ইনফোর্মেসন অমসুং ব্রোদকাস্তিং মন্ত্রালয়
আই.এফ.এফ.আই. ৫৩না মিদিয়া দেলিগেৎশিংগীদমক রেদ কার্পেৎ থারি
আই.এফ.এফ.আই. ৫৩না ভারত অমসুং মপানগী মিদিয়াবু কুমহৈ অসিগী মশক অমদি মতিং হাপ্নবা, আই.এফ.এফ.আই. মিদিয়া দেলিগেৎ ওইনা লাক্তুনা রেজিস্তর তৌরনবা তরাম্না ওক্লি
Posted On:
06 OCT 2022 1:43PM by PIB Imphal
গোৱা, ওক্তোবর ৬, ২০২২
আই.এফ.এফ.আই., ইন্তরনেস্নেল ফিল্ম ফেস্তিবেল ওফ ইন্দিয়াগী ৫৩শুবা ইদিসন্না মিদিয়া দেলিগেৎশিংগীদমক রেদ কার্পেৎ ওফিসিএল ওইনা থাখ্রে। গোৱাদা নবেম্বর ২০-২৮, ২০২২ ফাওবা পাঙথোক্কদৌরিবা কুমহৈ অসিদা ভারত অমসুং মালেমগী মফম কয়াদগী খ্বাইদগী ফজরবা মতমগী অমদি অরিবা মতমগী ফিল্মশিং উৎকদৌরি।
আই.এফ.এফ.আই. ৫৩গী মিদিয়া দেলিগেৎ অমা ওইনা, সিনেমাতিক সেলেব্রেসন অমসুং ইন্সপাইরেসনগী ইপাক্তা লুপ্নবগীদমক লমকোই লমথুংফম স্তেত গোৱাদা পুল্লগদৌরিবা মালেমগী মমিং লৈরবা ফিল্মমেকরশিং, এক্তরশিং, তেক্নিক্সিয়নশিং, ক্রিতিকশিং, একাদমিক্সিয়নশিং অমদি ফিল্মবু পামজবশিংনা অদোমবু ঙাইদুনা লৈরি।
খরনা মচু মমেন্না থল্লবা সিনেমাগী নুংঙাইরবা, ফিল্মশিং অসিনা লীরিবা মচু মমেন্না থল্লবা ৱারীশিং, অমদি পুন্সি, নীংজবা, হোৎনবা অমসুং ফিল্মমেকরশিংগী মঙলানশিংগী মখল মথেলগী নীংথিরবা শক্তমশিংবু হরাউ তয়াম্না মহাউ লৌগদৌরি। স্ক্রীন্দা অমদি স্ক্রীনগী ৱাংমদা লৈরিবা ফিল্মগী সেলেব্রেসনশিংদা শরুক য়ারু লাউ। কুমহৈ অসিনা ভারত অমসুং মালেমগী মফম শিনবা থুংবদগী নীংথিনা খনগৎলবা সিনেমাগী ফজরববশিং পুরকপদা নত্তনা, আই.এফ.এফ.আই. অমসুং অতৈ অচৌবা ফিল্ম ফেস্তিবেলশিংবু মতিং হাপ্লিবা মাস্তরক্লাসশিং, পেনেল দিস্কজন, সেমিনার অমসুং অতৈ ৱারী ৱাতায়শিনা পুক্নিং থৌগৎনবগী মমল নাইদ্রবা খুদোংচাবা অমসু পীগনি।
কুমহৈ অসিবু মায় পাকহনবদা, ফিল্ম কলচর শন্দোকপদা, আর্তপু তশেংনা নুংশিবা পোকহনবদা, মীওইবা খুন্নাইগী লৈরিবা ফীভমশিংদা ঐখোয়বু পুক্নিং লুপহন্বদা ইন্ফোর্মেসন অমসুং কম্ম্যুনিকেসন্না মপুং ওইবা থৌদাং লৌরি। ঐখোয়না মিদিয়া দেলিগেৎশিংবু রেজিস্তর তৌনবা অমদি কুমহৈ অসিদা শরুক য়ারনবা পাউকৎচরিবসিদা, ঐখোয়না অদোমবু কুমহৈ অসি পাঙথোকপদা অদোমদা কলম, খোঞ্জেল, ৱাখল অমসুং অতৈ কয়া পীরিবা মিদিয়াগী মতিং শীজিন্নদুনা শিন্ফম্না পীরিবা থৌদাং য়াবিরনবগীদমকসু পাউকৎচরি।
