দিল্লিগী স্তার্দ অপ অমনা পুথোকপা পোল্লুসন ঙাকথোকপা ঙম্বা হেলমেত অমনা চকা অনি পানবা গারি থৌরিবশিং অশেংবা নুংশিৎ ফংহনবদা মতেং পাংবা ঙম্লে। সেল্লিওস তেক্নোলেবসনা পুথোকপা হেলমেত অসিদা ব্লুতুৎকা শম্নবা এপ্প অমা য়াওদুনা গারি থৌরবশিংদা করম্বা মতমদা হেলমেত শেংদোকপা মথৌ তাবগে হায়না খঙহল্লে।

স্তার্দ অপ অসি সাইন্স অমসুং তেক্নোলোজি দিপার্তমেন্তদগী ফন্দ ফংলে অমসুং নোইদাদা লৈবা সাইন্স এন্দ তেক্নোলোজি ওন্ত্রেপ্রেনিউয়র পার্ক(জে এস এস এ তি ই-স্তেপ)দগী মপুংফানবা শেমগৎখি।

হেলমেত অসি কৈথেলদা য়োন্নবা পুথোক্নবগীদমক মখোয়না ওরিজিনেল ইকুইপমেন্ত মেনুফেকচরর(ও এম ই)শিংগা ললোন-ইতিক্কী য়ানচেশিং খুৎয়েক পীনখ্রে। তেক্নোলোজি রিদিনেল লেবেল(তি আর এল) লেবেল ৯দা লৈরিবা পোৎথোক অসি য়ুনিতিলিত পেতেন্ত পীখ্রে অমসুং হৌজিক লৈবাক্কী মফম পুম্নমক্তা লুপা ৪৫০০দা য়োল্লে। ভারতকী মফম খুদিংমক্তা লৈরিবা বাইক থৌবশিং হেলমেত অসি শীজিন্নরে অমসুং মথংগী ভর্সন পুথোক্নবগীদমক সেল্লিওসনা রোয়েল ইনফিল্দ মোতোরসাইকলসকা থবক তৌমিন্নরে।

নিংথমথাগী মতমদা দিল্লিদা বাইক থৌবশিংনা অশেংবা নুৎশিৎ ফংদবগী মায়োক্নরিবা খুদোংচাদবশিং অদু কোকহন্নবা সেল্লিওস তেক্নোলেবসকী ফাউন্দরশিংনা অনৌবা ৱাখল্লোন অদু পুথোরকপনি। ফাউন্দরশিংগী মনুংদা অমা ওইরিবা অমিত পথাকনা হায়খি লম্বী চৎলিবশিংনা অশেংবা নুৎশিং ফংদবদগী হকশেলগী ওইনা চাউনা মায়োক্নরিবা খুদোংচাদবশিং অদু ঐখোয়দা নুংঙাইতবা পোকখি, মরুওইনা চাকা অনি পানবা থৌরিবা মীওই মিল্লিয়ন কয়া নুমিৎ খুদিংগী মতম শাংনা লম্বীদা লৈখি অমসুং মখোয়না শ্বর হোনবা মতমদা গারিগী মৈখুশিং য়াওখি।

পুরোস হায়না কৌবা হেলমেত অসিদা নুংশিৎ শেংদোক্নবা খুৎলায়শিং য়াওরে। মসিদা স্তার্দ অপকী পেতেন্ত ফংলবা ব্রুসলে দি.দি(বি এল দি সি) ব্লোয়র ফেন, হায়-ইফিসিয়েন্সি পার্তিকুলেত এয়র(হেপা) ফিলতর মেমব্রেন, ইলেকত্রোনিক সর্কুইদ অমসুং মাইক্রো য়ু এস বি চার্জিং পোর্ত হেলমেত অসিদা য়াওরে। হেলমেতকী মনিংদা য়াওবা নুংশিৎ শেংদোক্নবা সিস্তেম অসিনা মপান্দগী চংলকপা নুংশিৎ অদু লৌশিল্লি অমসুং বাইক থৌরবশিং য়ৌদ্রিঙৈদা নুংশিৎ অদু শেংদোকই।

সরকারনা পীবা হেলমেত অমগী লৈফম থোকপা মগুন অদু লৈহন্দুনা, কেজি ১.৫ লুম্বা হেলমেত অসিনা ফত্তবা নুংশিৎতগী চাদা ৮০ হেন্না ঙাকথোকপা ঙমহল্লি।

*****