প্রধানমন্ত্রীগী লোইশঙ

চহি ২০০ চুপ্না লেপ্তনা ফোঙলক্লিবা পাউচে অমা ওইরিবা – মুবাই সমাচারগী দ্বিশতাবতী মহোৎসবতা প্রধান মন্ত্রীনা শরুক য়াখ্রে


“মুন্বাই সমাচার অসি ভারতকী ফিলোসোফী অমসুং এক্সপ্রেসন অদুনি”

“নীংতম ইহৌদগী হৌরগা ভারতকী নবনির্মন ফাওবা পার্সি ইচিল-ইনাওশিংনা চাউনা শরুক তমখি”

“মিদিয়ানা ক্রিতিসাইজ তৌবগী হক লৈবগুম্না মীয়ামদা অচুম্বা পাউ ফংহনবগী মরু ওইবা থৌদাংসু চপ মান্ননা লৈ”

“ভারতকী মিদিয়ানা পোজিতিব ওইনা শরুক তমখিবা অসিনা লাইচৎ অসি লাকশিনবদা ভারতকী মতেং চাউনা পাংখি”

Posted On: 14 JUN 2022 7:58PM by PIB Imphal

প্রধান মন্ত্রী শ্রী নরেন্দ্র মোদীনা ঙসি মুম্বাইদা মুম্বাই সমাচারগী দ্বিশতাবতী মহোৎসবতা শরুক য়াখ্রে। মহাক্না থৌরম অসি পালন তৌবা ওইনা পোস্তেল স্তাম্প অমসু ফোঙখি।

প্রধান মন্ত্রীনা মুম্বাই সমাচারগী রীদর, পাউমী অমদি স্তাফ পুম্নমক্তা পুৱারী ওইরবা পাউচে অসিগী ২০০শুবা কুমওন্না লাকপদা য়াইফ-পাউজেল পীখ্রে। চহিচা অনি অসিদা, মীরোল কয়াগী পুন্সি অমসুং মখোয়গী সমস্যাশিং অদু মুম্বাই সমাচারনা ফোঙদোকখিবা অসিগীদমক থাগৎপা ফোঙদোকখি। প্রধান মন্ত্রীনা মুম্বাই সমাচারনা নীংতম ইহৌগী মরমদা ফোঙখি অমসুং নীংতম্বা ফংলবা ভারতকী চহি ৭৫ অসি চুপ্না চহি কয়াগী রীদরশিংদা পাউ য়ৌহন্দুনা লাকখি হাবনা ফোঙদোকখি। লোলগী মীদিয়ম অসি গুজরাতি ওইরবসু মসিগী নুংগী ৱাখল্লোনদি নেস্নেল ওইখি হায়না মহাক্না ফোঙদোকখি। প্রধান মন্ত্রীনা মহাত্মা গান্ধী অমসুং সরদার পতেলনা মুম্বাই সমাচারগী মরমদা পনখি অমসুং ভারতকী নীংতম্বগী ৭৫শুবগী কুমওন অসি মাগী কুমওনগা পুন্না তারিবা অসিদা নুংঙাইবা ফোঙদোকখি। “মরম অসিনা ঙসিগী থৌরম অসি ঐখোয়না ভারতকী জর্নেলিজম অমসুং লৈবাক নীংবগা মরী লৈনবা জর্নেলিজমগী অৱাংবা সন্তেন্দর্দশিং অসিগী নুংঙাইবা ফোঙদোকপা খক্তা নত্তনা থৌরম অসিনা আজাদী কা অমৃত মহোৎসবতসু মহুন হাপ্পি”। প্রধান মন্ত্রীনা নীংতম ইহৌ অমসুং ইমর্জেন্সীগী মতমগী মতুংদা দেমোক্রেসী হঞ্জিনহনবদা জর্নেলিজমগী শীংথানীংঙাই ওইবা থৌদাং অদুসু নীংশিংখি।

সহর অসি ফোরেনরশিংগী ইথিলদগী বোম্বে হায়না মমিং ওনখ্রবসু মুম্বাই সমাচারনা হৌরকফমদগী লোকেল কন্নেক্ত অমসুং মরী মাংহনখিদে হায়না মহাক্না ফোঙদোকখি। মতম অদুদা মুম্বাইদা লৈরিবা মীওইশিংগী অমত্তদা ঙাইরবা পাউচে অমনি অমসুং ঙসিসু ওইরি – মুম্বাই সমাচার অসি। মুম্বাই সমাচার অসি ই-পাউগী মেদিয়ম অমখক্তা নত্তে হেরিতেজ অমসুনি হায়না মহাক্না মখা তাখি। মুম্বাই সমাচার অসি ভারতকী ফিলোসোফী অমসুং এক্সপ্রেসন্নি। মুম্বাই সমাচারদা অৱাবা কয়া থেংনরবসু ভারতনা খোঙফম চৎনা লেপখি হায়বদু ঐখোয়না উবা ফংলি হায়না মহাক্না ফোঙদোকখি।

