نئی دہلی،21جون؍2022

وزیر اعظم جناب نریندر مودی نے آج یوگ کے 8ویں بین الاقوامی دن کے موقع پر میسورو میں میسور پیلیس گراؤنڈ میں یوگا آسن کے پروگرام  میں ہزاروں شرکاء کے ساتھ شرکت کی۔کرناٹک کے گورنر جناب تھاور چند گہلوت ، وزیر اعلیٰ جناب بسوراج بومئی  اور مرکزی وزیر جناب سربانند سونووال اس موقع پر موجود تھے۔

اس موقع پر اظہار خیال کرتے ہوئے وزیر اعظم نے کہا کہ یہ یوگک توانائی ، جو میسورو جیسے ہندوستان کے روحانی مراکز کے ذریعے صدیوں کے لئے پرورش کی گئی ہے۔آج عالمی صحت کو سمت دے رہی ہے۔ آج یوگا عالمی تعاون کے لئے ایک بنیاد بن رہا ہے اور انسانیت کے لئے ایک صحت مند زندگی کا اعتماد فراہم کررہا ہے۔ انہوں نے مزید کہا کہ آج ہم دیکھتے ہیں کہ یوگا گھروں سے باہر آچکا ہے اور دنیا بھر میں پھیل چکا ہے اور یہ روحانی سچ کی ایک تصویر ہے اور عالمی وباء کے گزشتہ دو سال میں قدرتی اور مشترکہ انسانی بیداری کا ایک حصہ ہے۔ یوگ اب ایک عالمی فیسٹول بن چکا ہے۔ یوگ محض کسی فرد کے لئے نہیں ہے، بلکہ پوری انسانیت کے لئے ہے۔ اس لئے اس مرتبہ یوگ کے عالمی دن کا موضوع ہےانسانیت کے لئے یوگ۔ انہوں نے اس موضوع کو عالمی سطح تک لے جانے کے لئے اقوام متحدہ اور تمام ملکوں کا شکریہ ادا کیا۔

ہندوستانی قدیم ثقافت کا ذکر کرتے ہوئے وزیر اعظم نے زور دیتے ہوئے کہا کہ یوگ ہمارے لئے امن لاتا ہے۔ یوگ سے امن محض افراد کے لئے نہیں  ہے، بلکہ یوگ ہمارے معاشرے کے لئے بھی امن لاتا ہے۔ یوگ ہمارے ملک کو اور دنیا کے لئے امن لاتا ہے۔اس کے علاوہ یوگ ہماری کائنات کے لئے امن لاتا ہے۔ انہوں نے اپنی بات جاری رکھتے ہوئے کہا کہ یہ تمام کائنات ہمارے اپنے جسم اور روح سےشروع ہوتی ہے۔کائنات ہم سے شروع ہوتی ہے اور یوگا ہمارے اندر موجود ہر چیز کی بیداری پیدا کرتا ہے اور بیداری کا ایک جذبہ تعمیر کرتا ہے۔

وزیر اعظم جناب نریندر مودی نےکہا کہ ہندوستان ایک ایسے وقت میں یوگا دن منارہا ہے، جب ملک آزادی کااپنا 75واں سال منا رہا ہے۔ یوگا دن کو بڑے پیمانے پر تسلیم کیا گیا ہے۔ وزیر اعظم نے کہا کہ ہندوستان کے اس امرت جذبے کو قبول کیا گیا ہے، جس نے ہندوستان کی جدوجہد آزادی کے لئے توانائی بخشی ہے۔ اسی لئے بڑے پیمانے پر یوگ آسن ملک بھر کے 75آئیکونک مقاما ت کئے جارہے ہیں۔ جو ہندوستان کی شاندار تاریخ کا گواہ ہے اور ثقافتی توانائی کا مرکز رہا ہے۔ہندوستان کے تاریخی مقامات پر اجتماعی یوگ کا تجربہ ہندوستان کے ماضی کو یکجا کرنے کی کوشش کررہا ہے۔انہوں نے کہا کہ ہندوستان کی گوناگونیت اور ہندوستان کی وسعت کو بھی یکجا کرنے کی کوشش ہے۔ انہوں نے گارجین یوگ رنگ ناول پروگرام کے بارے میں بتایا ، جو 79ملکوں اور اقوام متحدہ کی تنظیموں کے ساتھ ساتھ بیرون ملک میں ہندوستانی مشنوں کے درمیان ایک مشترکہ مشق ہے، جیسا کہ سورج بظاہر پوری دنیا میں مشرق سے مغرب کی طرف بڑھتا ہے، شریک ممالک میں بڑے پیمانے پر یوگا کے مظاہرے،اگر زمین کے کسی ایک نقطے سے دیکھا جائے تو ایسا لگتا ہے کہ یکے بعد دیگرے،تقریباً ٹینڈم میں ہو رہے ہیں،اس طرح اس کی نشاندہی کی جائے گی۔ ’ایک سورج،ایک زمین‘ کا تصور۔ ’’یوگا کے یہ طریقے صحت،توازن اور تعاون کے لیے شاندار تحریک دے رہے ہیں‘‘انہوں نے مزید کہا کہ یوگ کے یہ عمل صحت ، توازن اور تعاون کے لئے حیران کن تحریک دے رہے ہیں۔

جناب مودی نے کہا کہ یوگا محض ہماری زندگی کا حصہ نہیں ہے، بلکہ یہ آج طرز زندگی بن گیا ہے۔ انہوں نے کہا کہ یوگ کو ایک مخصوص وقت اور مقام تک محدود کئے جانے کی ضرورت نہیں ہے۔ انہوں نے کہا کہ اس بات کا کوئی ذکر نہیں کہ کس طرح ہم تناؤ کا شکار ہیں۔ مراقبے کی کچھ منٹ ہمیں سکون دیتے ہیں اور ہماری پیداواریت میں اضافہ ہوتا ہے۔ اس لئے ہم کو یوگ کو ایک فاضل کام کے طور پر نہیں لینا ہے۔ ہمیں یوگ کے بارے میں بھی جاننا ہے  اور ہم کو یوگ کے طرز پر عمل کرنا ہے۔ ہمیں یوگ بھی حاصل کرنا ہے اور ہمیں یوگ بھی اپنانا ہوگا ۔ جب ہم یوگ میں رہنا شروع کرتے ہیں تو یوگ کا دن صرف یوگ کے لئے نہیں، بلکہ ہماری  صحت، خوشی اور امن کا جشن منانے کےلئے ایک وسیلہ بنے گا۔

وزیر اعظم نے کہا کہ آج وقت ہے کہ یوگ سے وابستہ امکانات کو سمجھا جائے۔ آج ہمارے نوجوان یوگ کے شعبے میں نئے خیالات کے ساتھ بڑی تعداد میں آرہے ہیں۔ انہوں نے آیوش کی وزارت کی جانب سے اسٹارٹ اپ یوگا چیلنج کے بارے میں بھی مطلع کیا۔ وزیر اعظم نے یوگا کے فروغ کے لئے غیر معمولی خدمات کی بنا پر وزیر اعظم کے ایوارڈ2021 کے فاتحین کو مبارکباد دی۔

یوگ کے 8ویں عالمی دن کے تقریبات کے ساتھ آزادی کا امرت مہوتسو کو مربوط کرتے ہوئے میسور و میں وزیراعظم کی جانب سے یوگ آسن کے  ساتھ 75مرکزی وزراء کی قیادت میں ملک بھر کے 75اہم تاریخی مقامات پر بڑے پیمانے پر یوگ آسن کے مظاہروں کا اہتمام کیا جارہا ہے۔یوگ آسن کے مظاہرے مختلف تعلیمی ، سماجی ، سیاسی ، ثقافتی ، مذہبی ۔کارپوریٹ اور دیگر سول سوسائٹی تنظیموں کے ذریعے منعقد کئے جارہے ہیں، جس میں ملک بھر کے کروڑوں لوگ شرکت کررہے ہیں۔

میسورو میں وزیر اعظم کا یوگ پروگرام بھی اس ناول پروگرام ’گارجین یوگا رنگ‘کا حصہ ہے، جو بیرون ملک میں بھارتی مشنوں کے ساتھ اقوام متحدہ کی تنظیموں اور 79ملکوں کے درمیان باہمی تعاون  پر ایک مشق ہے، تاکہ طاقت کی جھلک پیش کی جاسکے ،جس نے قومی سرحدیں پار کرلیں ہیں۔

2015ء سے یوگ کا عالمی دن ہر سال 21جون کو پوری دنیا میں منایا جاتا ہے۔ اس سال کا یوگا دن کا  موضوع ہے’’انسانیت کےلئے یوگا‘‘ یہ موضوع اس بات کی جھلک پیش کرتا ہے  کہ کس طرح یوگا نے کووڈ عالمی وبا ء کے دوران مصائب کو دور کرنے کے لئے انسانیت کی خدمت کی۔

*************

ش ح- ح ا–ن ع

U. No.6708