ಗೌರವಾನ್ವಿತ ಉಪರಾಷ್ಟ್ರಪತಿಗಳು, ಎಲ್ಲಾ ಹಿರಿಯ ಸದಸ್ಯರು, ಇಂದು ಉಪಸ್ಥಿತರಿರುವ ಎಲ್ಲಾ ಗಣ್ಯ ಸಂಸದರು ಮತ್ತು ಇತರ ಎಲ್ಲಾ ಗಣ್ಯರೇ,

ನನಗೆ ತಿಳಿದ ಮಟ್ಟಿಗೆ ವೆಂಕಯ್ಯ ನಾಯ್ಡು ಅವರಿಗೆ ವಿದಾಯ ಹೇಳಲು ಸಾಧ್ಯವಿಲ್ಲ ಎಂದು ನಾನು ಭಾವಿಸುತ್ತೇನೆ. 11ನೇ ತಾರೀಕಿನ ನಂತರವೂ, ನೀವು ಯಾವುದಾದರೂ ಕೆಲಸಕ್ಕಾಗಿ ಅಥವಾ ಕೆಲವು ಮಾಹಿತಿಗಾಗಿ ಅಥವಾ ನಿಮ್ಮ ಜೀವನದಲ್ಲಿನ ಯಾವುದೇ ಪ್ರಮುಖ ಬೆಳವಣಿಗೆಯ ಬಗ್ಗೆ ವಿಚಾರಿಸಲು ಕರೆಯನ್ನು ಸ್ವೀಕರಿಸಬಹುದು. ಅಂದರೆ, ಒಂದು ರೀತಿಯಲ್ಲಿ, ಅವರು ಪ್ರತಿ ಕ್ಷ ಣದಲ್ಲೂಸದಾ ಸಕ್ರಿಯರಾಗಿರುತ್ತಾರೆ. ಅವರು ಪ್ರತಿ ಕ್ಷ ಣದಲ್ಲೂಎಲ್ಲರ ನಡುವೆ ಉಪಸ್ಥಿತರಿರುತ್ತಾರೆ ಮತ್ತು ಇದು ಅವರ ಅತಿದೊಡ್ಡ ಸದ್ಗುಣವಾಗಿದೆ. ಅವರ ಜೀವನವನ್ನು ಹಿಂತಿರುಗಿ ನೋಡಿದಾಗ, ನಾನು ಪಕ್ಷದ ಸಂಘಟನೆಗಾಗಿ ಕೆಲಸ ಮಾಡುತ್ತಿದ್ದ ಮತ್ತು ಅಟಲ್‌ ಜೀ ಅವರ ಸರ್ಕಾರ ರಚನೆಯಾದ ಅವಧಿಯ ಬಗ್ಗೆ ಮಾತನಾಡಲು ಬಯಸುತ್ತೇನೆ. ಮಂತ್ರಿಮಂಡಲವನ್ನು ರಚಿಸಲಾಗುತ್ತಿತ್ತು. ನಾನು ಸಾಂಸ್ಥಿಕ ವಿಷಯಗಳನ್ನು ನಿರ್ವಹಿಸುತ್ತಿದ್ದಾಗ, ಸ್ವಾಭಾವಿಕವಾಗಿ ನನ್ನ ಮತ್ತು ವೆಂಕಯ್ಯ ನಾಯ್ಡು ಅವರ ನಡುವಿನ ಸಂವಹನವು ಸ್ವಲ್ಪ ಹೆಚ್ಚಾಗಿತ್ತು. ದಕ್ಷಿಣದ ವೆಂಕಯ್ಯ ನಾಯ್ಡು ಅವರಂತಹ ಹಿರಿಯ ನಾಯಕರು ಖಂಡಿತವಾಗಿಯೂ ಮಂತ್ರಿಯಾಗುತ್ತಾರೆ ಎಂದು ಊಹಿಸಲಾಗಿತ್ತು. ಯಾರು ಮಂತ್ರಿಯಾಗುತ್ತಾರೆ ಮತ್ತು ಪ್ರತಿಯೊಬ್ಬ ಮಂತ್ರಿಯೂ ಯಾವ ರೀತಿಯ ಕೆಲಸ ಮತ್ತು ಇಲಾಖೆಯನ್ನು ಪಡೆಯುತ್ತಾರೆ ಎಂಬುದು ಪ್ರಧಾನ ಮಂತ್ರಿಗಳ ವಿಶೇಷಾಧಿಕಾರವಾಗಿದ್ದರೂ, ತಾವು ಯಾವುದೇ ಆಕರ್ಷಕ ಇಲಾಖೆಯನ್ನು ಬಯಸುವುದಿಲ್ಲ ಎಂದು ಅವರು ನನಗೆ ಹೇಳಿದರು. ಪ್ರಧಾನ ಮಂತ್ರಿಗಳು ಒಂದು ವೇಳೆ ಮನಸ್ಸು ಮಾಡದಿದ್ದರೆ, ಅವರು ಗ್ರಾಮೀಣ ಅಭಿವೃದ್ಧಿಗಾಗಿ ಶ್ರಮಿಸುವುದಾಗಿ  ಹೇಳಿದರು. ಗ್ರಾಮೀಣಾಭಿವೃದ್ಧಿ ಅವರ ಮನಸ್ಸಿನಲ್ಲಿತ್ತು. ಅಂದರೆ, ಈ ಉತ್ಸಾಹವು ಸ್ವತಃ ಒಂದು ದೊಡ್ಡ ವಿಷಯವಾಗಿದೆ.

ಅಟಲ್‌ ಜೀ ಅವರು ವೆಂಕಯ್ಯ ನಾಯ್ಡು ಅವರಿಗಾಗಿ ಇತರ ಕಾರ್ಯಗಳನ್ನು ಮನಸ್ಸಿನಲ್ಲಿ ಇಟ್ಟುಕೊಂಡಿದ್ದರು, ಆದರೆ ವೆಂಕಯ್ಯ ನಾಯ್ಡು ಅವರ ಮನಸ್ಸಿನಲ್ಲಿ ಇದು ಇದ್ದುದರಿಂದ, ಅಟಲ್‌ ಜೀ ಅವರು ಅಗತ್ಯವಾದ ನಿರ್ಧಾರವನ್ನು ತೆಗೆದುಕೊಂಡಿದ್ದರು ಮತ್ತು ವೆಂಕಯ್ಯ ನಾಯ್ಡು ಅವರು ಈ ಕಾರ್ಯವನ್ನು ಬಹಳ ಚೆನ್ನಾಗಿ ನಿರ್ವಹಿಸಿದ್ದರು. ಈಗ ಅವರ ಶ್ರೇಯಸ್ಸಿಗೆ ಇನ್ನೂ ಒಂದು ವಿಷಯವಿದೆ. ವೆಂಕಯ್ಯ ನಾಯ್ಡು ಅವರು ಬಹುಶಃ ಗ್ರಾಮೀಣಾಭಿವೃದ್ಧಿ ಸಚಿವಾಲಯವನ್ನು ಮಾತ್ರವಲ್ಲದೆ, ನಗರಾಭಿವೃದ್ಧಿ ಸಚಿವಾಲಯವನ್ನು ಸಹ ನೋಡಿಕೊಳ್ಳುತ್ತಾರೆ. ಅಂದರೆ, ಒಂದು ರೀತಿಯಲ್ಲಿ, ಅವರು ಅಭಿವೃದ್ಧಿಯ ಎರಡೂ ಪ್ರಮುಖ ಅಂಶಗಳಲ್ಲಿ ತಮ್ಮ ಪಾಂಡಿತ್ಯವನ್ನು ತೋರಿಸಿದರು.

