মন্ত্রীমন্দল
মন্ত্রী-মন্দলনা ভারতকী ন্যু এন্দ রিন্যুএবল ইনর্জী মন্ত্রালয় (এম.এন.আর.ই.) অমসুং ইন্তর্নেস্নেল রিন্যুএবল ইনর্জী এজেন্সী (আই.আর.ই.এন.এ.)গী মরক্তা পীনখিবা স্ত্রেতেজিক পার্তনরশিপ এগ্রীমেন্ত অয়াবা পীখ্রে
Posted On:
29 JUN 2022 3:48PM by PIB Imphal
প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমদা ভারত সরকারগী ন্যু এন্দ রিন্যুএবল ইনর্জী মন্ত্রালয় (এম.এন.আর.ই.) অমসুং ইন্তর্নেস্নেল রিন্যুএবল ইনর্জী এজেন্সী (আই.আর.ই.এন.এ.)গী মরক্তা পীনখিবা স্ত্রেতেজিক পার্তনরশিপ এগ্রীমেন্তগী মতাংদা পাউদমখি। য়ান্ন-ৱারোল অসি জনুৱারী ২০২২দা খুৎয়েক পীনখিবনি।
য়ান্ন-ৱারোল অসিগী পান্দমদি ভারতকী রিন্যুএবল ইনর্জীদা য়ুম্ফম ওইবা গ্রীন ইনর্জী ত্রাঞ্জিসনশিংগী লমদা মীৎয়েং চংহনবা, লুচিংহনবা অমসুং লৌশিং লৈহনবনি। য়ান্ন-ৱারোল অসিনা ভারতকী ইনর্জী ত্রাঞ্জিসনগী খোঙথাংশিংদা অমসুং অইং-অশাগী খলদা কাইথরক্লিবা অসি লাকশিনবদা মালেমগীসু মতেং পাংলগনি।
স্ত্রেতেজিক পার্তনরশিপ এগ্রীমেন্তদা য়াওরিবা তেংবাং পীনবগী লমশিং অসিনা ভারতনা ২০৩০ ফাওবদা নন-ফোসিল ফ্যুএল ইলেক্ত্রিসিতী কেপাসিতীগী জি.দবল্যু, ৫০০ ইনস্তোল তৌনবা থম্লিবা অচৌবা পান্দম অসি ফংবা ঙমহনগনি। মসিনা আত্মনির্ভর ভারত ওইহনবদসু শাহৌ পীরগনি।
য়ান্ন-ৱারোল অসিগী মরু ওইবা ৱাফমশিংদা মখাদা পীরিবা লমশিং অসিদা তেংবাং পীনবা হেনগৎহনবা য়াওরি:
- রিন্যুএবল ইনর্জী অমসুং ক্লীন ইনর্জী তেক্নোলোজীশিং হেনগৎহনবদা ভারত্তগী লৌশিং শিয়র তৌবা হেনগৎহনবা
- লোং তর্ম ইনর্জী প্লান্নিংদা ভারতকী খোঙথাংশিং শৌগৎপা
- ভারত্তা ইনোবেসন ক্লাইমেৎ মপাঙ্গল কনখৎহন্নবা চুংশিন্নবা
- গ্রীন হাইদ্রোজেনগী দিবেলপমেন্ত অমসুং দিপ্লোইমেন্ত হেনগৎহনবগী খুত্থাংদা শেল চংদনা দিকার্বোনাইজেসন তৌনবা মাইকৈদা চংশিনবা।
অসুম্না, স্ত্রেতেজিক পার্তনরশিপ এগ্রীমেন্ত অসিনা ভারতকী ইনর্জী ত্রাঞ্জিসনগী খোঙথাংশিংদা মতেং পাংগনি অমসুং অইং-অশাগী খল কাইথরক্লিবা অসি থিংনবা মালেমগী মতেংসু পাংগনি।
****************
(Release ID: 1838056)
Visitor Counter : 183
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam