উপ-রাস্ত্রপতি, শ্রী এম. ভেংকৈয়া নাইদুগী, ফম পাইবগী মতম অগস্ত ১০, ২০২২দা লোইরগনি। ভারতকী কনস্তিত্যুসনগী আর্তিকল ৬৮কী মতুং ইন্না, ফম অসি মেন্নবগীদমক হৌজিক লৈরিবা ঊপ-রাস্ত্রপতি অসিগী মতম লোয়দ্রিঙৈদা ফম অসিগী মীহুৎ খনদবা  য়াদে।  চীফ ইলেক্সন কমিসন ওফ ইন্দিয়া, শ্রী রাজিভ কুমারগী চেয়রমেনশিপকী মখাদা ঙসি ইলেক্সন কমিসনগী মীফম অমা ফমখি, মসিদা ইলেক্সন কমিস্নর, শ্রী চন্দ্রা পান্দেসু শরুক য়াখি। মীফম অসিদা উপ-রাস্ত্রপতিকী লোইশঙগী মীখলগী থৌরমগী অরোয়বা ৱারেপ লেপ্নখি।

২. প্রেসিদেন্ত অমসুং ভাইস-প্রেসিদেন্সিয়েল ইলেক্সন্স এক্ত, ১৯৫২ অমসুং  প্রেসিদেন্ত অমসুং ভাইস-প্রেসিদেন্সিয়েল ইলেক্সন্স এক্ত, ১৯৭৪গা লোয়ন-লোয়ননা কনস্তিত্যুসনগী আর্তিকল ৩২৪না উপ-রাস্ত্রপতিকী লোইশঙকী মীখলবু য়েংশিন্নবগীদমক ভারতকী ইলেক্সন কমিসনদা সুপরিন্তেন্দেন্স, দাইরেক্সন অমসুং কন্ত্রোলোফ দ কন্দক্ত ওফ ইলেক্সনগী শক্তি পীরি। ইলেক্সন কমিসনন্না উপ-রাস্ত্রপতিকী মীখল অসিবু অরান-অথুপ য়াওদবা মীখল ওইনবা য়েংশিনবা হায়বসে তঙাইফদ্রবনি অমসুং মসিগীদমক কমিসন অসিনা মরু ওইবা থৌদাং পুম্নমক পাংথোক্কনি। ভারতকী ইলেক্সন কমিসনন্না ঙসি ভারত উপ-রাস্ত্রপতিকী মীখলগী তাং লাওথোকখ্রে। হৌজিক-হৌজিক ওইরিবা উপ-রাস্ত্রপতি অসিগী লোইশঙগী মতম লোয়দ্রীঙৈগী ৬০ শুবা নুমীৎ নত্রগা ৬০ শুবা নুমীৎকী মতুংদা মথংগী উপ-রাস্ত্রপতিকী মীখলগী নুমীৎকী নোতিফিকেসন পীগদবনি হায়না প্রেসিদেন্ত অমসুং ভাইস-প্রেসিদেন্সিয়েল ইলেক্সন্স এক্ত, ১৯৫২দা হায়রি।

৩. ভারতকী কনস্তিত্যুসনগী আর্তিকল ৬৬কী মতুং ইন্না, ভাইস-প্রেসিদেন্তকী মীখল অসি পার্লিয়ামেন্তকী হাউস অনিমক্কী মেম্বরশিংগী ইলেক্তোরেল কোলেজকী মেম্বরনা প্রোপোর্স্নেল রিপ্রজেন্তেসনগী সিস্তেমগী মতুং ইন্না সিঙ্গল ত্রান্সফরেবল ভোৎকী খুথাংদা খনগদবনি । ১৬ শুবা ভাইস-প্রেসিদেন্তকী মীখলদা য়াউরিবা ইলক্তোরেল কোলেজশিংদি:

i.          রাজ্য সভাদগী খনগৎলবা মেম্বর ২৩৩

ii.         রাজ্য সভাগী নোমিনেত তৌরবা মেম্বর ১২, অমসুং

iii.        লোক সভাদগী খনগৎলবা মেম্বর ২৩৩

ইলক্তোরেল কোলেজ অসিদা পার্লিয়ামেন্তকী হাউস অনিমক্তগী পুন্না মেম্বর ৭৮৮ য়াওরি। ইলক্তোরেল কোলেজকী মেম্বর পুম্নমক হাউস অনিমক্তগী ওইবনা মরম ওইরগা, হাউস অনিমক্কী ভোতকী ভেলু চাপ মাননগনি, মদুদি ১ (অমা) ওইগনি।

৪. কনস্তিত্যুসনগী আর্তিকল ৬৬ (১)গী মতুং ইন্না, উপ-রাস্ত্রপতিগী মীখল অসি পার্লিয়ামেন্তকী হাউস অনিমক্কী মেম্বরশিংগী ইলেক্তোরেল কোলেজকী মেম্বরনা প্রোপোর্স্নেল রিপ্রেসেন্তসনগী সিস্তেমগী মতুং ইন্না সিঙ্গল ত্রান্সফরেবল ভোৎকী খুথাংদা খনগদবনি অমসুং অসিগুম্বা মীখলদা ভোৎ অদু সিক্রেত বেলোৎকি খুথাংদা থাদগনি। মসিগী সিস্তেম অসিদা ইলেক্তর অসিনা কেন্দিদেত অদুগী মীংগী মমাংদা মার্ক তৌগনি। মখোয়গী অপাম্বা অদু ভারতকী ন্যুমরেলশিংগী ইন্তরনেস্নেল‌ ওইবা মৱোংদা, রোমানদা, নত্রগা ভারতকী মশক খঙলবা লোন অমা হেক্তদা মার্ক তৌবা য়াগনি। মখোয়গী অপাম্বা অদু ফিগর খক্তদা ইগনি অমসুং বনান ওইনা ইবা য়ারোই। ভেলোত পেপর অদু ভেলিদ ওইনবগীদমক মখয়গী অহানবা অপাম্বা অদু তঙাইফদে, মখাতাবা অপাম্বশিংনা ওপশ্নেলনি।

৫. ভোততা মার্ক তৌনবগীদমক কমিসননা কলম পীগন। কলম অদু বেলোত পেপর অদু শিন্নবা মতমদা মদুগীদমক লৈরিবা ওফিসর অদুনা পোলিং স্তেসন অদুদা ইলেক্তরশিং অদুদা পীগনি। ইলেক্তরশিংনা পীরিবা কলম অদুনা খক্তনা বেলোত অদু মার্ক তৌগনি অমসুং অতোপ্পা কলম শিজন্নবা য়ারোয়। করিগুম্বা অতোপ্পা কলম শিজন্নরগা ভোৎ হাপলবদি ভোত অদু থিবা মতমদা ইনভেলিদনি হায়না লৌগনি।

৬. ইলেক্সন কমিসননা, কেন্দ্রগী সরকারগা তানরগা, লোক সভা অমসুং রাজ্য সভাগী সেক্রেতরি জেনরেলবু রিতর্নিং ওফিসর ওইনা মথং মথং খল্লি। অসুম্না, হৌজিক্কী মীখল অসিগীসু ওইনা উপ-রাস্ত্রপতি লোইশঙগী মীখল অসিদসু লোক সভাগী সেক্রেতরী জেনরেলবু রিতর্নিং ওফিসর ওইনা খনগনি। কমিসননা পার্লিয়ামেন্ত হাউস (লোক সভা)তা রিতর্নিং ওফিসরবু মতেং পাংনবগীদমক এসিস্তেন্ত রিতর্নিং ওফিসরশিংসু খন্নবগীদমক খন্নখ্রে।

৭. প্রেসিদেন্ত অমসুং ভাইস-প্রেসিদেন্তসিএল ইলেক্সন্স রুল্স, ১৯৭৪গী মতুং ইন্না মীখল অসিগী পোল অদু পার্লিয়ামেন্ততা পাংথোক্কনি। করিগুম্বদা মথৌ তারবদি, পোলিং অদু, রুম ন.৬৩, অহানবা ফ্লোর, পার্লিয়ামেন্ত হাউস, নিউ দিল্লীদা পাংথোকপা য়ানি।

৮. ইলেক্সনগী মতম অদুগী মতুং ইন্না, কেন্দিদেৎ অমগী নোমিনেসন পেপর অদু রিতর্নিং ওফিসরনা নই দিল্লিদা মহাক্না থোকপা (প্রেসিদেন্সিয়েল অমসুং ভাইস-প্রেসিদেন্সিয়েল ইলেক্সন্স রুলসতা য়াওবা ফোর্ম-১) পব্লিক নোতিস অমগী খুত্থাংদা  অখন্ননা হায়রকপা মফম অদুদা মঙোন্দা পীগদবনি অমসুং অতোপ্পা মফম অমত্তদা পীবা য়ারোই। আইনগী মতুং ইন্না, নোমিনেশন (পীরিবা ফোর্ম ৩) অদু অয়ুক্কী পুং ১১দগীনা নুংথিলগী পুং ৩ ফাওবগী মনুংদা কেন্দিদেৎ মশামক্না  নত্রগা মহাক্কী প্রোপোজরশিং  নত্রগা সেকেন্দরনা ফাইল তৌবা য়াগনি। নোমিনেশনশিং অদু পব্লিক হোলিদেশিংদা ফাইল তৌবা য়াদে। কেন্দিদেৎ অমগী নোমিনেসন পেপর অদু প্রপোজর ওইনা য়ামদ্রবদা ইলেক্তর কুননা অমসুং সেকেন্দর ওইনা য়ামদ্রবদা ইলেক্তর কুননা সবস্ক্রাইব তৌবা ওইগদবনি। ইলেক্তর অমনা প্রোপোজর  নত্রগা সেকেন্দর ওইনা কেন্দিদেৎ অমগী  নোমিনেসন অমখক্তমক সবস্ক্রাইব তৌবা য়াগনি অমসুং হায়রিবা অসি প্রেসিদেন্ত অমসুং ভাইস-প্রেসিদেন্সিয়েল ইলেক্সন্স এক্ত , ১৯৫২গী সেক্সন ৫বি. (৫)না গোবর্ন তৌই। কেন্দিদেৎ অমনা য়াম্মবদা নোমিনেসন পেপর মরি তৌবা য়াগনি। মীখল অদুগী সেক্যুরিতী দিপোজিত অসি লুপা ১৫,০০০/- (লুপা লিশিং তরামঙা খক)নি, হায়রিবা অসি নোমিনেসন পেপরগা লোইননা তৌবগী মথৌ তাই, নত্রগা রিজর্ব বেঙ্ক ওফ ইন্দিয়াদা দিপোজিৎ তৌগদবনি নত্রগা নোমিনেসন ফাইল তৌদ্রিঙৈদা মমাংদা, মদুগীদমক্তা মরী লৈনবা একাউন্তসকী হেদকী মখাদা সরকারগী ত্রেজরীদা তৌগদবনি।

৯. প্রেসিদেন্সিয়েল অমসুং ভাইস-প্রেসিদেন্সিয়েল ইলেক্সন্স রুলস, ১৯৭৪গী রুল ৪০গী মতুং ইন্না, কমিসন অসিনা উপ-রাস্ত্রপতিগী মীখলগীদমক্তা আর্তিকল ৬৬দা পল্লিবা ইলেক্তোরেল কোলেজগী মেম্বরশিংগী লিস্ত অমা মখোয়গী অপ তু দেৎ ওইবা এদ্রেস অদুগা লোইননা থম্বা য়াগনি। উপ-রাস্ত্রপতি মীখল, ২০২২গীদমক্তা কমিসন্না থম্লিবা ইলেক্তোরেল কোলেজগী মেম্বরশিংগী লিস্ত অদু ভারতকী ইলেক্সন কমিসনগী প্রেমাইসতা হাদোকপা কাউন্তরদগী কোপী অমদা  @ লুপা ৫০/-দা লৈবা য়াগনি। কমিসনগী ৱেবসাইততা ইলেক্তোরেল কোলেজগী কোপী অমসু অপলোদ তৌরগনি। তৌইগুম্বশুং, হায়রিবা লিস্ত অসি কাউন্সিল ওফ স্তেতসকী কনগৎলবআ মেম্বর ৫১, কাউন্সিল ওফ স্তেতসকী নোমিনেত তৌরবা মেম্বর ০৭কী মমীংগী নোতিফিকেশন থোক্লবা মতুংদা অপদেৎ তৌবগী মথৌ তাই(করিগুম্বা ইলেক্সন মনুংদা ফাইল তৌবা তারবদি)। মরম অদুনা ইলেক্তোরেল কোলেজকী সপ্লিমেন্তরী লিস্তশিং অদু মথৌতাবগী মতুং ইন্না  অমসুং মথৌ তাবা মতমদা ফোংদোক্লগনি।

১০. লম্বা পানরিবা কন্দিদেৎ খুদিংমক্না পোলিং মফমদা অমসুং মশিং থিফম (কাউন্তিং হোল)দা মহাক্কী মীহুৎ অমা লৈনবগী অয়াবা পীবা য়াই। মসিগী মরম অসিগীদমক্তা মীহুৎ অমা অয়াবা পীবা অদু কেন্দিদেৎ অদুনা অইবা ওইনা পীগনি।

১১. কনস্তিত্যুসন্না উপ-রাস্ত্রপতিগী লোইশঙগী মীখল অদু সেক্রেত বেলোতকী খুত্থাংদা ওইগনি হায়না ফোংদোক্লি। মরম অদুনা ইলেক্তরশিংনা ভোত অদুগি অরোনবা অদুবু য়াম্না চেকশিন্না মেন্তেন তৌগদবনি। মসিগী ইলেক্সন অসিদা ওপন ভোতিংগী কন্সেপ লৈতে অমসুং প্রেসিদেন্সিয়েল  অমসুং ভাইস-প্রেসিদেন্সিয়েল ইলেক্সনশিংগী মতাংদা করিগুম্বা থৌদোক অমহেক্তদা বেলোত অদুবু কনাগুম্বা অমদা উৎথোকপদা অথিংবা থম্মি। ১৯৭৪ রুলসকী মখাদা থম্লিবা ভোত থাদবগী প্রোসিজর অদুনা ভোতিং কমপার্তমেন্ততা ভোত অদু মার্ক তৌরবা মতুংদা, ইলেক্তর অদুনা বেলোত পেপর অদুবু থুপতুনা অমসুং বেলোত বোক্স অদু ইনশিনগদবনি। ভোত থাদবগী প্রোসিজর খোংগাওনবা মতমদা প্রিসাইদিং ওফিসর অদুনা বেলোত পেপর অদুবু কেন্সেল তৌবা য়াই।  পেরগ্রাফ ৫ হান্না পনখিবা অদুগুম্না পোলিং তৌফমদা প্রিসাইদিং ওফিসর অদুনা ইলেক্তরশিংদা পীবা অখন্নবা কোলোম খক্তনা ভোত অদু মার্ক তৌবা য়াগনি।

১২. পোলিতিকেল পার্তিশিংনা উপ-রাস্ত্রপতি মীখলগী ভোত থাদবগী মতাংদা পোলিতিকেল পার্তিশীংনা মখোয়গী এম.পি.শিংগী ৱিপ অমত্তা থোকপা বারোই হায়না ময়েক শেংনা খঙহনখ্রে। প্রেসিদেন্সিয়েল অমসুং ভাইস-প্রেসিদেন্সিয়েল ইলেক্সন্স এক্ত, ১৯৫২গী সেক্সন ১৮গী মতুং ইন্না রিতর্নদ কেন্দিদেৎ নত্রগা রিতর্নদ কেন্দিদেৎকী অয়াবগা লোইননা কনাগুম্বা অমনা আই.পি.সি.গী সেক্সন ১৭১ বি. অমসুং ১৭১সি.দা ‘ব্রাইবরী’ নত্রগা ‘অন্দ্যু ইনফ্লুএন্স’কী অরানবা লিচৎনি হায়না তাক্লিবা অসিদা য়ুমফম ওইরগা ইলেক্সন পেতিশন অমদা ইকাইখুম্নরবা সুপ্রীম কোর্তনা ইলেক্সন অদুবু ভোইদ ওইরে হায়না লাওথোকপা য়াই হায়না ময়েক শেংনা তাক্লি।

