وزیراعظم کا دفتر

وزیر اعظم نے موڈھیرا، گجرات میں سوریہ مندر کا دورہ کیا

Posted On: 09 OCT 2022 7:45PM by PIB Delhi

وزیر اعظم جناب نریندر مودی نے آج گجرات کے موڈھیرا میں سوریہ مندر کا دورہ کیا۔ وزیر اعظم کی آمد پر ان کا شاندار استقبال کیا گیا۔ جناب مودی نے سوریہ مندر میں ہیریٹیج لائٹنگ کا افتتاح کیا جو اسے ہندوستان کا پہلا ایسا ورثہ بناتا ہے جو مکمل طور پر شمسی توانائی سے چلایا جاتا ہے۔ انھوں نے موڈھیرا سوریہ مندر کی تھری ڈی پروجیکشن میپنگ کا بھی افتتاح کیا۔ وزیر اعظم نے مندر کی تاریخ کو دکھانے والے ثقافتی پروگرام کا بھی مشاہدہ کیا۔

گجرات کے وزیر اعلیٰ جناب بھوپیندر پٹیل، رکن پارلیمنٹ جناب سی آر پاٹل، گجرات حکومت کے وزرا، جناب پورنیش بھائی مودی اور جناب اروند بھائی ریانی وزیر اعظم کے دورے پر ان کے ساتھ تھے۔

اس سے قبل آج، وزیر اعظم نے گجرات کے موڈھیرا، مہسانہ میں 3900 کروڑ روپے سے زیادہ کے متعدد منصوبوں کا سنگ بنیاد رکھا اور انھیں ملک کے نام وقف کیا۔ وزیر اعظم نے موڈھیرا کو ہندوستان کا پہلا 24X7 شمسی توانائی سے چلنے والا گاؤں بھی قرار دیا۔ جناب مودی نے گجرات کے موڈھیرا میں مودھیشوری ماتا مندر میں درشن اور پوجا بھی کی۔

 

                                             **************

ش ح۔ ف ش ع-م ف

U: 11214



(Release ID: 1866328) Visitor Counter : 120


Read this release in: English , Marathi , Hindi , Bengali , Manipuri , Assamese , Punjabi , Gujarati , Odia , Tamil , Telugu , Kannada , Malayalam