নুপী অমসুং অঙাংশিংগী চাউখৎ থৌরাং মন্ত্রালয়
পোসন অভিয়ান ২০২২: তি৩ কেম্প (তেস্ত, ত্রীত, তোল্ক), আই.এফ.এ. য়েন্থোকপা, সেমিনার, অয়ুস ফোর এনেমিয়া, ৱেবিনার, কুইজনচিংবা তোঙান তোঙানবা থৌওংশিং লৈবাক শিনবা থুংনা পাঙথোক্লি
রেসিপী চাংদম্নবা, ত্রেদিস্নেল ফুদ প্রাক্তিস অমসুং এৱ্যারনেসনচিংবসু পাঙথোক্লি
পোসন পখ্বারা, ২০২২ মনুংদা পুন্না থবক থৌরম লাখ ১২.৭৭ পাঙথোকখি; ঈ ৱাৎপগী লায়না ঙাকথোক্নবা থৌওং ৫,০৩,৪১১, মীরোল্লিঙৈদা ঈ ৱাৎপগী ফীভম ঙাকথোক্নবা থৌওং ৭,১৮,১৪৯ অমসুং ঈ ৱাৎপগী লায়না ঙাকথোকপদা অয়ুসকী শক্লোন হায়বসিদা পাঙথোকপা ৱেবিনারদা য়ুম্ফম ওইবা থৌওং ৫৬,১৬৮ পাঙথোকখি
ঈ ৱাৎপগী লায়না ঙাকথোক্নবগী মপুং ওইবা লাল্লোংগী শরুক ওইনা তোঙান তোঙানবা স্তেতশিংদা পায়খৎলিবা স্কীম/প্রোগ্রামশিংগীদমক কেন্দ্রগী মন্ত্রালয়শিংদগী স্তেপল ফুদ ফোর্তিফিকেসন তৌবগী ৱাফম লৈঙাক্না হাপ্লি
Posted On:
27 SEP 2022 1:06PM by PIB Imphal
অঙাং, ইনখৎলক্লিবী নুপীমচাশিং, মীরোল্লিবী অমসুং মচা খোঙজিংলিবী নুপীশিংদা ঈ ৱাৎপগী লায়না ঙাকথোক্নবগীদমক হৌজিক চত্থরিবা পোসন মাহ ২০২২ মনুংসিদা, তি৩ কেম্প (তেস্ত, ত্রীত, তোল্ক), আই.এফ.এ. য়েন্থোকপা, সেমিনার, অয়ুস ফোর এনেমিয়া, ৱেবিনার, কুইজনচিংবা তোঙান তোঙানবা থৌওংশিং লৈবাক শিনবা থুংনা পাঙথোক্লি।
এনামিয়া হায়বসি রেদ ব্লদ সেল (আর.বি.সি.) মশিং, অমসুং মখোয়গী ওক্সিজেন পুবা ঙম্বগী মতিং, হকচাঙগী মথৌ তাবা চাং য়ৌবা ঙমদবগী ফীভম অদুনি।
চীঞ্জাক চাবগী হৈনবীনা আইরন ৱাৎপা অমসুং মদুগী মতুং তারকপা ওইনা আরন ৱাৎপগী এনেমিয়া নারকপদা মরুওইবা শক্লোন লৌই। আইরন ৱাৎপগী এনেমিয়া অসিনা খ্বাইদগী তোয়না নাগনবা লাইওং ওই অমদি চীঞ্জাক চাবগী মওং হোংদোক্তুনা লায়না লায়েংবা ঙম্মী। মীয়াম মরক্তা আইরন ৱাৎপগী এনেমিয়া ঙাকথোক্নবগীদমক্তা চীঞ্জাক চাবগী মওং হোংদোকপা/ ফোর্তিফাই তৌবা/ মখল মথেলগী চীঞ্জাক চাবা অমসুং লু-নানবা মফম ফংহনবনচিংবা থৌওংশিংগী খুত্থাঙদা আইরন চাবগী চাং হেনগৎহন্নবগী চীঞ্জাক্তা য়ুম্ফম ওইবা থৌওং অসি য়াম্না মরুওইবা তুং কোইনা চৎনবা য়াবা থৌওংনি।
এনেমিয়া লাকশিন্নবগী মপুং ওইবা লাল্লোংগী শরুক অমা ওইনা তোঙান তোঙানবা স্তেতশিংদা পায়খৎলিবা স্কীম/প্রোগ্রামশিংগীদমক কেন্দ্রগী মন্ত্রালয়শিংদগী স্তেপল ফুদ ফোর্তিফিকেসন তৌবগী ৱাফম লৈঙাক্না হাপ্লে।
জন অন্দোলনগী মখাদা সোসিএল এন্দ বিহেবিয়র চেঞ্জ কম্ম্যুনিকেসন (এস.বি.সি.সি.) লাল্লোংগী শরুক আম ওইনা পোসন পখ্বারা ২০২২গী মনুং চন্না মার্চ থাদা এনেমিয়াগী মরমদা এনেমিয়া কেম্প ৬,২৭৮, অর্বান স্লমশিংদা আউতরীচ এক্তিভিতিজ ১৮৫৩, মহৈরোয়শিংগী কুইজ কম্পিতিসন ৮৫৫ অমসুং অতৌ থবক থৌরম ১,৬৩,৪৩৬ পাঙথোকখি।
পনবা য়াবদি, দব্লিউ.সি.দি. ঈ ৱাৎপগী লায়না ঙাকথোক্নবা থৌওং ৫,০৩,৪১১, মীরোল্লিঙৈদা ঈ ৱাৎপগী ফীভম ঙাকথোক্নবা থৌওং ৭,১৮,১৪৯ অমসুং ঈ ৱাৎপগী লায়না ঙাকথোকপদা অয়ুসকী শক্লোন হায়বসিদা পাঙথোকপা ৱেবিনারদা য়ুম্ফম ওইবা থৌওং ৫৬,১৬৮ য়াওনা পোসন পখ্বারা, ২০২২ মনুংদা পুন্না থবক থৌরম লাখ ১২.৭৭ পাঙথোকখি।
মসিগী মথক্তা পোসন মাহ ২০২১দা মীরোল্লিঙৈদা এনেমিয়া ঙাকথোক্নবা অয়ুস হায়বসিদা থৌরম ২৭,৫৫,৯০৫ অমসুং এনেমিয়া বেজ কেম্প থৌরম ৬৩,০১৩ পাঙথোকখি।
পোসন অভিইয়ান হায়বসি মচি ওইবা চীঞ্জাক ৱাৎপগা মরী লৈনবা পুন্সিগী ৱাফমশিংগী ৱাখৈ পুরক্নবগীদমক থবক থৌরমদা য়ুম্ফম ওইবা পাম্বৈ অমনি। মরুওইবা মন্ত্রালয়/দিপার্তমেন্তশিংগা, মরুওইনা হকশেল অমসুং য়াইফ-য়ুম্বাল মন্ত্রালয়গা (এম.ও.এচ.এফ.দব্লিউ.) খুৎশম্নদুনা এনেমিয়া হন্থহনবা হায়বসি মরুওইবা পান্দমশিংগী মরক্তা অমনি। তোঙান তোঙানবা থৌওংশিংগী খুত্থাঙদা হৌজিক লৈরিবা হকশেলগী ফম্বাকশিংদা ন্যুত্রিসন ইন্তরভেন্সন পুনশিনবগী থৌওং হেনগৎহন্নবা মখল মখা কয়াগী থৌরাংশিং পায়খৎলি।
পোসন অভিয়ানগী মখাদা, মীয়াম শরুক য়াহনবগী থৌওং মপাঙ্গল কনখৎহন্নবা, বিনিফিসরীশিং মপাঙ্গল কনখৎহন্নবা অমদি হেন্না ফবা মচল শুবা চীঞ্জাক চানবগীদমক লমচৎ শাগৎ হোংদোকপনচিংবগী মরমদা থবক থৌরাং কয়া পায়খৎলি, অমদি মসিগীদমক্তা অভিয়ান অসিনা অঙ্গনৱাদি সেন্তরশিংদা কম্ম্যুনিতী বেজ ইভেন্তশিং (সি.বি.ই.শিং পাঙথোক্নবা প্লেতফোর্ম অমা পীরি। কম্ম্যুনিতী বেজ ইভেন্তশিংগী মখাদা, ন্যুত্রিসনগী ফীভম ফগৎহন্নবা পব্লিক হেল্থ, নাবা হন্থহন্নবা, এনেমিয়া ঙাকথোক্নবা, মচি ওইবা চীঞ্জাক্কী মরুওইবা, মখল মথেলগী চীঞ্জাক অসিনচিংবগা মরী লৈননা পাউজেল শন্দোকপগী থবক থৌরমশিং পায়খৎলি। স্তেত/য়ু.তি. কয়ানা আইরন ৱাৎপগী ফীভম হন্থহন্নবা য়োৎকী কোল লিক থোং থাকপদা শীজিন্নবা, অয়ুর্বেদকী পোত্থোকশিং শীজিন্নবা অমদি সপ্লিমেন্তরী ন্যুত্রিসন শেম্বনচিংবা লম-লমগী খ্বাইদগী ফবা থৌওংশিং শেমগৎলি।
পোসন মাহ ২০২২গী মনুং চন্না স্তেত/য়ু.তি.শিংনা এনেমিয়াগী মরমদা পায়খৎলিবা থবক থৌরমশিংগী শক্তমশিং
***
(Release ID: 1862526)
Visitor Counter : 119