প্রধান মন্ত্রী শ্রী নরেন্দ্র মোদীনা মে ৩১, ২০২২দা হিমাচল প্রদেশকী শিমলদা চৎকনি। অয়ুক পুং ১১রোম তারকপদা প্রধান মন্ত্রীনা ‘গরীব কল্যান সম্মেলন’দা শরুক য়াগনি। অচৌবা মীয়ামগী ওইবা থৌরম অসিনা প্রধান মন্ত্রীনা লুচিংবা সরকার অসিনা চহি নিপান মপুং ফারকপগী পালন তৌগনি, মসি রাজ্যশিং কেপিতেলশিংদা, দিস্ত্রিক্ত হেদক্বাতরশিং অমসুং কৃশি বিজ্ঞান কেন্দ্রশিংদা লৈবাক শিনবা থুংনা পাঙথোক্কনি। সম্মেলন অসি সরকার অসিনা পাইখৎলিবা য়াইফ-থৌরাংগী প্রোগ্রাম কয়ামরুম অসিগী মতাংদা ফীদবেক লৌনবা খোঙথাং অমা ওইনা লৈবাক শিনবা থুংবদা মীয়ামগী মীহুৎশিংনা মীয়ামগা লোয়ননা হকথেংননা ৱারী শান্নবা শীনখিবনি।

‘গরীব কল্যান সম্মেলন’ অসি অয়ুক পুং ০৯:৪৫রোমদা হৌগনি লোয়ননা লৈবাক শিনবা থুংবদা মুখ্য মন্ত্রীশিং, কেন্দ্রগী মন্ত্রীশিং, রাজ্য মন্ত্রীশিং, মেম্বর ওফ পার্লিয়ামেন্তশিং, মেম্বর ওফ লেজিস্লেতিব এসেমব্লী অমসুং অতোপ্পা মীয়ামগী মীহুৎশিংনা মখোয়গী মশাগী লমশিংদা মীয়ামগা লোয়ননা হকথেংননা ৱারী শাগনি। অয়ুক পুং ১১:০০ তারকপদা প্রধান মন্ত্রীনা থৌরম অসিদা শরুক য়াগনি, তোঙান-তোঙানবা রাজ্য অমসুং লোকেলগী থাক্তা পাঙথোক্লিবা থৌরমশিং কোবরেজ তৌগনি অমসুং সম্মেলন অসি জাতিগী থাক্তা ওইহনগনি। সম্মেলন অসিদা প্রধান মন্ত্রীনা ভারত সরকারগী মন্ত্রালয়/বিভাগ মাপলগী তোঙান-তোঙানবা প্রোগ্রামশিংগী বেনিফিসরীশিংগা লোয়ননা হকথেংননা ৱারী শাগনি।

লৈবাক শিনবা থুংবদা পাঙথোক্কদবা ইচম চম্না ৱারী-ৱাতাই শাবগী থৌরম অসিনা মীয়ামদগী লৌথুপ-লৌকোই লৈতনা ফীদবেক ফংনবা, মীয়ামগী পুন্সিদা য়াইফ-থৌরাংগী স্কিমশিং অসিনা পীরিবা কান্নবশিং অসি খঙনবা অমসুং তোঙান-তোঙনবা সরকারগী প্রোগ্রামশিংগা মরী লৈনবা কনভর্জেন্স অমসুং সেচুরেসন খঙদোক্নবা পান্দম থম্মি। মসি লৈবাক অসিগী প্রজাশিংগী ইজ ওফ লিবিং হেনগৎহন্নবা সরকারগী প্রোগ্রামশিংনা য়ৌশিনবা অমসুং মসি ফংহনবদা হেন্না মহৈ ফংনবা হোৎনরিবা খোঙথাং অমনি।

প্রধান মন্ত্রীনা প্রধান মন্ত্রী কিসান সম্মান নিধি (পি.এম.-কিসান) স্কিমগী মখাদা শেলগী তেংবাংগী ১১শুবা ইনস্তোলমেন্তসু কাইথগনি। বেনিফিসরী ওইরিবা লৌমীগী ইমুং করোর ১০ হেনবদা লুপা করোর ২১,০০০রোমগী শেনফম অমা ত্রান্সফর তৌগনি। থৌরম অসিদা প্রধান মন্ত্রীনা লৈবাক শিনবা থুংবদা লৈরিবা (পি.এম.-কিসান)গী বেনিফিসরীশিংগা লোয়ননা ৱারী শাগনি।

*****