પ્રધાનમંત્રીનું કાર્યાલય
પ્રધાનમંત્રીની SCO સમિટ દરમિયાન ઈરાનના રાષ્ટ્રપતિ સાથે મુલાકાત
प्रविष्टि तिथि:
16 SEP 2022 11:02PM by PIB Ahmedabad
1. પ્રધાનમંત્રી શ્રી નરેન્દ્ર મોદી અને ઈરાનના ઈસ્લામિક રિપબ્લિકના રાષ્ટ્રપતિ H.E. શ્રી ઇબ્રાહિમ રાયસી SCOના રાજ્યના વડાઓની પરિષદની 22મી બેઠક દરમિયાન સમરકંદ, ઉઝબેકિસ્તાનમાં મળ્યા હતા. 2021 માં રાષ્ટ્રપતિ રાયસીના પદ સંભાળ્યા પછી પ્રધાનમંત્રી અને રાષ્ટ્રપતિ રાયસી વચ્ચેની આ પ્રથમ મુલાકાત હતી.
2. મીટિંગ દરમિયાન બંને નેતાઓએ દ્વિપક્ષીય સંબંધોને લગતા ઘણા મહત્વપૂર્ણ મુદ્દાઓ પર ચર્ચા કરી, અને સંબંધોને વધુ મજબૂત બનાવવાની તેમની ઇચ્છા વ્યક્ત કરી. પ્રધાનમંત્રીએ ભારપૂર્વક જણાવ્યું કે ભારત-ઈરાન દ્વિપક્ષીય સંબંધો ઐતિહાસિક અને સભ્યતાના જોડાણો દ્વારા ચિહ્નિત થયેલ છે, જેમાં મજબૂત લોકોથી લોકોના સંપર્કોનો સમાવેશ થાય છે.
3. બંને નેતાઓએ શાહિદ બેહેસ્તી ટર્મિનલ, ચાબહાર પોર્ટના વિકાસમાં પ્રગતિની સમીક્ષા કરી અને પ્રાદેશિક જોડાણના ક્ષેત્રમાં દ્વિપક્ષીય સહયોગના મહત્વ પર ભાર મૂક્યો.
4. બંને નેતાઓએ અફઘાનિસ્તાન સહિત આંતરરાષ્ટ્રીય અને પ્રાદેશિક વિકાસ પર પણ ચર્ચા કરી. પ્રધાનમંત્રીએ અફઘાનિસ્તાનના લોકોને માનવતાવાદી સહાય પૂરી પાડવાની ભારતની પ્રાથમિકતાઓ અને શાંતિપૂર્ણ, સ્થિર અને સુરક્ષિત અફઘાનિસ્તાનના સમર્થનમાં પ્રતિનિધિ અને સમાવેશી રાજકીય વ્યવસ્થાની જરૂરિયાતનો પુનરોચ્ચાર કર્યો હતો.
5. રાષ્ટ્રપતિ રાયસીએ પ્રધાનમંત્રીને JCPOA વાટાઘાટોની સ્થિતિ વિશે જાણકારી આપી.
6. પ્રધાનમંત્રીએ રાષ્ટ્રપતિ રાયસીને વહેલી તકે ભારતની મુલાકાત લેવાનું આમંત્રણ આપ્યું.
સમરકંદ
16 સપ્ટેમ્બર, 2022
YP/GP/NP
ભ
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 1860049)
आगंतुक पटल : 195
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam