কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী মখাদা লৈবা দিপার্তমেন্ত ওব কঞ্জুমর এফিয়র্সনা লিগেল মেত্রোলোজী (পেকেজ কম্মোদিতীজ) রুল ২০১১দগী লুজ ওইনা নৎত্রগা হাংদোক্লগা য়োল্লিবা গার্মেন্ত নৎত্রগা হোজিয়রীবু লৌথোক্নবগী তোঙান-তোঙানবা রিপ্রজেন্তেসনশিং লাকখি। মরম অসিনা দিপার্ত্মেন্ত ওব কঞ্জুমর এফিয়র্সনা লিগেল মেত্রোলোজী (পেকেজ কম্মোদিতীজ) (থার্দ এমেন্দমেন্ত) রুলস ২০২২দগী লল্লোন ইতীক তৌবা লাইহন্নবা অমসুং লুজ ওইনা নৎত্রগা হাংদোক্লগা য়োনবা গার্মেন্ত নৎত্রগা হোজিয়রীদা লৈরিবা ঙাকপা ঙমদবা পোৎলুমশিং অসিবু খরা হন্থনবা মখাগীশিং অসি লৌথোকখ্রে।

(১) পোৎচৈ অদুগী কম্মন/জেনরিক মিং

(২) দব্ল্যু নৎত্রগা এমগী স্তেন্দার্দ য়ুনিৎতা নেৎ ক্বান্তিতি নৎত্রগা পেকেজ অদুগী পোৎকী মশীং

(৩) য়ুনিৎ সেল প্রাইস

(৪) শারকপগী থা অমসুং চহি নৎত্রগা প্রি-পেকিং নৎত্রগা ইম্পোর্ত

(৫) মীনা অকক্নবা মতমগী মনুংদা শীজিন্নগদবা ওইরগনা বেস্ত বিফোর নৎত্রগা য়ুজ বাই তাং, থা অমসুং চহি।

(৬) কঞ্জুমর কেয়র নেম অমসুং এদ্রেস

হৌজিক্তি কঞ্জুমরগা চুন্নবা মখাগী ঈ পাউশিং অসি অসিতমক পীরগনিঃ

(১) শারকপা লৈবাক য়াওনা মেন্যুফেকচরর/ মার্কেতর/ব্রান্দ ওনর/ইম্পোর্তর নৎত্রগা ইম্পোর্ত তৌরকপা ওইরগনা মেন্যুফেকচরর।

(২) কঞ্জুমর কেয়র ইমেল আই.দি. অমসুং ফোন নম্বর,

(৩) অন্তর্জাতিগী থাক্তা য়ানরবা সাইজ ইন্দিকেতর হায়বদি S, M, L, XL, XXL অমসুং  XXXLগা লোইননা সেন্তিমিতর নৎত্রগা মিতরগী মেত্রিক নোতেসন অমসুং

(৪) মেক্সিমম রিতেল প্রাইজ (এম.আর.পি)

দিপার্তমেন্ত ওব কঞ্জুমর এফিয়র্সনা থোকপা নোতিফিকেসন অসি কঞ্জুমরগী অপাম্বা মাঙহন্দনা কঞ্জুমরগা চুন্নবা ঈ পাউতমক পীদুনা লল্লোন ইতীক তৌবদা লৈরিবা চুন্নদবা পোৎলুমশিংবু লৌথোক্নবগীদমকনি।

***************