কেন্দ্রগী মন্ত্রী মন্দলদা লোইরিবা ঐহাক্কী মরুপ, শ্রীমান নরায়ন রানেজী, শ্রী ভানু প্রতাপ সিংহ ভর্মাজী, মন্ত্রী মন্দলগী অতোপ্পা মীহুৎ, লৈবাক্কী তোঙান-তোঙানবা রাজ্যশিংদগী লাক্লিবা মন্ত্রী, লৈবাক্কী এম.এস.এম.ই. সেক্তরগা মরী লৈনবা ঐহাক্কী ওন্তোপ্রিনর ইচিল ইনাওশিং, অতোপ্পা মীথুংলেন, ইবেম্মা অমসুং ইবুংঙোশিং!

ঐখোয়গী লমদমসিদা ঐখোয়গী ইফমদা অঙাং ওইরিঙৈদগী হৌনা শ্লোক অমা তাকপী তম্বীদুনা লাকই, ঐখোয় খুদিংনা শ্লোক অসিসু লোইনা তারবা ঙাক্তনিঃ

উধ্যমে হি সিধ্যন্তি, কার্য়ানি না মনোরথে:

মসিনা হায়বদি, ইন্তর্প্রাইস চলায়বনা অপাম্বা ফংই, ৱাখল খন্দুনা লৈবখক্তনা করিসু কান্নদে, অদুগা ৱাখল খল্লগতা লৈবা মীশিংসু ৱাত্তে। শ্লোক অসিগী ৱাহন্থোকপু ঐহাক্না হৌজিক মতমগা চুননা শেমদোক্লগা হায়রবদি, এম.এস.এম.ই.গী ইন্তর্প্রাইস অসিদগী আত্মানির্ভর ভারতকী অপাম্বা ফংগদৌরিবনি, ভারতকী মপাঙ্গল হাপকদৌরিবনি হায়গনি। ৱাহৈদবুদি, অদোম অসি মাইক্রো স্মোল অমসুং মিদিয়ম ইন্তর্প্রাইস হায়বনি, অদুবু ২১শুবা চহি-চাদা ভারতপু মায় পাকপগী অৱাংবা থাক্তা থমগদৌরিবসিদা অদোমগী চাউরবা থৌদাং লৈগনি।

ভারতকী এক্সপোর্ত লেপ্তনা হেনগৎহন্নবা, ভারতকী পোত্থোকশিংনা অনৌবা কৈথেলশিংদা য়ৌহন্নবগীদমক্তা লৈবাক্কী এম.এস.এম.ই. সেক্তরবু মপাঙ্গল লৈহনবগী তঙাই ফদবা য়াম্না লৈ। ঐখোয়গী সরকারনা অদোমগী মসিগুম্বা মতিক অমসুং সেক্তর অসিগী ওইথোকপা য়াবা কয়া খন্নদুনা ৱারেপ লৌরি, অনৌবা পোলিসী শেম্লি। ঐখোয়গী লৈবাক্কী জিলা, শরুক খুদিংদা লৈরিবা ঐখোয়গী তোপ-তোপ্পা পোত্থোক, মসিগুম্বা লোকেলগী পোত্থোকশিংবু গ্লোবেল ওইহন্নবা ঐখোয়না ৱারেপ লৌরবনি।

মীরমগী মখা পোনবগী মতোউ হন্থহন্নবা মেক ইন ইন্দিয়াগী ওইবা লোকেল সপ্লাই চেন শেম্না ঐখোয়না কন্না হোৎনরি। মরম অদুনা, এম.এস.এম.ই. সেক্তরবু হেন্না পাকথোক-চাউথোকহন্নবা ঐখোয়না অকনবা মিৎয়েং চঙলিবনি। হীরম অসিগী মরী লৈননা ঙসি তোঙানবা স্কিম কয়া হৌদোক্লে। লুপা করোর লিশিং কয়াগী স্কিমশিংনা এম.এস.এম.ই.বু ক্বালিতী অমসুং প্রোমোসনগা মরী লৈনহনগনি। এম.এস.এম.ই. ইকোসীস্তেম্বু মপাঙ্গল হেন্না হাপ্নবা চাউরাকপা লুপা করোর লিশিং তরুক্কী আর.এ.এম.পি. স্কিম ওইরো, অহানবা ওইনা এক্সপোর্ত তৌরিবশিংবু পুক্নিং থৌগৎনবা প্রোগ্রাম ওইরো, অমসুং প্রধান মন্ত্রী ইমপ্লোয়মেন্ত জেনেরেসনগী মখাদা অনৌবা খুদোংচাবা হাপচিনবা ওইরো, সরকারগী অসিগুম্বা মরু ওইবা খোঙথাংশিংনা ভারতকী এম.এস.এম.ই. সেক্তরদা অনৌবা ইনোৎ হাপকনি।

লৈবাক্কী এম.এস.এম.ই. লিশিং ১৮দা ঙৈহাক্কী মমাংদা লুপা করোর ৫০০গী মথক্তা ত্রান্সফর তৌখ্রে, অদোমগী মাঙদা দিজিতেলগী খুত্থাংদা পাংথোকখিবনি, মখোয়গী একাউন্তশিংদা শেলশিং অসি য়ৌখ্রবনি। লুপা করোর লিশিং ৫০গী সেল্ফ রিলাইএন্ত ইন্দিয়া ফন্দগী মখাদা লুপা করোর ১৪০০ হেনবা শেনফম্বু এম.এস.এম.ই.শিংগীদমক্তা থাদোকখ্রে। পুম্নমক অসিগীদমক্তা ঐহাক্না বেনিফিশরী পুম্নমক, এম.এস.এম.ই. সেক্তর অপুনববু ঐহাক্না থাগৎলি অমসুং য়াইফ পাউজেলসু পীজরি।

ঐহাক্না ঙসিগী ফম্বাক অসিদা লাক্ত্রিঙৈ মমাংদা মরুপ কয়া অমগা ৱারী শাবগী খুদোংচাবা ফংজখি অমসুং ঐহাক্না ৱারী শারিবশিংনা মখল অমা নত্ত্রগা মখল অমগী তেংবাংশিং সরকারদগী ফংলবা ঙাক্তনি। মদুদগী মখোয়না মশাগী তেলেন্ত, হোৎনবা অমসুং স্কিল শিজিন্নদুনা অনৌবা মালেম অমা শেম্লবনি।

