তেলিকোম হায়বসি মরুওইবা সেক্তর অমনি‍। তেলিকোম কৈথেলদা বি.এস.এন.এল. লৈবনা কৈথেলগী খল কায়হন্দনা থম্লি‍। খুঙ্গঙগী লমশিংদা তেলিকোম সর্ভিস য়ৌহনবদা, লমদমসিগী ওইবা তেক্নোলোজী চাওখৎহনবদা অমদি দিজাস্তর রিলিফতা বি.এস.এন.এল.না মরুওইবা থৌদাং লৌরি‍।

বি.এস.এন.এল.বু শেলথুম মরাং কায়হন্নবা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি লুপা করোর লাখ ১.৬৪গী ওইগদবা বি.এস.এন.এল. হিঙ্গৎহন্নবগী পেকেজ অমা অয়াবা পীখ্রে‍।

মন্ত্রী মন্দলনা অয়াবা পীরবা হিঙ্গৎহন্নবগী থৌরাংশিং অসিনা বি.এস.এন.এল. সর্ভিস অপগ্রেদ তৌনবা, স্পেক্ত্রম এলোকেত তৌনবা, বেলেন্স সীত্তা পোৎলুম হন্থহন্নবা, অমদি ভারত ব্রোদবেন্দ নিগম লিমিতেদ (বি.বি.এন.এল.)বু বি.এস.এন.এল.গা পুনশিন্নদুনা ফাইবর নেতৱর্ক ফগৎহন্নবগী অনৌবা শেন্ফম থাজিনবদা মীৎয়েঙ থম্লি‍।

ক.      বি.এস.এন.এল. সর্ভিস অপগ্রেদ তৌবা

১.      স্পেক্ত্রম লৈঙাক্কী মায়কৈদগী পীবা: হৌজিক লৈরিবা সর্ভিস ফগৎহন্নবা অমদি ৪জি সর্ভিস পীননবা, বি.এস.এন.এল.দা লৈঙাক্কী মায়কৈদগী মেগাহর্জ ৯০০/১৮০০দা স্পেক্ত্রম লুপা করোর ৪৪,৯৯৩দা ইকুইতী ইনফ্যুজনগী খুত্থাঙদা পীগদৌরি‍। স্পেক্ত্রম অসিগা লোয়ননা বি.এস.এন.এল.না কৈথেলদা হিদান্নবা ঙম্লগনি অমদি খুঙ্গঙগী লমদমশিং য়াওনা মখোয়গী লৈরিবা পাক চাউরবা নেতৱর্ক শীজিন্নদুনা অয়াঙবা খোঙজেলগী দেতা পীবা ঙমহল্লগনি‍।

২.      কেপেক্সকীদমক শেলগী ঙাক্লৌ: লমদমসিগী ওইবে তেক্নোলোজী চাওখৎহনবগী থৌওং য়োকখৎনবা, বি.এস.এন.এল.না আত্মনিরভর ৪জি তেক্নোলোজী স্তেক দিপ্লোই তৌনবা থৌরাং তৌরি‍। লাক্কদৌরিবা চহি ৪দা চঙবা য়াই হায়না পারিবা চাদিং চৎননবগীদমক, লৈঙাক্না লুপা করোর ২২,৪৭১গী কেপেক্স পীগদৌরি‍। মসিনা আত্মনিরভর ৪জি স্তেক শেমগৎপদা অমদি চৎনহনবদা চাউনা কান্নবা পীগনি‍।

৩.      খুঙ্গঙগী ৱাইয়রলাইন ওপরেসনগী ভাইওবিলিতী গেপ ফন্দিং: কম্মর্সিএল নন-ভাইএবিলিতী লৈজরগসু, বি.এস.এন.এল.না লৈঙাক্কী খুন্নাইগী ওইবা পান্দম ফংননবগীদমক খুঙ্গঙ/মনুং হঞ্জিনবা মফমশিংদা তরা তিংদুনা সর্ভিস পীরি‍। ইং ২০১৪-১৫দগী ২০১৯-২০ ফাওবগী মরক্তা পায়খৎখিবা কম্মর্সিএল অনভাইএবল ওইবা খুঙ্গঙগী তরা তিংবা ওপরেসনগীদমক লৈঙাক্না বি.এস.এন.এল.দা লুপা করোর ১৩,৭৮৯গী ভাইএবিলিতী গেপ ফন্দিং পীগনি‍।

