টেলিকম হৈছে এক কৌশলগত খণ্ড। টেলিকম বজাৰত বিএছএনএলৰ উপস্থিতিয়ে বজাৰৰ ভাৰসাম্য ৰক্ষাকাৰী হিচাপে কাম কৰে। গ্ৰাম্য অঞ্চলত টেলিকম সেৱা সম্প্ৰসাৰণ, থলুৱা প্ৰযুক্তিৰ বিকাশ আৰু দুৰ্যোগ সাহায্যৰ ক্ষেত্ৰত বিএছএনএলে গুৰুত্বপূৰ্ণ ভূমিকা পালন কৰে।

বি এছ এন এলক আৰ্থিক ভাৱে সক্ষম কৰি তুলিবলৈ আজি প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে ১.৬৪ লাখ কোটি টকাৰ বি এছ এন এলৰ পুনৰুজ্জীৱন পেকেজত অনুমোদন জনায়।

কেবিনেটে অনুমোদিত পুনৰুজ্জীৱন ব্যৱস্থাসমূহে বিএছএনএল সেৱাসমূহ উন্নীতকৰণ, বৰ্ণালী আবণ্টন, ইয়াৰ বেলেন্স শ্বীট ডি-ষ্ট্ৰেছ, আৰু ভাৰত ব্ৰডবেণ্ড সংস্থা লিমিটেড (বিবিএনএল)ক বিএছএনএলৰ সৈতে একত্ৰিত কৰি ইয়াৰ ফাইবাৰ নেটৱৰ্ক বৃদ্ধিৰ বাবে সতেজ মূলধন প্ৰদান কৰাত গুৰুত্ব আৰোপ কৰে।

বিএছএনএলৰ সেৱাসমূহ উন্নীত কৰা

১. স্পেকট্ৰামৰ প্ৰশাসনিক আৱণ্টন: বিদ্যমান সেৱাসমূহ উন্নত কৰিবলৈ আৰু ৪জি সেৱা প্ৰদান কৰিবলৈ, বি এছ এন এলক ইকুইটি ইনফিউচনৰ জৰিয়তে ৪৪,৯৯৩ কোটি টকা ব্যয়েৰে প্ৰশাসনিকভাৱে ৯০০/১৮০০ মেগাহাৰ্জ বেণ্ডত স্পেকট্ৰাম আৱণ্টন কৰা হ'ব। এই স্পেকট্ৰামৰ সৈতে, বিএছএনএল-এ বজাৰত প্ৰতিযোগিতা কৰিবলৈ সক্ষম হ'ব আৰু গ্ৰাম্য অঞ্চলকে ধৰি তেওঁলোকৰ বিশাল নেটৱৰ্ক ব্যৱহাৰ কৰি উচ্চ গতিৰ তথ্য প্ৰদান কৰিব পাৰিব।

২.কেপেক্সৰ বাবে আৰ্থিক সহায়: থলুৱা প্ৰযুক্তি বিকাশৰ বাবে বিএছএনএলে আত্মনিৰ্ভৰ ৪জি প্ৰযুক্তি ষ্টেক নিয়োগ কৰাৰ প্ৰক্ৰিয়াত আছে। অহা ৪ বছৰৰ বাবে প্ৰকল্পিত মূলধনী ব্যয় পূৰণ কৰিবলৈ চৰকাৰে ২২,৪৭১ কোটি টকাৰ কেপেক্সৰ বাবে ধন আগবঢ়াব। ই আত্মনিৰ্ভৰ ৪জি ষ্টেকৰ বিকাশ আৰু নিয়োগৰ ক্ষেত্ৰত এক উল্লেখযোগ্য উত্থান হ’ব।

৩. গ্ৰাম্য ৱায়াৰলাইন কাৰ্যকলাপৰ বাবে ব্যৱহাৰযোগ্যতাৰ ব্যৱধানপুঁজি: বাণিজ্যিক অ-কাৰ্যকৰীতা স্বত্বেও, বিএছএনএল-এ চৰকাৰৰ সামাজিক উদ্দেশ্য পূৰণ কৰাৰ বাবে গ্ৰাম্য/দূৰৱৰ্তী এলেকাত ৱায়াৰলাইন সেৱা প্ৰদান কৰি আহিছে। চৰকাৰে ২০১৪-১৫ বৰ্ষৰ পৰা ২০১৯-২০ বৰ্ষলৈ বাণিজ্যিকভাৱে অব্যৱহৃত গ্ৰাম্য তাঁৰ-লাইন কাৰ্যকলাপৰ বাবে ব্যৱহাৰযোগ্যতাৰ ব্যৱধান পুঁজি হিচাপে বিএছএনএলক ১৩,৭৮৯ কোটি টকা প্ৰদান কৰিব।

৪. কৰ্তৃত্বপ্ৰাপ্ত মূলধনবৃদ্ধি: এ জি আৰ দেয় ধনৰ সলনি বিএছএনএলৰ কৰ্তৃত্বপ্ৰাপ্ত মূলধন ৪০,০০০ কোটি টকাৰ পৰা ১,৫০,০০০ কোটি টকালৈ বৃদ্ধি কৰা হ'ব, কেপেক্সৰ ব্যৱস্থা আৰু স্পেকট্ৰাম আৱণ্টন কৰা হ'ব।

চাপ মুক্ত কৰা বিএছএনএল বেলেন্স শ্বীট

ঋণৰ গাঁথনিঃ দীৰ্ঘম্যাদী ঋণ সংগ্ৰহৰ বাবে চৰকাৰে এই পিএছইউসমূহক সাৰ্বভৌম নিশ্চয়তা প্ৰদান কৰিব। ৪০,৩৯৯ কোটি টকাৰ দীৰ্ঘম্যাদী বণ্ড সংগ্ৰহ কৰিব পাৰিব। ইয়াৰ ফলত বৰ্তমানৰ ঋণৰ পুনৰ্গঠন আৰু বেলেন্স শ্বীটত মানসিক চাপমুক্ত কৰাত সহায়ক হ’ব।

এজিআৰ বাবদ ধনৰ বাবে আৰ্থিক সহায়ঃ বেলেন্স শ্বীট আৰু অধিক উন্নত কৰাৰ বাবে বিএছএনএলৰ ৩৩,৪০৪ কোটি টকাৰ এজিআৰ বাবদ ইকুইটিলৈ ৰূপান্তৰিত কৰি নিষ্পত্তি কৰা হ’ব। এজিআৰ/জিএছটিৰ বাবদ নিষ্পত্তিৰ বাবে চৰকাৰে বিএছএনএলক প্ৰদান কৰিব পুঁজি।

অগ্ৰাধিকাৰ শ্বেয়াৰ পুনৰ জাৰি কৰাঃ বিএছএনএলে পুনৰ ৭৫০০ কোটি টকাৰ অগ্ৰাধিকাৰ শ্বেয়াৰ চৰকাৰক প্ৰদান কৰিব।

বিএছএনএল ফাইবাৰ নেটৱৰ্ক বৃদ্ধি কৰা

বিবিএনএল আৰু বিএছএনএলৰ একত্ৰীকৰণ: ভাৰতনেটৰ অধীনত স্থাপন কৰা আন্তঃগাঁথনিৰ বহল ব্যৱহাৰৰ সুবিধাৰ বাবে ভাৰত ব্ৰডবেণ্ড নেটৱৰ্ক লিমিটেড (বিবিএনএল)ক বিএছএনএলৰ সৈতে একত্ৰিত কৰা হ’ব। ভাৰতনেটৰ অধীনত সৃষ্টি কৰা আন্তঃগাঁথনিসমূহ ৰাষ্ট্ৰীয় সম্পদ হৈ থাকিব, সকলো টেলিকম সেৱা প্ৰদানকাৰীৰ বাবে বৈষম্যহীন ভিত্তিত সুলভ হ’ব।

এই ব্যৱস্থাসমূহৰ জৰিয়তে বিএছএনএলে বৰ্তমানৰ সেৱাসমূহৰ মানদণ্ড উন্নত কৰিব পাৰিব, ৪জি সেৱাসমূহ ৰূপায়ণ কৰিব পাৰিব আৰু আৰ্থিকভাৱে সক্ষম হ’ব। আশা কৰা হৈছে যে এই পুনৰুজ্জীৱন পৰিকল্পনা ৰূপায়ণৰ লগে লগে বিএছএনএলে ২০২৬-২৭ বিত্তীয় বৰ্ষত টাৰ্ণ-আউট কৰি লাভ উপাৰ্জন কৰিব।

***

DS/MS/MS