১৩. এসিসতেন্ত রিতর্নিং ওফিসরশিংনা রিতর্নিং ওফিসরশিংদা ভোত পাংথোকপা অমসুং বেলোত বোক্স অমসুং অতৈ অতৈ মরু ওইবা মরু ওইবা পোৎচৈশিং ইলেক্সন কমিসনদগী পাৰ্লিয়ামেন্ত হাউসতা পুবা অমসুং পোল লোয়রগা ইলেক্সন কমিসনদা অমুক হন্না পুথোক পুসিন তৌবদা মতেং পাংগনি।

১৪. কমিসন অসিনা অরান-অথুপ য়াউদবা মীখল পাংথোক্নবগীদমক কমিসন অসিনা ভারত সরকারগী অৱাংবা থাক্কি ওফিসরশিংসুং পোলিং মফম অদুদা ওবসর্ভর ওইনা খল্লগা থাগনি।

১৫. কোবিদ-১৯গা মরী লৈননা চেকশিন থৌরাং অমসুং প্রোতোকোলশিংবুসু মীখল অসিদা অমসুং, পোলিং অমসুং ভোত থিবা নুমিৎতা চেকশিন্না চৎনহল্লগনি।

১৬. কমিসন অসিনা মীখল খুদিংমকপু ইকো-ফ্রেন্দলি ওইহন্নবা হোৎনৈ। উপ-রাস্ত্রপতিগী মীখল অসি ইনদাইরেক্ত ইলক্সন ওইবনা মরম ওইবনা, মসিদা মীখলগীদমক কেম্পৈন গুম্বা অমত্তা তৌনদে। অদু ওইরবসু, কমিসন অসিনা, ভারত সরকারগী ইন্সত্রক্সনগী মতুং ইন্না,রিতর্নিং ওফিসরশিংদা মীখল অসিদা ইকো-ফ্রেন্দলি অমসুং বায়োদিগ্রেদেবল পোৎচৈশিং শিজন্ননবা য়েংসন্নবা হায়খ্রে অমসুং  প্লাসতিক অমসুং প্লাস্তিক্কী পোৎচৈশিং শিজন্নদনবা হায়খ্রে।

১৭. ভোতশিং মশিং থিবা অদু রিতর্নিং ওফিসরগী মীয়েং মখাদা নই দিল্লীদা পাংথোক্কনি। মশিং থিবা লোইরবা মতুংদা, রিতর্ন ওফ ইলেক্সন (প্রেসিদেন্সিয়েল অমসুং ভাইস-প্রেসিদেন্সিয়েল ইলেক্সন্স রুলস, ১৯৪৭দা য়াওরিবা ফোর্ম ৭) অদু রিতর্নিং ওফিসর অদুনা সাইন অমসুং ইশু তৌগনি।

১৮. প্রেসিদেন্সিবেল অমসুং ভাইস প্রেসিদেন্সিয়েল ইলেক্সন্স এক্ত, ১৯৫২গী সেক্সন (৪)গী সব-সেক্সন (১)গী মতুং ইন্না, ইলেক্সন কমিসন ওফ ইন্দিয়ানা এনেক্সচর- Iগী মতুং ইন্না ভারতকী উপ-রাস্ত্রপতি লোইশঙগী ফম মেনশিন্নবা ইলেক্সনগীদমক্তা প্রোগ্রাম লেপখি।

১৯. ভারতকী উপ-রাস্ত্রপতিগী লোইশঙ হৌজিক-হৌজিক্কী মীখল অমসুং হৌখিবা উপ-রাস্ত্রপতি ১৫গী মীখলশিংগী ইনফোর্মেশন বুকলেৎ অমসুং য়াম্না তোইনা হংবা ৱাহংশিংগী লিস্ত অদু ইলেক্সন কমিসনগী ওফিসিয়েল ৱেবসাইতকী লিঙ্ক : https://eci.gov.in/vice-presidential-election2022/index/ অসিদা ফংগনি।। হাবরিবা ইনফোর্মেশন বুকলেৎ অসিগী কোপী অমা কমিসন অসিগী সেল কাউন্তরদগী কোপী অমদা @ লুপা ২৫/-দা লৌবা য়াগনি।

****

আর.পি.

এনেক্সচর - I

ভারতকী উপ-রাস্ত্রপতি লোইশঙগী মীখল, ২০২২ (১৬শুবা উপ-রাস্ত্রপতিকী মীখল)

********