৪.      ওথোরাইজ কেপিতেল হেনগৎহনবা: এ.জি.আর. দ্যু, কেপেক্স পীবা অমসুং স্পেক্ত্রম পীবগী মহুত্তা বি.এস.এন.এল.গী ওথোরাইজ কেপিতেল লুপা করোর ৪০,০০০দগী লুপা করোর ১,৫০,০০০দা হেনগৎহল্লগনি‍।

খ.      বি.এস.এন.এল.গী বেলেন্স সীত্তা পোৎলুম হন্থহনবা

৫.      দেত রিস্ত্রকচরিং: হায়রিবা পি.এস.য়ু.শিং অসিদা লোং তর্ম লোন লৌননবগীদমক লৈঙাক্না সোভেরেন গরেন্তী পীগদৌরি‍। মখোয়না লুপা করোর ৪০,৩৯৯গী ওইবা লোং তর্ম বোন্দশিং লৌবা য়ারগনি‍। মসিনা হৌজিক লৈরিবা শেন্দোন রিস্ত্রকচর তৌবদা অমদি বেলেন্স সীত্তা লৈরিবা পোৎলুম হন্থহনবদা মতেং ওইগনি‍।

৬.      এ.জি.আর. দ্যুগী শেনগী ঙাক্লৌ: বেলেন্স সীত মখা তানা ফীভম ফগৎহন্নবগীদমক, লুপা করোর ৩৩,৪০৪গী বি.এস.এন.এল.গী এ.জি.আর. দ্যু ইকুইতীদা ওন্থোক্তুনা কোকহল্লগনি‍। এ.জি.আর./জি.এস.তি. দ্যুশিং সেত্তল তৌনবগীদমক লৈঙাক্না বি.এস.এন.এল.দা ফন্দ থাদগদৌরি‍।

৭.      প্রিফরেন্স সেয়র অমুক হন্না ইসু তৌবা: বি.এস.এন.এল.না লৈঙাক্তা লুপা করোর ৭,৫০০গী প্রিফরেন্স সেয়র অমুক হন্না ইসু তৌগনি‍।

গ.      বি.এস.এন.এল. ফাইবর নেতৱর্ক মপাঙ্গল কনখৎহনবা

৮.      বি.বি.এন.এল. অমসুং বি.এস.এন.এল. পুনশিনবা: ভারতনেতকী মখাদা শেমগৎখৎবা ইনফ্রাস্ত্রকচরশিং হেন্না পাকথোক চাউথোক্না শীজিন্ননবগীদমক ভারত ব্রোদবেন্দ নেতৱর্ক লিমিতেদ (বি.বি.এন.এল.)বু বি.এস.এন.এল.গা পুনশিল্লগনি‍। ভারতনেতকী মখাদা শেমগৎখিবা ইনফ্রাস্ত্রকচরশিং লৈবাক্কী লন মখা তানা ওইদুনা তেলিকোম সর্ভিস প্রোভাইদর পুম্নমক্তা খেন্নবা থমদনা শীজিন্নবা য়াহনগনি‍।

হায়রিবা থৌরাংশিং অসিগা লোয়ননা, বি.এস.এন.এল.না মশাগী লৈজরিবা সর্ভিসশিংগী ক্বালিতী ফগৎহনবা, ৪জি সর্ভিস পায়খৎপা অমসুং শেন্দোং লৈবা ফীভম পুরকপা ঙমহল্লগনি‍। হায়রিবা হিঙ্গৎহন্নবগী থৌরাং অসি পায়খৎপগা লোয়ননা বি.এস.এন.এল.না হান্নগী ফীভমদা হঞ্জিল্লক্তুনা শেনবা চহি ২০২৬-২৭দগী শেন্দোং ফংবা ঙম্লগনি হায়না পানরি‍।

*******