প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতনা পি.এম. গতি শক্তী ফ্রেমৱর্কশিংবু (কার্গোগা মরী লৈনবা থবক, পব্লিক য়ুতিলিতী অমসুং রেলৱেগী ওইবা এক্সক্লুসিব ওইনা শিজিন্নবা) থবক ওইনা পাংথোক্নবগীদমক্তা য়ানবগী মতুং ইন্না রেলৱেগী লমশিংবু লীজ তৌবগী পোলিসীবু অয়াবা পীখ্রে।

কান্নবা পীগদবশিং:

1. মসিনা রেলৱেদা কার্গো হেন্না লাক্নবা পুক্নিং চিংশিনগনি, ফ্রৈত ত্রান্সপোর্তেসন্দা রেলৱেগী মোদেল শেয়র হেনগৎহন্দুনা ইন্দস্ত্রীশিংগী লোজিস্তিক্সতা চঙবা মমল হন্থহনবদা তেংবাংগনি
2. মসিনা রেলৱেদা রেভেন্যু হেন্না কাহল্লক্কনি
3. মসিনা পি.এম. গতি শক্তী প্রোগ্রামদা পনবগুম্না য়ুতিলিতীশিংগী অয়াবা পীবদা লায়থোকহনগনি। মসিনা ইলেক্ত্রিসিতী, গ্যাস, ৱাতর সপ্লাই, তেলিকোম কেবল, সিৱেজ দিস্পোজেল, ইরম-নালা, ওপ্তিকেল ফাইবর কেবল (ও.এফ.সি.), পাইপলাইন, শোরোক ফকাইওভর, বস তর্মিনেল, রিজনেল রেল ত্রান্সপোর্ত, অর্বান ত্রান্সপোর্ত্নচিংবা পব্লিক য়ুতিলিতীশিংবু ইন্তিগ্রেতেদ ওইবা মওংদা শেমগৎ-শাগৎপদা তেংবাংগনি।
4. মসিগী পোলিসী এমেন্দমেন্ত অসিনা চাউরাকপা থবক লাখ ১.২ পীবদসু তেংবাংগনি।

শেল-থুমগা মরী লৈনবা ৱারোল:

অহেনবা চাদিং অমত্তা চৎলোই। লম লীজ তৌবগী পোলিসীবু লিবেরেলাইজ তৌবনা স্তেকহোলদর/সর্ভিস প্রোভাইদর/ওপরেতরশিংগীদমক্তা কার্গোগা মরী লৈনবা ফেসিলিতী শেমগৎনবা খুদোংচাবা কয়া পীগনি অমসুং রেলৱেগী মফমদা অহেনবা কার্গো ত্রাফিক অমসুং ফ্রৈত রেভেন্যু পীনবা তেংবাংববদসু শরুক য়াবা ঙমহনগনি।

কান্নবশিং:

মসিগী পোলিসী এমেন্দমেন্ত অসিনা চাউরাকপা থবক লাখ ১.২ পীবদসু তেংবাংগনি।

অকুপ্পা ৱারোলশিং:

1. 1. রিভাইজ তৌরবা রেলৱেগী লম লীজ তৌবগী পোলিসীনা ইনফ্রাস্ত্রকচর চাউখৎহনবা অমসুং কার্গো তর্মিনেল মশিং হেনগৎহনবা ঙমহনগনি।
   2. মসিনা কার্গোগা মরী লৈনবা থবক-থৌরম কয়াগীদমক্তা রেলৱেগী লমশিংবু মার্কেত ভেল্যুগী মখা পোন্না চহিদা @১.৫%গী চাংদা চহি ৩৫গী ফাওবগী অশাংবা মতমগী লীজতা পীগনি।
   3. কার্গো তর্মিনেলগীদমক্তা রেলৱেগী লম শিজিন্নরিবা হৌজিক লৈরিবা এন্তাইতীশিংনা নুং-পান ফাওনা উবা অমসুং কম্পিতিতিব ওইবা বিদ্দিং প্রোসেসকী মতুংদা অনৌবা পোলিসীগী চৎনবীদা হোংজিনবগী অপাম্বা খনবা য়াগনি।
   4. মথংগী চহি মঙাগী মনুংদা পি.এম. গতি শক্তী কার্গো তর্মিনেল ৩০০ শেমগৎকনি অমসুং চাউরাকপা থবক লাখ ১.২ পীগনি।
   5. মসিনা ফ্রৈত ত্রান্সপোর্তেসন্দা রেলৱেগী মোদেল শেয়র হেনগৎহনগনি অমসুং লৈবাক্কী লোজিস্তিক্সতা চঙবা মমল হন্থহনগনি।
   6. পোলিসী অসিনা রেলৱেগী লমশিংবু মার্কেত ভেল্যুগী মখা পোন্না চহিদা @১.৫%গী চাংদা পীদুনা মসিনা ইলেক্ত্রিসিতী, গ্যাস, ৱাতর সপ্লাই, সিৱেজ দিস্পোজেল, অর্বান ত্রান্সপোর্ত্নচিংবা পব্লিক য়ুতিলিতীশিংবু ইন্তিগ্রেতেদ ওইবা মওংদা শেমগৎ-শাগৎপদা তেংবাংনবগীদমক্তা রেলৱেগী লম শিজিন্নবা অমসুং রাইত ওফ ৱে (আর.ও.দবল্যু.)বুসু হেন্না লাইথোকহনগনি।
   7. ওপ্তিকেল ফাইবর কেবল (ও.এফ.সি.) অমসুং দাইমীতর পীকপা অতোপ্পা অন্দর্গ্রাউন্দ য়ুতিলিতীশিংগী ওইনা রেলৱে ত্রেক ফাওদুনা চৎপগী লুপা ১০০০গী অমুক্তং থীগদবা ফী পীগনি।
   8. পোলিসী অসিনা রেলৱেগী লমশিংবু সোলর প্লান্ত লিংখৎনবগীদমক্তা অহোঙবা মমলদা শিজিন্নবা য়াহনগনি।
   9. পোলিসী অসিনা রেলৱেগী লমশিংদা চহিগী ওইনা স্ক্বার মীতর অমদা লুপা ১গী য়াম্না পীকপা ফী থীদুনা সোসিএল ইনফ্রাস্ত্রকচর (পি.পি.পি.গী খুত্থাংদা হোস্পিতাল শাবা অমসুং কেন্দ্রিয় বিদ্যলয়া সঙ্গথনগী খুত্থাংদা স্কুলশিং শাবা) শেমগৎনবা পুক্নিং থৌগৎকনি।

থবক্তা ওন্থোকপগী থৌরাং অমসুং পান্দম:

1. 1. হীরম খুদিংমক মনুং চনবা পোলিসী দোক্যুমেন্ত শেমগনি অমসুং কেবিনেতকী অয়াবা ফংবগী নুমিৎ ৯০নিগী মনুংদা থবক পায়খৎপা হৌগনি।
   2. পি.এম. গতি শক্তী প্রোগ্রামদা পনবা য়ুতিলিতীশিং শেমগৎনবা অয়াবা পীবদা লায়থোকহনগনি।
   3. মথংগী চহি মঙাগী মনুংদা পি.এম. গতি শক্তী কার্গো তর্মিনেল ৩০০ শেমগৎকনি।

বেকগ্রাউন্দ:

রেলৱেগী ওর্গনাইজেসন অমসুং নেতৱর্ক লৈবাক শিনবা থুংনা লৈ। অদুবু, মখোয়গী হৌজিক লৈরিবা লেন্দ পোলিসীনা মরম ওইরগা অতোপ্পা ইনফ্রাস্ত্রকচর মখলগা চুনবা ঙমদে। মরম অদুনা, লৈবাক শিনবা থুংবদা হেন্না য়াঙবা ইন্তিগ্রেতেদ ওইবা প্লান্নিং অমসুং দিভেলপমেন্ত পুরক্নবগীদমক্তা পি.এম. গতি শক্তি ফ্রেমৱর্ক্কী মখাদা রেলৱেগী হৌজিক লৈরিবা লেন্দ পোলিসীবু মওং-মরিল হেন্না তাহন্নবা অমসুং লাইথোকহনবগী তঙাই ফদবা লৈরে হায়বা খঙলকখি।

হৌজিক চৎনরিবা পোলিসীনা রেলৱেগা মরী লৈনবা থবক-থৌরমশিংগীদমক্তা চহি ৫গী তেল্লবা মতম খক্তমক শিজিন্নবা য়াবগী অয়াবা পীরি। মসিগুম্লবা তেল্লবা চহি ৫না মলতি মোদেল কার্গো হব শানবগীদমক্তা তসেংনা খোঙফম চেৎপা ইনভেস্তর অমত্তগী পুক্নিং চিংশিনবা ঙমদে। রেলৱেগী লম্বু চহি ৩৫ ফাওবগী অশাংবা মতমগী ওইনা লীজ পীবসি পব্লিক সেক্তর অন্দর্তেকিংশিংদা খক পীবনা মরম ওইরগা কার্গো তর্মিনেলদা ইনভেস্ত তৌবগী স্কোপ্তা য়াম্না অকক্নবা লৈহল্লি। রেল হায়বসিনা ত্রান্সপোর্তকী খ্বাইদগী ফবা পাম্বৈ অমা ওইবনা, লৈবাক শিনবা থুংবগী ইন্দস্ত্রীশিংগী লোজিস্তিক্সকী মমল হন্থহন্নবা রেলদা ফ্রৈত হেন্না পুবগী তঙাই ফদবা লৈরকই। ফ্রৈত ত্রান্সপোর্তেসন্দা রেলৱেগী মোদেল শেয়র হেনগৎহনবগী তঙাই ফদবা খঙবদগী কার্গো তর্মিনেল মশিং হেন্না শেমগৎ-শাগৎপবু পুক্নিং থৌগৎনবগীদমক্তা লেন্দ লীজ তৌবগী পোলিসী শেমদোক্লিবনি।

*****