তথ্য আৰু সম্প্ৰচাৰ মন্ত্ৰালয়
আইএফএফআই ৫৩ সংস্কৰণত সংবাদ মাধ্যমৰ প্ৰতিনিধিৰ বাবে ৰেড কাৰ্পেট মুকলি
আইএফএফআই ৫৩ সংস্কৰণে ভাৰত আৰু বিদেশৰ সংবাদ মাধ্যমক উৎসৱৰ সৌন্দৰ্য্য আৰু সমৃদ্ধিৰ সৈতে সংযোজন কৰিবলৈ আদৰণি জনাইছে, আহক, এগৰাকী আইএফএফআই সংবাদ প্ৰতিনিধি হিচাপে এতিয়াই পঞ্জীয়ন কৰক
Posted On:
06 OCT 2022 1:43PM by PIB Guwahati
ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ, আইএফএফআইৰ ৫৩সংখ্যক সংস্কৰণে আনুষ্ঠানিকভাৱে সংবাদৰ প্ৰতিনিধিৰ বাবে ৰেড কাৰ্পেট মুকলি কৰিছে। ২০ৰ পৰা ২৮ নৱেম্বৰ, ২০২২লৈ গোৱাত অনুষ্ঠিত হ’বলগীয়া এই মহোৎসৱত ভাৰতৰ লগতে বিশ্বৰ বিভিন্ন প্ৰান্তৰ সমসাময়িক আৰু ধ্ৰুপদী চলচ্চিত্ৰৰ শ্ৰেষ্ঠ ছবিৰ কলাজ প্ৰদৰ্শন কৰা হ’ব।
আইএফএফআই ৫৩সংখ্যক সংস্কৰণৰ এগৰাকী সংবাদ প্ৰতিনিধি হিচাপে আপোনালোকৰ বাবে বিশ্ববিখ্যাত চলচ্চিত্ৰ নিৰ্মাতা, অভিনেতা, কাৰিকৰী, সমালোচক, শিক্ষাবিদ, সতীৰ্থ চলচ্চিত্ৰ অনুৰাগীসকলে অপেক্ষা কৰি আছে, যিসকলে পৰ্যটন ৰাজ্য গোৱাত একত্ৰিত হৈ চিনেমাৰ সাগৰত নিজকে বিলীন কৰিব আৰু প্ৰেৰণা যোগাব।
গতিকে, আহক চিনেমাৰ আনন্দ লওক, এই ছবিবোৰে কোৱা কাহিনীবোৰৰ স্পন্দিত সৌন্দৰ্য্য আৰু চিনেমা নিৰ্মাতাসকলৰ জীৱন, আকাংক্ষা, সংগ্ৰাম আৰু সপোনৰ বৰ্ণিল বৈচিত্ৰ্যক উদযাপন কৰক। পৰ্দাৰ ভিতৰত আৰু পৰ্দাৰ বাহিৰত ঘটা ছবিৰ উদযাপনত অংশগ্ৰহণ কৰক। হয়, এই উৎসৱে আমালৈ কেৱল ভাৰত আৰু সমগ্ৰ বিশ্বৰ পৰা চিনেমাৰ উৎকৃষ্টতাৰ এক সযতনে সংৰক্ষিত নিৰ্বাচনেই লৈ নাহে, বৰঞ্চ মাষ্টাৰক্লাছ, পেনেল আলোচনা, আলোচনা চক্ৰ আৰু অন্যান্য কথোপকথনৰ এক শৃংখলৰ দ্বাৰা অনুপ্ৰাণিত হোৱাৰ অমূল্য সুযোগো লৈ আহে যিবোৰে প্ৰতিটো আইএফএফআইক মহান চলচ্চিত্ৰ মহোৎসৱ হিচাপে প্ৰতিষ্ঠা কৰে, এয়া কি।