ಅವರು ಬಹುಶಃ ಮೊದಲ ಉಪರಾಷ್ಟ್ರಪತಿ, ರಾಜ್ಯಸಭೆಯ ಮೊದಲ ಸಭಾಪತಿ, ರಾಜ್ಯಸಭೆಯ ಸದಸ್ಯರಾಗಿದ್ದರು. ಕೆಲವೇ ಕೆಲವು ಜನರಿಗೆ ಈ ಅದೃಷ್ಟವಿದೆ. ಬಹುಶಃ ವೆಂಕಯ್ಯ ನಾಯ್ಡು ಅವರು ಇದನ್ನು ಪಡೆದ ಏಕೈಕ ವ್ಯಕ್ತಿ. ಈಗ ರಾಜ್ಯಸಭೆಯಲ್ಲಿ ದೀರ್ಘಕಾಲದಿಂದ ಇರುವ ಮತ್ತು ಸಂಸದೀಯ ವ್ಯವಹಾರಗಳ ಕೆಲಸವನ್ನು ನೋಡಿಕೊಳ್ಳುತ್ತಿರುವ ಒಬ್ಬ ವ್ಯಕ್ತಿಯು, ಸದನದಲ್ಲಿ ನಡೆಯುವ ಎಲ್ಲವನ್ನೂ, ‘ತೆರೆಮರೆಯಲ್ಲಿ’, ವಿವಿಧ ಪಕ್ಷ ಗಳು ಮಾಡುವ ಕೆಲಸಗಳು ಮತ್ತು ಖಜಾನೆ ಪೀಠಗಳಿಂದ ಸಂಭವನೀಯ ಕ್ರಮಗಳನ್ನು ತಿಳಿದಿದ್ದಾರೆ ಎಂದರ್ಥ. ಅವರು ಈ ಎಲ್ಲಾ ವಿಷಯಗಳ ಬಗ್ಗೆ ಉತ್ತಮ ಕಲ್ಪನೆಯನ್ನು ಹೊಂದಿದ್ದರು ಮತ್ತು ಅದಕ್ಕಾಗಿಯೇ ಅಧ್ಯಕ್ಷ ರಾಗಿ ಅವರು ಎರಡೂ ಬದಿಗಳನ್ನು ಚೆನ್ನಾಗಿ ತಿಳಿದಿದ್ದರು. ಒಂದು ಕಡೆ, ಈ ಅನುಭವವು ಖಜಾನೆ ಪೀಠಕ್ಕೆ ಉಪಯುಕ್ತವಾಗಿದ್ದರೆ, ಮತ್ತೊಂದೆಡೆ ಪ್ರತಿಪಕ್ಷ ದ ಸ್ನೇಹಿತರಿಗೆ ತೊಂದರೆಯನ್ನೂ ಉಂಟುಮಾಡುತ್ತದೆ. ಆದರೆ ಸದನವನ್ನು ಹೆಚ್ಚು ದಕ್ಷ ಗೊಳಿಸುವ ಮತ್ತು ರಾಷ್ಟ್ರಕ್ಕಾಗಿ ಸದನದಿಂದ ಅತ್ಯುತ್ತಮವಾದುದನ್ನು ಪಡೆಯುವ ಮಾರ್ಗಗಳ ಬಗ್ಗೆ ಅವರು ಆಲೋಚಿಸಿದರು. ಸಂಸದೀಯ ಸಮಿತಿಗಳು ಮೌಲ್ಯವರ್ಧನೆಗೆ ಹೆಚ್ಚು ಉತ್ಪಾದಕ ಮತ್ತು ಫಲಿತಾಂಶ-ಆಧಾರಿತವಾಗಿವೆ ಎಂದು ಅವರು ಖಚಿತಪಡಿಸಿದರು. ಸಂಸದೀಯ ಸಮಿತಿಗಳ ಕಾರ್ಯನಿರ್ವಹಣೆಯ ಬಗ್ಗೆ ಇಷ್ಟೊಂದು ಕಾಳಜಿ ವಹಿಸಿದ ಮೊದಲ ಸಭಾಪತಿ ವೆಂಕಯ್ಯ ಅವರು. ಅವರ ಬಗ್ಗೆ ತಮ್ಮ ಸಂತೋಷ ಮತ್ತು ಅಸಮಾಧಾನವನ್ನು ವ್ಯಕ್ತಪಡಿಸಿದಾಗ ಅದನ್ನು ಸುಧಾರಿಸಲು ಅವರು ನಿರಂತರ ಪ್ರಯತ್ನಗಳನ್ನು ಮಾಡಿದ್ದರು.

ಇಂದು ನಾವು ವೆಂಕಯ್ಯ ನಾಯ್ಡು ಅವರ ಕಾರ್ಯವನ್ನು ಶ್ಲಾಘಿಸುತ್ತಿರುವಾಗ, ಸಂಸತ್‌ ಸದಸ್ಯರಾಗಿ ನಮ್ಮಿಂದ ಅವರು ಅಧ್ಯಕ್ಷ ರಾಗಿ ಹೊಂದಿದ್ದ ನಿರೀಕ್ಷೆಗಳನ್ನು ಈಡೇರಿಸುವ ಸಂಕಲ್ಪವನ್ನೂ ನಾವು ಮಾಡಬೇಕು ಎಂದು ನಾನು ಆಶಿಸುತ್ತೇನೆ. ನಾವು ನಮ್ಮ ಜೀವನದಲ್ಲಿಅವರ ಸಲಹೆಯನ್ನು ಅನುಸರಿಸಿದರೆ, ಅದು ಒಂದು ದೊಡ್ಡ ಸೇವೆ ಎಂದು ನಾನು ನಂಬುತ್ತೇನೆ.