অদোম জনুৱারী ১, ২০২২দা চহি ২১ শুরবা অমদি প্রিন্ত, ইলেক্ত্রোনিক, নৎত্রগা দিজিতেল/ ওনলাইন মিদিয়া ওর্গনাইজেসন্দা থবক তৌবা মীওই ওইরবদি অদোম মিদিয়া দেলিগেৎ অমা ওইবা য়ারে। করিগুম্বা অদোমগী চহি শুরবা অমদি ফ্রীলান্স জর্নেলিস্ত অমা ওইনা অদোম ইশাগী লম্বী শেমজবা পাম্লবসু অদোমবু তরাম্না ওকচরি। অদোম্না লিঙ্ক https://my.iffigoa.org/extranet/media/ দা চঙদুনা ওনলাইন্দা রেজিস্তর তৌবা য়াই।
থৌওং অসি য়াম্না চম্বা থৌওংনি, অদুবু অদোমদা চিংনবা লৈরগদি, লিঙ্ক অসিদা পীরিবা কাঙলোনশিং অসিনা অদোমগী মতেং ওইগনি। করিগুম্বা মখা তানা চিংনবা লৈরগদি, পি.আই.বি.দা লৈরিবা ঐখোয়দা iffi-pib[at]nic[dot]in দা পাউ ফাওবিরকপা য়াই নৎত্রগা +৯১-৮৩২-২৯৫৬৪১৮দা ঐখোয়দা কোল তৌবিরকপা য়াগনি (শুতি নত্তবা নুমিৎ খুদিংগী আই.এস.তি. অয়ুক পুং ১০দগী নুমিদাংৱাইরম পুং ৬ ফাওবা)।
অদোমগী এপ্লিকেসন নবেম্বর ৫, ২০২২গী নুমিদাং পুং ১১:৫৯:৫৯ (ইন্দিয়ন স্তেন্দর্দ তাইম) ফাওবদা থাজিনবিরকপা কাউবিগনু। অদুবু করিগী অদুক কুইনা ঙাইগদৌরিবনো? হৌজিকমক থাজিনবিহৌরো।
ঐখোয়না (পি.আই.বি.) মিদিয়া আউৎলেত্তুগী ফোঙবগী মতম, সাইজ (সর্কুলেসন, ওদিএন্স, রীচ), মদুনা সিনেমাদা পীরিবা ফোকস অমসুং মদুনা আই.এফ.এফ.আই.গীদমক পীগদৌরিবা মিদিয়া কভরেজকী মতুং ইন্না মিদিয়া ওর্গনাইজেসন অমদা পীগদবা এক্রেদিতেসন মশিং য়াওনা এক্রেদিতেসনগী থবক থৌওংশিং পায়খৎকনি।
মীয়ামগী য়েংলগা, অমদি অদোমগী য়াইফনবগীদমক অদোম কোবিদ-১৯গী ভেক্সিন কাপথোকপিরম্লগনি হায়না ঐখোয়না থাজৈ। করিগুম্বা অদোম্না কোবিদ ভেক্সিন দোজ অমা নৎত্রগা অমদগী হেনবা কাপথোকপিরবদি, দেলিগেৎ রেজিস্ত্রেসন পোর্তেলদা অদোমগী ভেক্সিনেসন সর্তিফিকেৎ থাগৎপিরকউ।
আই.এফ.এফ.আই.গী মরমদা
ইং ১৯৫২দা হৌদোকখিবা ইন্তরনেস্নেল ফিল্ম ফেস্তিবেল ওফ ইন্দিয়া অসি এসিয়াগী খ্বাইদগী মমিং লৈরবা ফিল্ম ফেস্তিবেলশিংগী মরক্তা অমনি। অহানবা ওইনা ২০০৪দা গোৱাদা পাঙথোকখিবা ফেস্তিবেল অসিনা সমুদ্র খোঙবালগী স্তেত অসিদা য়ুম্ফম অমা ফংদুনা মফমসিদা চহি খুদিংগী হল্লক্লি। অদুগা ইং ২০১৪দা গোৱাবু আই.এফ.এফ.আই.গী লেঙদ্রবা মফম ওইনা লাউথোকখি।
ইন্তরনেস্নেল ফিল্ব ফেস্তিবেল ওফ ইন্দিয়াগী ৱাখল্লোন্দি ফিল্মশিং, মখোয়না লীরিবা ৱারীশিং অমদি মরুমদা লৈরিবা মীওইশিংবু সেলেব্রেত তৌবনি। অদুম্না তৌদুনা, থাগৎ ৱাহৈশিং অমদি মফম কয়াদগী ফিল্মবু পামজবশিংবু য়োকখৎপা অমদি শন্দোকপা; মী মরক্তা নুংশিনবা, ৱাখল তামিন্নবা অমদি অফবা মরীগী থোং শেমগৎপা; লনাই অমদি অপুনবগী ফজবা শক্তম ফংনবগীদমক মখোয়বু পুক্নিং থৌগৎপনি।
ফেস্তিবেল অসি চহি খুদিংগী ভারত লৈঙাক্কী ইন্ফোর্মেসন অমসুং ব্রোদকাস্তিং মন্ত্রালয়না য়ুম্বু ওইরিবা স্তেত গোৱা লৈঙাক্কী এন্তরতেন্মেন্ত সোসাইতী ওফ গোৱাগা খুৎশম্নরগা পাঙথোকপনি। হৌজিক ফাওবদা ইন্ফোর্মেসন অমসুং ব্রোদকাস্তিং মন্ত্রালয়গী দাইরেক্তোরেৎ ওফ ফিল্ম ফষস্তিবেল্স (দি.এফ.আই.)না লুচিংদুনা পাঙথোক্তুনা লাকপগা লোয়ননা, ফিল্ম মিদিয়া য়ুতিৎকা নেস্নেল ফিল্ম দিভেলপমেন্ত কোর্পোরেসনগা (এন.এফ.দি.সি.) পুনশিনখ্রবা মতুংদা, ফেস্তিবেল অসি পাঙথোকপগী থৌদাং এন.এফ.দি.সি.না লৌখ্রে।
৫৩শুবা আই.এফ.এফ.আই.গা মরী লৈনবা অপদেৎ খুদিংমক ফেস্তিবেলগী ৱেবসাইত্তা www.iffigoa.org, পি.আই.বি. ৱেবসাইত্তা (pib.gov.in), আই.এফ.এফ.আই.গী ত্বীতর, ফেসবুক অমসুং ইন্সতাগ্রামদা লৈবা সোসিএল মিদিয়া একাউন্তশিংদা, অমদি পি.আই.বি. গোৱাগী সোসিএল মিদিয়া হেন্দলশিংদসু ফংবিগনি। য়েংদুনা লৈবিয়ু, সিনেমাতিক সেলেব্রেসনগী কপ্তগী ঐখোয় থক্তুনা লৈসি... অমদি মসিগী নুংঙাইবা পাউদমদুনা লৈসি।
***
(Release ID: 1865581)
Visitor Counter : 173
Read this release in:
Marathi
,
Odia
,
Tamil
,
Kannada
,
English
,
Urdu
,
Hindi
,
Assamese
,
Bengali
,
Punjabi
,
Malayalam