ਤਮਿਲ ਨਾਡੂ ਦੇ ਮਾਣਯੋਗ ਰਾਜਪਾਲ ਸ਼੍ਰੀ ਆਰ ਐੱਨ ਰਵੀ ਜੀ, ਤਮਿਲ ਨਾਡੂ ਦੇ ਮੁੱਖ ਮੰਤਰੀ ਸ਼੍ਰੀ ਐੱਮ ਕੇ ਸਟਾਲਿਨ ਜੀ, ਕੇਂਦਰੀ ਮੰਤਰੀ ਸ਼੍ਰੀ ਐੱਲ ਮੁਰੂਗਨ ਜੀ, ਹੋਰ ਮੰਤਰੀ ਅਤੇ ਸ਼ਖ਼ਸੀਅਤਾਂ, ਅੰਨਾ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ, ਡਾ. ਆਰ ਵੇਲਰਾਜ ਜੀ, ਮੇਰੇ ਯੁਵਾ ਮਿੱਤਰੋ, ਉਨ੍ਹਾਂ ਦੇ ਮਾਤਾ-ਪਿਤਾ ਅਤੇ ਅਧਿਆਪਕ... अनैवरुक्कुम् वणक्कम् (ਅਨੈਵਰੁੱਕਮ੍ ਵਣੱਕਮ੍)।

ਸਭ ਤੋਂ ਪਹਿਲਾਂ, ਅੰਨਾ ਯੂਨੀਵਰਸਿਟੀ ਦੀ 42ਵੀਂ ਕਨਵੋਕੇਸ਼ਨ ਵਿੱਚ ਅੱਜ ਗ੍ਰੈਜੂਏਟ ਹੋਣ ਵਾਲਿਆਂ ਨੂੰ ਵਧਾਈ। ਤੁਸੀਂ ਪਹਿਲਾਂ ਹੀ ਆਪਣੇ ਮਨਾਂ ਵਿੱਚ ਆਪਣੇ ਲਈ ਇੱਕ ਭਵਿੱਖ ਬਣਾ ਲਿਆ ਹੋਵੇਗਾ। ਇਸ ਲਈ ਅੱਜ ਦਾ ਦਿਨ ਸਿਰਫ਼ ਪ੍ਰਾਪਤੀਆਂ ਦਾ ਹੀ ਨਹੀਂ, ਬਲਕਿ ਇੱਛਾਵਾਂ ਦਾ ਵੀ ਹੈ। ਮੇਰੀ ਕਾਮਨਾ ਹੈ ਕਿ ਸਾਡੇ ਨੌਜਵਾਨਾਂ ਦੇ ਸਾਰੇ ਸੁਪਨੇ ਸਾਕਾਰ ਹੋਣ। ਅੰਨਾ ਯੂਨੀਵਰਸਿਟੀ ਵਿੱਚ ਟੀਚਿੰਗ ਸਟਾਫ਼ ਅਤੇ ਨਾਨ-ਟੀਚਿੰਗ ਸਪੋਰਟ ਸਟਾਫ਼ ਲਈ ਵੀ ਇਹ ਖਾਸ ਸਮਾਂ ਹੈ। ਤੁਸੀਂ ਰਾਸ਼ਟਰ ਨਿਰਮਾਤਾ ਹੋ, ਜੋ ਕੱਲ੍ਹ ਦੇ ਨੇਤਾ ਪੈਦਾ ਕਰ ਰਹੇ ਹੋ। ਤੁਸੀਂ ਬਹੁਤ ਸਾਰੇ ਬੈਚ ਆਉਂਦੇ ਅਤੇ ਜਾਂਦੇ ਦੇਖੇ ਹੋਣਗੇ, ਪਰ ਹਰ ਬੈਚ ਵਿਲੱਖਣ ਹੈ। ਉਹ ਆਪਣੀਆਂ ਯਾਦਾਂ ਦਾ ਸੈੱਟ ਛੱਡ ਜਾਂਦੇ ਹਨ। ਮੈਂ ਵਿਸ਼ੇਸ਼ ਤੌਰ 'ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਸ਼ੁਭਕਾਮਨਾਵਾਂ ਦਿੰਦਾ ਹਾਂ, ਜਿਨ੍ਹਾਂ ਦੇ ਬੱਚੇ ਅੱਜ ਗ੍ਰੈਜੂਏਟ ਹੋ ਰਹੇ ਹਨ। ਤੁਹਾਡੀਆਂ ਕੁਰਬਾਨੀਆਂ ਤੁਹਾਡੇ ਬੱਚੇ ਦੀ ਪ੍ਰਾਪਤੀ ਲਈ ਮਹੱਤਵਪੂਰਨ ਰਹੀਆਂ ਹਨ।

ਅੱਜ, ਅਸੀਂ ਇੱਥੇ ਚੇਨਈ ਦੇ ਜੀਵੰਤ ਸ਼ਹਿਰ ਵਿੱਚ ਆਪਣੇ ਨੌਜਵਾਨਾਂ ਦੀਆਂ ਪ੍ਰਾਪਤੀਆਂ ਦਾ ਜਸ਼ਨ ਮਨਾਉਣ ਲਈ ਆਏ ਹਾਂ। 125 ਸਾਲ ਪਹਿਲਾਂ ਫਰਵਰੀ, 1897 ਵਿੱਚ ਸਵਾਮੀ ਵਿਵੇਕਾਨੰਦ ਨੇ ਮਦਰਾਸ ਟਾਈਮਸ ਨਾਲ ਗੱਲ ਕੀਤੀ ਸੀ। ਉਨ੍ਹਾਂ ਨੂੰ ਭਾਰਤ ਦੇ ਭਵਿੱਖ ਲਈ ਉਨ੍ਹਾਂ ਦੀ ਯੋਜਨਾ ਬਾਰੇ ਪੁੱਛਿਆ ਗਿਆ। ਉਨ੍ਹਾਂ ਕਿਹਾ: “ਮੇਰਾ ਵਿਸ਼ਵਾਸ ਨੌਜਵਾਨ ਪੀੜ੍ਹੀ, ਆਧੁਨਿਕ ਪੀੜ੍ਹੀ ਵਿੱਚ ਹੈ, ਉਨ੍ਹਾਂ ਵਿੱਚੋਂ ਮੇਰੇ ਕਾਮੇ ਆਉਣਗੇ। ਉਹ ਸ਼ੇਰਾਂ ਵਾਂਗ ਸਾਰੀ ਸਮੱਸਿਆ ਦਾ ਹੱਲ ਕਰਨਗੇ।” ਉਹ ਸ਼ਬਦ ਅਜੇ ਵੀ ਢੁਕਵੇਂ ਹਨ। ਪਰ ਇਸ ਵਾਰ ਸਿਰਫ਼ ਭਾਰਤ ਹੀ ਨਹੀਂ ਆਪਣੇ ਨੌਜਵਾਨਾਂ ਵੱਲ ਦੇਖ ਰਿਹਾ ਹੈ। ਪੂਰੀ ਦੁਨੀਆ ਭਾਰਤ ਦੇ ਨੌਜਵਾਨਾਂ ਵੱਲ ਉਮੀਦ ਨਾਲ ਦੇਖ ਰਹੀ ਹੈ। ਕਿਉਂਕਿ ਤੁਸੀਂ ਦੇਸ਼ ਦੇ ਵਿਕਾਸ ਇੰਜਣ ਹੋ ਅਤੇ ਭਾਰਤ ਵਿਸ਼ਵ ਦਾ ਵਿਕਾਸ ਇੰਜਣ ਹੈ। ਇਹ ਇੱਕ ਬਹੁਤ ਵੱਡਾ ਸਨਮਾਨ ਹੈ। ਇਹ ਇੱਕ ਬਹੁਤ ਵੱਡੀ ਜ਼ਿੰਮੇਵਾਰੀ ਵੀ ਹੈ, ਜਿਸ ਨੂੰ ਤੁਸੀਂ ਪੂਰਾ ਕਰੋਗੇ।

ਦੋਸਤੋ,

ਜਦੋਂ ਅਸੀਂ ਆਪਣੀ ਜਵਾਨੀ ਵਿੱਚ ਵਿਸ਼ਵਾਸ ਦੀ ਗੱਲ ਕਰਦੇ ਹਾਂ ਤਾਂ ਅਸੀਂ ਭਾਰਤ ਰਤਨ, ਸਾਬਕਾ ਰਾਸ਼ਟਰਪਤੀ ਡਾਕਟਰ ਏਪੀਜੇ ਅਬਦੁਲ ਕਲਾਮ ਨੂੰ ਕਿਵੇਂ ਭੁੱਲ ਸਕਦੇ ਹਾਂ। ਮੈਨੂੰ ਯਕੀਨ ਹੈ ਕਿ ਅੰਨਾ ਯੂਨੀਵਰਸਿਟੀ ਵਿੱਚ ਹਰ ਕਿਸੇ ਲਈ ਇਹ ਮਾਣ ਵਾਲੀ ਗੱਲ ਹੈ ਕਿ ਡਾ. ਕਲਾਮ ਇਸ ਯੂਨੀਵਰਸਿਟੀ ਨਾਲ ਨੇੜਿਓਂ ਜੁੜੇ ਹੋਏ ਸਨ। ਮੈਂ ਸੁਣਿਆ ਹੈ ਕਿ ਜਿਸ ਕਮਰੇ ਵਿੱਚ ਉਹ ਠਹਿਰੇ ਸਨ, ਉਸ ਨੂੰ ਇੱਕ ਯਾਦਗਾਰ ਵਿੱਚ ਬਦਲ ਦਿੱਤਾ ਗਿਆ ਹੈ। ਉਨ੍ਹਾਂ ਦੇ ਵਿਚਾਰ ਅਤੇ ਕਦਰਾਂ-ਕੀਮਤਾਂ ਸਾਡੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਦੀਆਂ ਰਹਿਣ।

ਦੋਸਤੋ,

ਤੁਸੀਂ ਵਿਲੱਖਣ ਸਮੇਂ ਵਿੱਚ ਗ੍ਰੈਜੂਏਟ ਹੋ ਰਹੇ ਹੋ। ਕੁਝ ਇਸ ਨੂੰ ਵਿਸ਼ਵਵਿਆਪੀ ਅਨਿਸ਼ਚਿਤਤਾ ਦਾ ਸਮਾਂ ਕਹਿਣਗੇ। ਪਰ ਮੈਂ ਇਸ ਨੂੰ ਮਹਾਨ ਮੌਕੇ ਦਾ ਸਮਾਂ ਕਹਾਂਗਾ। ਕੋਵਿਡ-19 ਮਹਾਮਾਰੀ ਇੱਕ ਬੇਮਿਸਾਲ ਘਟਨਾ ਸੀ। ਇਹ ਇੱਕ ਸਦੀ ਵਿੱਚ ਇੱਕ ਵਾਰ ਦਾ ਸੰਕਟ ਸੀ, ਜਿਸ ਲਈ ਕਿਸੇ ਕੋਲ ਕੋਈ ਯੂਜ਼ਰ ਮੈਨੂਅਲ ਨਹੀਂ ਸੀ। ਇਸ ਨੇ ਹਰ ਦੇਸ਼ ਨੂੰ ਪਰਖਿਆ। ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਮੁਸੀਬਤਾਂ ਇਹ ਦੱਸਦੀਆਂ ਹਨ ਕਿ ਅਸੀਂ ਕਿਸ ਤੋਂ ਬਣੇ ਹਾਂ। ਆਪਣੇ ਵਿਗਿਆਨੀਆਂ, ਸਿਹਤ ਸੰਭਾਲ ਕਰਮਚਾਰੀਆਂ, ਪੇਸ਼ੇਵਰਾਂ ਅਤੇ ਆਮ ਲੋਕਾਂ ਦੀ ਬਦੌਲਤ ਭਾਰਤ ਨੇ ਅਣਜਾਣ ਮੁਸੀਬਤ ਦਾ ਆਤਮਵਿਸ਼ਵਾਸ ਨਾਲ ਸਾਹਮਣਾ ਕੀਤਾ। ਨਤੀਜੇ ਵਜੋਂ, ਅੱਜ ਭਾਰਤ ਦਾ ਹਰ ਖੇਤਰ ਨਵੀਂ ਜ਼ਿੰਦਗੀ ਨਾਲ ਫੁੱਟ ਰਿਹਾ ਹੈ। ਉਦਯੋਗ, ਨਵਾਚਾਰ, ਨਿਵੇਸ਼ ਜਾਂ ਅੰਤਰਰਾਸ਼ਟਰੀ ਵਪਾਰ, ਭਾਰਤ ਸਭ ਤੋਂ ਅੱਗੇ ਹੈ। ਸਾਡੀ ਇੰਡਸਟ੍ਰੀ ਮੌਕੇ 'ਤੇ ਪਹੁੰਚ ਗਈ ਹੈ। ਉਦਾਹਰਨ ਲਈ, ਇਲੈਕਟ੍ਰੌਨਿਕਸ ਨਿਰਮਾਣ। ਪਿਛਲੇ ਸਾਲ, ਭਾਰਤ ਦੁਨੀਆ ਦਾ ਦੂਸਰਾ ਸਭ ਤੋਂ ਵੱਡਾ ਮੋਬਾਈਲ ਫੋਨ ਨਿਰਮਾਤਾ ਸੀ। ਨਵਾਚਾਰ ਜੀਵਨ ਦਾ ਇੱਕ ਤਰੀਕਾ ਬਣ ਰਿਹਾ ਹੈ। ਸਿਰਫ ਪਿਛਲੇ 6 ਸਾਲਾਂ ਵਿੱਚ, ਮਾਨਤਾ ਪ੍ਰਾਪਤ ਸਟਾਰਟ-ਅਪਸ ਦੀ ਗਿਣਤੀ ਵਿੱਚ ਪੰਦਰਾਂ ਹਜ਼ਾਰ ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ! ਹਾਂ, ਤੁਸੀਂ ਇਹ ਸਹੀ ਸੁਣਿਆ ਹੈ - ਪੰਦਰਾਂ ਹਜ਼ਾਰ ਪ੍ਰਤੀਸ਼ਤ। 2016 ਵਿੱਚ ਸਿਰਫ਼ 470 ਸੀ, ਹੁਣ ਇਹ ਲਗਭਗ 73 ਹਜ਼ਾਰ ਹਨ! ਜਦੋਂ ਉਦਯੋਗ ਅਤੇ ਨਵਾਚਾਰ ਚੰਗੀ ਤਰ੍ਹਾਂ ਕੰਮ ਕਰਦੇ ਹਨ, ਨਿਵੇਸ਼ ਆਉਂਦਾ ਹੈ। ਪਿਛਲੇ ਸਾਲ, ਭਾਰਤ ਨੇ 83 ਬਿਲੀਅਨ ਡਾਲਰ ਤੋਂ ਵੱਧ ਦਾ ਰਿਕਾਰਡ ਐੱਫਡੀਆਈ ਪ੍ਰਾਪਤ ਕੀਤਾ। ਸਾਡੇ ਸਟਾਰਟ-ਅੱਪਸ ਨੇ ਵੀ ਮਹਾਮਾਰੀ ਤੋਂ ਬਾਅਦ ਰਿਕਾਰਡ ਫੰਡਿੰਗ ਪ੍ਰਾਪਤ ਕੀਤੀ। ਇਸ ਸਭ ਤੋਂ ਵੱਧ, ਅੰਤਰਰਾਸ਼ਟਰੀ ਵਪਾਰ ਗਤੀਸ਼ੀਲਤਾ ਵਿੱਚ ਭਾਰਤ ਦੀ ਸਥਿਤੀ ਹੁਣ ਤੱਕ ਦੀ ਸਭ ਤੋਂ ਉੱਤਮ ਹੈ। ਸਾਡੇ ਦੇਸ਼ ਨੇ ਵਸਤੂਆਂ ਅਤੇ ਸੇਵਾਵਾਂ ਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਬਰਾਮਦ ਦਰਜ ਕੀਤੀ ਹੈ। ਅਸੀਂ ਦੁਨੀਆ ਲਈ ਮਹੱਤਵਪੂਰਨ ਸਮੇਂ 'ਤੇ ਅਨਾਜ ਦੀ ਬਰਾਮਦ ਕੀਤੀ। ਅਸੀਂ ਹਾਲ ਹੀ ਵਿੱਚ ਸਾਡੇ ਪੱਛਮ ਵਿੱਚ ਯੂਏਈ ਅਤੇ ਸਾਡੇ ਪੂਰਬ ਵਿੱਚ ਆਸਟ੍ਰੇਲੀਆ ਨਾਲ ਇੱਕ ਵਪਾਰਕ ਸਮਝੌਤਾ ਕੀਤਾ ਹੈ। ਭਾਰਤ ਗਲੋਬਲ ਸਪਲਾਈ ਚੇਨ ਵਿੱਚ ਇੱਕ ਅਹਿਮ ਕੜੀ ਬਣ ਰਿਹਾ ਹੈ। ਸਾਡੇ ਕੋਲ ਹੁਣ ਸਭ ਤੋਂ ਵੱਧ ਪ੍ਰਭਾਵ ਪਾਉਣ ਦਾ ਮੌਕਾ ਹੈ, ਕਿਉਂਕਿ ਭਾਰਤ ਰੁਕਾਵਟਾਂ ਨੂੰ ਮੌਕਿਆਂ ਵਿੱਚ ਬਦਲ ਰਿਹਾ ਹੈ।

ਦੋਸਤੋ,

ਤੁਹਾਡੇ ਵਿੱਚੋਂ ਬਹੁਤਿਆਂ ਨੇ ਇੰਜਨੀਅਰਿੰਗ ਜਾਂ ਟੈਕਨੋਲੋਜੀ ਨਾਲ ਸਬੰਧਤ ਧਾਰਾਵਾਂ ਵਿੱਚ ਪੜ੍ਹਾਈ ਕੀਤੀ ਹੈ। ਤਕਨੀਕੀ-ਅਗਵਾਈ ਵਾਲੇ ਰੁਕਾਵਟਾਂ ਦੇ ਇਸ ਦੌਰ ਵਿੱਚ, ਤੁਹਾਡੇ ਪੱਖ ਵਿੱਚ ਤਿੰਨ ਮਹੱਤਵਪੂਰਨ ਕਾਰਕ ਹਨ। ਪਹਿਲਾ ਕਾਰਕ ਇਹ ਹੈ ਕਿ ਟੈਕਨੋਲੋਜੀ ਲਈ ਇੱਕ ਇੱਛਾ ਹੈ। ਟੈਕਨੋਲੋਜੀ ਦੀ ਵਰਤੋਂ ਨਾਲ ਆਰਾਮ ਦੀ ਭਾਵਨਾ ਵਧ ਰਹੀ ਹੈ। ਇੱਥੋਂ ਤੱਕ ਕਿ ਗ਼ਰੀਬ ਤੋਂ ਗ਼ਰੀਬ ਲੋਕ ਵੀ ਇਸ ਨੂੰ ਅਪਣਾ ਰਹੇ ਹਨ। ਕਿਸਾਨ ਮੰਡੀਆਂ, ਮੌਸਮ ਅਤੇ ਕੀਮਤਾਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ ਐਪਸ ਦੀ ਵਰਤੋਂ ਕਰਦੇ ਹਨ। ਘਰ ਬਣਾਉਣ ਵਾਲੇ ਆਪਣੀ ਜ਼ਿੰਦਗੀ ਨੂੰ ਅਸਾਨ ਬਣਾਉਣ ਲਈ ਟੈਕਨੋਲੋਜੀ ਦੀ ਵਰਤੋਂ ਕਰ ਰਹੇ ਹਨ। ਬੱਚੇ ਟੈਕਨੋਲੋਜੀ ਦੀ ਵਰਤੋਂ ਕਰਕੇ ਸਿੱਖ ਰਹੇ ਹਨ। ਛੋਟੇ ਵਿਕਰੇਤਾ ਡਿਜੀਟਲ ਭੁਗਤਾਨ ਦੀ ਵਰਤੋਂ ਕਰ ਰਹੇ ਹਨ। ਜੇਕਰ ਤੁਸੀਂ ਉਨ੍ਹਾਂ ਨੂੰ ਨਕਦ ਦਿੰਦੇ ਹੋ, ਤਾਂ ਉਨ੍ਹਾਂ ਵਿੱਚੋਂ ਕੁਝ ਅਸਲ ਵਿੱਚ ਤੁਹਾਨੂੰ ਦੱਸਣਗੇ ਕਿ ਉਹ ਡਿਜੀਟਲ ਨੂੰ ਤਰਜੀਹ ਦਿੰਦੇ ਹਨ। ਭਾਰਤ ਡਿਜੀਟਲ ਭੁਗਤਾਨ ਅਤੇ ਫਿਨਟੈੱਕ ਵਿੱਚ ਵਿਸ਼ਵ ਲੀਡਰ ਹੈ। ਤਕਨੀਕੀ ਨਵੀਨਤਾਵਾਂ ਲਈ ਇੱਕ ਵਿਸ਼ਾਲ ਬਜ਼ਾਰ ਤੁਹਾਡੇ ਜਾਦੂ ਲਈ ਤੁਹਾਡੀ ਉਡੀਕ ਕਰ ਰਿਹਾ ਹੈ।

ਦੂਸਰਾ ਕਾਰਕ ਜੋਖਮ ਲੈਣ ਵਾਲਿਆਂ ਵਿੱਚ ਭਰੋਸਾ ਹੈ। ਪਹਿਲਾਂ, ਸਮਾਜਿਕ ਮੌਕਿਆਂ 'ਤੇ, ਇੱਕ ਨੌਜਵਾਨ ਲਈ ਇਹ ਕਹਿਣਾ ਮੁਸ਼ਕਿਲ ਸੀ ਕਿ ਉਹ ਇੱਕ ਉਦਯੋਗਪਤੀ ਹੈ। ਲੋਕ ਉਨ੍ਹਾਂ ਨੂੰ ਕਹਿੰਦੇ ਸਨ ਕਿ 'ਸੈਟਲ ਹੋ ਜਾਓ', ਭਾਵ ਤਨਖਾਹ ਵਾਲੀ ਨੌਕਰੀ ਲਓ। ਹੁਣ ਸਥਿਤੀ ਇਸ ਦੇ ਉਲਟ ਹੈ। ਲੋਕ ਪੁੱਛਦੇ ਹਨ ਕਿ ਕੀ ਤੁਸੀਂ ਆਪਣੇ ਦਮ 'ਤੇ ਕੁਝ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ! ਜੇ ਕੋਈ ਨੌਕਰੀ ਵੀ ਕਰ ਰਿਹਾ ਹੈ, ਤਾਂ ਇਹ ਸਟਾਰਟ-ਅੱਪ ਲਈ ਕੰਮ ਕਰਨ ਲਈ ਕੂਲਰ ਵਜੋਂ ਦੇਖਿਆ ਜਾਂਦਾ ਹੈ। ਜੋਖਮ ਲੈਣ ਵਾਲਿਆਂ ਦੇ ਉਭਾਰ ਦਾ ਮਤਲਬ ਤੁਹਾਡੇ ਲਈ ਦੋ ਚੀਜ਼ਾਂ ਹਨ। ਤੁਸੀਂ ਆਪਣੇ ਆਪ ਜੋਖਮ ਲੈ ਸਕਦੇ ਹੋ। ਜਾਂ ਤੁਸੀਂ ਦੂਜਿਆਂ ਦੁਆਰਾ ਬਣਾਏ ਮੌਕਿਆਂ 'ਤੇ ਨਿਰਮਾਣ ਕਰ ਸਕਦੇ ਹੋ।

ਤੀਸਰਾ ਕਾਰਕ ਸੁਧਾਰ ਲਈ ਸੁਭਾਅ ਹੈ। ਪਹਿਲਾਂ, ਇੱਕ ਧਾਰਨਾ ਸੀ ਕਿ ਇੱਕ ਮਜ਼ਬੂਤ ਸਰਕਾਰ ਦਾ ਮਤਲਬ ਹੈ ਕਿ ਉਸਨੂੰ ਹਰ ਚੀਜ਼ ਅਤੇ ਹਰ ਇੱਕ ਨੂੰ ਨਿਯੰਤ੍ਰਿਤ ਕਰਨਾ ਚਾਹੀਦਾ ਹੈ। ਪਰ ਅਸੀਂ ਇਸ ਨੂੰ ਬਦਲ ਦਿੱਤਾ ਹੈ। ਇੱਕ ਮਜ਼ਬੂਤ ਸਰਕਾਰ ਹਰ ਚੀਜ਼ ਜਾਂ ਹਰ ਕਿਸੇ ਨੂੰ ਕੰਟਰੋਲ ਨਹੀਂ ਕਰਦੀ। ਇਹ ਸਿਸਟਮ ਦੇ ਦਖਲ ਦੀ ਭਾਵਨਾ ਨੂੰ ਨਿਯੰਤ੍ਰਿਤ ਕਰਦੀ ਹੈ। ਇੱਕ ਮਜ਼ਬੂਤ ਸਰਕਾਰ ਪ੍ਰਤਿਬੰਧਿਤ ਨਹੀਂ ਹੁੰਦੀ, ਬਲਕਿ ਜਵਾਬਦੇਹ ਹੁੰਦੀ ਹੈ। ਇੱਕ ਮਜ਼ਬੂਤ ਸਰਕਾਰ ਹਰ ਖੇਤਰ ਵਿੱਚ ਨਹੀਂ ਚਲਦੀ। ਇਹ ਆਪਣੇ ਆਪ ਨੂੰ ਸੀਮਤ ਕਰਦੀ ਹੈ ਅਤੇ ਲੋਕਾਂ ਦੀਆਂ ਪ੍ਰਤਿਭਾਵਾਂ ਲਈ ਜਗ੍ਹਾ ਬਣਾਉਂਦੀ ਹੈ। ਇੱਕ ਮਜ਼ਬੂਤ ਸਰਕਾਰ ਦੀ ਤਾਕਤ ਇਸ ਗੱਲ ਨੂੰ ਸਵੀਕਾਰ ਕਰਨ ਵਿੱਚ ਨਿਮਰਤਾ ਵਿੱਚ ਹੈ ਕਿ ਉਹ ਸਭ ਕੁਝ ਨਹੀਂ ਜਾਣ ਸਕਦੀ ਅਤੇ ਨਾ ਹੀ ਕਰ ਸਕਦੀ ਹੈ। ਇਹੀ ਕਾਰਨ ਹੈ ਕਿ ਤੁਸੀਂ ਹਰ ਖੇਤਰ ਵਿੱਚ ਸੁਧਾਰ ਦੇਖਦੇ ਹੋ, ਜੋ ਲੋਕਾਂ ਅਤੇ ਉਨ੍ਹਾਂ ਦੀ ਆਜ਼ਾਦੀ ਲਈ ਵਧੇਰੇ ਜਗ੍ਹਾ ਬਣਾਉਂਦੇ ਹਨ।

ਨਵੀਂ ਰਾਸ਼ਟਰੀ ਸਿੱਖਿਆ ਨੀਤੀ ਨੌਜਵਾਨਾਂ ਲਈ ਵਿਕਸਿਤ ਸਥਿਤੀਆਂ ਦੇ ਅਨੁਸਾਰ ਫ਼ੈਸਲੇ ਲੈਣ ਦੀ ਵਧੇਰੇ ਆਜ਼ਾਦੀ ਨੂੰ ਯਕੀਨੀ ਬਣਾਉਂਦੀ ਹੈ। ਲਗਭਗ 25,000 ਪ੍ਰਵਾਨਗੀਆਂ ਨੂੰ ਖ਼ਤਮ ਕਰਨਾ ਜੀਵਨ ਦੀ ਅਸਾਨੀ ਨੂੰ ਵਧਾ ਰਿਹਾ ਹੈ। ਏਂਜਲ ਟੈਕਸ ਨੂੰ ਹਟਾਉਣਾ, ਪਿਛਾਖੜੀ ਟੈਕਸ ਨੂੰ ਹਟਾਉਣਾ ਅਤੇ ਕਾਰਪੋਰੇਟ ਟੈਕਸ ਨੂੰ ਘਟਾਉਣਾ - ਨਿਵੇਸ਼ ਅਤੇ ਉਦਯੋਗ ਨੂੰ ਉਤਸ਼ਾਹਿਤ ਕਰ ਰਹੇ ਹਨ। ਡ੍ਰੋਨ, ਪੁਲਾੜ ਅਤੇ ਭੂ-ਸਥਾਨਕ ਖੇਤਰਾਂ ਵਿੱਚ ਸੁਧਾਰ ਨਵੇਂ ਰਾਹ ਖੋਲ੍ਹ ਰਹੇ ਹਨ। ਪ੍ਰਧਾਨ ਮੰਤਰੀ ਗਤੀ ਸ਼ਕਤੀ ਮਾਸਟਰ ਪਲਾਨ ਰਾਹੀਂ ਬੁਨਿਆਦੀ ਢਾਂਚੇ ਦੇ ਖੇਤਰ ਵਿੱਚ ਸੁਧਾਰ ਗਤੀ ਅਤੇ ਪੈਮਾਨੇ 'ਤੇ ਵਿਸ਼ਵ ਪੱਧਰੀ ਬੁਨਿਆਦੀ ਢਾਂਚਾ ਤਿਆਰ ਕਰ ਰਹੇ ਹਨ। ਇੱਥੇ ਟੈਕਨੋਲੋਜੀ ਲਈ ਇੱਛਾ, ਜੋਖਮ ਲੈਣ ਵਾਲਿਆਂ ਵਿੱਚ ਭਰੋਸਾ ਅਤੇ ਸੁਧਾਰ ਲਈ ਸੁਭਾਅ ਹਨ। ਇਹ ਸਾਰੇ ਕਾਰਕ ਤੁਹਾਡੇ ਲਈ ਇੱਕ ਪਲੈਟਫਾਰਮ ਤਿਆਰ ਕਰ ਰਹੇ ਹਨ, ਜਿੱਥੇ ਮੌਕੇ ਬਣਾਏ ਜਾਂਦੇ ਹਨ, ਬਰਕਰਾਰ ਰੱਖੇ ਜਾਂਦੇ ਹਨ ਅਤੇ ਵਧਦੇ ਹਨ।

