি। কার্দ অদু উৎলু অদু ওইরবদি থোংশিং হাংগনি। লায়রবশিংগীদমক ঐখোয়না থবক অসি তৌখি। ঐখোয়গী ত্রাইবেল খুন্নাইনা সমস্যা অমত্তা মায়োক্নদনবা ঐখোয়না খনখি। নীংতম ইহৌদা ত্রাইবেল খুন্নাইনা চাউনা শরুক তমখি। মমাংগী সরকারশিংনা মখোয়বু কাউথোকপীখি। বিরসা মুন্দাগী মমিং অহানবা ওইনা তাবা অঙাং কয়া লৈরমগনি। হৌজিক ঐখোয়না নবেম্বর ১৫ অসি জনজাতী গৌরব দিৱস ওইনা বিরসা মুন্দাগী মপোক নুমিৎ পালন তৌনবা ৱারেপ লৌখি।

চহিচা কয়াদগী ত্রাইবেলগী খুন্নাইশিং অসি লৈরমব্রা নত্ত্রগা লৈরমদব্রা হায়বা অসিদা নখোয়না অঙকপা পোক্কনি। ভগৱান রামগী মতমদা শাবরী মাতা লৈরমব্রা। অদুবু লৈবাক অসিনা নীংতম্বা ফংলবা মতুংদা অতলজীগী সরকার শেম্লবগী মতম অদু ফাওবদা ত্রাইবেলশিংগী য়াইফনবা মন্ত্রালয় অমত্তা লৈরমদে। অহানবা ওইনা বি.জে.পি. সরকার শেম্বা মতমদা ত্রাইবেলশিংগীদমক তোখাইবা মন্ত্রালয় অমা শেমখি অমসুং ত্রাইবেলশিংগীদমক তোখাইবা বজেৎ শেমখি অমসুং মখোয়দা মীৎয়েং চংখি। কোংগ্রেসকী মীয়াম্না থবক অসি তৌরম্বা য়াবনি অদুবু মখোয়না মদু পাঙথোকখিদে। বি.জে.পি.গী মীয়াম্না লাক্লবা মতমদা তোখাইবা বজেৎ অমসুং মন্ত্রালয় শেমখি অমসুং হৌজিক চাউখৎ থৌরাংগীদমক থবক তৌখি। অতলজী সরকারনা গ্রাম সরক য়োজনা পাইখৎলমখি। হৌজিক ত্রাইবেলগী মফমশিংদা লম্বীগীদমক অৱাবা লৈত্রে।

ইচিল-ইনাওশিং,

দবল ইঞ্জিন সরকারনা দবল ৱিল পাৱরগা লোয়ননা থবক তৌরি। ঐখোয়গী সরকারনা এম.এস.পি. লিমিৎ অসি লিশিং ১২দগী লিশিং ৯০দা প্রদক্সন হেনগৎহনখি। ঐখোয়গী ত্রাইবেলগী মফমদা পুথোকপা অসিগুম্বা পোৎলম লিশিং ৯০ হাপচিনখি। ঐখোয়না নোমেদিক ত্রাইবশিংদা মীৎয়েং চংখি। মসিগীদমক তোখাইবা বোর্দ শেমখি। ঐখোয়গী লৈবাক অসিদা মমাংদা লো কয়া লৈরমখি, মসিদগী ব্রিতিশনা মখোয়গী কান্নবা ফংখি অদুবু ত্রাইবেল মীয়াম্না ৱা ফাওবা ককপা ঙমখিদে অদুবু মখোয়না তৌরুরবদি মখোয়না জেল চংগনি। করিগুম্বা ত্রাইবেল ইচিল-ইনাওশিংনা ৱা অমা য়াল্লবা, মদুদগী পোৎ শারগা য়োল্লবদি মদুনা মখোয়গী তঙাই ফদবশিং লৈবা য়াগনি। ঐহাক্না লাকপদগী আইনা অদু শেমদোকখি। ঐহাক্না ৱা অসি নাপী মখল অমনি মসি উ পাম্বী নত্তনে ৱা থাবা, য়ানবা অমসুং য়োনবা য়াহনখি। মদু ত্রাইবেলশিংগী হকনি। ব্রিতিশকী মতমদগী লৈরক্লবা কাংলোনশিং ঐহাক্না লাক্তুনা শেমদোকখি। অমসুং ঙসি ত্রাইবেল ইচিল ইনাওশিংনা ৱা থাদুনা মপু ওইরি অমসুং হৌখিবা চহি নিপান অসিদা ত্রাইবেলগী মফমশিংগী বজেৎ শরুক অহুম হেনগৎহনখি। খোঙথাংশিংগা লোয়ননা ত্রাইবেলশিংনা থবক ফংহনগনি, ইচানুপীশিংনা খুদোংচাবশিং ফংহননি, মখোয়না মশাবু মশানা থবক পীজগনি।

ঙসি লৈবাক অসিনা রাস্ত্রপতিগী ফম ত্রাইবেল নুপী অমনা পাইবদা চাউথোকচবা পোকই। মসি লৈবাক অসিদা অহানবা ওইনা থোকপনি, ঐখোয়গী মঙ্গু ভাইনা রাজ্যপাল ওইরি। ঐখোয়না অহোংবা অসি পুরকখি। নীংতম ইহৌদা ত্রাইবেলশিংনা তৌখিবা থবক, ব্রিতিশতা মখোয়না মকোক নোনখি। অসিগুম্বা থৌদোক কয়া ত্রাইবেল খুন্নাইগী থৌদোক কয়া লৈ মসি ঐখোয়না কাউফদে। মসিগীদমক ঐহাক্না ৱারেপ অমা লৌখি, ঐহাক্না অচৌবা ম্যুজিয়মশিং শারগনি অঙাংশিংদা ঐখোয়গী ত্রাইবেল ইচিল-ইনাওশিংনা ঙসি ঐখোয়না নুংঙাইবা হিংলিবা অসিদা মখোয়না তৌরমখিবা অদু তাক্লগনি। মখোয়না কয়া অমা কত্থোকখি, মসিগীদমক মখোয়বু থাগৎচরি। তুংগী মীরোলদা পরা অমা ঐহাক্না তমশিনহনবা পাম্মি।

ইচিল-ইনাওশিং,

মসিগী দবল ইঞ্জিন সরকার অসিনা তুরিজমগী লমদা থবক কয়ামরুম পাইখৎলি। দেভমোগরাগী মতাংদা খন্দুনা য়েংবীয়ু, গুজরাতকী সি.এম. অমা ফাওবনা দেবমোগরাগী মমিং কৈদুংনুংদা তাখিদ্রি, ঐহাক্না দেবমোগরা চৎখি অমসুং দেবমোগরাদা মেলা শিনখি, অহোংবা কয়ামরুম পুরকখি। মসি সপুতারাগী থবক পীবা মফম অমা ওইখ্রে।

ঙসিদি, স্তেচ্যু ওফ য়ুনিতী অসি মফম পুম্বদা ত্রাইবেলশিংগী থবক ফংহন্নবা হব অমা ওইরক্লি। মফম কয়াদা চাউখৎ থৌরাং কয়ামরুম লাক্লে। লাইফমশিংনা ময়াইদা থমদুনা ঙসিদি নাকল অনিমক অসি শম্ননবা লম্বী শেম্বা হৌরে। ত্রাইবেলশিংগী লম অসিদা শেল তান্নবা লম্বী কয়ামরুম শেম্লে হায়বা অদোম্না খন্দুনা য়েংবীয়ু। শহরগী খোংলম্বীশিংদা কোয়লা থাবগী থবক শুনবা লৈবা মতম অদু হৌজিক্তি লোইখ্রে। হৌজিক্তি মখোয়না য়ুমদা লৈরদুনা হিংনবগী পাম্বৈ অমা ফংনবা থৌনা অদু খুৎশিন্নরে।

চাউখৎ থৌরাংদা শরুক য়ারিবা অসিনা লাইরবশিংগী মরক্তগী খ্বাইদগী লাইরবা অদুবু ফাওবা শক্তি পীবা ঙম্লগনি। দবল ইঞ্জিন সরকার অসিনা ত্রাইবেল নহারোলশিংবু শক্তি পীনবা লেপ্পা লৈতনা হোৎনরি। সবকা প্রয়াস হায়রিবা মন্ত্র অসিগা লোয়ননা ঐখোয়না চৎলি। খুনাইগী খ্বাইদগী শোত্থরবা মীওই অদু ফাওবা খুনাই অদুগী শরুক অমা ওইহন্নবা ঐখোয়না কন্না হোৎনরি অমসুং চাউখৎলবা খুনাইশিং অসিনা শোত্থরবা মীওইশিং অসিগী চাউখৎ থৌরাংদা মখোয়গী শরুক তম্বা য়াগনি। 

ইচিল ইনাওশিং,

বি.জে.পি. সরকার অসি লাইরবা অমসুং ত্রাইবেলশিংগী য়াইফনবগীদমক্তনি। লাইরবা, নত্ত্রগা, অৱাবা নত্ত্রগা নমথবীরবা ওইরবসু ঐখোয়না পুকচেল শেংনা মখোয়গী থবক পাংথোক্নবা হোৎনরি অমসুং মসিনা মরম ওইদুনা নখোয় কয়া থোকপিরক্তুনা থৌরম অসি মপুং ফাহল্লিবনি। অদোমগী থৌজালশিং অসি ঐখোয়গী শক্তি অমসুং পুক্নিং থৌগৎপা ওইরিবনি। অদোমগী থৌজালশিং অসি ঐখোয়গী থৌনানি। অদোমগী থৌজালশিং অসিনা ঐখোয়বু কত্থোকপগা লোয়ননা থবক তৌহল্লিবনি। অদোমগী থৌজলাশিংনা ঐখোয়গী পুন্সি অসি নখোয়দা কত্থোক্লিবনি অমসুং নখোয়গী থৌজাল ময়াম অসিনা লাক্কদৌরিবা মতমশিং অসিদা নখোয়গী নুংঙাইনবা অমসুং খুদোংচানবা মাইকৈদা চংশিনবদা ঐখোয়দা মতেং ওইরগনি। মসিনা ঐহাক্নি নীংজরিবা অসি। চাউখৎ থৌরাংগী থবক ময়াম অসি নখোয়গী নফমদা শিন্নরদুনা ঐহাক্কী ৱারোল অসি তেনশিনজরগে। খুৎ অনিমক থাংগৎপীদুনা নখোয় ময়াম্না ঐহাক্কা লোয়ননা হৌনা লাওবীয়ু:

ভারত ইমানা য়াইফরে,

হৌনা হায়বীয়ু ভারত ইমানা য়াইফরে,

হৌনা হায়বীয়ু ভারত ইমানা য়াইফরে

পুম্নমকপু থাগৎপা ফোঙদোকচরি।

খঙহঞ্জবা: মসি প্রধান মন্ত্রিনা পীখিবা ৱারোল অদু গুজারাতীদা ওইবনা লোল অসিদা হন্দোকচবনি।

*****