প্রধান মন্ত্রী, শ্রী নরেন্দ্র মোদীনা ভিদিও মেসেসকী থোংদা বোশ ইন্দিয়ানা ভারত্তা লৈরকপা চহি ১০০ মপুং ফাবগী থৌরমদা ৱা ঙাংখ্রে।

অহৌবদা প্রধান মন্ত্রীনা বোশ ইন্দিয়ানা ভারত্তা লৈরকপা চহি ১০০ মপুং ফাবগী নুংঙাইবা ফোঙদোকখি অমসুং ভারতকী নীংতম্বা ফংবগী চহি ৭৫শুরকপদা থৌরম অসি পাঙথোকপনা অখন্ননা মরু ওইহল্লি হায়খি। থৌরম অসিদা বোশ স্মার্ত কেম্পসসু শঙ্গাখি। প্রধান মন্ত্রীনা হায়, “কেম্পস অসিনা ভারত অমসুং মালেমগীদমক ফ্যুচরিস্তিক প্রদক্ত অমসুং সোল্যুসনশিং পুথোকপদা মাংজিল থারগনি”। প্রধান মন্ত্রীনা ইং কুমজা ২০১৫গী ওক্তোবরদা মহাক্না চাঞ্চেলর মর্কেলগা লোয়ননা বেঙ্গলুরুদা লৈবা বোশ ফেসিলিতীদা চৎখিবা মহাক্কী খোঙচৎ অদুসু নীংশিংখি।

হৌজিক্কী মতম অসিবু তেক্নোলোজীগী চহিচানি হায়রদুনা অমদি লাইচৎকী মতম মনুংদা উবা ফংখিবা তেক্নোলোজীগী কান্নবশিং অদু থমলদুনা প্রধান মন্ত্রীনা হায়খি মদুদি তেক অমসুং ইনোভেসন্দা মখা তানা ইনভেস্ত তৌবা মরু ওই। ইনোভেসন অমসুং স্কেলগীদমক বোশকী থবক অসিবু থাগৎলদুনা প্রধান মন্ত্রীনা সস্তেনেবিলিতীগী মরু ওইবা অদু থমখি। মসিগী মতাংদা শ্রী মোদীনা হায়খি, “হৌখিবা চহি ৮দা সোলর ইনর্জীগী ইনস্তোল কেপাসিতীদা শরুক ২০গী ময়া হেনগৎলকপগা লোয়ননা ভারতকী গ্রোথ অসি হেন্না গ্রীন ওইরক্লি”। প্রধান মন্ত্রীনা ভারত অমসুং মপাল অনিমক্তা কার্বোন-ন্যুত্রেলিতী ফংদুনা বোশনা মাইপাকখিবা অসিবু থাগৎখি।

প্রধান মন্ত্রীনা হায়খি মদুদি ভারতনা খ্বাইদগী খোঙজেল য়াংনা চাউখৎলক্লিবা অচৌবা ইকনোমীশিংগী মরক্তা অমা ওইরি। হৌখিবা চহি অনিদা ইনভেস্তমেন্ত হেনগৎলকখি। “ঐখোয়গী নহারোলশিংনা মরম ওইরগা, ঐখোয়গী স্তার্ত-অপ ইকোসিস্তেম্না মালেমগী খ্বাইদগী চাউবশিংগী মরক্তা অমা ওইরে। তেক ৱর্ল্দ অসিমক্তদা খুদোংচাবা কয়ামরুম লৈরি”। ভারত সরকারনা খুঙ্গং খুদিংদা হায় স্পীদ ইন্তর্নেৎ পীনবা থবক পাইখৎলি। মহাক্না মখা তারদুনা হায়, “দিজিতেল ইন্দিয়াগীদমক্তা ঐখোয়না থম্লিবা মীৎয়েংদা সরকারগী হীরম খুদিংদা তেক্নোলোজী ইন্তিগ্রেৎ তৌবা য়াওরি। মালেম্না মসিগী খুদোংচাবশিং লৌদুনা ঐখোয়গী লৈবাক্তা ইনভেস্ত তৌবীয়ু হায়না ঐহাক্না মালেমদা হায়জরি”।

মরু ওইবা থৌরম অসিদা প্রধান মন্ত্রীনা বোশতা ভারত্তা অহেনবা কয়া তৌনবা ৱাখল থাদবীয়ু হায়খি। মহাক্না লোইশিনবদা হায়খি, “নখোয়গী তীমনা মথংগী চহি ২৫ অসিদা করি তৌবা ঙমগদগে হায়বগী পান্দমশিং থম্বীয়ু। চহি ১০০গী মমাংদা বোশনা ভারত্তা জর্মন কম্পনী অমা ওইনা লাকখি। অদুবু ঙসিদি, মসি জর্মন ওইবা অদুদগী চাং তাদনা ভারত ওইরি। মসি জর্মন ইঞ্জিনীয়রিং অমসুং ভারতকী ইনর্জীগী ফজরবা খুদম অমনি। পার্তনরশিপ অসি হেন্না চেৎশিল্লকখিগনি”।

Speaking at inauguration of Bosch Smart Campus in Bengaluru. https://t.co/T7Sc1vtfHz

— Narendra Modi (@narendramodi) June 30, 2022

This is the era of technology.

We all have seen the benefits of technology in the last two years when the world has been fighting the biggest pandemic in a century.

Therefore, it is important to invest even further in tech and innovation: PM @narendramodi

— PMO India (@PMOIndia) June 30, 2022

Today, India is among the fastest growing major economies.

Investments have picked up in the last two years.

Thanks to our youth, our Start-Up eco-system is among the biggest in the world: PM @narendramodi

— PMO India (@PMOIndia) June 30, 2022

Our vision of a Digital India includes integrating technology with every aspect of Government.

I would urge the world to make use of these opportunities and invest in our nation: PM @narendramodi

— PMO India (@PMOIndia) June 30, 2022

***