প্রধানমন্ত্রীগী লোইশঙ
প্রধান মন্ত্রীনা এস.সি.ও. সম্মিৎকা ইরোইননা ইরানগী রাস্ত্রপতিগা উনখ্রে
Posted On:
16 SEP 2022 11:02PM by PIB Imphal
১. প্রধান মন্ত্রী শ্রী নরেন্দ্র মোদী অমসুং ইস্লামিক রিপব্লিক ওব ইরানগী রাস্ত্রপতি ঐচ.ই. মিস্তর ইব্রাহিম রাইসিগা উজবেকিস্তানগী সমর্কন্দদা এস.সি.ও.গী কাউন্সিল ওব হেদশিংগী ২২শুবা মীফমগা ইরোইননা উনখ্রে। রাস্ত্রপতি রাইসিনা ২০২১দা লোইশঙ পায়রকপদগী মসিনা প্রধান মন্ত্রী অমসুং রাস্ত্রপতি রাইসি অনিগী মরক্তা অহানবা উনবনি।
২. মীফম অসিগী মনুংদা লুচিংবা অনিনা লৈবাক অনিগী মরীগী ওইবা মরুওইবা ইস্যুশিং খন্নখি, অমসুং মখোয়না মরী অসিবু হেন্না মপাঙ্গল কলহন্নিংবগী অপাম্বা ফোংদোকখি। প্রধান মন্ত্রীনা ফোংদোকখি মদুদি ভারত-ইরান লৈবাক অনিগী মরী অসি পুৱারী অমসুং খুন্নাই হৌরক্লোনদগী লৈরক্লবা মরীনি, মসিদা মীয়ামগী মরক্তসু অচৌবা মরী লৈনরি।
৩. লুচিংবা অনিনা শহিদ বেহেস্তি তর্মিনেল, চাবাহার পোর্ত শেমগৎলিবসিগী খুমাং চাউশিনবগী চাং য়েংশিনখি, অমসুং রিজনেল কন্নেক্তিবিতীগী লমদা লৈবাক অনিনা মতেং পাংনবগী তঙাইফদবা লৈরিবসিবুসু হৌদোকনখি।
৪. লুচিংবা অনিনা আফঘানিস্তান য়াওনা অন্তর্জাতি অমসুং রিজনেলগী ওইবা মতাংদসু খন্নখি। আফঘানিস্তানগী মীয়ামদা হ্যুমেনিতরিয়ানগী ওইবা মতেংশিং পীনবগী ভারতকী ওইবা ফিরেপসু প্রধান মন্ত্রীনা পাউদমখি, অমসুং শান্তি, তংদু লৈতাবা আফঘানিস্তান অমা পুরক্নবগীদমক রিপ্রজেন্তেতিব অমসুং ইনক্লুসিব ওইবা রাজনিতী অমা শাগৎপা তঙাইফদে হায়নসু ফোংদোকখি।
৫. রাস্ত্রপতি রাইসিনা প্রধান মন্ত্রীগী মফমদা জে.সি.পি.ও.এ. নেগোসিএসনগী ফিভম পাউদমখি।
৬. প্রধান মন্ত্রীনা রাস্ত্রপতি রাইসিবু য়ারিবমখৈ থুনা ভারত্তা লেঙবীরক্নবা বার্তন থাজখি।
সমর্কন্দ
সেপ্তেম্বর ১৬, ২০২২
***************
(Release ID: 1860130)
Visitor Counter : 102
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Gujarati
,
Odia
,
Tamil
,
Telugu
,
Kannada
,
Malayalam