প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দল মীফম্না ঙসি হাউশিং অমসুং অর্বান এফিয়র্স (এম.ও.ঐচ.য়ূ.এ.)না প্রধান মন্ত্রী আৱাজ য়োজনা- অর্বান (পি.এম.এ.ৱাই – য়ু)বু দিসেম্বর ৩১, ২০২৪ ফাওবা মখা তানা চৎনবদা অয়াবা পীখ্রে অমসুং হান্ননা সেংসন তৌখ্রবা য়ুম লাখ ১২২.৬৯বু মপুং ফানা লোইশিন্নবা শেন্থং কাইথরগনি।

পি.এম.এ.ৱাই – য়ুঃ হাউসিং ফোর ওল অসি ভারতনা সরকারনা লৈবাক অসিগী রাজ্য/য়ু.তি./সেন্ত্রেল নোদেল এজেন্সীশিংদা লৈরিবা অর্বান এরিয়াগী কান্নবা লৌবা য়ারবা মীওইশিং কুম পুম্নমক চৎনবা য়াবা পক্কা য়ুম পীনবা লৌখৎখিবা মরুওইবা থৌরাং অমনি। স্কিম অসিনা লৈবাক অসিগী অপুনবা অর্বান এরিয়াশিং হায়বদি সেন্সস ২০১১গী মতুং ইন্না লৈবা স্তেত্যুতরী তাউনশিং অমসুং মসিগী মতুংদা থোকখিবা তাউনশিং, নোতিফাইদ প্লান্নিং/দিবেলপমেন্ত এরিয়াশিং য়াওনা কোনশিল্লি। থৌশিল অসি ভর্তিকেল মরিগী খুত্থাংদা চলাইরিঃ বেনিফিসরী লেদ কন্সত্রক্সন/ইনহান্সমেন্ত (বি.এল.সি.), এফোর্দেবল হাউসিং ইন পার্তনর্শিপ (এ.ঐচ.পি.), ইন-সিতু স্লম রিদিবেলপমেন্ত (আই.এস.এস.আর.) অমসুং ক্রেদিৎ লিঙ্ক সবসিদী স্কিম (সি.এল.এস.এস.)। ভারতনা সরকারনা শেন্থং পীথবা তারবসু রাজ্য সরকার/য়ু.তি.শিংনা কান্নবা ফংগদবশিং খনবা য়াওনা থৌশিল অসিবু থবক্তা পায়খৎলি।

২০০৪-১৪ ফাওবগী মনুংদা য়ুম লাখ ৮.০৪ অর্বান হাউসিং স্কিমগী মখাদা শাখি। মোদী লৈঙাক্কী মখাদা, অর্বান্দা লৈরিবা মীওইশিংদা লৈরিবা কান্নবা ফংবা য়ারবা মীওইশিংদা য়ুম পীবগী থবক অসি হেন্না মীৎয়েং চঙলকখি অমসুং পি.এম.এ.ৱাই – অর্বানগী থৌশিল অসি শাগৎখি। ২০১৭দা, অশেংবা প্রোজেক্ত দিমান্দ অসি য়ূম লাখ ১০০ ওইখি। অশেংবা প্রোজেক্তেদ দিমান্দ অসিগী মাইয়োক্তা, য়ুম লাখ ১০২ শানবা হোৎনখি। মখা তাবদা, মখোয়গী মনুংদগী য়ুম লাখ ৬২ লোইশিনখি। অপুনবা য়ুম লাখ ১২৩ সেংসন তৌবগী মনুংদা, য়ুম লাখ ৪০গী প্রোপোজেলনা রাজ্য/য়ু.তি.শিংদগী থেংনা ফংখি (স্কিম অসিগী চহি ২গী মনুংদা), অমসুং মসি লোইশিনবদা চহি ২ অমুক্কা চঙগনি। মসিনা মরম ওইদুনা, রাজ্য/য়ু.তি.শিংনা হায়জরকপদগী, কেন্দ্রগী মন্ত্রী মন্দল মীফম্না পি.এম.এ.ৱাই – য়ু.বু ৩১.১২.২০২৪ ফাওবা শাংদোকপদা অয়াবা পীখি।

২০১৫ দপগী অয়াবা পীরকখিবা কেন্দ্র সরকারগী শেন্থং অসি ২০০৪-২০১৪ দা লুপা করোর ২০,০০০ ওইরম্বদগী লুপা করোর লাখ ২.০৩ ওইরকখি। মার্চ ৩১, ২০২২  ফাওবদা, কেন্দ্রগী শেন্থং ওইনা লুপা করোর ১,১৮,০২০.৪৬ মাংজৌননা কাইথখ্রে অমসুং দিসেম্বর ৩১, ২০২৪ ফাওবদা কেন্দ্রগী শেন্থং ওইনা লুপা করোর ৮৫,৪০৬ কাইথগনি।

রাজ্য/য়ু.তি.শিংনা হায়জরকপদগী থৌশিল অসিবু দিসেম্বর ৩১, ২০২৪ ফাওবা মখা চত্থবনা বি.এল.সি., এ.ঐচ.পি. অমসুং আই.এস.এস.আর. ভর্তিকেলগী মখাদা  হান্ননা অয়াবা পীখ্রবা য়ুমশিং লোইশিনবদা মতেং পাংলগনি।

***************