অভিয়ান অসি চহি ৬কী মখাগী অঙাংশিং, মীরোনবী নুপীশিং অমসুং খোমজিংলিবী নুপীশিংগীদমক মচি ওইবা চিঞ্জাক চাবা হেনগৎহন্নবা ভারত সরকারগী ফ্লেগশিপ প্রোগ্রামনি। ইকাই খুম্নরবা প্রধান মন্ত্রীনা হৌদোকখিবা পোশন (প্রাইম মিনিস্তর্স ওভর আর্কিং স্কিম ফোর হোলিস্তিক ন্যুত্রিসন) অভিয়ান অসিনা মিসন-মোদতা মচি ওইবা চিঞ্জাক চাদনবনা পীরিবা শীংনবশিং কোকহন্নবা পান্দম থম্মি। পোশন অভিয়ানগী পান্দমশিংগী মখাদা মিসন পোশন ২.০. (সক্ষম অঙ্গনৱাদী অমসুং পোশন ২.০) অসি লাইনা অমসুং মালন্যুত্রিসন কোকহন্নবা হকচাং ফহনবা, মশা-মউ ফবা অমসুং ইম্ম্যুনিতী লৈবা থৌওংশিং থৌগৎপদা মীৎয়েং থম্বগা লোয়ননা ন্যুত্রিস্নেল কন্তেন্ত, দেলিবরী, আউতরীচ অমসুং আউতকমশিং ফগৎহন্নবা ইন্তিগ্রেতেদ ন্যুত্রিসন সপ্পোর্ত প্রোগ্রাম ওইনা লোঞ্চ তৌখি।

নুপী অমসুং অঙাংগী চাউখৎ-থৌরাং মন্ত্রালয়না সেপ্তেম্বর ১দগী ৩০, ২০২২ ফাওবা ৫শুবা রাস্ত্রীয় পোশন মা ২০২২ পালন তৌরি। চহি অসিগী পান্দমদি “মহিলা ওর স্বাস্থ্য” অমসুং “চবা ওর শিক্ষা” হায়বা অসিদা মরু ওইবা মীৎয়েং থম্বগা লোয়ননা পোশন পাঞ্চায়তস হায়না গ্রাম পঞ্চায়তশিংগী খুত্থাংদা পোশন মাহ পাঙথোকপনি।

থা অমা চুপ্না পাঙথোক্কদবা থৌরম অসিদা ‘স্বস্থা ভারত’কী বিজন অসি মঙফাওনবা ঙমহন্নবা মীরোনবী অমসুং খোমজিংলিবী নুপীশিং, চহি তরুক্কী মখাগী অঙাংশিং অমসং ইনখৎলক্লিবী নুপীমচাশিংদা অখন্নবা মীৎয়েং থম্বগা লোয়ননা সেন্সিতাইজেসন দ্রাইবশিং, আউতরীচ প্রোগ্রামশিং, মশক খঙদোকপগী দ্রাইবশিং, কেম্পেনশিং অমসুং মেলাশিংগী খুত্থাংদা গ্রাউন্দ লেবেলদা মচি ওইবা চিঞ্জাক্কী মতাংদা এৱের্নেস পীনবা লৈবাক শিনবা থুংবদা ইন্তেন্সিব এক্তিবিতীশিং পাঙথোকপা উবা ফংগনি।

পঞ্চায়ত লেবেলদা এৱের্নেস এক্তিবিতীশিং অসি মরী লৈনবা দিস্ত্রিক্ত পঞ্চায়তি রাজ ওফিসরশিং অমসুং সি.দি.পি.ও.শিংগী লমজিং মখাদা লোকেল ফঙ্কস্নরীশিংনা পাঙথোক্কনি। পোশন পঞ্চায়ত কম্মিতিশিংনা মীরোনবী অমসুং খোমজিংলিবী নুপীশিং, চহি তরুক্কী মখাগী অঙাংশিং, ইনখৎলক্লিবী নুপীমচাশিংদা বেসিক ইন্তিগ্রেতেদ চাইল্দ দিবেলপমেন্ত সর্ভিসশিং ফংহন্নবা অঙ্গনৱাদী সেন্তরশিং (এ.দবল্যু.সি.শিং), ভিলেজ হেল্থ এন্দ ন্যুত্রিসন দে (ভি.ঐচ.এন.দি.শিং)গী খুত্থাংদা সমস্যা কোকহন্নবা অমসুং সর্ভিস দেলিবরী তৌবা ঙমহন্নবা মতেং পাংনবা ফিল্দ লেবেল ৱার্করশিং (এফ.এল.দবল্যু.শিং) – এ.দবল্যু.দবল্যু.শিং, আশাশিং, এ.এন.এম.শিংগা লোয়ননা খুৎশম্নদুনা থবক পাইখৎকনি।

অঙ্গনৱাদী সর্ভিসশিং অমসুং হকচাং ফনা থম্নবা প্রেক্তিসশিংদা এৱের্নেস দ্রাইবশিং পাঙথোক্কনি। অঙ্গনৱাদী সর্ভিসেসকী মীৎয়েং মখাদা বেনিফিসরী কয়া পুশিল্লক্নবা গ্রোথ মিজরমেন্ত দ্রাইবশিং পাঙথোক্কনি। স্বস্থ বালক স্পর্ধাগী মখাদা গ্রোথ মিজরমেন্ত দ্রাইবশিং অসি রাজ্যশিংনা এ.দবল্যু.দবল্যু.শিং, আশাশিং, এ.এন.এম.শিং, দিস্ত্রিক্ত ফঙ্কস্নরীশিং অমসুং লায়ন্স ক্লব, রোতরী ক্লব অসিনচিংবা এজেন্সীশিংগী মতেংগা লোয়ননা পাঙথোক্কনি। এ.দবল্যু.সি.শিংদা ইনখৎলক্লিবী নুপীমচাশিংগীদমক অখন্ননা এনেমিয়া চেকঅপকীদমক হেল্থ কেম্পশিংসু পাঙথোক্কনি।

মখা তানা অঙ্গনৱাদী সেন্তরশিং (এ.দবল্যু.সি.শিং)দা নত্ত্রগা মনাক্তা ন্যুত্রি-গার্দেন অমসুং পোশন বাতিকাশিংগীদমক লম মশক খঙদোক্কনি।

অঙ্গনৱাদী সেন্তরশিংদা লৈরিবা নুপীশিংগী মরক্তা নোংগী ঈশিং য়োকশিনবগী মরু ওইবগী মতাংদা অমসুং মশা ফবা মমা অমসুং মচাগীদমক ত্রাইবেল এরিয়াশিংদা লৈরিবা নাৎকী ওইবা চিঞ্জাকশিংগী মতাংদা অখন্নবা মীৎয়েং চংগনি।

স্তেৎ-লেবেল এক্তিবিতীশিংগী মখাদা নাৎকী ওইবা মচি ওইবা চিঞ্জাকশিংগী থোং-থাকপগী মতাংদা ‘অম্মা কি রসোই’ নত্ত্রগা গ্রান্দমাদর’স কিতচন পাঙথোক্কনি। থা অসিগী মনুংদা লোকেল ফেস্তিবেলশিংগা লোয়ননা নাৎকী ওইনা চিঞ্জাক্কা মরী লৈনহন্নবা পাকশন্না খোঙথাংশিং লৌখৎক্কনি।

জাতিগী থাক্তা তোই-ক্রিএসন ৱার্কশোপ অমা অঙ্গনৱাদী সেন্তরশিংদা মহৈ-মশিং তম্বদা মতেং পাংনবা ইন্দিজিনস অমসুং লমদম অসিগী শান্নপোৎশিং শীজিন্নবা থৌগৎনবা পাঙথোক্কনি।

রাজ্যশিং/য়ু.তি.শিংদা নুপী অমসুং অঙাংশিংগী চাউখৎ থৌরাংগী বিভাগশিংনা অঙ্গনৱাদী ৱার্করশিং অমসুং হেল্পরশিংগী খুত্থাংদা অমসুং হকশেল অমসুং য়াইফ-য়ুম্বালগী বিভাগশিংনা আশা, এ.এন.এম., প্রাইমরী হেল্থ সেন্তরশিং, কম্ম্যুনিতী হেল্থ সেন্তরশিংগী খুত্থাংদা অমসুং স্কুল এজুকেসন অমসুং লিতরেসী বিভাগনা স্কুলশিংগী খুত্থাংদা, পঞ্চায়তি রাজ বিভাগনা পঞ্চায়তশিংগী খুত্থাংদা অমসুং খুঙ্গংগী চাউখৎ-থৌরাং বিভাগনা সেল্ফ-হেল্প গ্রুপশিংগী খুত্থাংদা নুপীশিং অমসুং অঙাংশিংগী মশা-মউ ফবা তুংলমচৎ অমগীদমক থা অমা চুপ্না থিমেতিক এক্তিবিতী কয়ামরুম পাঙথোক্কনি অমসুং হোলিস্তিক ন্যুত্রিসনগী মরু ওইবগী মতাংদা পাউজেলশিং শন্দোক্কনি।

রাস্ত্রীয় পোশন মাহনা মচি ওইবা চিঞ্জাক অমসুং হকচাং ফবা হায়বা অসিগী দিসকোর্সশিংদা মীৎয়েং থম্নবা প্লেৎফোর্ম অমা ওইরগনি। ৫শুবা রাস্ত্রীয় পোশন মাহদা থম্লিবা পান্দম অসি ইকাই খুম্নরবা পি.এম.গী সুপোশিত ভারতকী বিজন অসি থুংহন্নবা জন অন্দোলনবু জন ভাগীদারিদা ওন্থোকপনি।

*****