প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমনা কোলিসন ফোর দিজাস্তর রেসিলিএন্ত ইনফ্রাস্ত্রকচর (সি.দি.আর.আই.)বু ‘ইন্তর্নেস্নেল ওর্গনাইজেসন’ ওইনা কেতগোরাইজ তৌবা অমসুং সি.দি.আর.আই.দা য়ুনাইতেদ নেসন্স (প্রিভিলেজেস এন্দ ইম্ম্যুনিতিজ) এক্ত, ১৯৪৭কী মখাদা পীরিবা কোমথোকপশিং, শক্তিশিং অমসুং কান্নবশিং পীনবা হেদক্বাতর্স এগ্রীমেন্ত (ঐচ.ক্যু.এ.) খুৎয়েক পীনবদা অয়াবা পীখ্রে।

সি.দি.আর.আই.বু ‘ইন্তর্নেস্নেল ওর্গনাইজেসন’ ওইনা কেতগোরাইজ তৌবা অমসুং সি.দি.আর.আই.দা য়ুনাইতেদ নেসন্স (প্রিভিলেজেস এন্দ ইম্ম্যুনিতিজ) এক্ত, ১৯৪৭কী সেক্সন-৩গী মখাদা পীরিবা কোমথোকপশিং, শক্তিশিং অমসুং কান্নবশিং পীনবা হেদক্বাতর্স এগ্রীমেন্ত (ঐচ.ক্যু.এ.) খুৎয়েক পীনবা অসিনা মরোমদোম লেপচবা ঙম্বা অমসুং ইন্তর্নেস্নেল লিগেল পর্সোনা অমা পীদুনা মালেমগী থাক্তা মাগী থবক-থৌরমশিং নীংথিনা পাঙথোকপা ঙমহল্লগনি: মসিনা সি.দি.আর.আই.বু হীরমশিং অসিদা মতেং পাংলগনি:

1. পোস্ত দিজাস্তর রিকবরীগীদমক মরু ওইনা দিজাস্তর রিস্কতগী খুদোংথিনীংঙাই ওইবা অমসুং/নত্ত্রগা তেংবাং তঙাই ফদবা অতোপ্পা লৈবাকশিংদা অখং-অহৈশিং থাবা অমসুং হায়রিবা হীরমশিং অসিগীদমক মেম্বর ওইরিবা লৈবাকশিংদগী অখং-অহৈশিংবু ভারত্তা পুরকপা;
2. সি.দি.আর.আই.গী থবক-থৌরমশিংগীদমক মালেমদগী ফন্দশিং খোমগৎপা অমসুং মেম্বর ওইরিবা লৈবাকশিংদগী মতেং লৌবা;
3. লৈবাকশিংগী দিজাস্তর অমসুং ক্লাইমেৎ রিস্কশিং অমসুং রিসোর্সশিংগী মতুং ইন্না রিজিলিএন্ত ইনফ্রাস্ত্রকচর শেমগৎনবা লৈবাকশিংগী মতেং পাংনবা তেক্নিকেল এক্সপর্তাইজ ফংহনবা;
4. রিজিলিএন্ত ইনফ্রাস্ত্রকচরগীদমক চুনবা রিস্ক গভর্নান্সকী শিল-লাংবা অমসুং লালোংশিং পাইখৎনবা লৈবাকশিংদা তেংবাং পীবা হেনগৎহনবা;
5. সস্তেনেবল  দিবেলপমেন্ত গোলশিং (এস.দি.জি.শিং), পেরিস ক্লাইমেৎ এগ্রীমেন্ত অমসুং দিজাস্তর রিস্ক রিদক্সনগী সেন্দাই ফ্রেমৱার্ক্কা চান্নবা মওংদা মেম্বর ওইরিবা লৈবাকশিংদা হৌজিক লৈরিবা অমদি তুংলমচৎকী ইনফ্রাস্ত্রকচরগী দিজাস্তর অমসুং ক্লাইমেৎ রেসিলিএন্স ওইহন্নবা মখোয়গী সিস্তেমশিং অপদেৎ তৌবদা অঙম্বা মতেং পুম্নমক পীবা;
6. লমদম অসিদা দিজাস্তর রেজিলিএন্ত ইনফ্রাস্ত্রকচর শেমগৎনবা ইন্তর্নেস্নেলগা লৈনরিবা মরীগী কান্নবা লৌবা; অমসুং,

• vii. মালেমগী অখং-অহৈশিংগা লোয়ননা ৱারী শানবা খুদোংচাবা অমা ভারতকী সাইন্তিফিক অমসুং তেক্নিকেল ইন্সতিত্যুসন লোয়ননা ইনফ্রাস্ত্রকচর দিবেলপরশিংদা পীবা। মসিনা দিজাস্তর রেজিলিএন্ত ইনফ্রাস্ত্রকচর শেমগৎপদা মতেং পাংনবা – পব্লিক অমসুং প্রাইবেৎ সেক্তর অনিমক্তা- ঐখোয়গী ইশাগী তৌবা ঙম্বা অমসুং মেকানিজমশিং শেমগৎপদা মতেং ওইগনি।

মসি লোঞ্চ তৌখিবদগী হৌনা লৈবাক কুনথ্রা মাথোই (৩১), ইন্তর্নেস্নেল ওর্গনাইজেসন তরুক (০৬) অমসুং প্রাইবেৎ সেক্তর ওর্গনাইজেসন অনি (০২)না সি.দি.আর.আই.গী মেম্বরশিং ওইনা য়াওশিনখি। সি.দি.আর.আই.না শেন্মীৎলোন্দা চাউখৎলবা লৈবাকশিং, চাউখৎলক্লিবা লৈবাকশিং অমসুং অইং-অশাগী অহোংবা অমসুং দিজাস্তরশিংদা খ্বাইদগী খুদোংথিনীংঙাই ওইবা লৈবাক কয়ামরুমগী মীৎয়েং চীংশিন্দুনা লেপ্পা লৈতনা মাগী মেম্বরশিপ অসি পাকথোক-চাউথোক্লি।

মতম খরগী মনুংদা ভারত খক্তা নত্তনা অতোপ্পা পার্তনর ওইরিবা লৈবাকশিংদসু এদভান্স দিজাস্তর রিজিলিএন্ত ইনফ্রাস্ত্রকচর শেমগৎনবা ওর্গনাইজেসন/স্তেকহোল্দরশিংগী নেৎৱার্ক অমা শেমগৎকনি।

বেকগ্রাউন্দ:

২০১৯গী ওগস্ত ২৮দা মন্ত্রী-মন্দলনা সি.দি.আর.আই.দা লুপা করোর ৪৮০গী তেংবাংগা লোয়ননা নই দিল্লীদা মাগী সেক্রেতরিএৎ ওইহন্দুনা সি.দি.আর.আই. লিংখৎপগী অয়াবা মন্ত্রী-মন্দলনা পীখি। ভারত সরকারগী তেংবাং অসিনা সি.দি.আর.আই.গী ওইনা লেপ্পা লৈতনা তেক্নিকেল এসিস্তেন্স অমসুং রিসর্চ প্রোজেক্তশিংদা, সেক্রেতরিএৎ ওফিস হাংদোক্নবা অমসুং ২০১৯-২০দগী ২০২৩-২৩ ফাওবা চহি ৫গী মতমদা তৌবা রিকরিং এক্সপেন্দিচর কবর তৌনবা ফন্দিংগী কোর্পস অমা ওইখি।

সি.দি.আর.আই. অসি ইকাই খুম্নরবা প্রধান মন্ত্রীনা ন্যু য়োর্কতা ২০১৯গী সেপ্তেম্বর ২৩দা পাঙথোকখিবা য়ুনাইতেদ নেসন্স ক্লাইমেৎ এক্সন সম্মিৎ মনুংদা হৌদোকখি। মসি ভারত সরকারনা হৌদোকখিবা মালেমগী ওইনা খ্বাইদগী চাউবদা অনিশুবা ওইরিবা থৌশিল ওইখি অমসুং মসিনা অইং-অশাংদা অহোংবা লাক্লিবা অমসুং দিজাস্তর রিজিলিএন্সকী হীরমশিংদা মালেমগী ওইনা ভারতনা লুচিংবগী থৌদাং লৌরিবা অসি উৎলি।

সি.দি.আর.আই. অসি সস্তেনেবল দিবেলপমেন্ত লৈহন্দুনা ক্লাইমেৎ অমসুং দিজাস্তর রিস্কশিংগী ইনফ্রাস্ত্রকচর সিস্তেমশিং রিজিলিএন্স ওইহন্নবা পান্দম থম্মিবা নেস্নেল গর্ভনমেন্তশিং, য়ু.এন. এজেন্সীশিং অমসুং প্রোগ্রামশিং, মলতিলেতরেল দিবেলপমেন্ত বেঙ্কশিং অমসুং ফাইনান্সিং মেকানিজমশিং, প্রাইবেৎ সেক্তর, একাদেমিক অমসুং নোলেদজ ইন্সতিত্যুসনশিংগী গ্লোবেল পার্তনরশিপনি।

*************