থবক ফংনবা খুদোংচাবশিং অমসুং প্রাক্তিকেল ত্রেনিং হেন্না ফংনবা প্রধান মন্ত্রীগী স্কিল ইন্দিয়া মিসনগী শরুক অমা ওইনা, জুলাই ১১, ২০২২দা স্কিল দিবলপমেন্ত অমসুং ওন্ত্রেপ্রেনিউয়রসিপ মিনিস্ত্রিনা প্রধান মন্ত্রী নেসনেল এপ্রেন্তিসসিপ মেলা পাংথোক্কনি। হৌজিক ফাওবদা, এপ্রেন্তিসসিপ মেলাদা এপ্লিকান্ত ১৮৮৪১০ শরুক য়াখ্রে অমসুং ঙসি ফাওবদা এপ্রেন্তিসসিপ ৬৭,০৩৫ ফংহনখ্রে। নোংমগী ওইবা থৌরম অদুদা সেক্তর ৩৬ অমসুং কম্পেনি ১০০০ হেনবা অমসুং ত্রেদ ৫০০ শরুক য়াগনি। এপ্রেন্তিসসিপ ত্রেনিংগী খুৎথাংদা নহারোলশিংনা মখোয়গী শীনফম খনবা ঙম্নবা এপ্লিকান্তশিংদা খুদোংচাবা পীদুনা মিনিস্ত্রিনা মফম ২০০দা থৌরমশিং পাংথোক্কনি।

শরুক য়াগদবা কেন্দিদেৎশিং অদু ক্লাস ৫-১২ পাস তৌগদবনি, স্কিল ত্রেনিং সর্তিফিকেদ পায়গদবনি, আই.তি.আই দিপ্লোমা অমা ওইগদবনি নত্ত্রগা গ্রেজুয়েত দিগ্রি ওইগদবনি। নহারোলশিংনা ত্রেদ ৫০০ হেনবা হায়বদি ৱেল্দিং, ইলেক্ত্রিক্কী থবক, হাওসকিপ্পিং, বিউতিসিয়ান, মেকানিক অমসুং অতৈ শীনফম কয়া খনবা য়াগনি। ত্রেনিং লোইরবা মতুংদা মখোয়গী থবক ফংনবগী খুদোংচাবা লৈরবা মতুংদা কেন্দিদেৎশিংনা নেসনেল কাউন্সিল ফোর ভোকেসনেল ইজুকেসন এন্দ ত্রেনিংনা পীবা শকখঙলবা সর্তিফিকেদশিং ফংগনি। থৌরম অসিগী মরুওইবা পান্দমদি ত্রেনিং অমসুং প্রাক্তিকেল স্কিলসেতশিংগী খুৎথাংদা নহারোলশিংগী হৈথোই-শিংথোইবা খঙদোক্তুনা কম্পেনিশিংনা অহেনবা এপ্রেন্তিসশিং লৌবা পুক্নিং থৌগৎপনি।

প্রধান মন্ত্রী নেসনেল এপ্রেন্তিসসিপ মেলাগী মতাংদা স্কিল দিবলপমেন্ত অমসুং ওন্ত্রেপ্রেনিউয়রসিপ মিনিস্ত্রিগী সেক্রেতরি, শ্রী রাজেস অগ্গরৱালনা হায়খি লৈবাক শীনবা থুংনা লনাই মীওই কয়াদা এপ্রেন্তিসসিপ মেলা অসিনা অহেনবা থবক ফংনবগী খুদোংচাবা কয়া পীগনি হায়না ঐখোয়না থাজবা থম্লি। হায়রিবা থবকশিং অসিগী মরুওইবা পান্দমদি অহেনবা এপ্রেন্তিসসিপ লৌবনি, প্রাক্তিকেল ত্রেনিং পাংথোক্নবগীদমক এপ্রেন্তিসসিপশিং অসি দরকার ওই। মসিনা লৈবাক শীনবা থুংনা এপ্রেন্তিসসিপ মশীং হেনগৎহল্লে অমসুং মখোয় মাইপাকপা ঙম্লে।

স্কিল হেনগৎহন্নবা এপ্রেন্তিসসিপ অসি খ্বাইদগী ফরবা নমুনা অমনি অমসুং স্কিল ইন্দিয়াগী মখাদা অচৌবা মাইপাকপা অমা ওইরে। হন্দক ইকুই কুইদনা নেসনেল এপ্রেন্তিসসিপ প্রোমোসন স্কিম(নেপস)কী মখাদা দি.বি.তিকী খুৎথাংদা মখোয়গী একাউন্তশিংদা অহানবা এপ্রেন্তিস কাংবু স্তাইপেন্দ সবসিদি ফংখ্রে।

মেলা অসিদা শরুক য়াবা কম্পেনিশিংনা মফম অমদা অফবা এপ্রেন্তিসশিং উনবা অমসুং মফম অদুদা এপ্লিকান্তশিং খন্নবগী খুদোংচাবা ফংলে। য়ামদ্রবা মীওই ৪ রোম লৈবা অপীকপা ইন্তরপ্রাইজশিং থৌরম মনুংদা এপ্রেন্তিসশিং নেকপা য়াগনি। মহৈরোয়শিংনা মতুং তারকপা কোর্সশিংগীদমক ক্রেদিৎশিং খোমজিন্নবা অথুবা মতমদা ক্রেদিৎ বেঙ্ক অমা হাপচিল্লগনি।

থা খুদিংগী এপ্রেন্তিসসিপ মেলা পাংথোক্কনি অমসুং মফম অদুদগী খল্লবা মীওইশিং অনৌবা স্কিলশিং পীনবা অমসুং মখোয়না তম্লিঙৈদা শেন তান্নবগী খুদোংচাবা পীবা ওইনা সরকারগী কাংলোন মতুংইন্না থাগী স্তাইপেন্দ পীগনি। এপ্রেন্তিসশিংগী স্তাইপেন্দ অসি ওনলাইন্দা পীগনি।

মেলা অসিদা শরুক য়ানবগী লনাই মীওইশিংনা https://dgt.gov.in/appmela2022/ or https://www.apprenticeshipindia.gov.in/ রেজিস্তার তৌবা য়াগনি অমসুং মেলাগী খ্বাইদগী নকপা মফম খঙবা য়াগনি।

*****