প্রধান মন্ত্রী, শ্রী নরেন্দ্র মোদীনা পুনেগী দেহুদা জগতগুরু শ্রীসন্ত তুকারাম মহারাজ মন্দির শঙ্গাখ্রে।

মীতিন অসিদা প্রধান মন্ত্রীনা দেহুগী শেংলবা লমদম অসিদা লাকপা ফংজবদা নুংঙাইবা ফোঙদোকখ্রে। প্রধান মন্ত্রীনা ঐখোয়গী স্কল্পচরশিংগী মতাংদা পল্লদুনা ঋসিশিংগী সৎসঙ্গ অসি মীওই মপোক্কী তাংনা ফংবা খুদোংচাবনি হায়খি। করিগুম্বা ঋসিশিংগী থৌজাল ফংলবদি ঈশ্বরগী খুয়া-খাদা য়ৌবা হায়বা অসি মশানা তাবনি। “ঙসি দেহুগী শেংলবা লাইফমলেন অসিদা লাকপদা ঐহাক্না ৱাখল্লোন অসিমক ফাওই,” হায়না মহাক্না ফোঙদোকখি। প্রধান মন্ত্রীনা মখা তারদুনা হায়খি “দেহুগী শিলা মন্দির অসি লাইনীংবগী শক্তিগী তুংনফম অমা খক্ত নত্তনা মসিনা ভারতকী নাৎকী তুংলচৎকী লম্বীসু তাকপীরি। ঐহাক্না শেংলবা লাইফম অসি নৌনা শেমগৎপগীদমক তেম্পল ত্রস্ত অমসুং ভক্তি পুম্নমক্তা তৌবীমল খঙবা উৎচরি”।

মহাক্না থা খরগী মমাংদা পালখি মার্গশিংদা লেন মরিগী নেস্নেল হায়ৱে অনিগী উরেপ-উয়ুং তম্বগী খুদোংচাবা ফংজখিবা অদুসু নীংশিংখি। শ্রী সন্ত জ্ঞানেশ্বর মহারাজ পালখি মার্গ অসি তাঙ্কক মঙাদা অমসুং সন্ত তুকারাম মহারাজ পালকী মার্গ অসি তাঙ্কক অহুমদা শাবা লোইশিনগনি হায়না মহাক্না ফোঙদোকলখি। লুপা করোর ১১০০০ হেন্না চংদুনা তাঙ্ককশিং অসিদা কিমি ৩৫০ হেন্না শাংবা হায়ৱেশিং শেমগনি।

প্রধান মন্ত্রীনা ভারত অসি মালেমদা খ্বাইদগী অরিবা হিংদুনা লৈরিবা সভ্যতা অমা ওইরিবা অসিদা চাউথোকচবা ফোঙদোকখি। “করিগুম্বা মসিগী মনা অসি কনাগুম্বদা পীবা তারবদু মসি ভারতকী ঋসিগী চৎনবী অমসুং মুনীশিংদা পীফম থোকই”, হায়না মহাক্না ফোঙদোকখি। প্রধান মন্ত্রীনা ভারত অসি মুৎনাইদনা লৈরি মসিগী মরমদি ভারত অসি ঋসিশিংগী লমদমনি হায়না ফোঙদোকখি। তাঙ্কক খুদিংমক্তা ঐখোয়গী লৈবাক অমদি খুন্নাই অসিবু লমজিংবীনবা অথোইবা মীশক খরা অদুমক থোরকই। ঙসি লৈবাক অসিনা সন্ত কবিরদাসকী মপোক কুমওন পালন তৌরি। মহাক্না শ্রী সন্ত জ্ঞানেশ্বর মহারাজ, সন্ত নিবরুত্তিনাথ, সন্ত সোপনদেব অমসুং অদি-শক্তি মুক্তা বাইজী অসিগুম্বা ঋসিশিংগী মরু ওইবা কুমওনশিং অদুগী মতাংদসু ফোঙদোকখি।

সন্ত তুকারামজীগী থৌজাল হৈবা, মীনুংশি চাউবা অমসুং শেবা তৌবগী গুনশিং অদু ঐখোয়গী ইরক্তা ঙসিসু মহাক্কী ‘অভঙ্গা’ শক্লোন লৌদুনা লৈরি। মসিগী ‘অভঙ্গশিং’ অসিনা মীরোনশিংদা ইথিল পীরি। তুমদুনা মাংখিদবা অদুদি মুৎনাইদনা লৈরি অমসুং মতমগা চুন্নদুনা লৈ, মসিমক ‘অভঙ্গা’নি হায়না মহাক্না ফোঙদোকখি। ঙসিসু লৈবাক অসিনা মসিগী নাৎকী পাউতাকশিং অসিগা লোয়ননা মাংদা চংশিল্লিবা তানফম অসিদা সন্ত তুকারামগী অভঙ্গশিংনা ঐখোয়দা ইনোৎ হাপ্লি হায়না প্রধান মন্ত্রীনা ফোঙদোকখি। প্রধান মন্ত্রীনা চৎনবীশিং অসিগী মশক নাইবা ঋসিগী ‘অভঙ্গশিং’গী ফজরবা চৎনবীশিং অসিদা ইকাই খুম্নবা উৎখি। প্রধান মন্ত্রীনা মীওইবশিংগী মরক্তা খেন্নবা থম্লিবা অসিগী মায়োক্তা লৈনবা তাকপী তম্বীরম্বশিং অদু পনখি। মহাক্না মসিগী লৌশিংশিং অসি লৈবাক অমদি খুন্নাইগীদমক কত্থোকপদা চপ মান্ননা মরু ওই মরমদি মখোয় অসি ঈশ্বরদা কত্থোকপনি হায়না ফোঙদোকখি। মহাক্না হায়খি মসিগী পাউজেল অসিদা ৱরকারী ভক্তাশিংগী চহিগী পন্ধরপুর য়াত্রাসু য়াওরি। সবকা সাথ, সবকা বিকাস, সবকা বিশ্বাস অমসুং সবকা প্রয়াসকী ৱাখল্লোন অসি অসিগুম্বা অথোইবা চৎনবীশিং অসিনা ইথিল পীখি। মহাক্না ৱরকারীগী চৎনবী অসিদা লৈরিবা জেন্দর ইক্বেলিতী অমসুং অনত্যোদয়গী ৱাখল্লোন অসি ইথিলগী হৌরকফম ওইরি হায়না ফোঙদোকখি। “দলিত, খুদোংচাবা ফংদ্রবা, শোত্থরবা, আদিবাসী, শিন্মীশিংগী য়াইফ-থৌরাং অসিদা লৈবাক অসিনা খ্বাইদগী মরু ওইবা মীৎয়েং চংলি,” হায়না প্রধান মন্ত্রীনা ফোঙদোকখি।

প্রধান মন্ত্রীনা ছত্রপতি শিবাজী মহারাস অসিগুম্বা লৈবাক অসিগী অথৌবশিংগী পুন্সিদা য়াম্না মরু ওইবা থৌদাং লৌখিবগীদমক তুকারামগুম্বা ঋসিশিংদা থাগৎপা ফোঙদোকখি। নীংতম ইহৌগী মতমদা ভীর সভার্করদা চৈরাক পীবদা মহাক্না কৈশুমশঙদা খুৎতা য়োৎলিং থাংদুনা তুকারামগী অভঙ্গশিং শকখিবা অদু প্রধান মন্ত্রীনা নীংশিংখি। মহাক্না হায়খি সন্ত তুকারামনা তোঙান-তোঙানবা তাঙ্ককশিংদা লৈবাক অসিদা থৌনা অমদি ইনোৎ হাপখি। মহাক্না পন্ধরপুর, জগন্নাথ, মথুরাগী ব্রিজ পরিক্রমা নত্ত্রগা কাশি পঞ্চকোসি পরিক্রমা, চার ধাম নত্ত্রগা অমরনাথ য়াত্রা অসিগুম্বা ‘য়াত্রাশিং’ অসি পল্লদুনা মসিনা ঐখোয়গী লৈবাক অসিগী দাইভর্সিতী পুনশিনখিবা অমসুং এক ভারত শ্রেস্থ ভারতকী ৱাখল্লোন পোকহনখিবা অসিগী মতাংদা ফোঙদোকখি।

ঐখোয়গী নেস্নেল য়ুনিতী মপাঙ্গল কনখৎহন্নবা ঐখোয়গী অরিবা মতমগী শক্লোন অমসুং চৎন-লোনচৎশিং ঙাক্তুনা থম্বা হায়বসি ঐখোয়গী থৌদাংনি হায়না প্রধান মন্ত্রীনা ফোঙদোকখি। মরম অদুনা “ঙসি মোদর্ন তেক্নোলোজী অমসুং ইনফ্রাস্ত্রকচর অসিনা ভারতকী চাউখৎ থৌরাংগা পুন্না চৎমিন্নবা মতমদা ঐখোয়না চাউখৎ থৌরাং অমসুং হেরিতেজ অনিমক পুন্না মাংলোমদা চংশিন্নবা হোৎনরি” হায়না মহাক্না মখা তাখি। মহাক্কী পোইন্তশিং অসি শন্দোক্না তাক্নবা মহাক্না পাল্কি য়াত্রা মোদর্নাইজেসন তৌবা, চার ধাম য়াত্রাগী অনৌবা হাইৱেশিং শেমগৎপা, অয়োধ্যদা অচৌবা রাম মন্দির শাবা, কাশি ভিশ্বানাথ ধাম নৌনা শেমগৎ শাগৎপা অমসুং সোমনাথতা পাইখৎলিবা চাউখৎ থৌরাংগী থবকশিংগী খুদমশিং পীখি। প্রশাদ স্কিমগী মখাদা লাইফমশিংশেমগৎখ্রে হায়না মহাক্না ফোঙদোকখি। ববাসাহেবকী রমায়ন সর্কিৎ অমসুং পঞ্চ তির্থ শেমগৎলি হায়না মহাক্না ফোঙদোকখি। করিগুম্বা মীপুম খুদিংমক্না হোৎনরিবা অসি অচুম্বা মাইকৈদা চৎলবদি ৱারোইশিন পুরকপা ঙমদবা অৱাবা খুদিংমক ৱারোইশিন পুরকপা ঙমগনি হায়না প্রধান মন্ত্রীনা ফোঙদোকখি। ঙসি নীংখা তম্বগী চহি ৭৫শুবা মতম অসিদা চাউখৎ থৌরাংগী স্কিমশিং সেচুরেসন তৌদুনা চাদা ১০০ এম্পাৱর তৌবগী মাইকৈদা চংশিল্লি হায়না মহাক্না ফোঙদোকখি। মসিগী স্কিমশিং অসিগী খুত্থাংদা লাইরবশিংনা মখোয়গী তঙাইফদবশিং অদু ফংলি। মহাক্না মীপুম খুদিংমক্না স্বছ ভারত কেম্পেন্দা মীপুম খুদিংমক্না য়াওনবা অমসুং পুন্সিগী তাঙ্কক খুদিংমক্তা লু-নান্না লৈনবা পাউজেল পীখি। মহাক্না মসিগী লৈবাক্কী ওইবা ৱাশক অসি মখোয়গী লাইনীং লাইশোনশিংগী ৱাশক্কী শরুক অমা ওইনবা ফোঙদোকখি। মহাক্না নেচরেল ফার্মিং পাইখৎনবা মীপুম খুদিংমক্কী পুক্নিং থৌগৎনবা অমসুং য়োগ অমসুং য়োগ নুমিৎ মীপুম খুদিংমক্তা খংহন্নবা পাউজেল পীখি। 

সন্ত তুকারাম অসি ৱারকরী ঋসি অমসুং কবি অমনি, মহাক অসি কীর্তন হায়না খঙনবা লাইনীং-লাইশোনগী ঈশৈশিংগী খুত্থাংদা অভঙ্গ ভক্তি শৈরেং অমসুং কম্ম্যুনিতী-ওরিয়েন্তেদ ওইনা থৌনিবগীদমক মশক খঙনৈ। মহাক্না দেহুদা লৈরমখি। মহাক্না লৈখিদ্রবা মতুংদা শিলা মন্দির অমা শাখি, অদুবু মসি মশক মওংদা মন্দির অমা ওইনদি শাখিদে। মসি পীক ৩৬ য়াওহন্দুনা নুংনা অমুক হন্না শাখি অমসুং সন্ত তুকারামগী মীতম অমসু য়াওহনখি।

Blessed to inaugurate Jagatguru Shrisant Tukaram Maharaj Temple in Dehu, Pune. His teachings inspire all of us. https://t.co/RT1PGpihCf

— Narendra Modi (@narendramodi) June 14, 2022

हमारे शास्त्रों में कहा गया है कि मनुष्य जन्म में सबसे दुर्लभ संतों का सत्संग है।

संतों की कृपा अनुभूति हो गई, तो ईश्वर की अनुभूति अपने आप हो जाती है।

आज देहू की इस पवित्र तीर्थ-भूमि पर आकर मुझे ऐसी ही अनुभूति हो रही है: PM @narendramodi

— PMO India (@PMOIndia) June 14, 2022

देहू का शिला मंदिर न केवल भक्ति की शक्ति का एक केंद्र है बल्कि भारत के सांस्कृतिक भविष्य को भी प्रशस्त करता है।

इस पवित्र स्थान का पुनर्निमाण करने के लिए मैं मंदिर न्यास और सभी भक्तों का आभार व्यक्त करता हूं: PM @narendramodi

— PMO India (@PMOIndia) June 14, 2022

हमें गर्व है कि हम दुनिया की प्राचीनतम जीवित सभ्यताओं में से एक हैं।

इसका श्रेय अगर किसी को जाता है तो वो भारत की संत परंपरा को है, भारत के ऋषियों मनीषियों को है: PM @narendramodi

— PMO India (@PMOIndia) June 14, 2022

भारत शाश्वत है, क्योंकि भारत संतों की धरती है।

हर युग में हमारे यहां, देश और समाज को दिशा देने के लिए कोई न कोई महान आत्मा अवतरित होती रही है।

आज देश संत कबीरदास की जयंती मना रहा है: PM @narendramodi

— PMO India (@PMOIndia) June 14, 2022

संत तुकाराम जी की दया, करुणा और सेवा का वो बोध उनके ‘अभंगों’ के रूप आज भी हमारे पास है।

इन अभंगों ने हमारी पीढ़ियों को प्रेरणा दी है।

जो भंग नहीं होता, जो समय के साथ शाश्वत और प्रासंगिक रहता है, वही तो अभंग है: PM @narendramodi

— PMO India (@PMOIndia) June 14, 2022

छत्रपति शिवाजी महाराज जैसे राष्ट्रनायक के जीवन में भी तुकाराम जी जैसे संतों ने बड़ी अहम भूमिका निभाई।

आज़ादी की लड़ाई में वीर सावरकर जी को जब सजा हुई, तब जेल में वो हथकड़ियों को चिपली जैसा बजाते हुए तुकाराम जी के अभंग गाते थे: PM @narendramodi

— PMO India (@PMOIndia) June 14, 2022

हमारी राष्ट्रीय एकता को मजबूत करने के लिए आज ये हमारा दायित्व है कि हम अपनी प्राचीन पहचान और परम्पराओं को चैतन्य रखें।

इसलिए, आज जब आधुनिक टेक्नोलॉजी और इनफ्रास्ट्रक्चर भारत के विकास का पर्याय बन रहे हैं तो हम ये सुनिश्चित कर रहे हैं कि विकास और विरासत दोनों एक साथ आगे बढ़ें: PM

— PMO India (@PMOIndia) June 14, 2022

***