ವೆಂಕಯ್ಯ ನಾಯ್ಡು ಅವರು ತಮ್ಮ ಹೆಚ್ಚಿನ ಸಮಯವನ್ನು ಸಾಕಷ್ಟು ಪ್ರಯಾಣದಲ್ಲಿ ಬಳಸಿಕೊಂಡರು. ಅವರು ವೈಯಕ್ತಿಕವಾಗಿ ವಿವಿಧ ಸ್ಥಳಗಳಿಗೆ ಭೇಟಿ ನೀಡುತ್ತಿದ್ದರು. ಕಳೆದ ಐದು ದಶಕಗಳಲ್ಲಿಅದು ಅವರ ಜೀವನವಾಗಿತ್ತು. ಆದರೆ ಕೊರೋನಾ ಅವಧಿಯಲ್ಲಿ, ಒಂದು ದಿನ ನಾವು ಔಪಚಾರಿಕವಾಗಿ ಕುಳಿತು ಹರಟೆ ಹೊಡೆಯುತ್ತಿದ್ದೆವು. ಈ ಕೊರೋನಾ ಸಾಂಕ್ರಾಮಿಕ ಮತ್ತು ಲಾಕ್‌ಡೌನ್‌ನಿಂದಾಗಿ, ಯಾರು ಹೆಚ್ಚು ತೊಂದರೆಯನ್ನು ಎದುರಿಸಲಿದ್ದಾರೆ ಎಂದು ನಾನು ಕೇಳಿದೆ. ನನ್ನ ಪ್ರಶ್ನೆಯಿಂದ ಎಲ್ಲರೂ ಗೊಂದಲಕ್ಕೊಳಗಾದರು. ನಾನು ಮತ್ತೆ ಕೇಳಿದೆ, ಯಾರು ಹೆಚ್ಚು ತೊಂದರೆ ಅನುಭವಿಸುತ್ತಾರೆ? ಯಾರೂ ಉತ್ತರಿಸಲಿಲ್ಲ. ಆದ್ದರಿಂದ ನಾನು ಹೇಳಿದೆ, ಈ ಪರಿಸ್ಥಿತಿಯಲ್ಲಿ, ಹೆಚ್ಚು ತೊಂದರೆ ಅನುಭವಿಸುವ ವ್ಯಕ್ತಿ ವೆಂಕಯ್ಯ ನಾಯ್ಡು ಜೀ. ಏಕೆಂದರೆ ಅವನು ಯಾವಾಗಲೂ ಯಾವುದೋ ಒಂದು ಚಟುವಟಿಕೆ ಅಥವಾ ಕೆಲಸದಲ್ಲಿತೊಡಗಿದ್ದಾರೆ. ಒಂದೇ ಸ್ಥಳದಲ್ಲಿ ಕುಳಿತುಕೊಳ್ಳುವುದು ಅವರಿಗೆ ದೊಡ್ಡ ಶಿಕ್ಷೆಯಾಗಿತ್ತು. ಆದರೆ ಅವರು ನವೀನ ವ್ಯಕ್ತಿ. ಅವರು ಈ ಕೊರೋನಾ ಅವಧಿಯನ್ನು ಸೃಜನಶೀಲವಾಗಿ ಬಳಸಿಕೊಂಡರು. ಅವರು ಟೆಲಿ-ಟ್ರಾವೆಲ್‌ ಮಾಡುತ್ತಿದ್ದರು. ಈ ಪರಿಭಾಷೆಯು ಸರಿಯಾಗಿದೆಯೋ ಇಲ್ಲವೋ ನನಗೆ ತಿಳಿದಿಲ್ಲ. ಅವರು ಬೆಳಗ್ಗೆ ತಮ್ಮ ಟೆಲಿಫೋನ್‌ ಡೈರಿಯೊಂದಿಗೆ ಕುಳಿತುಕೊಳ್ಳುತ್ತಿದ್ದರು ಮತ್ತು ಪ್ರತಿದಿನ 30, 40 ಅಥವಾ 50 ಜನರಿಗೆ ಕರೆ ಮಾಡುತ್ತಿದ್ದರು; ಕಳೆದ 50 ವರ್ಷಗಳಲ್ಲಿ ಅವರು ದೇಶದಾದ್ಯಂತ ಸಂಚರಿಸುವಾಗ, ಅವರ ಸಾರ್ವಜನಿಕ ಜೀವನದಲ್ಲಿ ಅಥವಾ ರಾಜಕೀಯ ಜೀವನದಲ್ಲಿ ಅವರು ಭೇಟಿಯಾದ ಜನರು. ಅವರು ಅವರ ಯೋಗಕ್ಷೇಮದ ಬಗ್ಗೆ ವಿಚಾರಿಸುತ್ತಿದ್ದರು, ಮಾಹಿತಿ ಪಡೆಯುತ್ತಿದ್ದರು, ಕೊರೋನಕ್ಕೆ ಸಂಬಂಧಿಸಿದ ಅವರ ಸಮಸ್ಯೆಗಳ ಬಗ್ಗೆ ಅವರನ್ನು ಕೇಳುತ್ತಿದ್ದರು ಮತ್ತು ಸಾಧ್ಯವಾದರೆ ಅವರಿಗೆ ಸಹಾಯ ಮಾಡುತ್ತಿದ್ದರು.

ಅವರು ಸಮಯವನ್ನು ತುಂಬಾ ಚೆನ್ನಾಗಿ ಬಳಸಿಕೊಂಡಿದ್ದರು. ಅವರು ಆ ದೂರದ ಪ್ರದೇಶಗಳಲ್ಲಿನ ಸಾಮಾನ್ಯ ಕೆಲಸಗಾರರನ್ನು ಕರೆದಾಗ, ಅದು ಅವರಲ್ಲಿಸಾಕಷ್ಟು ಉತ್ಸಾಹವನ್ನು ತುಂಬಿತು. ಇದಲ್ಲದೆ, ಕೊರೊನಾ ಅವಧಿಯಲ್ಲಿವೆಂಕಯ್ಯ ಅವರಿಂದ ಕರೆಯನ್ನು ಸ್ವೀಕರಿಸದ ಒಬ್ಬ ಸಂಸದರೂ ಇಲ್ಲದಿರಬಹುದು. ಅವರು ಅವರ ಯೋಗಕ್ಷೇಮದ ಬಗ್ಗೆ ವಿಚಾರಿಸಿದರು ಮತ್ತು ಅವರ ಲಸಿಕೆಯ ಸ್ಥಿತಿಯ ಬಗ್ಗೆ ಕಾಳಜಿ ವಹಿಸಿದ್ದರು. ಅಂದರೆ, ಕುಟುಂಬದ ಮುಖ್ಯಸ್ಥನಂತೆ, ಅವರು ಎಲ್ಲರನ್ನೂ ನೋಡಿಕೊಳ್ಳುತ್ತಿದ್ದನು. ಅದು ಅವರ ಪ್ರಯತ್ನವಾಗಿತ್ತು.
ವೆಂಕಯ್ಯನಾಯ್ಡು ಅವರಿಗೆ ಮತ್ತೊಂದು ಸದ್ಗುಣವಿದೆ. ಅವರು ಎಂದಿಗೂ ನಮ್ಮಿಂದ ದೂರವಿರಲು ಸಾಧ್ಯವಿಲ್ಲಎಂದು ನಾನು ಹೇಳುತ್ತಲೇ ಇದ್ದೇನೆ. ಆದ್ದರಿಂದ, ತಾವು ಅದಕ್ಕೆ ಒಂದು ಉದಾಹರಣೆಯನ್ನು ನೀಡುತ್ತಿದ್ದೇನೆ. ಒಮ್ಮೆ ಅವರು ಚುನಾವಣಾ ಪ್ರಚಾರಕ್ಕಾಗಿ ಬಿಹಾರಕ್ಕೆ ಭೇಟಿ ನೀಡಬೇಕಾಗಿತ್ತು. ಇದ್ದಕ್ಕಿದ್ದಂತೆ ಅವರ ಹೆಲಿಕಾಪ್ಟರ್‌ ಹೊಲಗಳಲ್ಲಿ ತುರ್ತು ಭೂಸ್ಪರ್ಶ ಮಾಡಬೇಕಾಯಿತು. ಈಗ ಆ ಪ್ರದೇಶವು ಕೆಲವು ಭದ್ರತಾ ಸಮಸ್ಯೆಗಳನ್ನು ಸಹ ಹೊಂದಿದೆ. ಆದರೆ ಹತ್ತಿರದ ರೈತ ಬಂದು ಅವರಿಗೆ ಸಹಾಯ ಮಾಡಿ ಅವರನ್ನು ತನ್ನ ಮೋಟಾರ್‌ಸೈಕಲ್‌ನಲ್ಲಿ ಹತ್ತಿರದ ಪೊಲೀಸ್‌ ಠಾಣೆಗೆ ಕರೆದೊಯ್ದರು.