মুম্বাই সমাচারনা হৌদোকখীবা মতমদা মীনাই নাইথাংগী ফীভম অদু অরুবা ফীভমদা লৈরম্মি হায়না প্রধান মন্ত্রীনা ফোঙদোকখি। হায়রিবা মতম অদুদা গুজরাতীগুম্বা ভারতকী লোল অমদা পাউচে ফোঙবা হাববসি অরাইবা থবক অমা নত্তে। হায়রিবা মতমদা অদুদা মুম্বাই সমাচারনা লিঙ্গুইস্তিক জর্নেলিজম পাকথোক চাউথোকহনখি।

ভারতকী চহি লিশিং কয়াদগী লৈরক্লবা পুৱারী ঐখোয়বু হীরম কয়াদা তম্বীরি হায়না প্রধান মন্ত্রীনা ফোঙদোকখি। লৈবাক অসিগী তরাম্না ওকপগী মতৌ অদুগী মতাংদা পল্লদুনা প্রধান মন্ত্রীনা হায় , মফম অসিদা লকাপা মীওই খুদিংমক ইমা ভার্তীনা মহাক্কী তমপাক্তা তরাম্না ওকপগী খুদোংচাবা অদু পীরি। “পার্সি কম্ম্যুনিতীদগী হেনবা খুদম অমা লৈখিদ্রা? হায়না মহাক্না হংখি। ভারতকী নীংতম্বগী ঈহৌদগী নভনির্মন ফাওবদা পার্সি ইচিল ইনাওশিংনা লৌরিবা থৌদাং অসি চাউই হায়না মহাক্না মখা তাখি। কম্ম্যুনিতী অসি মশিংদা য়েংবা মতমদা লৈবাক অসিদা খ্বাইদগী পীকপা ওইরি, অমরোমদা মাইক্রো মাইনোরিতী ওইরি অদুবু কেপাসিতী অমসুং সর্ভিসতদী অচৌবা অমা ওইরি হায়না মহাক্না মখা তাখি।

পাউচেশিং অমসুং মিদিয়াগী থবক অসি পাউ ফংহনবা অমসুং মীয়াম্বু ৱাখল তাহনবনি অমসুং করিগুম্বা সমাজ অমসুং সরকারগী মরক্তা করিগুম্বা চমম্নবা লৈরবদি মখোয়বু ৱাখল তাহনবা হায়বসি মখোয়গী থৌদাংনি হায়না প্রধান মন্ত্রীনা ফোঙদোকখি। মিদিয়ানা ক্রিতিসাইজ তৌবগী হক লৈবগুম্না মীয়ামদা অচুম্বা পাউ ফংহনবগী থৌদাং লৈ।

হৌখিবা চহি অনি অসিগী কোরোনাগী মতম মনুংদা লৈবাক অসিগী অফবা মওংদা পাউমীশিংনা কর্ময়োগীশিংগুম্না মথৌ তৌখিবা অসি মতম চুপ্পদা নীংশিংদুনা লৈরগনি হায়না প্রধান মন্ত্রীনা ফোঙদোকখি। ভারতকী মিদিয়াশিংগী পোজিতিব ওইবা থৌদাংশিং অসিনা চহি ১০০গী মতুংদা লাকপা খ্বাইদগী চাউবা অৱাবা অসি মায়োক্নবদা ভারতকী চাউনা মতেং পাংখি। দিজিতেল পেমেন্ত অমসুং স্বছ ভারত অভিয়ানগুম্বা অনৌবা খোঙথাংশিং প্রমোৎ তৌবদা মিদিয়না লৌরিবা থৌদাং অদুবু মহাক্না থাগৎপা ফোঙদোকখি। 

মসিগী লৈবাক অসি ৱারী শান্নবা অমসুং খন্ন-নৈনবগী খুত্থাংদা মাংলোমদা চংশিল্লিবা ফজরবা চৎন-লোনচৎ লৈবা লৈবাক অমনি হায়না প্রধান মন্ত্রীনা ফোঙদোকখি। “চহি লিশিং কয়াদগী ঐখোয়না অফবা মওংদা ৱারী শানদুনা লাক্লি, অফবা মওংদা ক্রিতিসিজম তৌরি অমসুং সমাজগী ওইবা চৎনবীগী শরুক অমা ওইনা অচুম্বা মওংদা ৱাখল খল্লি। ঐখোয়না য়াম্না লুবা সমাজগী ওইবা হীরমশিংদা ওপন ওইবা অমসুং অফবা খন্ন-নৈনবশিং পাংথোক্লি। মসি ঐখোয়না মপাঙ্গল কনখৎহনগদবা ভারতকী চৎনবী অমনি” হায়না মহাক্না ফোঙদোকখি। 

মুম্বাই সমাচারগী প্রিন্তিং অসি চয়োলগী ওইনা শ্রী ফরদুনজী মর্জবাঞ্জিনা ১৮২২গী জুলাই ১দা হৌদোকখি। মসিগী মতুং তারকপদা ১৮৩২দা নোংমগী ওইরকখি। পাউচে অসি লেপ্পা লৈতনা চহি ২০০ ফোংলক্লি।

***



(Release ID: 1834052) Visitor Counter : 135


Read this release in: Tamil , Telugu , Kannada , Malayalam , Assamese , English , Urdu , Hindi , Marathi , Bengali , Punjabi , Gujarati , Odia