কেন্দ্রনা চানবা থাউগী মেনুফেকচরর/ পেকর/ ইম্পোর্তরশিংদা অচাথাউগী নেত ক্বান্তিতী অরুমবগী চাংগী মথক্তা তেম্পরেচর য়াওদনা ভোল্যুমসু থাননবা পাউতাক পীখ্রে‍। মখোয়গী মফমদা দিপার্তমেন্ত ওফ কঞ্জ্যুমর্স এফ্যার্সনসু য়াথং তাউথখিবা নুমিত্তগী থা তরুক হায়বদি জনুৱারী ১৫, ২০২৩ ফাওবগী মনুংদা নেত ক্বান্তিতী থাবগী মওং চুমথোক্তুনা পোত্থোক অদুগী অরুমবগা লোয়ননা তেম্পরেচর পন্দনা ভোল্যুমগী য়ুনিত্তা থাননবা পাউতাকসু পীখ্রে‍।

লিগেল মেত্রোলোজী (পেকেজ কোমোদিতিজ) রুল্স, ২০১১গী মখাদা কঞ্জ্যুমরশিংগী ইন্তরেস্ততা প্রি-পেকেজ কোমোদিতি পুম্নমক্কী অতৈ দিক্লারেসনগী মথক্তা নেত ক্বান্তিতী ৱেৎ নৎত্রগা মীজরগী স্তেন্দর্দ য়ুনিৎকী তর্মদা শোয়দনা থাগদবনি‍।

রুল্স অসিগী মখাদা শেম্লিবা প্রোভিজনশিংগী মতুং ইন্না অচাথাউ, বানস্পতি ঘীনচিংবগী নেত ক্বান্তিতী অরুমবা নৎত্রগা ভোল্যুমদা থাবা মথৌ তাই অমদি ভোল্যুমদা থারগদি পোৎলম অদুগী ভোল্যুমগা মান্নবা অরুমবগী চাং শোয়দনা থাগদবনি‍। ইন্দস্ত্রীশিংনা ভোল্যুমদা নেত ক্বান্তিতী থাবা মতমদা তেম্পরেচর থাবা থেংনরি‍।

মেনুফেকচরর/ পেকর/ ইম্পোর্তরশিংনা অচাথাউনচিংবা পোৎলমশিংগী নেত ক্বান্তিতী মাসকী য়ুনিৎকা লোয়ননা পেকিং তৌবা মতমদা লৈবা তেম্পরেচর পন্দুনা ভোল্যুম থারি‍। মেনুফেকচরর খরনাতেম্পরেচর অসি ৬০০ সেলসিয়স ফাওবা য়ৌনা থারি‍। মতৌ অসুম্না অচাথাউ, বানস্পতি ঘীনচিংবগী নেত ক্বান্তিতী ভোল্যুমগী চাংদা ভোল্যুমদি লেঙহন্দনা থম্লগা (খুদম ওইনা লিতর ১) মাসকা লোয়ননা তোঙান তোঙানবা তেম্পরেচরদা থাবসিনা পেকেজিং তৌবা মতমদা তেম্পরেচর খেন্নবা মরম্না তেম্পরেচর হেন্না ৱাংনা থাজিনবসু থেংনরি‍।  মখাদা পীরিবা অসিগুম্না নুং হৱাইদগী শুংবা থাউ অসি ভোল্যুম লিতর অমা লৌবদা তোঙান তোঙানবা তেম্পরেচরদা অরুমবা খেন্নৈ‍।

মরম অসিনা অচাথাউগী অরুমবা অসি তেম্পরেচর খেন্নবগী মতুং ইন্না খেন্নৈ‍। মরম অসিনা কঞ্জ্যুমরশিংনা লৈবা মতমদা পেকেজ অদুদা অচুমবা চাং ফংহন্নবগীদমক অচাথাউনচিংবগী মেনুফেকচরর/ পেকর/ ইম্পোর্তরশিংদা হায়রিবা পোৎলমশিং অসি তেম্পরেচর পন্দনা পেক তৌনবা অমদি পেকেজতুদা ভোল্যুম অমসুং মাস পন্দুনা থারিবা চাং অদু চুমহন্নবা পাউতাপ পীখিবনি‍।

***