উৎসৱৰ সফলতাত, চলচ্চিত্ৰ সংস্কৃতিৰ প্ৰচাৰত, শিল্পৰ প্ৰতি প্ৰকৃত প্ৰেম গঢ়ি তোলাত, মানৱীয় অৱস্থাৰ ব্যাপকতা আৰু গভীৰতাত নিজকে ডুব যোৱাত সহায় কৰাত তথ্য আৰু যোগাযোগৰ মুখ্য ভূমিকা আছে। আমি সংবাদ মাধ্যমৰ প্ৰতিনিধিসকলক এই মহোৎসৱৰ বাবে পঞ্জীয়ন কৰিবলৈ আৰু উপস্থিত থাকিবলৈ আমন্ত্ৰণ জনোৱাৰ দৰেই আমি আপোনালোকক মহোৎসৱ উদযাপনত অৰিহণা যোগোৱা পেছাদাৰী বিশেষ ব্যক্তিসকলো আকোৱালি ল’বলৈ আমন্ত্ৰণ জনাইছো, যিটো সংবাদ মাধ্যমত আপুনি আপোনাৰ কলম, কণ্ঠ, আৱেগ আৰু আন বহু কামৰ শক্তিৰ জৰিয়তে বিভিন্ন কাম কৰিব পাৰে।
আপুনিও সংবাদ প্ৰতিনিধি হ’ব পাৰে, যদি আপুনি ১ জানুৱাৰী, ২০২২ৰ পৰা ২১ বছৰ সম্পূৰ্ণ কৰিছে আৰু প্ৰিন্ট, ইলেক্ট্ৰনিক, আনকি ডিজিটেল/অনলাইন মিডিয়া সংস্থাৰ অন্তৰ্গত৷ আপুনি যদি এজন ফ্ৰীলান্স সাংবাদিক হিচাপে নিজৰ পথত উজ্বলি উঠিছে আৰু বয়সৰ মাপকাঠী পূৰণ কৰিছে তেন্তে আপোনাকো আদৰণি জনোৱা হৈছে৷ আপুনি অনলাইনত এই লিংকত: https://my.iffigoa.org/extranet/media/ গৈ পঞ্জীয়ন কৰিব পাৰে৷
এই প্ৰক্ৰিয়াটো যথেষ্ট সহজ, কিন্তু যদি আপোনাৰ সন্দেহ হয়, তেন্তে লিংকত উল্লেখ কৰা নিৰ্দেশনাই আপোনাৰ সহায়ক হ’ব৷ যদি তাৰ পাছতো আপোনাৰ সন্দেহ থাকে, তেন্তে আমাৰ সৈতে PIBত, iffi-pib[at]nic[dot]in ত নিসংকোচে যোগাযোগ কৰক বা আমাক +৯১- ৮৩২-২৯৫৬৪১৮ নম্বৰত ফোন কৰক (পুৱা ১০ বজাৰ পৰা সন্ধিয়া ৬ বজাৰ ভিতৰত, সকলো কৰ্মদিনতে)।
৫ নৱেম্বৰ, ২০২২ তাৰিখৰ ১১:৫৯:৫৯বজা (ভাৰতীয় মান সময়)ৰ ভিতৰত অনলাইনযোগে আবেদন জমা দিবলৈ নাপাহৰিব। কিন্তু ইমান দিনলৈকে কিয়নো অপেক্ষা কৰিব লাগে? এতিয়াই জমা দিয়ক।
আমি (পিআইবি) সময়ে সময়ে সংবাদ মাধ্যমৰ কভাৰেজ অনুসৰি ইয়াৰ আকাৰ (প্ৰচাৰ, দৰ্শক, প্ৰসাৰ), চিনেমাৰ ওপৰত ইয়াৰ মনোনিৱেশৰ ভিত্তিত প্ৰতিটো সংবাদ প্ৰতিষ্ঠানক প্ৰদান কৰিবলগীয়া স্বীকৃতিৰ সংখ্যাকে ধৰি স্বীকৃতিসমূহ প্ৰক্ৰিয়াকৰণ কৰিম৷
আমি আশা কৰো আপোনালোকে জনস্বাৰ্থত আৰু নিজৰ মংগলৰ বাবে ক'ভিড-১৯ৰ প্ৰতিষেধক গ্ৰহণ কৰিছে। যদি আপুনি এটা বা ততোধিক টিকাকৰণ কৰিছে, তেন্তে প্ৰতিনিধি পঞ্জীয়ন পৰ্টেলত আপোনাৰ টিকাকৰণৰ প্ৰমাণপত্ৰ আপলোড কৰক।
আইএফএফআইৰ বিষয়ে
১৯৫২ চনত প্ৰতিষ্ঠা হোৱা ভাৰতীয় আন্তৰ্জাতিক চলচ্চিত্ৰ মহোৎসৱ (আইএফএফআই) এছিয়াৰ বিশিষ্ট চলচ্চিত্ৰ মহোৎসৱৰ ভিতৰত অন্যতম। ২০০৪ চনত প্ৰথমবাৰৰ বাবে গোৱাত অনুষ্ঠিত হোৱা এই মহোৎসৱে তাৰ পিছত উপকূলীয় ৰাজ্যখনত এক ঠিকনা বিচাৰি পাইছে, প্ৰতি বছৰে ইয়ালৈ ঘূৰি আহিছে। আৰু ২০১৪ চনত গোৱাক আইএইফআইৰ স্থায়ী স্থান হিচাপে ঘোষণা কৰা হৈছিল।
ভাৰতীয় আন্তৰ্জাতিক চলচ্চিত্ৰ মহোৎসৱৰ ধাৰণা হৈছে চলচ্চিত্ৰ, সেইবোৰে কোৱা কাহিনী আৰু তাৰ আঁৰৰ লোকসকলক উদযাপন কৰা। ইয়াৰ জৰিয়তে আমি ছবিৰ প্ৰতি দূৰত্ব, বহল আৰু গভীৰতাৰ উচ্চ প্ৰশংসা আৰু উগ্ৰ ভালপোৱাক লালন-পালন, প্ৰচাৰ আৰু প্ৰসাৰ কৰিব বিচাৰো; জনগোষ্ঠীসমূহৰ মাজত প্ৰেম, বুজাবুজি আৰু ভ্ৰাতৃত্ববোধৰ সেতু গঢ়ি তোলা; আৰু তেওঁলোকক ব্যক্তিগত আৰু সামূহিক উৎকৃষ্টতাৰ নতুন শিখৰত উপনীত হ’বলৈ অনুপ্ৰাণিত কৰো।
ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ে প্ৰতিবছৰে গোৱা চৰকাৰৰ এণ্টাৰটেইনমেণ্ট ছ’চাইটি অৱ গোৱাৰ সহযোগত এই মহোৎসৱৰ আয়োজন কৰে। তথ্য আৰু সম্প্ৰচাৰ মন্ত্ৰালয়ৰ চলচ্চিত্ৰ মহোৎসৱ সঞ্চালকালয়ে (ডিএফএফ)এতিয়ালৈকে মহোৎসৱৰ নেতৃত্ব দি আহিছে যদিও ৰাষ্ট্ৰীয় চলচ্চিত্ৰ উন্নয়ন নিগমৰ সৈতে চলচ্চিত্ৰ মিডিয়া ইউনিটসমূহ একত্ৰীকৰণৰ ফলত এনএফডিচিয়ে উৎসৱ পৰিচালনাৰ দায়িত্ব গ্ৰহণ কৰিছে।
৫৩সংখ্যক আইএফএফআইৰ সকলো প্ৰাসংগিক আপডেট উৎসৱৰ ৱেবছাইট www.iffigoa.org, পিআইবিৰ ৱেবছাইট (pib.gov.in), টুইটাৰ, ফেচবুক আৰু ইনষ্টাগ্ৰামত আইএফএফআইৰ ছ’চিয়েল মিডিয়া একাউণ্টত আৰু লগতে পিআইবি গোৱাৰ ছ’চিয়েল মিডিয়া হেণ্ডেলত লাভ কৰিব পাৰিব৷
***
DB
(Release ID: 1865622)
Visitor Counter : 170
Read this release in:
Marathi
,
Odia
,
Tamil
,
Kannada
,
English
,
Urdu
,
Hindi
,
Manipuri
,
Bengali
,
Punjabi
,
Malayalam