ঐহাক্না মখোয়গা ৱারী শাবা মতমদা, মখোয়না মশাদা থাজবগী মতৌ অমা উবা ফংই। মখোয়শিংগী মরক্তা ইমা, ইচে, ইচলশিং য়াওই, অদুবু নহাগী মশিংনদি খ্বাইদগী হেল্লি। মখোয়না ওন্তোপ্রিনর অমা ওইবগী মশাদা থাজবা অমসুং আত্মানির্ভর অভিয়ান্না মখোয়দা অনৌবা শক্তি অমা পীবগী মতৌসু ঐহাক্না উবা ফংই। ঐহাক্না মতম হেন্না ফংলম্লবদি মখোয়গা পুং কয়া চুপ্না ৱারী শারম্বা য়াবনি। মখোয়না হায়নীংবা কয়া অমা লৈরমগনি, মখোয়গী তোঙানবা এক্সপেরিএন্সকী মতাংদসু তম্নীংলমগনি। মখোয় খুদিংনা মশাগী অপাম্বা ওইরকপবু মমিৎমক্না ফংলবা ঙাক্তনি। মসিদগী হেন্না নুংঙাইবা করি লৈরিবগে।

ঙসিদি, মরুপ কয়া অমনা মনা কয়াসু ফংলে। মনা ফংলবশিংবু ঐহাক্না থাগৎলি। মনা ফংবা মতমদা হান্নদগী হেন্না পাংথোক্কে হায়বগী ৱাখল্লোন লাকপনি। অদোম্না পাংথোকখিবশিংদুগা মান্ননা অচৌবা থৌওং অমগসু ঐখোয়না অদোম্না পাংথোকপা পাম্লি। অদোমগী থৌওংশিংনা অতোপ্পদা ইথিল পীহন্নীংই অমসুং ইথিলদুগা মান্নবা অকোয়বগী ফিভম অমা লৈহন্নীংই, মদু ওইরবদি ঐখোয়না চাউখৎপগী মাইকৈদা চৎপা নত্তনা অতোপ্পা লম্বী অমত্তা লৈতে।

মরূপশিং,

ঐখোয়না পন্নরিবা এম.এস.এম.ই.গী তেক্নিকেল ওইবা অশাংবা মওংদি মাইক্রো স্মোল অমসুং মিদিয়ম ইন্তর্প্রাইস হায়বনি। অদুবু, মসিনা ভারতকী চাউখৎপগী খোঙচৎকী অচৌবা য়ুম্ফম অমা ওইরি। ভারতকী শেন্মিৎলোন্দা এম.এস.এম.ই.গী চাউরাকপা শরুক অহুম থোকপগী শরুক অমা ওই। অরায়বা লোন্দাদা হায়রবদি, ঐখোয়না ঙসি লুপা ১০০ তানবা মতমদা, মসিগী মনুংদগী লুপা ৩০দি এম.এস.এম.ই.গী মরমদগী ফংবা ঙম্বনি। এম.এস.এম.ই. সেক্তরবু মপাঙ্গল লৈহনবা হায়বসি অপুনবা খুন্নাইবু মপাঙ্গল লৈহনবনি। সেক্তর অসিগা মরী লৈনবা মরুপ করোর কয়াদি খুঙ্গংগী মফমশিংদগীনি। মরম অদুনা, লৈবাক্কী মাইক্রো, স্মোল অমসুং মিদিয়ম ইন্তর্প্রাইস সেক্তর অসিদা সরকারনা খ্বাইদগী অহেনবা মিৎয়েং চঙলিবনি।

মরূপশিং,

ঙসিদি, মালেম্না ভারতকী শেন্মিৎলোনগী শাহৌ লৌবগী মতৌনা মখোয়গী পুক্নিং শুমহৎলিবনি অমসুং অসিগুম্বা খোঙজেল য়াঙনা শাহৌ লৌবদা এম.এস.এম.ই. সেক্তরনা অচৌবা থৌদাং লৌরিবনি। মরম অদুনা, মেক্রো ইকোনোমীনা মপাঙ্গল লৈনবগীদমক্তা এম.এস.এম.ই.গী মথৌ য়াম্না তারিবনি। ঙসি ভারতনা এক্সপোর্ত য়াম্না তৌবা ঙম্লিবসিদা এম.এস.এম.ই.গী অচৌবা শরুক য়াওরি। মরম অদুনা এক্সপোর্ত য়াম্না তৌবদা এম.এস.এম.ই.গী মরু ওইবা য়াম্না লৈ। এম.এস.এম.ই. সেক্তরবু মপাঙ্গল হাপ্নবগীদমক্তা মমাংগী চহি নিপান্দা ঐখোয়গী সরকারনা মসিগী বজেৎপু ৬৫০% চাংদা হেনগৎহনখ্রে। মরম অদুনা, এম.এস.এম.ই. হায়বসি ঐখোয়গী ওইনদি মেক্সিমম সপ্পোর্ত তু স্মোল মাইক্রো অমসুং মিদিয়ম ইন্তর্প্রাইস ওইরিবনি।

সেক্তর অসিদা মীওই করোর ১১ হেনবনা হকথেংননা অমসুং নাকোইননা মরী লৈনরি। মরম অদুনা মসিনা থবক য়াম্না পীবগী হীরমদসু মরু ওইবা ফম কল্লিবনি। মরম অদুনা, চহি ১০০গী খ্বাইদগী চাউবা শিংনবা লাকখিবা মতমদা, ঐখোয়না ইশাগী অপীকপা ইন্দস্ত্রীশিংবু কনবগা লোয়ননা মপাঙ্গল হাপ্নবা ৱারেপসু লৌখি। কেন্দ্র সরকারনা ইমর্জেন্সী ক্রেদিত লাইনগী মখাদা এম.এস.এম.ই.শিংগীদমক্তা লুপা করোর লাখ ৩.৫গী শেনফম শোইদনা খাক্তুনা থমখি।

হায়রিবা খোঙথাং অসিনা মরম ওইরগা থবক করোর অমগা মখায় কনবা ঙমখি হায়না রিপোর্ত অমনা হায়রি অমসুং মসি য়াম্না য়াম্বা মশিংনি। মশিং অসিনা মালেমগী লৈবাক খরগী অপুনবা মীশিংদগী হেল্লিবনি। অৱা-অনাগী মতমদা ফংখিবা তেংবাং অসিনা এম.এস.এম.ই.বু লৈবাক অসিদা অনৌবা থবক কয়া লৈহন্নীংবগী ইথিল হাপখিবনি। ঐখোয়না হন্দক্কী চহিগী বজেত্তা ইমর্জেন্সী ক্রেদিত লাইন গেরেন্তী স্কিম্বু মথং চহিগী মার্চ ফাওবা শাংদোকহল্লগনি লাউথোকখি। মসিগী মনুং চন্না লাকপা খুদিংদা, লুপা করোর লিশিং ৫০দগী হেন্দুনা লুপা করোর লাখ ৫ ফাওবা হেনগৎখ্রবনি, শরুক ১০গী চাং হেনগৎলিবনি।

মরূপশিং,

নীংতম্বগী অমৃত কাল অসিদা এম.এস.এম.ই.না ভারতকী আত্মানির্ভর ওইবগী চাউরবা পান্দম্বু ফংহন্নবা হোৎনবদা অচৌবা পাম্বৈ অমা ওইনা তেংবাংগনি। মমাংগী সরকারনা সেক্তর অসিগী মরু ওইবশিং খঙলমদে অমসুং অপীকপা ইন্তর্প্রাইসশিংবু পীক্না অদুমক লৈহনবা পোলিসী শেমদুনা সেক্তর অসিবু চাউখৎপদগী থীংদুনা থম্লম্মি। মখোয়না লৈজরিবা খুদোংচাবশিং শিজিন্নদুনা পাংথোকপা ঙম্লবদি পাংথোকচরো, নত্ত্রগদি অদুমক লৈরো হায়না থম্লম্মি। ওইথোকপা য়াবা কয়ামরুম লৈরবসু অপীকপা ইন্তর্প্রাইস অমা ওইনা অদুমক থম্বীরম্মি। অপীকপা ইন্দস্ত্রীগী ৱাহন্থোকপু পীক্না অদুম লৈহনবগা লোয়ননা মখোয়না পাংথোক্লিবা থবকশিং অদুমক পীক্না পাংথোকউ, করিগুম্বা চাউথোক্নবা হোৎনরুবা মতমদা হান্না ফংলম্বা কান্নবশিংসু ফংবা লেপখিনি হায়বগী প্রেসর অদুমক পীরগা লৈরম্মি। মরম অদুনা চাউখৎপগী স্কোপ লৈরবসু, শাহৌ লৌবা পাম্লমদে, হোই, শাহৌ লৌরগসু চেদা শুক্তা তাহল্লমদে। তুমিন-তুমিন্না খরা পাংথোক্লম্বদি য়াই। ঐহাক্না হায়রিবসি অদোমগী ৱারী নত্তে, অতোপ্পগী ৱাখল্লোনগী ৱারীনি। অদোমদি মীওই ঙাক্তনি, চাউখৎপা পাম্বা মীওইনি, অদোম্না ফত্তবা খনবদি কৈদৌনুংদা ওইথোক্লোই।

থৌওংশিং অসিনা থবক্তসু অচৌবা চৈথেং পীরিবনি। মীওই মশিং য়াম্না থবক পীবা ঙম্বা কম্পেনীশিংনা অদুক য়াম্না থবক পীবা ঙমদে। মরমদি, মাইক্রো স্মোল অমসুং মিদিয়ম ইন্তর্প্রাইস হায়বা ৱাহন্থোক্তগী ৱাংমা লানখিদোইনি। অসিগুম্বা ৱাখল্লোন অমসুং পোলিসী কয়ানা মরম ওইরগা চাউখৎকদবা ইন্তর্প্রাইস কয়ানা চাউখৎপা ঙমদনা লৈখিবনি।

মসিগুম্বা অয়েৎপশিংবু লৌথোক্নবগীদমক্তা ঐখোয়না এম.এস.এম.ই.গী ৱাহন্থোক হোংদোকখি, লোয়না লোয়ননা, ঐখোয়না মাইক্রো, স্মোল অমসুং মিদিয়ম ইন্তর্প্রাইসকী তঙাই ফদবশিংবুসু খঙনা চৎখি। ওন্তোপ্রিনরশিংনা চাউখৎপগা লোয়ননা ফংফম থোকপা কান্নবা তেংবাং কয়াবুসু লেপ্তনা শোইদনা ফংহন্নবা ঐখোয়না শীনখি। করিগুম্বা ইন্দস্ত্রী অমনা চাউখৎপা পাম্লবা, পাকথোক-চাউথোকপা পাম্লবা, মসিদা সরকারনা হান্নদগী শৌগৎলিবগী মথক্তা পোলিসী কয়াদা তঙাই ফদবা রিফোর্ম কয়াসু পুরক্লি।

ঙসিদি, হোলসেল কারবার ওইরো, রিতেল কারবার ওইরো, রিতেল ভেন্দর ওইরো, পুম্নমক অসি এম.এস.এম.ই.গী অনৌবা ৱাহন্থোক্কী মখাদা প্রাওরিতী সেক্তর লেন্দিংগী মখাদা লোনগী খুদোংচাবা ফংনরি। মসিনা তাক্লিবসি করিনো হায়বা অদোম খঙবরা? মসিনা হায়বদি, মেন্যুফেকচরিং অমসুং সর্ভিস সেক্তরগী মরক্তা লৈবা খেন্নবসু লৈহন্দ্রে হায়বনি। ঙসিদি, জি.ই.এম. প্লেতফোর্ম অসিদা সরকারদা গুদ অমসুং সর্ভিস কয়া পীনবা মপাঙ্গল লৈবা প্লেতফোর্ম অমা এম.এস.এম.ই.না ফংলে। এম.এস.এম.ই. খুদিংনা জি.ই.এম. পোর্তেলদা মিং চল্লসি হায়না ঐহাক্না ঙসি হায়জরি।

সরকারনা করিগুম্বা পোৎলম কয়া লৈনীংবা লৈরকপা মতমদা জি.ই.এম. পোর্তেলদা চঙদবা শুকয়া য়াদে। অদোম্না পীবা ঙম্লোই হায়বদা মখোয়না অতোপ্পা অমদা চৎখিনি। সরকার অসি পোর্তেল অসিগী ওইনা খ্বাইদগী চাউনা পোৎ লৈবা কাঙবুনি। মখোয়গী তঙাই ফদবসি য়াম্না চাউবনি। অদুগা, মখোয়না তঙাই ফদবা লৈগনবা পোত্থোকশিংদি অদোম্না পুথোক্লিবশিং অসিনি। মরম অদুনা, অদোম্না জি.ই.এম. পোর্তেলদা মিসন মোদতা খোঙথাং অমা পায়খৎপা হায়বসি ঐহাক্কী অপাম্বনি। ঙসিগী মতমসিদা, পোৎ য়োনবা (সেল্লর) শুপ্নগী লাখ ৫০-৬০তমক লৈ, মসিবু করোর ৪-৫ ওইহনবা য়াদ্রিবা করিগীনো? মদু ওইরবদি, সরকারনসু মখোয়না তসেংনা পাম্বা পোৎলম করিনো হায়বা খনবা য়াহনগনি।

গবর্নমেন্ত প্রোক্যুর্মেন্তকী মতাংদা এম.এস.এম.ই.না মমাংদা খুদোংচাদবা কয়া য়াম্না থেংনরম্মি হায়বা অদোম অমুক্তা খন্থবীয়ু। অসুক য়াম্না চাউবা তঙাই ফদবা, অসুক য়াম্না চাউবা তেন্দরগীদমক্তা ঐখোয় কদাইদা চৎকনি হায়না খন্নরম্মি। মখোয়না উপাই লৈতবনা কনাগুম্বা অমদা ওর্দর পীরগনি, মখোয়না অতোপ্পা অমদা অমুক পীগনি। হৌজিক্তি মসিগী মথৌ তাদ্রে। অদোম্না পোৎলম মশিং অমখক পাম্বা ওইরবসু, পোৎলম মশিং অমদুখক জি.ই.এম.দগী লৈবা য়ারে।

ঐহাক্না তম অমদা ঐহাক্কী ওফিস্তা থরমোসকী তঙাই ফদবা লৈরম্মি, ঐহাক্না জি.ই.এম. পোর্তেলদা চঙলে, অদুদগী, তমিল নাদুদগী নুপী অমনা মহাক্না পীবা ঙমগনি হায়রে। পি.এম. ওফিস্তা তমিল নাদুদগী থর্মোস য়ৌরক্লে, মহাক্কী পেমেন্তসু ফংজখ্রে, ঐহাক্না থর্মোসতগী চা অশাবসু থক্লে, মহাক্কী থবকসু ওইরে, ঐহাক্কী থবকসু ওইরে। মসিমক্নি জি.ই.এম. পোর্তেলগী মপাঙ্গল অদুগা মসি অদোমগী কান্নবগীনি। অদোম্না মসিগী কান্নবা লৌফম থোকপা কয়া লৌগদবনি।

অদুগা অতোপ্পা মরু ওইবা লাউথোকখিবা অমনা, লুপা করোর ২০০ ফাওবগী সরকারগী প্রোক্যুর্মেন্ততা হৌজিক গ্লোবেল তেন্দর তৌররোই, মসি ঐখোয়গী সরকারগী ৱারেপ্নি। মসিনা হায়বদি, অদোমগী ফম অমা খাক্লে হায়বনি। করোর ২০০গী পোৎলমদি লৌগদবা নত্ত্রে, মোদীজীনা হায়রবনিনা অদুম লৌরগনি, অসুম্না কৈদৌনুংদা খক খনগনু। ক্বালিতীদা য়াশিন্নবা খক পুরক্কনু। অদোম্না করোর ২০০ হায়বনি, ঐখোয়না পীরে, মথংদদি করোর ৫০০দা লেপ্পীরো, মদুসু ঐখোয়না পীগনি হায়না অদোম্না খনবীয়ু। মদু ওইরবদি, ঐখোয়না হেলথী ওইবা কম্পিতিসন অমগী মাইকৈদা চৎলবনি।

মরুপশিং,

গ্লোবেল মার্কেৎশিংদসু এম.এস.এম.ই.গী ইন্দস্ত্রীদা লৈবাক অসিগী মীচৎ পুরক্নাবা অমসুং অৱাংবা পনখৈ য়ৌবা ঙম্নবা লেপ্পা লৈতনা পুক্নিং থৌগৎলি। মাইকৈ অসিদা অহানবা ওইরিবা এম.এস.এম.ই. এক্সপোর্তরশিংগীদমক অনৌবা থৌশিলশিং পাইখৎখি। শেলগী তেংবাং ওইরবসু, সর্তিফিকেসনগা মরী লৈনবা মতেং ওইরবসু খুদোংচাবশিং অসিনা অহানবা ওইরিবা এম.এস.এম.ই. এক্সপোর্তরশিংগীদমক এক্সপোর্তকী থৌশিল লায়থোকহল্লগনি। অমসুং ঐখোয়গী মীয়াম্না গ্লোবেল মার্কেৎতা মীৎয়েং থম্বা ঐহাক্না পাম্মি। নখোয়গী ফেক্তরী অদু পীকই, নখোয়না অপীকপা পোৎ শাই হায়বগী নীংহন্নবা তৌগনু। চীংনবা লৈতনা মখা তানা চংশিল্লু, মদুবু ঙাইরিবা কনাগুম্বা অমা মালেম অসিদা শোইদনা লৈরমগনি।

অমসুং ঐহাক্না রাজ্য বিভাগকী ঐহাক্কী মিসন্দা হায়খি মদুদি রাজ্যগী বিভাগনা মখোয়না তৌরিবা দিপ্লোমেতিক ওইবা থবক অদু তৌহনগদবনি, অদুবু মখোয়না থবক অহুম তৌবা তাই হায়না মিসন খুদিংমক্তা ঐহাক্না খঙহনখি। ঐহাক্না থবক অহুম হাপকৎতুনা মিসন অসি ইভেল্যুএৎ তৌগনি। অহানবা – ত্রেদ, অনিশুবা তেক্নোলোজী অমসুং অহুমশুবনা তুরিজম। করিগুম্বা অদোম্না লৈবাক অদুদা ভারতকী মিহুৎ ওইবা তারবদি অদোম্না ভারত্তা লৈবাক অদুনা পোৎলম কয়াম ইম্পোর্ত তৌবগে খঙহল্লক্কদবনি – ঐহাক্না মদু খঙজিনগনি।