ਦੋਸਤੋ,

ਅਗਲੇ 25 ਸਾਲ ਤੁਹਾਡੇ ਅਤੇ ਭਾਰਤ ਦੋਵਾਂ ਲਈ ਅਹਿਮ ਹਨ। ਇਹ ਅੰਮ੍ਰਿਤ ਕਾਲ ਹੈ, ਜੋ ਆਜ਼ਾਦੀ ਦੇ 100ਵੇਂ ਸਾਲ ਵੱਲ ਲੈ ਜਾਂਦਾ ਹੈ। ਅਸੀਂ ਖੁਸ਼ਕਿਸਮਤ ਹਾਂ ਕਿ ਤੁਹਾਡੇ ਜਿਹੇ ਬਹੁਤ ਸਾਰੇ ਨੌਜਵਾਨ ਭਾਰਤ ਦੇ ਨਾਲ-ਨਾਲ ਆਪਣਾ ਭਵਿੱਖ ਬਣਾਉਣਗੇ। ਇਸ ਲਈ, ਤੁਹਾਡਾ ਵਿਕਾਸ, ਭਾਰਤ ਦਾ ਵਿਕਾਸ ਹੈ। ਤੁਹਾਡੀਆਂ ਸਿੱਖਿਆਵਾਂ, ਭਾਰਤ ਦੀਆਂ ਸਿੱਖਿਆਵਾਂ ਹਨ। ਤੁਹਾਡੀ ਜਿੱਤ, ਭਾਰਤ ਦੀ ਜਿੱਤ ਹੈ। ਇਸ ਲਈ, ਜਦੋਂ ਤੁਸੀਂ ਖ਼ੁਦ ਅਤੇ ਆਪਣੇ ਪਰਿਵਾਰ ਲਈ ਆਪਣੀਆਂ ਯੋਜਨਾਵਾਂ ਬਣਾਉਂਦੇ ਹੋ... ਯਾਦ ਰੱਖੋ ਕਿ ਤੁਸੀਂ ਆਪਣੇ ਆਪ ਭਾਰਤ ਲਈ ਵੀ ਯੋਜਨਾਵਾਂ ਬਣਾ ਰਹੇ ਹੋ। ਇਹ ਇੱਕ ਇਤਿਹਾਸਿਕ ਮੌਕਾ ਹੈ, ਜੋ ਸਿਰਫ ਤੁਹਾਡੀ ਪੀੜ੍ਹੀ ਨੂੰ ਮਿਲਿਆ ਹੈ। ਇਸ ਨੂੰ ਲਓ ਅਤੇ ਇਸ ਵਿੱਚੋਂ ਸਭ ਤੋਂ ਵਧੀਆ ਬਣਾਓ! ਇੱਕ ਵਾਰ ਫਿਰ, ਵਧਾਈਆਂ ਅਤੇ ਸ਼ੁਭਕਾਮਨਾਵਾਂ!

 *********

ਡੀਐੱਸ/ਟੀਕੇ/ਏਕੇ