ಈಗ ಭಾರತದಲ್ಲಿತಮ್ಮ ಸಾರ್ವಜನಿಕ ಜೀವನವನ್ನು ನೋಡಿದರೆ, ವೆಂಕಯ್ಯ ನಾಯ್ಡು ಅವರು ಬಹಳ ದೊಡ್ಡ ವ್ಯಕ್ತಿತ್ವ ಹೊಂದಿದ್ದಾರೆ. ಆದರೆ ಇಂದಿಗೂ ಅವರು ಆ ರೈತ ಕುಟುಂಬದೊಂದಿಗೆ ನಿಕಟ ಸಂಬಂಧವನ್ನು ಹೊಂದಿದ್ದಾರೆ. ಅಂದರೆ, ಬಿಹಾರದ ಕುಗ್ರಾಮವೊಂದರಲ್ಲಿ ಬಿಕ್ಕಟ್ಟಿನ ಸಮಯದಲ್ಲಿ ಅವರು ಯಾರಿಂದಲೋ ಸಹಾಯವನ್ನು ಪಡೆದರು. ಆದರೆ ಇಂದಿಗೂ, ವೆಂಕಯ್ಯ ನಾಯ್ಡು ಅವರು ಆ ರೈತನ ಬಗ್ಗೆ ಬಹಳ ಹೆಮ್ಮೆಯಿಂದ ಮಾತನಾಡುತ್ತಿದ್ದರು. ಇದು ವೆಂಕಯ್ಯ ನಾಯ್ಡು ಅವರ ಶ್ರೇಷ್ಠ ಸದ್ಗುಣಗಳಲ್ಲಿ ಒಂದಾಗಿದೆ.
ಮತ್ತು ಅದಕ್ಕಾಗಿಯೇ ನಾನು ಹೇಳುತ್ತಿದ್ದೇನೆ, ಅವರು ಯಾವಾಗಲೂ ಸಕ್ರಿಯ ಸಹೋದ್ಯೋಗಿಯಾಗಿ, ಮಾರ್ಗದರ್ಶಕರಾಗಿ ನಮ್ಮೊಂದಿಗೆ ಇರುತ್ತಾರೆ. ಅವರ ಅನುಭವವು ನಮಗೆ ಉಪಯುಕ್ತವಾಗಿರುತ್ತದೆ. ಅಂತಹ ಅನುಭವದ ಕೊಳದೊಂದಿಗೆ, ಈಗ ವೆಂಕಯ್ಯ ಅವರು ಸಮಾಜದಲ್ಲಿಹೊಸ ಜವಾಬ್ದಾರಿಯತ್ತ ಸಾಗಲಿದ್ದಾರೆ. ಹೌದು, ಇಂದು ಬೆಳಗ್ಗೆ ಅವರು ಈ ಹುದ್ದೆಯನ್ನು ವಹಿಸಿಕೊಂಡಾಗ, ಅವರ ನೋವಿಗೆ ಕಾರಣವೆಂದರೆ ಅವರು ತಮ್ಮ ಪಕ್ಷ ಕ್ಕೆ ರಾಜೀನಾಮೆ ನೀಡಬೇಕಾಗುತ್ತದೆ ಎಂದು ಹೇಳಿದರು; ಅವರು ತಮ್ಮ ಇಡೀ ಜೀವನವನ್ನು ಯಾವ ಪಕ್ಷ ಕ್ಕಾಗಿ ಕಳೆದಿದ್ದರೋ ಆ ಪಕ್ಷ . ಅದಕ್ಕೆ ಕೆಲವು ಸಾಂವಿಧಾನಿಕ ಬಾಧ್ಯತೆಗಳಿದ್ದವು. ಆದರೆ ಆ ಐದು ವರ್ಷಗಳ ಕೊರತೆಯನ್ನು ವೆಂಕಯ್ಯ ಅವರು ಖಂಡಿತವಾಗಿಯೂ ಸರಿದೂಗಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಆ ಹಳೆಯ ಸ್ನೇಹಿತರನ್ನು ಪ್ರೇರೇಪಿಸುವ, ಪ್ರೋತ್ಸಾಹಿಸುವ ಪೋಷಿಸುವ ಅವರ ಕೆಲಸವು ಖಂಡಿತವಾಗಿಯೂ ಮುಂದುವರಿಯುತ್ತದೆ. ವೆಂಕಯ್ಯ ನಾಯ್ಡು ಅವರ ಜೀವನವು ನಮಗೆ ದೊಡ್ಡ ಆಸ್ತಿ ಮತ್ತು ದೊಡ್ಡ ಪರಂಪರೆಯಾಗಿದೆ. ಅವರಿಂದ ನಾವು ಕಲಿತದ್ದನ್ನು ನಾವು ವರ್ಗಾಯಿಸೋಣ.