অনিশুবদা ঐহাক্না হায়খি মদুদি করিগুম্বা লৈবাক অদুদা অফবা তেক্নোলোজী লৈরবদি মদু নখোয়না ভারত্তা পুরকপা ঙম্বা নত্ত্রগা ঙমদবা থোক্লবসু নখোয়না হোৎনখিবা অদু শকখঙগনি। অমসুং অহুমশুবদা লৈবাক অদুদগী মীওই কয়ানা ভারত্তা য়েংবা লাকখিবগে হায়বা অসিনি। মসিগী ৩-তি অসি লৈবনা মিসন অসি ঙসি মপুং ফাহল্লি। অদুবু করিগুম্বা অদোম্না মিসন অসিদা পাও ফাওদ্রবদি, নখোয়না ইচিল-ইনাও মদু শেমসি হায়দ্রবদি, লৈবাক অদুদা মসিগী মথৌ তাই খঙহনদ্রবদি মিসন অসিগী মীয়াম্না করি তৌগনি। সরকারনা অদোমবু মতেং পাংনবা শেম-শাদুনা লৈ, অদোমগী ব্রান্দ অদু অদোমগী খুঙ্গংদা, অদোমগী রাজ্যদা, অদোমগী লৈবাক্তা য়োনবগী মহুৎ অদোমগী ব্রান্দ অদুনা মালেমদা য়ৌহনগে হায়বগী মঙলানগা লোয়ননা মফম অসিদগী চৎলু। ঐহাক্না মথংদা হঙগনি মদুদি পোৎশিং অদু লৈবাক ৫দা থারিব্রা হৌজিক লৈবাক ৫০ য়ৌবা ঙমলব্রা নত্ত্রগা ঙদব্রা, অমসুং অদোম্না মদু লেম্না য়োনবগী মহুৎ মদুদগী শেল তানগদবনি।

মরুপশিং,

হৌখিবা চহি ৮দা এম.এস.এম.ই. সেক্তর অসি য়াম্না খুমাং চাউশিনখি মরমদি ঐখোয়গী সরকারনা লৈবাক অসিগী এম.এস.এম.ই ওন্তপ্রিনোরশিং, আর্তিসেন ইন্দস্ত্রী, হেন্দলুম অমসুং হেন্দিক্রাফকী থবক তৌরিবা আর্তিসেনশিংদা থাজবা থমখি। ঐখোয়গী পান্দম অসি য়াম্না ময়েক শেংই অমসুং মসিগী ফল ময়েক শেংনা উবা ফংই। ঐখোয়না করম্না অহোংবা পুরকখিবগে হায়বগী খুদম প্রধান মন্ত্রী রোজগার সুজন কার্য়ক্রম অসিনা ওইরি। ২০০৮দা লৈবাক অসিনা অমসুং মালেম পুম্বনা ইকনোমিক রিসেসনগী চৈথেং নংলিঙৈদা স্কিম অসি ইমপ্লিমেন্ত তৌখি। মতম অদুদা মথংগী চহি নিপালদা থবক লাখ কয়া পীগনি ফোঙদোকখি। অদুবু চহি ৪গী মতুংদসু সরকারনা মখোয়গী পান্দম অদুগী শরুক তঙ্খাই ফাওবা য়ৌবা ঙমখিদে।

২০১৪গী মতুংদা ঐখোয়না অনৌবা পান্দমশিং থমখি, অনৌবা পাম্বৈশিং পাইখৎখি অমসুং লৈবাক অসিগী এম.এস.এম.ই.শিং অমসুং লৈবাক অসিগী নহারোলশিংগীদমক খল্লগা স্কিম অসি অনৌবা মঙাল অমগা লোয়ননা ইমপ্লিমেন্ত তৌবা হৌখি। মরক্তা কোরোনা লাকশিনখি, অপীক-অপীকপা শীংনবশিং লাকখি, ময়াম্না মালেম শিনবা থুংবদা করি থোক্লি উবা ফংলি। মসি ওইজরবসু হৌখিবা চহিসা মীওই লাখ ৪০ হেন্না স্কিম অসিগী মখাদা অমসুং এম.এস.এম.ই.শিংগী খুত্থাংদা থবক পীখি।

মসিগী মনুংদা এন্তরপ্রাইসশিং অসিদা লুপা করোর লিশিং ১৪গী মর্জিন মনী সবসিদী পীখি। মসিনা মরম ওইদুনা লৈবাক অসিদা অনৌবা এন্তরপ্রাইস কয়া থোরকখি। লৈবাক্কী নহারোলশিংদা মশিং য়াম্না থবক পীনবা ঙসি স্কিম অসিদা অনৌবা লমশিং হাপচিনখি। হৌজিক স্কিল অসিগী মখাদা পর্ভ্যু তৌরিবা প্রোজেক্তশিংগী কোস্ত লিমিৎ হেনগৎহনখি। মেন্যুফেচরিং সেক্তরদা মসি লুপা লাখ ২৫দগী লুপা লাখ ৫০ হেনগৎহনখি অমসুং সর্ভিস সেক্তরদা মসি লাখ ১০দগী লাখ ২০দা হেনগৎহনখি হায়বদি শরুক অনি হেনগৎহনখি।

মসি খক্তা নত্তনা ঐখোয়গী এস্পিরেস্নেল দিস্ত্রিক্ত ১০০ হেন্না লৈরিবা অসিদা ঙসিদি থবক কয়া পাইখৎপা ঐখোয়না উবা ফংলি। ঙসি ঐখোয়না মখোয়বু ইকাই খুম্নরি। মরমদি রাজ্যশিংনা মশিং পাদবা জিলাশিং অসি ঙসিদি মপাঙ্গল কনখৎলক্লে অদুনা ভারতনা মখোয়বু ইকাই খুম্নবা উৎলি। করম্না অহোংবা পুরকখিবগে হায়বগী খুদম অমা পীজগে। অমসুং ঐখোয়না এস্পিরেস্নেল দিস্ত্রিক্তশিংগী নহারোলশিংবু মতেং পাংগদবনি মসি খক্তা নত্তনা ঐখোয়গী লৈবাক অসিদা থৌরাং কয়ামরুম পাইখৎখি। ঐখোয়গী ত্রান্সজেন্দর ওইরিবা, ঈশ্বরনা শেম্বীরক্লবা মখোয়দসু ঐখোয়না খুদোংচাবা কয়ামরুম ফংহল্লি, মখোয়দা অহানবা ওইনা স্পেসিএল স্তেতস পীরি অমসুং শেলগী তেংবাং পীরি অমসুং মাংদা চংশিন্নবা মখোয়দা খুদোংচাবশিং ফংহল্লি।

মরুপশিং,

করিগুম্বা ঐখোয়দা অচুম্বা পোলিসী লৈরবা অমসুং সবকা প্রয়াস য়াওবা তারবদি করম্না অচৌবা অহোংবা অমা পুরকপগে হায়বগী অচৌবা খুদম অমনি। হৌজিক য়েংখিবা ফিল্মদা ঐখোয়গী খাদী পনখি। নীংতম্বা হৌরকপা মতমদা খাদী অসি নীংশিংখি। তপ্না তপ্না খাদী কাউথোরক্তুনা মসি লুচিংবশিংগী ফিজোল খক্তা ওইহৌখি। অচৌবা কুর্তা লিৎতুনা মীখল থেংনবা অসি চৎনখি। মসিগী খাদী অসি অমুক হন্না হীংগৎহন্নবা হোৎনসি। লৈবাক অসিনা মমাংদা লৈরম্বা পোলিসীশিং অদু মুন্না খঙই।

অহানবা ওইনা খাদী এন্দ ভিলেজ ইন্দস্ত্রীজকী তর্নওভর অসি লুপা করোর লাখ ১ হেনখি। মসি ঐখোয়গী খুঙ্গংশিংদা লৈরিবা অপীকপা ওন্তপ্রিনোরশিং, ইচে-ইচল অমসুং ইচানুপীশিংনা কন্না হোৎনবনা ওইথোকপা ঙমখিবনি। হৌখিবা চহি ৮ অসিদা খাদী য়োনবদা সরুক ৪ হেনগৎলকখি। হৌখিবা চহি ৮দা খাদী এন্দ ভিলেজ ইন্দস্ত্রীজকা মরী লৈনবা মীওই করোর ১.৫ হেনবদা থবক্কী খুদোংচাবশিং পীখি। হৌজিক ভারতকী খাদীনা লোকেলদগী গ্লোবেল ওইবা ঙম্লে, ফোরেন ব্রান্দশিংনসু খাদীদা মীৎয়েং চংনরক্লি। ঐখোয়না মসিদা থাজবা থমফম থোকই। করিগুম্বা ঐখোয়না থাজবা থমদ্রবদি মালেম্না করম্না থাজবা ঙমগনি? নখোয়গী য়ুমদা নখোয়গী নচাবু ইকাই খুম্নদ্রবদি অতোপ্পা মীওইশিংনা করম্না লোইনগনি। অনৌবা মার্কেৎশিংগীদমক অনৌবা লমশিং, অনৌবা এভেন্যুশিং শেমদুনা অপীকপা ইন্দস্ত্রীশিংদা চাউনা কান্নবা ফংহল্লি।

মরুপশিং,

ওন্তপ্রিনোর্শিপ – ঙসি ওন্তপ্রিনোর্শিপনা ঐখোয়গী খুঙ্গং, লায়রবা, অপীকপা সহর অমসুং সহরশিংদা লৈরিবা ইমুং-মনুংশিংগীদমক্তা অরাইবা পাম্বৈ ওইরক্লি। মসিগী অচৌবা মরমশিংগী মনুংদা লোন লায়না ফংবা অসি অমা ওইরি। ২০১৪গী মমাংদা মীচম অমদা ভারতকী বেঙ্কশিংদা চংবা হায়বা অসি য়াম্না অৱাবা ওইরমখি। গরেন্তী য়াওদনা বেঙ্কশিংদগী লোনশিং লৌবা ওইথোক্লমখিদে। খুঙ্গংগী লায়রবশিং, লম লৈজদবশিং, অপীকপা লৌমীশিং, অপীকপা দুকানদারশিংগীদমক কনানা গরেন্তী ওইবীগনি অমসুং মখোয়না গরেন্তী য়াওদনা করি তৌরুগনি? মখোয়না শেল শানবা মীওইশিংগী মনাক্তা চৎপা তাখি। বেঙ্কশিংনা লোনশিং পীদবনা মখোয়না অতোপ্পা মফমশিংদগী শেন্দোই পীদুনা শেল পুবা তাখি। মখোয় অদু শেলনা খ্বাং কোইখি মরম অসিনা য়াম্না অৱাবা পুন্সি অমা হিংখি। অসিগুম্বা ফীভম অমদা খুঙ্গংগী মিয়াম, লায়রবা, শোত্থরবা, খুদোংচাবা ফংদ্রবা, ওৎপী-নৈবীরবা, ত্রাইবেলশিংনা হীংখি অমদি মখোয়গী মচাশিংনা মশানা মশাবু থবক পীবজবা হায়বা অসিগী মরমদা ফাওবা খনবা ঙমখিদে। মখোয়দা থবক্কীদমক সহরদা চৎতুনা স্লমগী পুন্সি হিংখি। মশাবু য়োন্থোকপা তাখি, হৌজিক ঐখোয়গী ইচে-ইচল অমসুং ইচানুপীশিংগী মমাংদা অনৌবা ওপ্সনশিংগা লোয়ননা মখোয়গী মাংদা মরু ওইবা মীওইশিং লাক্লরে। মখোয়বু চাউখৎহন্নবা ঐখোয়না হোৎনরি।

মরুপশিং,

অসিগুম্বা অচৌবা লৈবাক অমা খোঙজেল য়াংনা চাউখৎহনবা অসি মীপুম খুদিং শরুক য়াহনবা ঙম্লবা মতমদা ওইথোক্কনি। অদধনা ২০১৪দা সবকা সাথ, সবকা বিকাসকী মন্ত্রগা লোয়ননা ঐখোয়না মসিগী স্কোপ হেনগৎহন্নবা ৱারেপ লৌখি। মসিগীদমক ঐখোয়না রিফোর্মগী পাম্বৈ খনখি, অনৌবা ইন্সতিত্যুসনশিং শেমগৎখি, স্কিল দিবেলপমেন্ত তৌখি অমসুং ক্রেদিৎকী এক্সেস ফংহনখি। ভারতমচা খুদিংমক্তা ওন্তপ্রিনোর্শিপ লায়থোকহনবদা মুদ্রা য়োজনানা অচৌবা থৌদাং অমা লৌখি। গরেন্তী য়াওদনা বেঙ্ক লোন লৌবা য়াবগী স্কিম অসিনা নুপী, দলিত, শোত্থরবা, ত্রাইবেল ওন্তপ্রিনোর কয়া পুথোকপা ঙমহনখি অমসুং মসি অনৌবা মফমশিংদা, মনুং হঞ্জিনবা মফমশিংদা পুথোকপা ঙমখি।

হৌজিক ফাওবদা স্কিম অসিগী মখাদা লুপা করোর লাখ ১৯ লোন ওইনা পীথক্রে। অমসুং বোরোৱরশিংগী মরক্তা অহানবা ওইনা এন্তরপ্রাইস লিংখৎচবা ওন্তপ্রিনোর করোর ৭ য়াওরি অমসুং হৌজিক মখোয়না অনৌবা ওন্তপ্রিনোর ওইবা ঙমজখ্রে। হায়বদি মুদ্রা য়োজনাগী মতেংগা লোয়ননা পার্তনর করোর ৭ হেনবনা অহানবা ওইনা মশানা মশাবু থবক পীজবা ঙমখ্রে। অমসুং মসি খক্তা নত্তনা কনাগুম্বা অমনা কনাগুম্বদা থবক পীরবদি, মীশক অদুনা অনিদা, অনিনা অহুমদা থবক পীবা ঙম্লবদি মহাক জোব সীকর ওইদ্রবনি জোব ক্রিএতর ওইবা ঙম্লবনি।

মরুপশিং,

মুদ্রা স্কিমগী মখাদা লোন করোর ৩৬ পীখিবা অসিগী মনুংদা লোনশিংগী চাদা ৭০ অসি, ৱাফম অসি য়াম্না নুংঙাইবা ৱাফমনি অমসুং মসি লৈবাক অসিনা করম্না হোংলকপগে, লৈবাক অসি করম্বনা চাউখৎলকপগে হায়বগী অচৌবা খুদম ওইরি.. মানি লোনশিংগী চাদা ৭০দি নুপী ওন্তপ্রিনোরশিংদা পীথরি। স্কিম অমনা ঐখোয়গী ইচে-ইচল অমসুং ইচানুপীশিংবু মশানা মশাদা থবক পীজবা ঙমদুনা ওন্তপ্রিনোর ওইহল্লি অমসুং মরম অসিনা মখোয়দা মশানা মশাদা থাজবা, মশাগী ইকাই খুম্নবা ফংবা ঙম্লে অমসুং মখোয়গী ইমুং মনুংদা, খুন্নাইদা মখোয়দা ইকাই খুম্নরবা উৎলকপা অদু ফংবা ঙমজরে।

মরুপশিং,

এম.এস.এম.ই. সেক্তর মপুং ফানা ফোর্মেল ওইদ্রবসু ক্রেদিৎ এক্সেস তৌবদি ফোর্মেল ওইহল্লি। ভারতকী ইকনোমী এক্সেস তৌবা ঙম্বা মীওইশিংনা মসিগী হীরম অসি কয়া খন্ন-নৈনদে। অমসুং মসিদা ঐখোয়না হায়রিবা অসি লুপা লিশিং ১০-২০গী ৱাফম নত্তে, মসি মমাংদা মাইক্রোফাইনান্স হায়না লৌরম্মি। ঐখোয়না হায়রিবা অসিদা লুপা লিশিং ৫০দগী লাখ ১০ ফাওবগী গরেন্তী ফ্রী ফাইনান্স অদুনি, হায়রিবা অসিনা ঙসি নুপী ওন্তপ্রিনোরশিংদা য়ৌশিনবা ঙম্লে।

হায়বদি মমাংদা নুপী ওন্তপ্রিনোর্শিপকী মাইক্রোফাইনান্স হায়বা অসি এনিমেল হসবেন্দরী, ফীশা-লোনশা খক্তা ওইরমখি… ঐহাক্না গুজরাত্তা লৈরিঙৈ মতমদা সরকারগী অসিগুম্বা স্কিমশিং য়ৌরকখি, য়েন্নাওগী শেল থাদবা অমসুং য়েন অদু লৌশিনবা। মরু কয়া কোক্কনি, য়েন্নাও কয়া ওনগনি, অদুদগী মরু অমুক কোক্কনি। লায়রবা মীওই অদুনা লোন লৌদুনা য়েন মঙা লৈজরুগনি অমসুং নুমিদাংদা গারী অঙাংবদা ওফিসরশিং লাক্তুনা অচা-অথক তৌবদা য়েন অনিদি চৎখিগনি। মসি ঐখোয়না উবরবা নত্ত্রা?

ঙসিদি মতম অদু হোংলে, মরুপশিং। অসিগুম্বা অপীকপা হীরমশিং অসিদা পুম্নমক নমশিন্দুনা লৈরকখি। ঐখোয়না মুদ্রা স্কিমগী খুত্থাংদা অপুনবা গ্রাফতা অহোংবা পুরকখি, হেন্না মপাঙ্গল কনখৎহনখি। লাখ ১০ মথৌ তারবদি, লাও লৌরু লাও… করিগুম্বা অমা তৌরকউ। উধ্যম পোর্তেলদা রেজিস্তর তৌরিবা অপুনবা এম.এস.এম.ই.শিং অসিগী চাদা ১৮দি নুপীনা ওইরিবা অসিদা ঐহাক্না য়াম্না নুংঙাইবা পোকই, মসিমক অফবা খুদম অমনি। মসিগী পার্তনরশিপ অসি হেনগৎহন্নবগীদমক ঐখোয়না পুন্না থবক তৌমিন্নবা তাই।

মরুপশিং,

ওন্তপ্রিনোর্শিপকী ইনক্লুসিবনেস অসি, ইকনোমিক ইনক্লুসিবনেস অসি তশেংনমক সোসিএল জস্তিস অমনি। স্ত্রীৎ ভেন্দরশিং, থেলা ইল্লিবা, ত্রক থৌরিবা অপীকপা থবক তৌবা মরুপশিং অসিনা বেঙ্কশিংদগী লোন করম্না লৌরমগনি অদোম্না খনথবীখ্রবরা? বেঙ্ক মেনেজরশিংগী য়ুমদা চহি চুপ্পা মনা-মশিং থিলকপগী থবক তৌরিবা, পাউচে থিলকপগী থবক তৌরিবা মীওইশিং অদুনা বেঙ্কনা কৈদৌনুংদা লোন অমত্তা পীবীখিদে। মহাক্না মীওইশিং অদুদা থাজবা থমদবগী ৱাফম নত্তে, মদু শীংবা ঙমলোই হায়বগী ৱাখল্লোন চেনবনা পীবীখিদে।

ঙসি মহাক্না লম্বী নাকলদা লৈবা বেঙ্ককী থোংজিলদা লেপ্পা মতমদা গরেন্তী য়াওদনা স্বনিধিগী মীংদা লোনশিং পীরি। ঙসি পি.এম. স্বনিধি য়োজনাগী মখাদা মরুপ কয়ানা লোনশিং ফংলি, অদুবু মখোয়না মসিদগী মখোয়গী অপীকপা বিজিনেস চাউথোকচনবা খুদোংচাবা অমসু ফংজখি। সরকারনা খুঙ্গংদগী সহরদা লাকপা ইচিল-ইনাওশিং অসিবু পার্তনর অমগুম্না শৌগৎপীরি অমসুং মখোয়গী ইমুং-মনুংবু লায়রবগী লাংদগী লৌথোকপীনবা হোৎনরি।

অমসুং করিগুম্বা অদোম্না দিজিতেল পেমেন্ত তৌগে খল্লকপদা মসি তৌদ্রিঙৈদা ৫০রক ৱাখল খল্লি মদুদি দিজিতেল পেমেন্ত তৌরবদি রেকোর্দ লৈহৌগনি মসিনা মোদীনা উখিগনি মহাক্না উরবদি ইনকম তেক্সতা থাখিগনি অদুনা ঐহাক দিজিতেল পেমেন্ত তৌরোই হায়না খনবা তারবদি ৱাফম অসি তাবদা নখোয় শোইদনা নুংঙাইবা ফাওগনি। মনা-মশিং অমসুং শঙ্গোম য়োল্লিবা ইচিল-ইনাওশিংনা দিজিতেল পেমেন্ত তৌরি। অমসুং ঐখোয়না চাউখৎ খোঙজেল অসিদা শরুক য়াফম থোকই। নখোয়না মসি লমজিংগদবনি। ঐহাক্না নখোয়গা চৎমিন্ননবা লৈরে, মসি তশেংনা চাউখৎপনি।

ঙসি প্রোগ্রাম অসিগী খুত্থাংদা  এম.এস.এম.ই. সেক্তরগা মরী লৈনবা ঐহাক্কী ইচিল-ইনাওশিংদা থাজবা পীরি মদুদি সরকার অসিনা নখোয়গী মথৌ তাবশিং থুংহন্নবা পোলিসীশিং শেম্লি, ৱারেপশিং লৌনবা শেম-শাদুনা লৈ অমসুং নখোয়গী খুৎ পাইদুনা মাংদা প্রোএক্তিব ওইনা চৎমিন্ননবা শেম শাদুনা লৈ।

উধ্যম হায়বা অসি ভারতকী মাইপাকপনি মসিদা ঐহাক্না চীংনবা অমত্তা লৈতে। আত্মনির্ভর ভারত ওইহন্নবগী শাহৌ মসিদগী ফংগনি মরুপশিং, মদু নখোয়দা য়াওরি, নখোয়গী খোঙথাংশিংদা য়াওরি। অমসুং ঐহাক্না লৈবাক অসিগী এম.এস.এম.ই. সেক্তরদা, নখোয় পুম্নমক্তা, লৈবাক অসিগী হৌরক্লিবা মীরোলশিংদা অমসুং মরু ওইনা থৌনা লৈবা ঐখোয়গী ইচানুপীশিংদা থাজবা থম্মি। মরম অসিনা ঐহাক্না লৈবাক অসিনা নখোয়দা অচৌবা মঙলানশিং উই হায়না ফোঙদোক্লবনি। নখোয়গী মীৎমাংদা মসিদা লাকপা অহোংবা, ওইরক্লিবা পুম্নমক অসি উবা ফংলগনি।

ঐহাক্না লৈবাক অসিগী এম.এস.এম.ই. সেক্তরদা সরকারগী স্কিমশিং অসিগী কান্নবা মপুং ফানা লৌহৌনবা হায়জরি। অমসুং ঐহাক্না নখোয়গীদমক মতেং পাংগনি। ঐহাক্না ঙসিদগী হৌদুনা চয়োল অসিদা জি.ই.এম. পোর্তেলদা মীওই করোর অমা হেনগৎলকপা হেনগৎলক্তব্রা য়েংগনি। ঐহাক্না উবা পাম্মি। মীয়াম্না থোকপীরকউ। সরকারনা নখোয়বু লমজিংনবা শেম-শাদুনা লৈ। সরকারদা মসি ঐখোয়না পুথোকপনি হায়বু, মতম অদুদা পুম্নমক্না নখোয়গী তুং ইন্দুনা লাক্কনি।

ঐহাক্কী মরুপশিং অসিদা ইকাই খুম্নবা উৎচনবগী খুদোংচাবা ঐহাক্না ফংজবা অসিদা ঐহাক্না অপেনবা পোকচৈ। অতোপ্পো মীওইশিংনা হোৎনরমলোই হায়না হায়জবা নত্তে। মখোয়না মশাবু শেমগৎচগদবনি, মথংদা অমুক নখোয়বু ঐহাক্না ইকাই খুম্নবা উৎনবা মতম লাক্কনি। ঐহাক্না মাইপাক্লবশিংবু ইকাই খুম্নবগী খুদোংচাবা ফংখিগনি। হেন্না ৱাংবা পনখৈশিং য়ৌনবা হোৎনসি।

পুম্নমকপু ঐহাক্না হন্না-হন্না থাগৎচরি!

********