প্রধানমন্ত্রীগী লোইশঙ
পি.এম.না ওগস্ত ২৪দা হরিয়ানা অমসুং পঞ্জাবতা চৎকনি
পি.এম.না ফরীদাবাদতা অমৃতা হোস্পিতাল শঙ্গাগনি
নৌনা শাবা হোস্পিতাল অসিগী খুত্থাংদা নেস্নেল কেপিতেল রিজনগী মোদর্ন মেদিকেল ইনফ্রাস্ত্রকচরদা শাহৌ অমা পীরগনি
পি.এম.না সাহিবজাদা অজীত সিংহ নগর জিলা (মোহালী)দা জাতিদা ‘হোমী ভাভা কেন্সর হোস্পিতাল এন্দ রিসর্চ সেন্তর’ খুৎশিন্নগনি
হোস্পিতাল অসিনা পঞ্জাব অমসুং য়ুমলোন্নরিবা রাজ্য অমসুং য়ু.তি.শিংদা লৈরিবা মীয়ামদা মালেমগী থাক্কী কেন্সর কিয়র অমসুং লায়েং ফংহল্লগনি
Posted On:
22 AUG 2022 1:38PM by PIB Imphal
প্রধান মন্ত্রী শ্রী নরেন্দ্র মোদীনা ওগস্ত ২৪, ২০২২দা হরিয়ানা অমসুং পঞ্জাবতা চৎকনি। নুমিৎ অসিদা প্রধান মন্ত্রীনা জাতিদা মরু ওইবা হকশেলগী থৌশিল অনি শঙ্গাবা/খুৎশিন্নবা উবা ফংগনি। অয়ুক পুং ১১রোম তারকপদা প্রধান মন্ত্রীনা হরিয়ানাগী ফরীদাবাদতা অমৃতা হোস্পিতাল শঙ্গাগনি। মসিগী মতুংদা প্রধান মন্ত্রীনা মোহালীদা চৎকনি অমসুং নুংথিল পুং ২:১৫রোম তারকপদা সাহীবজাদা সজীত সিংহ নগর জিলা (মোহালী)গী ন্যু চান্দিগর, মুল্লানপুরদা হোমী ভাভা কেন্সর হোস্পিতাল এন্দ রিসর্চ সেন্তর’ জাতিদা খুৎশিন্নগনি।
হরিয়ানাদা পি.এম.
প্রধান মন্ত্রীনা ফরীদাবাদতা অমৃতা হোস্পিতাল শঙ্গাগদৌরিবা অসিনা নেস্নেল কেপিতেল রিজন (এন.সি.আর.)দা মোদর্ন মেদিকেল ইনফ্রাস্ত্রকচর ফংলিবা অসিদা শাহৌ পীরগনি। মাতা অমৃতানন্দময়ী মথনা য়েংশিনবা সুপর-স্পেসিএলিতী হোস্পিতাল অসিদা মফুং ২৬০০ থাগনি। লুপা করোর ৬০০০ চংনা শাখিবা হোস্পিতাল অসিনা ফরীদাবাদ অমসুং অপুনবা এন.সি.আর. লমদম অসিগী মীয়ামদা স্তেৎ-ওফ-দি-আর্ত হেল্থকিয়ে ফেসিলিতীশিং ফংহল্লগনি।
পঞ্জাবতা পি.এম.
পঞ্জাব অমসুং য়ুমলোন্নরিবা রাজ্য অমসুং য়ু.তি.শিংদা লৈরিবা মীয়ামদা মালেমগী থাক্কী কেন্সর কিয়র পীনবা খোঙথঅং অমদা প্রধান মন্ত্রীনা সাহীবজাদা সজীত সিংহ নগর জিলা (মোহালী)গী ন্যু চান্দিগর, মুল্লানপুরদা হোমী ভাভা কেন্সর হোস্পিতাল এন্দ রিসর্চ সেন্তর’ জাতিদা খুৎশিন্নগনি। হোস্পিতাল অসি ভারত সরকারগী এতোমিক ইনর্জী বিভাগকী মখাদা এদেদ ইন্সতিত্যুত অমা ওইরিবা তাতা মেমোরিএল সেন্তরনা লুপা করোর ৬৬০ চংনা শাবনি।
কেন্সর হোস্পিতাল অসি বেদ কেপাসিতী ৩০০ লৈবা তর্সিয়রী কিয়র হোস্পিতাল অমনি অমসুং মসিদা সর্জরী, রেদিওথেরাপী অমসুং মেদিকেল ওনকোলোজী – কেমোথেরাপী, ইম্ম্যুনোথেরাপী অমসুং বোন মেরো ত্রান্সপ্লান্ত অসিগুম্বা নুংতিগী ফংবা ত্রীৎমেন্ত মোদেলিতীশিং শীজিন্নবা কেন্সর মখল পুম্নমক লায়েংনবা মোদর্ন ফেসিলিতীশিং লৈরি।
হোস্পিতাল অসিনা লমদম অসিগী কেন্সর কিয়র অমসুং লায়েংগী ‘হব’ অমগুম্না মথৌ তৌগনি লোয়ননা সঙ্গরুরদা লৈবা ফমুং ১০০ থাবা হোস্পিতালনা মাগী ‘স্পোক’ ওইনা মথৌ তৌগনি।
***
(Release ID: 1853638)
Visitor Counter : 161
Read this release in:
Bengali
,
Assamese
,
English
,
Urdu
,
Marathi
,
Hindi
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam