প্রধানমন্ত্রীগী লোইশঙ
পি.এম.না বেঙ্গলুরুদা লুপা করোর ২৭০০০ হেনবগী রেল অমসুং রোদ ইনফ্রাস্ত্রকচর প্রোজেক্ত কয়ামরুম শঙ্গাখ্রে অমসুং উরেপ-উয়ুং তমখ্রে
বেঙ্গলুরু সবঅর্বান রেল প্রোজেক্ত, বেঙ্গলুরু কেন্তোনমেন্ত অমসুং য়সবন্তপুর জঙ্কসন রেলৱে স্তেসন নৌনা শেমগৎনবা, বেঙ্গলুরু রিং রোদ প্রোজেক্তকী সেক্সন অনি, রোদ অপগ্রেদেসন প্রোজেক্ত কয়ামরুম অমসুং বেঙ্গলুরুগী মলতিমোদেল লোজিস্তিক্স পার্ক হায়রিবশিং অসিগী উরেপ উয়ুং তমখ্রে
পি.এম.না ভারতকী অহানবা এয়র কন্দিসন ওইবা রেলৱে স্তেসন, কোনকন রেলৱে লাইনগী চাদা ১০০ ইলেক্ত্রিফিকেসন তৌরবা অমসুং অতোপ্পা রেলৱে প্রোজেক্তশিং জাতিদা খুৎশিন্নখ্রে
“বেঙ্গলুরু অসি লৈবাক অসিগী নহারোল লাখ কয়াগীদমক মঙলানশিংগী সহর অমনি, সহর অসিনা এক ভারত শ্রেস্থ ভারতকী ৱাখল্লোন অদু তাক্লি”
“বেঙ্গলুরুদা লৈরিবা মীয়ামগীদমক ইজ ওফ লাইফ হেনগৎহন্নবা ‘দবল-ইঞ্জিন’ সরকারনা ওইথোকপা য়াবা পাম্বৈশিং পুথোক্তুনা হোৎনরি”
“হৌখিবা চহি ৮ অসিদা সরকারনা রেল কন্নেক্তিবিতীদা মপুং ফানা অওনবা পুরক্নবগীদমক হোৎনদুনা লাকখি”
“হৌখিবা চহি ৪০ অসিদা বেঙ্গলুরু মীয়ামগী থুংহনবা ঙমদনা লৈরকখিবা মঙলানশিং অদু মথংগী থা ৪০দা থুংহন্নবা ঐহাক্না কন্না হোৎনগনি”
“ভারতকী রেলৱেজ অসি খোঙজেল য়াংখৎলক্লি, লুনানবা, মতমগা চুনবা, শাফবা অমসুং সিতিজেন-ফ্রেন্দলী ওইবা হেনগৎলক্লি”
Posted On:
20 JUN 2022 4:51PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুদা লুপা করোর ২৭০০০ হেনবগী রেল অমসুং রোদ ইনফ্রাস্ত্রকচর প্রোজেক্ত কয়ামরুম শঙ্গাখ্রে অমসুং উরেপ-উয়ুং তমখ্রে। ঙল্লিঙৈদা, প্রধান মন্ত্রীনা আই.আই.এসসি., বেঙ্গলুরুদা সেন্তর ফোর ব্রেন রিসর্চ শঙ্গাখি অমসুং বাগচি পার্থসারথী মলতিস্পেসিএলিতী হোস্পিতালগী উরেপ-উয়ুং তমখি। মহাক্না দা. বি.আর. অম্বেদকর স্কুল ওফ ইকনোমিক্স (বেস) য়ুনিভর্সিতীগী অনৌবা কেম্পস অমসু শঙ্গাখি অমদি মখোয়গী কেম্পসতা লৈবা ভারত রতনা দা. বি.আর. অম্বেদকরগী মীতমগী মাইখুম হাংদোকখি। তেক্নোলোজী হবশিং ওইনা অপগ্রেদ তৌরবা আই.তি.আই. ১৫০সু খুৎশিন্নখি।
থৌরম অসিদা কর্নাতকাগী রাজ্যপাল, শ্রী থাৱরচন্দ গহলোৎ, মুখ্য মন্ত্রী শ্রী বসবরাজ বোম্মৈ, কেন্দ্রগী মন্ত্রী শ্রী প্রলহাদ জোশিনা শরুক য়াখি।
মীতিন অসিদা ৱা ঙাংলদুনা প্রধান মন্ত্রীনা হায়খি কর্নাতকাদা নেস্নেল হায়ৱে প্রোজেক্ত ৫, রেলৱে প্রোজেক্ত ৭কী উরেপ-উয়ুং তমখ্রে অমসুং কোনকন রেলৱেগী ১০০% ইলেক্ত্রিফিকেসনগী শীংথানীংঙাই ওইবা মাইলস্তন অমা ঙসি উবা ফংখি। প্রোজেক্ত পুম্নমক অসিনা নহারোল, মিদল ক্লাস, লৌমীশিং, শিন্মীশিং অমসুং ওন্তপ্রিনোরশিংদা অনৌবা ফেসিলিতীশিং, অনৌবা খুদোংচাবশিং পীরগনি।
প্রধান মন্ত্রীনা বেঙ্গলুরু অসি লৈবাক অসিগী নহারোল লাখ কয়াগীদমক মঙলানশিংগী সহর অমনি, সহর অসিনা এক ভারত শ্রেস্থ ভারতকী ৱাখল্লোন অদু তাক্লি হায়না ফোঙদোকখি। “বেঙ্গলুরুগী চাউখৎ-থৌরাং অসিনা মঙলান লাখ কয়া মঙফাওনহনখি। মরম অসিনা হৌখিবা চহি ৮ অসিদা কেন্দ্র সরকারনা বেঙ্গলুরুগী তৌবা ঙম্বা হেনগৎহন্নবা লেপ্পা লৈতনা হোৎন্দুনা লাকখি”।
প্রধান মন্ত্রীনা ‘দবল ইঞ্জিন’ সরকার অসিনা বেঙ্গলুরুদা ত্রাফিক জাম লৈহন্দনবা রেল, রোদ, মেত্রো, অন্দরপাস, ফ্লাইওভর অসিগুম্বা ইনফ্রাস্ত্রকচর মপাঙ্গল কনখৎহনবা অসিনচিংবা ওইথোকপা য়াবা পাম্বৈ খুদিংমক পাইখৎলি হায়না ফোঙদোকখি। মহাক্না মখা তারদুনা মহাক্কী সরকারনা বেঙ্গলুরুগী সবঅর্বানগী মফমশিং অসি হেন্না ফবা কন্নেক্তিবিতীগা লোয়ননা কন্নেক্ত তৌনবা হোৎনখি হায়না ফোঙদোকখি। প্রধান মন্ত্রীনা ‘দবল ইঞ্জিন’ সরকারগা লোয়ননা হৌখিবা দিকেদ মরি অসিদা অমসুং হৌজিক পাইখৎলিবা খোঙথাং পুম্নমক, মীয়ামদা হৌজিক্কী মথৌ তাবা অসিগী মতুং ইন্না প্রোজেক্তশিং অসি লোইশিন্নবা খুদোংচাবা পীখি হায়না ফোঙদোকখি। প্রধান মন্ত্রীনা প্রোজেক্ত অসি মতম চানা লোইশিন্নবা থাজবা পীখি অমসুং মহাক্না হৌখিবা চহি ৪০ অসিদা বেঙ্গলুরু মীয়ামগী থুংহনবা ঙমদনা লৈরকখিবা মঙলানশিং অদু মথংগী থা ৪০দা থুংহন্নবা কন্না হোৎনগনি হায়না ফোঙদোকখি।
প্রধান মন্ত্রীনা বেঙ্গলুরু সবঅর্বন রেল প্রোজেক্তগী কন্নেক্তিবিতী অসিনা বেঙ্গলুরু সহর অসিবু মাগী সবঅর্বশিং অমদু সেতলাইৎ তাউনশিপশিংগা শম্নহল্লগনি অমসুং মসিনা কান্নবা কয়া ফংহল্লগনি। মসিগা মান্নবা মওংদা বেঙ্গলুরু রিং রোদ প্রোজেক্তনা সহর অসিদা মীচিনবা হন্থহল্লগনি।
প্রধান মন্ত্রীনা হৌখিবা চহি ৮ অসিদা সরকার অসিনা রেল কন্নেক্তিবিতীদা মপুং ফানা অওনবা পুরক্নবা থবক তৌদুনা লাকখি হায়খি। ভারতকী রেলৱেজ অসি খোঙজেল য়াংখৎলক্লি, লুনানবা, মোদর্ন ওইবা, শাফবা অমসুং সিতিজেন-ফ্রেন্দলী ওইবা হেনগৎলক্লি হায়না মহাক্না ফোঙদোকখি। “মতম অমদা খনবদা ফাওবা ৱারম্বা ঐখোয়গী লৈবাক্কী মফমশিংদা ঐখোয়না রেল য়ৌহল্লি। মতম অমদা এয়রপোর্ত অমসুং এয়র ত্রেবেলদা খক্তদা ফংলমখিবা খুদোংচাবশিং অমসুং ওইরিবা ফীভম অদু হৌজিক্তি ইন্দিয়ন রেলৱেজনা ফংহন্নবা হোৎনরি। ভারত রতনা বিস্বেস্বরয়্যাগী মমিং লৌদুনা থোনখিবা বেঙ্গলুরুগী মোদর্ন রেলৱে স্তেসন অসি মসিগী খুদম অমনি”, হায়না মহাক্না ফোঙদোকখি। প্রধান মন্ত্রীনা ইন্তিগ্রেতেদ মলতিমোদেল কন্নেক্তিবিতীগী মরু ওইবা অদু ফোঙদোকখি। মহাক্না মসিগী মলতিমোদেল কন্নেক্তিবিতী অসি পি.এম. গতিশক্তি নেস্নেল মাস্তরপ্লান্না অনৌবা শাহৌ অমা পীখি হায়না ফোঙদোকখি। মহাক্না অনৌবা মলতিমোদেল লোজিস্তিক্স পার্ক অসি বিজন অসিগী শরুক অমনি হায়না ফোঙদোকখি। গতিশক্তিগী ৱাখল্লোনগা লোয়ননা পাইখৎলিবা অসিগুম্বা প্রোজেক্তশিং অসিনা নহারোলশিংদা থবক পীরগনি অমসুং আত্মনির্ভর ভারত অভিয়ানসু মপাঙ্গল কনখৎহল্লগনি, হায়না মহাক্না হায়খি।
প্রধান মন্ত্রীনা হায়খি বেঙ্গলুরুগী মাইপাকপগী ৱারীনা ২১শুবা চহিচাগী ভারত অসিবু আত্মনির্ভর ওইহন্নবা ইথিল পীখি। করিগুম্বা সরকারনা খুদোংচাবশিং ফংহল্লবদি অমসুং প্রজাশিংগী পুন্সিদা খুৎথিংজিনবা হন্থরবদি ভারতকী নহারোলশিংনা করি তৌবা ঙম্বগে হায়বা অদু বেঙ্গলুরুনা উৎখ্রে। বেঙ্গলুরু অসি লৈবাক্কী নহারোলশিংগী মঙলানগী সহরনি অমসুং মসি ওন্তপ্রিনোরশিপ, ইনোবেসন, পব্লিক লোয়ননা প্রাইবেৎ সেক্তর নীংথিনা শীজিন্নবা অসিনা শাহৌ পীখি। মহাক্না হায়খি বেঙ্গলুরুনা ভারত্তা প্রাইবেৎ এন্তর্প্রাইসকী ৱাখল্লোন ইকাই খুম্নদবা মীওইশিংদা পরা অমা তম্বীরি। ২১শুবা চহিচাগী ভারত অসি লন শেমগৎলিবা, থবক পীরিবা অমসুং ইনোবেতরশিংগী ভারত অমা ওইরক্লি হায়না প্রধান মন্ত্রীনা ফোঙদোকখি। মালেমগী অনৌবা লৈবাক ওইনা মসি ভারতকী লন অমসুং মপাঙ্গলনি হায়না মহাক্না মখা তাখি।
প্রধান মন্ত্রীনা এম.এস.এম.ই.গী মরু ওইবা অদু ফোঙদোকখি অমসুং এস.এম.ই.গী ৱাহন্থোক্তা অহোংবা পুরকপগা লোয়ননা মখোয়গী গ্রোথকী অনৌবা এভেন্যুশিং হাংদোক্লি হায়না ফোঙদোকখি। আত্মনির্ভর ভারত্তা থাজবা হেনগৎলকপগী খুদম ওইনা ভারতনা লুপা করোর ২০০ ফাওবগী কন্ত্রেক্তশিংদা ফোরেন পার্তসিপেসন তৌরম্বা অদু তোকহনখি। কেন্দ্র সরকারগী বিভাগদা এম.এস.এম.ই.দগী চাদা ২৫ ফাওবগী পোৎ লৈনবা পাউতাক পীখি। জি.ই.এম. পোর্তেল অসিনা এম.এস.এম.ই. সেগমেন্তগী অচৌবা ইনেব্লর অমা ওইরি হায়না মহাক্না ফোঙদোকখি।
স্তার্ত-অপ সেক্তরদা অচৌবা খোঙথাংশিং লৌখৎলিবা অসিগী মতাংদা পল্লদুনা প্রধান মন্ত্রীনা হায় হৌখিবা চহি দিকেদশিংদা বিলিয়ন দোলর কম্পনী কয়া য়াম্না শেম্বা য়ারম্বগে হায়বদু কনাগুম্বা অমনা খুৎ থেক্তুনা পাবা য়াগনি। অদুবু হৌখিবা চহি ৮ অসিদা বিলিয়ন দোলর কম্পনী ১০০গী মথক্তা শেমখ্রে অমসুং থা খুদিংগী অনৌবা কম্পনীশিং হাপচিল্লি। ২০১৪গী মতুংদা অহানবগী স্তার্তঅপ ১০০০ শেম্বদা নুমিৎ ৮০০ চংখি অদুবু হৌজিক্তি মসিদগী হেনবা স্তার্তঅপশিং নুমিৎ ২০০ য়ৌদনা হাপচিনবা ঙমখ্রে হায়না প্রধান মন্ত্রীনা ফোঙদোকখ্রে। হৌখিবা চহি ৮ অসিগী মনুংদা শেমখীবা য়ুনিকোর্নশিংগী ভেল্যুএসন অসি লুপা করোর লাখ ১২ রোম্নি হায়না মহাক্না ফোঙদোকখি।
অন্দরতেকিং অসি সরকার নত্ত্রগা লনাই ওইরবসু অনিমক লৈবাক্কী লনশিংনি মরম অসিনা প্লেয়িং ফিল্দগী থাক অসি মীপুম খুদিংদা চপ মান্ননা ফংহনফম থোকই হায়না মহাক্না তশেংনা থাজৈ হায়না প্রধান মন্ত্রীনা ফোঙদোকখি। প্রধান মন্ত্রীনা লৈবাক অসিগী নহারোলশিংনা সরকার অসিনা পীরিবা মালেমগী থাক্কী খুদোংচাবশিং অসিদা মখোয়গী মীৎয়েক অমসুং ৱাখল্লোন অদু চাংয়েং তৌনবা পাউজেল পীখি। সরকার অসিনা হোৎনবা কনবা নহারোলশিংদা প্লেৎফোর্ম অমা পীরি হায়না মহাক্না ফোঙদোকখি। সরকারগী কম্পনীশিংসু প্লেয়িং ফিল্দগী থাক অমদা অথোই অহেন তান্নগনি হায়না মহাক্না ফোঙদোকখি।
প্রোজেক্তশিংগী অকুপ্পা মরোল:
বেঙ্গলুরু সবঅর্বান রেল প্রোজেক্ত (বি.এস.আর.পি.)না বেঙ্গলুরু সহর অসিবু মাগী সবঅর্বশিং অমদু সেতলাইৎ তাউনশিপশিংগা শম্নহল্লগনি। লুপা করোর ১৫,৭০০ চংনা শাগদবা প্রোজেক্ত অসিদা কিমি ১৪৮ হেন্না শাংবা অপুনবা রুৎ অমগা লোয়ননা কোরিদোর ৪ শাগনি। প্রধান মন্ত্রীনা বেঙ্গলুরু কেন্তোনমেন্ত অমসুং য়সবন্তপুর জঙ্কসন রেলৱে স্তেসন অসি মথং-শিৎনা লুপা করোর ৫০০ অমসুং ৩৭৫ চংনা শেমগৎনবা উরেপ-উয়ুংসু তমখি।
থৌরম অসিদা প্রধান মন্ত্রীনা জাতিদা বাইয়াপ্পানাহাল্লিদা লৈবা ভারতকী অহানবা এয়র কন্দিসন রেলৱে স্তেসন – সর এম. বিস্বেস্বরয়্যা রেলৱে স্তেসন খুৎশিন্নখি, মসি পুন্না লুপা করোর ৩১৫ রোম চংনা মোদর্ন এয়রপোর্ত অমগী মওংদা শেমগৎখিবনি। প্রধান মন্ত্রীনা রোহা (মহারাস্ত্র)দগী থোকুর (কর্নাতকা) ফাওবগী চাদা ১০০ ইলেক্ত্রিফিকেসন তৌরবা কোনকন রেলৱে লাইন (কিমি ৭৪০) অসি উদুপী, মদগাও অমসুং রত্নাগীরিদগী ইলেক্ত্রিক ত্রেনশিং লমথাদুনা জাতিদা খুৎশিন্নখি। কোনকন রেলৱে লাইন অসি লুপা করোর ১২৮০ হেন্না চংদুনা ইলেক্ত্রিফিকেসন তৌখি। প্রধান মন্ত্রীনা রেলৱে লাইন দবলিং প্রোজেক্ত অনি: অর্সিকেরেদগী তুমকুরু ফাওবা (কিমি ৯৬) অমসুং য়েলাহঙ্কাদগী পেনুকোরা ফাওবা (কিমি ১২০) অসি মথং শিৎনা পেসেঞ্জর ত্রেনশিং অমসুং এম.ই.এম.য়ু. সর্ভিস লমথবগা লোয়ননা জাতিদা খুৎশিন্নখি। রেলৱে লাইন দব্লিং প্রোজেক্ত অনি অসি মথংশিৎনা লুপা করোর ৭৫০ অমসুং লুপা করোর ১১০০ হেনবা শেনফম চংনা শেমগৎখি।
থৌরম অসিদা প্রধান মন্ত্রীনা বেঙ্গলুরু রিং রোদ প্রোজেক্তকী সেক্সন অনিগী উরেপ-উয়ুং তমখি। লুপা করোর ২২৮০ হেন্না চংনা পাইখৎকদবা প্রোজেক্ত অসিনা সহর অসিদা ত্রাফিক কঞ্জেসন হন্থহনবদা মতেং ওইরগনি। প্রধান মন্ত্রীনা অতোপ্পা রোদ প্রোজেক্ত কয়ামরুমসু উরেপ-উয়ুং তমখিনি: এন.ঐচ.-৪৮গী নেলামঙ্গলা-তুমকুর সেক্সন লেন তরুক ওনবা; এন.ঐচ.-৭৩গী পুঞ্জালকত্তে-চারমারী সেক্সন পাকথোকপা; এন.ঐচ.-৬৯গী রিহেবিলিতেসন অমসুং অপগ্রেদেসন। প্রোজেক্তশিং অসিদা পুন্না চংগদবা শেনফম অসি লুপা করোর ৩১৫০নি। প্রধান মন্ত্রীনা লুপা করোর ১৮০০ চংনা বেঙ্গলুরুদগী কিমি ৪০ লাপ্না লৈবা মুদ্দালিঙ্গনহল্লীদা শেমগৎকদবা মলতি মোদেল লোজিস্তিক পার্ক্কী উরেপ-উয়ুংসু তমখি। মসিনা ত্রান্সপোর্তেসন, হেন্দলিং অমসুং সেকেন্দরী ফ্রেৎ কোস্তশিং হন্থহনবদা মতেং পাংলগনি।
***
(Release ID: 1835677)
Visitor Counter : 178
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam