প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতনা কোওপরেতিবশিংনা বাইয়র ওইনা পোৎ লৈবা য়াহন্নবা গবর্নমেন্ত ই-মার্কেতপ্লেসকী মেন্দেত পাকথোক চাউথোকপগী অয়াবা পীখ্রে।

গবর্নমেন্ত ই. মার্কেতপ্লেস (জি.ই.এম.) অসি ওগস্ত ৯, ২০১৬তা ভারত সরকারগী কম্মর্স অমসুং ইন্দস্ত্রী মন্ত্রালয়না সরকারগী পোৎ লৈবশিংগী ওপন অমসুং নুং পান ফাওনা উবা পোত্থোক লৈবগী প্লেতফোর্ম অমা শেম্নবগীদমক্তা হৌদোকখিবনি। গবর্নমেন্ত ই.-মার্কেতপ্লেস হায়না মিংথোনবা স্পিসিএল পর্পজ ভেহিকল (জি.ই.এম.-এস.পি.ভি.) অসিবুনা কেন্দ্রগী কেবিনেতনা এপ্রিল ১২, ২০১৭তা অয়াবা পীখ্রবা তুংদা মে ১৭, ২০১৭তা নেস্নেল পব্লিক প্রোক্যুর্মেন্ত পোর্তেল ওইনা শেমখিবনি। হৌজিক্কী ওইনা, প্লেতফোর্ম অসিদগী গবর্নমেন্ত বাইয়রঃ কেন্দ্র অমসুং রাজ্যগী মন্ত্রালয়, বিভাগ, পব্লিক সেক্তর ইন্তর্প্রাইস, ওতোনোমস ইন্সতত্যুসন। লোকেল বোদীনচিংবশিংনা শিজিন্নবা য়াগনি। হৌজিক লৈরিবা মেন্দেতকী মখা পোন্না, জি.ই.এম. অসি প্রাইভেত সেক্তর বাইয়রশিংনা শিজিন্নবা য়াদ্রি। সপ্লাইয়রশিংদি (পোৎ য়োল্লিবা) অসি সেগমেন্ত খুদিংদগী, সরকার নত্ত্রগা লন্নাই কাঙবু ওইবা য়াই।

বেনিফিশরী মশিং:

খোঙথাং অসিদগী মসিদা রেজিস্তর তৌদুনা লৈরবা কোওপরেতিব লাখ ৮.৫৪ অমসুং মখোয়গী মেম্বর করোর ২৭না কান্নবা ফংগনি। জি.ই.এম. পোর্তেল অসি লৈবাক শিনবা থুংবগী বাইয়র অমসুং সেল্লরশিংনা শিজিন্নবা য়াগনি। 

অকুপ্পা মরোলশিং:

১) জি.ই.এম. অসি মীওই অয়াম্বনা শিজিন্নবা পোত্থোক অমসুং সেবাশিংবু ওনলাইন্দগী লৈবা য়াহন্নবা ৱান স্তোপ পোর্তেল অমা ওইনা খুদোং চানা শেম্লবনি। মসি নুং পান ফাওনা উবা ঙম্বা, শিজিন্নবা নুংঙাইবগী মগুন চেল্লি, অপাম্বা খনবা নুংঙাই অমসুং য়াম্না থুনা পোৎ লৈবা য়াহল্লি। কোওপরেতিব সোসাইতীশিংনা হৌজিক জি.ই.এম.দগী পোত্থোক অমসুং সেবা লৈবা য়ারগনি।

২) জি.ই.এম.দা কোওপরেতিব সোসাইতীশিংবু বাইয়র ওইনা রেজিস্তর তৌবা য়াহনবনা পুম্নমক্না শিজিন্নবা য়াবা অমসুং নুং পান ফাওনা উবা ঙম্বা থৌওংগী খুত্থাংদা কোওপরেতিবশিংদা কম্পিতিতিব ওইবা মমল ফংহনবদা তেংবাংগনি।

৩) জি.ই.এম.দা মনুং চনগদবা কোওপরেতিবকী অচুম-অরানা থিদোক্লবা পরিং – অহানবগী অমসুং মখা তানা পাকথোক চাউথোক্লকপগী ওইনা – অসিদি কোওপরেসন মন্ত্রালয়না জি.ই.এম. এস.পি.ভি.গা তান্নরবা তুংদা অরোইবা তাগনি। মসিনা কোওপরেতিবশিংবু জি.ই.এম.দা বাইয়র ওইনা হাপ্পগী খোঙজেল লেপ্পা মতমদা জি.ই.এম. পথাপকী তেক্নিকেল কেপাসিতী অমসুং লোজিস্তিক্সকী তঙাই ফদবশিংবুসু খন্নবদা য়াওহনগনি।

৪) জি.ই.এম.না কোওপরেতিবশিংগীদমক্তা অখন্ননা মিৎয়েং চঙলবা ওনবোর্দ তৌবগী থৌওং, লৈরিবা পোর্তেল অসিদা অহেনবা য়ুজর হাপ্পদা তেংবাংনবা অমসুং লৈরিবা কন্তেক্ত সেন্তর, ইন-ফিল্দ ত্রেনিং অমসুং অতোপ্পা সপ্পোর্ত সর্ভিসকী খুত্থাংদা ওনবোর্দিং অমসুং ত্রাঞ্জেক্সন জর্নীগী তেংবাং পীনবা তেক্নীকেল ইনফ্রাস্ত্রকচরসু পীগনি।

৫) কোওপরেতিব সোসাইতীশিংদা পোত্থোক অমসুং সেবা লৈবদা জি.ই.এম. প্লেতফোর্ম শিজিন্ননবা পুক্নিং থৌগৎনবা তঙাই ফদবা এদভাইজরীশিংসু কোওপরেসন মন্ত্রালয়না পীগনি অমসুং মসিনা মখোয়দা নুং পান ফাওনা উবা, মথৌ নীংথিনা পাংথোকপা অমসুং চাংয়েংনবা য়াবা মমল ফংবগী কান্নবসু ফংগনি।

৬) জি.ই.এম.দা লৈরিবা মশিং য়াম্বা সেল্লর কম্ম্যুনিতীগী অপাম্বা ঙাক শেন্নবা অমসুং মতম চানা পেমেন্ত তৌনবগীদমক্তা, পেমেন্ত সীস্তেমগী কাঙলোন্দি জি.ই.এম.না কোওপরেসন মন্ত্রালয়গা খন্ন-নৈনরবা তুংদা ৱারেপ লৌগনি।

থবক ওইনা পাংথোকপগী থৌরাং অমসুং পান্দমঃ

জি.ই.এম.না চুনবা থবক হৌহনগনি অমসুং মসিনা জি.ই.এম. পোর্তেলদা তঙাই ফদবা খুদোংচাবা অমসুং মথৌ তৌবগী মওং শেম-শাবগী থৌওংগা মরী লৈনগনি। মসিদা ইনফ্রাস্ত্রকচর অপগ্রেদ তৌবা, হেল্পদেস্ক অমসুং ত্রেনিং ইকোসীস্তেম মপাঙ্গল লৈহনবা অমসুং কোওপরেতিবশিং ওনবোর্দ তৌবসু য়াওগনি। রোল আউত তৌবগী মপুং ওইবা খোঙজেল অমসুং থৌওংবুনা কোওপরেসন মন্ত্রালয়না শেমগনি। পান্দম অমসুং পান্দম ফংবগী তারিখতি কোওপরেসন মন্ত্রালয় অমসুং জি.ই.এম. (কম্মর্স অমসুং ইন্দস্ত্রী মন্ত্রালয়)গী মরক্তা য়ানবা পুরকপগী মতুং ইন্না লেপকনি।

থবক পীবা ঙম্বগী মতিক মনুং চনবা শাফুঃ

জি.ই.এম. অসি মীওই অয়াম্বনা শিজিন্নবা পোত্থোক অমসুং সেবাশিংবু ওনলাইন্দগী লৈবা য়াহন্নবা ৱান স্তোপ পোর্তেল অমা ওইনা খুদোং চানা শেম্লবা ওইবনা কোওপরেসন মন্ত্রালয়না কোওপরেতিব সোসাইতীশিংবু জি.ই.এম.দগী পোত্থোক অমসুং সেবা লৈবা য়াহনবা পামদুনা লাকখিবনি। মসি নুং পান ফাওনা উবা ঙম্বা, শিজিন্নবা নুংঙাইবগী মগুন চেল্লি, অপাম্বা খনবা নুংঙাই অমসুং য়াম্না থুনা পোৎ লৈবা য়াহল্লি। মথক্তা পনখ্রিবা ৱারোলগী মখা পোন্না, কোওপরেতিব সোসাইতীশিংবু জি.ই.এম.দা মখোয়না তঙাই ফদবগী মতুং ইন্না গুদ অসুং সর্ভিসকী বাইয়র ওইনা রেজিস্তর তৌবা য়াহনবনা পুম্নমক্না শিজিন্নবা য়াবা অমসুং নুং পান ফাওনা উবা ঙম্বা থৌওংগী খুত্থাংদা কোওপরেতিবশিংদা কম্পিতিতিব ওইবা মমল ফংহনবদা তেংবাংগনি। মসিদা নত্তনা, সোসাইতী অসিগী মেম্বর করোর ২৭ হেন্না লৈবনা, জি.ই.এম.দগী পোত্থোক লৈবনা মীচম মীয়ামদা শেন্মিৎলোনগী কান্নবা পীবা খক্তা নত্তনা কোওপরেতিবশিংগী থাজবগী চাংসু য়াম্না হেনগৎহনগনি।

জি.ই.এম.না মথৌ তৌবদা তঙাই ফদবা, তেক্নিকেল ইনফ্রাস্ত্রকচর শেন্নবা অমসুং মসিদা য়াওরিবা স্তেকহোলদর ময়াম অমগা লোয়নবগী থৌওং য়াওনা পোত্থোক লৈবগী থাক ৱাংবা পোর্তেল অমা চলায়বগী মনুং হুৎপা লৌশিং লৈরে। লৈবাক্কী পোত্থোক লৈবগী ইকোসীস্তেম শাবদা ফংখিবা লৌশিং অসি কোওপরেতিবশিংগী মথৌ নীংথিনা তৌবা অমসুং নুং পান ফাওনা উবা পোত্থোক লৈবগী থৌওং শেম্বদা মশক থোক্না শিজিন্নবা য়াগনি হায়না খন্নৈ। মসিনা কোওপরেতিবশিংগী ‘ইজ ওফ দুইং বিজনেস’ মপুং ওইনা হেনগৎহনগনি অমসুং মান্নবা মতমদা, জি.ই.এম.দা রেজিস্তর তৌরবা সেল্লরশিংগী বাইয়র বেজ অচৌবা অমসু পীগনি।

চাদিং তৌবগী মতাং:

জি.ই.এম. এস.পি.ভি.না পাকথোক চাউথোক্লবা মেন্দেত অসিবু শৌগৎনবগীদমক্তা লৈরিবা প্লেতফোর্ম অমসুং লুপশিংগী মখা তানা কান্নবা লৌবগা লোয়ননা মসিনা অহেনবা তেক্নোলোজী ইনফ্রাস্ত্রকচর, অহেনবা ত্রেনিং অমসুং সপ্পোর্ত রিসোর্সকীদমক্তা ইনভেস্তমেন্ত খরগী মথৌ তাগনি। অসিগুম্বা হেনগৎপা নাইবা শেনফম অসি থেংনবা ঙম্নবগীদমক্তা, জি.ই.এম.না কোওপরেতিবশিংদগী মতিক চাবা ত্রাঞ্জেক্সন ফী লৌবা য়াই অমসুং মসিগী শেনফম অসিদি জি.ই.এম.না কোওপরেসন মন্ত্রালয়গা খন্নরবা তুংদা লেপকনি। হায়রিবা শেনফম অসি জি.ই.এম.না সরকারগী অতোপ্পা বাইয়রশিংদগী লৌবদগী হেল্লোই। থৌওং অসি জি.ই.এম.না মরোমদোম চলাইবা ঙমহন্নবগীদমক্তা থৌরাং য়াৎকনি, মরম অদুনা সরকারদগী শেলগী তেংবাংদি লৌগনি হায়বগী থাজবা লৈতে। 

বেকগ্রাউন্দঃ

জি.ই.এম. এস.পি.ভি.না হেক হৌরকপদগী মশক থোকপা থৌওং কয়া পাংথোকখ্রে। গ্রোস মর্চেন্দাইজ ভেল্যু (জি.এম.ভি.)না সি.এ.জি.আর.গা লোয়ননা শেনবা চহি ২০১৮-১৯দগী শেনবা চহি ২০২১-২২দা ৮৪.৫% হেন্না শাহৌ লৌখি। পোর্তেল অসিনা শেনবা চহি ২০২১-২২দা জি.এম.ভি.দা ১৭৮%গী শাহৌ পীখি অমসুং শেনবা চহি ২০২১-২২ খক্তদা লুপা করো লাখ ১ হেনবা ঙমখি অমসুং মসিনা শেনবা চহি ২০২০-২১ ফাওবগী অপুনবা জি.এম.ভি.দগীসু হেল্লি।

জি.ই.এম.গী য়ুম্বী অহুম, মিং ওইনা পল্লবদা ইনক্লুজন, ত্রান্সপরেন্সী অমসুং ইফিসিএন্সীনা মশক থোকপা চাউখৎপা উবা ফংখ্রে। এম.এস.এম.ই.না অপুনবা ত্রাঞ্জেক্সন ভেল্যুদা শরুক তম্লিবা অসি চাউরাক্না ৫৮%নি। ৱর্ল্দ বেঙ্ক অমসুং নেস্নেল ইকোনোমিক সর্ভে ২০২১ য়াওনা তোঙান-তোঙানবা ইন্দিপেন্দেন্ত স্তদীশিংনা জি.ই.এম.গী মীওই মশিং য়াম্না শরুক ঊয়াহনবা অমসুং শেল চঙদবা অপাম্বা খনবা য়াহনবগী মতিক্না মরম ওইরগা মশক থোক্না সেভিং তৌখি হায়বা তাক্লি।

ভারতকী কোওপরেতিবকী ইহৌনা মশক থোক্না চাউখৎলে অমসুং ভারতকী শোত্থরবা কাঙলুপকী মীওইশিংগী চাউখৎ-থৌরাংগী তঙাই ফদবা হীরমশিং, , মরু ওইনা লৌউ-শিংউ, বেঙ্কিং অমসুং হাউজিং সেক্তরগী পীবদা মরু ওইবা থৌদাং য়ারি। হৌজিক্কী ওইনা, রেজিস্তর তৌরবা কোওপরেতিব লাখ ৮.৫৪ লৈরি। মসিগী কোওপরেতিবশিংনা অপুনবা ওইনা পোত্থোক য়াম্না লৈবা য়োনবা তৌই। হৌজিক্কী ওইনা, কোওপরেতিবশিংবু বাইয়র ওইনা রেজিস্তর তৌবগী থৌওং অসি জি.ই.এম.গী হৌজিক লৈরিবা মেন্দেতকী মনুংদি চন্দ্রি।

****