কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা নেস্নেল কোওপরেসন পোলিসী দোক্যুমেন্ত দ্রাফ তৌনবগীদমক নেস্নেল লেবেল কম্মিতি অমা শেম্লে হায়না লাউথোকখ্রে। অনৌবা নেস্নেল কোওপরেতিব পোলিসী অসি মীৎয়েং শানবা প্রধান মন্ত্রী, শ্রী নরেন্দ্র মোদীগী লিচিং মখাদা ‘সহকার সে সমৃদ্ধি’গী বিজন অসি মঙফাওনবা ঙম্নবা শেমখিবনি।

হান্নগী কেন্দ্রগী কেবিনেৎ মন্ত্রী, শ্রী সুরেশ প্রভাকর প্রভুনা চিয়রমেন ওইবা নেস্নেল লেবেল কম্মিতি অসিদা লৈবাক্কী শরুক পুম্নমক্তগী মেম্বর ৪৭ য়াওরি। কম্মিতি অসিদা কোওপরেতিব সেক্তরগী এক্সপর্তশিং; নেস্নেল/স্তেৎ/দিস্ত্রিক্ত অমসুং প্রাইমারী কোওপরেতিব সোসাইতীশিংগী মীহুৎশিং; রাজ্য/য়ু.তি.শিংগী কোওপরেতিব সোসাইতীশিংগী সেক্রেতরীশিং (কোওপরেসন) অমসুং রেজিস্ত্রারশিং; অমসুং কেন্দ্রগী মন্ত্রালয়/বিভাগশিংগী ওফিসরশিং য়াওরি।

কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা হন্দক্তা পি.এ.সি.এস.গী মথকশিংদা হোলিস্তিক এপ্রোচ অমা লৈহন্নবা অথুবদা নেস্নেল কোওপরেসন পোলিসী অমা শেম্নবা লাউথোকখি।

কোওপরেতিবসকী হৌজিক লৈরিবা নেস্নেল পোলিসী অসি কোপরেতিবশিংগী থবক অসি ওতোনোমস, মরোমদোম লেপচবা ঙম্বা ওইহন্নবা অমসুং মখোয়গী মেম্বরশিংনা ইন্সতিত্যুসনশিং অসি দেমোক্রেতিক ওইনা চল্লাইজনবা অমসুং লৈবাক্কী শেন্মীৎলোন্দা চাউনা শরুক তম্নবা কোওপরেতিবশিং হীরম পুম্নমক্তা চাউখৎহন্নবা অমসুং মথৌ তাবা সপ্পোর্ত পীনবা, মখোয়দা পুক্নিং থৌগৎনবা অমসুং তেংবাং পীনবা পান্দমগা লোয়ননা ২০০২দা শেমখি। ঙসি ভারত্তা লৈবাক শিনবা থুংবদা শন্দোক্লিবা মেম্বর বেজ করোর ২৯গা লোয়ননা কো-ওপরেতিব সোসাইতী লাখ ৮.৫ রোম লৈ। কো-ওপরেতিবশিং অসিনা মমিং ওইনা খরা পল্লবদা এগ্রো-প্রোসেসিং, দাইরিয়িং, ফিশরীজ, হাউজিং, ৱিভিং, ক্রেদিত, মার্কেতিং অসিগুম্বা মখল কয়াগী থবক থৌরম অসি পাঙথোক্লি।

অনৌবা নেস্নেল কোওপরেসন পোলিসী দোক্যুমেন্ত অসিদা ইন্তর-এলিয়া ওইনা ‘সহকার সে সমৃদ্ধি’গী বিজন মঙফাওনহনবা; লৈবাক অসিদা কোওপরেতিব মুফমেন্ত মপাঙ্গল কনখৎহনবা অমসুং গ্রাসরুত ফাওবদা য়ৌশিনবা ঙমহনবা; কোওপরেতিব-বেজ ইকনোমিক দিবেলপমেন্ত মোদেল প্রমোৎ তৌবা; কোওপরেতিবশিংনা মখোয়গী মতিক-ময়াই পুথোকপদা মতেং পাংগদবা চুনবা পোলিসী, লিগেল অমসুং ইন্সতিত্যুস্নেল ফ্রেমৱার্ক শেম্বা য়াওনা অনৌবা কোওপরেসন মন্ত্রালয়দা পীখিবা মেন্দেৎ অসি থুংহন্নবা ৱাখল্লোনগা লোয়ননা শেমখি। অনৌবা পোলিসী অসিনা লৈবাক অসিদা কো-ওপরেতিব মুফমেন্ত মপাঙ্গল কনখৎহনবদা চাউনা মতেং পাংলগনি।

***********