ಮಾತೃಭಾಷೆಯನ್ನು ಸ್ಥಾಪಿಸುವ ಅವರ ಪ್ರಯತ್ನಗಳನ್ನು ಮತ್ತು ಭಾಷೆಯ ಮೇಲಿನ ಅವರ ಪ್ರೀತಿಯನ್ನು ಮುಂದುವರಿಸಲು ಹೆಚ್ಚಿನ ಪ್ರಯತ್ನಗಳು ನಡೆಯಲಿವೆ.

ನಿಮಗೆ ಆಸಕ್ತಿಯಿದ್ದರೆ, ನಾನು ಭಾಶಿನಿ ಬಗ್ಗೆ ಮಾತನಾಡಲು ಬಯಸುತ್ತೇನೆ. ಇದು ಭಾರತ ಸರ್ಕಾರವು ಪ್ರಾರಂಭಿಸಿದ ವೆಬ್‌ಸೈಟ್‌ ಆಗಿದೆ. ಭಾಶಿನಿಯು ನಮ್ಮ ಭಾರತೀಯ ಭಾಷೆಗಳನ್ನು ಅರ್ಥೈಸಲು ಮತ್ತು ಭಾಷಾಂತರಿಸಲು ಮತ್ತು ಅದನ್ನು ಮತ್ತಷ್ಟು ಅಭಿವೃದ್ಧಿಪಡಿಸಲು ಎಲ್ಲಾ ಸೌಲಭ್ಯಗಳನ್ನು ಹೊಂದಿದೆ. ಇದು ನಮಗೆ ಅಪಾರವಾಗಿ ಉಪಯುಕ್ತವಾಗಬಲ್ಲ ಒಂದು ಉತ್ತಮ ಸಾಧನವಾಗಿದೆ. ಆದರೆ ನನ್ನ ಮನಸ್ಸಿನಲ್ಲಿ ಏನೋ ಇದೆ. ಸ್ಪೀಕರ್‌ ಸರ್‌ ಮತ್ತು ಹರಿವಂಶ್‌ ಜೀ ಅವರು ಈ ದಿಕ್ಕಿನಲ್ಲಿನಾವು ಕೆಲಸ ಮಾಡಬಹುದೇ ಎಂದು ನೋಡಬೇಕೆಂದು ನಾನು ಬಯಸುತ್ತೇನೆ. ಹರಿವಂಶ್‌ ಅವರಿಗೆ ಈ ಕ್ಷೇತ್ರದ ಜ್ಞಾನವಿದೆ. ಆದ್ದರಿಂದ, ಖಂಡಿತವಾಗಿಯೂ ಈ ದಿಕ್ಕಿನಲ್ಲಿ ಕೆಲಸವನ್ನು ಮಾಡಬಹುದು. ನಿಘಂಟಿಗೆ ಹೊಸ ಪದಗಳನ್ನು ಸೇರಿಸುವ ಸಂಪ್ರದಾಯವನ್ನು ಜಗತ್ತು ಹೊಂದಿದೆ. ಮತ್ತು ಅಂತಹ ಪದಗಳನ್ನು ಸಹ ಅಧಿಕೃತವಾಗಿ ಘೋಷಿಸಲಾಗುತ್ತದೆ. ಒಂದು ದೇಶದ ಒಂದು ನಿರ್ದಿಷ್ಟ ಭಾಷೆಯ ಒಂದು ನಿರ್ದಿಷ್ಟ ಪದವು ಇಂಗ್ಲಿಷ್‌ ನಿಘಂಟಿನಲ್ಲಿಸ್ಥಾನ ಪಡೆದಾಗಲೆಲ್ಲಾ ಇದು ಹೆಚ್ಚಿನ ಮಹತ್ವವನ್ನು ಹೊಂದಿರುತ್ತದೆ. ಇದು ಅಪಾರ ಹೆಮ್ಮೆಯ ವಿಷಯವಾಗಿದೆ. ಉದಾಹರಣೆಗೆ, ‘ಗುರು’ ಎಂಬ ಪದವು ಇಂಗ್ಲಿಷ್‌ ನಿಘಂಟಿನ ಒಂದು ಭಾಗವಾಗಿದೆ. ಅಂತಹ ಅನೇಕ ಪದಗಳಿವೆ.

ಮಾತೃಭಾಷೆಯಲ್ಲಿ, ಎರಡೂ ಸದನಗಳಲ್ಲಿಮಾಡಿದ ಭಾಷಣಗಳ ಸಮಯದಲ್ಲಿ, ಜನರಿಂದ ವಿವಿಧ ಅದ್ಭುತ ಪದಗಳು ಹೊರಬರುತ್ತವೆ. ಮತ್ತು ಆ ಭಾಷೆಯನ್ನು ತಿಳಿದಿರುವ ಜನರಿಗೆ, ಆ ನಿರ್ದಿಷ್ಟ ಪದವು ತುಂಬಾ ಸೂಕ್ತ ಮತ್ತು ಆಸಕ್ತಿದಾಯಕವಾಗಿ ತೋರುತ್ತದೆ. ನಮ್ಮ ಎರಡೂ ಸದನಗಳು ಪ್ರತಿ ವರ್ಷ ಇಂತಹ ಹೊಸ ಪದಗಳನ್ನು ಸಂಗ್ರಹಿಸುವ ಕಾರ್ಯವನ್ನು ಕೈಗೊಳ್ಳಬಹುದೇ? ಇಂತಹ ಮಾತುಗಳು ನಮ್ಮ ಭಾಷೆಗಳಲ್ಲಿನ ವೈವಿಧ್ಯತೆಯನ್ನು ಹೊರತರುತ್ತವೆ. ಅಂತಹ ಪದಗಳನ್ನು ಕ್ರೋಢೀಕರಿಸುವ ಈ ಸಂಪ್ರದಾಯವನ್ನು ನಾವು ರಚಿಸಿದರೆ, ನಮ್ಮ ಮಾತೃಭಾಷೆಗೆ ಅಂಟಿಕೊಂಡಿರುವ ವೆಂಕಯ್ಯ ನಾಯ್ಡು ಅವರ ಈ ಪರಂಪರೆಯನ್ನು ನಾವು ಮುಂದುವರಿಸಬಹುದು. ಮತ್ತು ನಾವು ಈ ಕೆಲಸವನ್ನು ಮಾಡಿದಾಗಲೆಲ್ಲಾ, ನಮಗೆ ಯಾವಾಗಲೂ ವೆಂಕಯ್ಯ ನಾಯ್ಡು ಅವರ ಮಾತುಗಳು ನೆನಪಾಗುತ್ತವೆ ಮತ್ತು ನಾವು ರೋಮಾಂಚಕ ದಾಖಲೆಯನ್ನು ಸಂಗ್ರಹಿಸುತ್ತೇವೆ.

ಮತ್ತೊಮ್ಮೆ ನಾನು ನಿಮಗೆ ಶುಭ ಹಾರೈಸುತ್ತೇನೆ. ವೆಂಕಯ್ಯ ಜಿ ಮತ್ತು ಅವರ ಇಡೀ ಕುಟುಂಬಕ್ಕೆ ನನ್ನ ಶುಭಾಶಯಗಳು ಮತ್ತು ಧನ್ಯವಾದಗಳು.

ಹಕ್ಕು ನಿರಾಕರಣೆ: ಇದು ಪ್ರಧಾನಮಂತ್ರಿ ಅವರ ಭಾಷಣದ ಅಂದಾಜು ಅನುವಾದವಾಗಿದೆ. ಮೂಲ ಭಾಷಣವನ್ನು ಹಿಂದಿಯಲ್ಲಿ ನೀಡಲಾಗಿದೆ.

**********