ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
azadi ka amrit mahotsav

ଆଇଏସବି ହାଇଦ୍ରାବାଦରେ ପିଜିପି କ୍ଲାସର ସମାବର୍ତ୍ତନ ସମାରୋହକୁ ସମ୍ବୋଧିତ କଲେ ପ୍ରଧାନମନ୍ତ୍ରୀ

• ଦେଶର ଆର୍ଥିକ ଓ ବ୍ୟାବସାୟିକ କ୍ଷେତ୍ରରେ ଆଇଏସବି ବିଦ୍ୟାର୍ଥୀଙ୍କ ଭୂମିକାକୁ କଲେ ପ୍ରଶଂସା

• ଆଜି ସମଗ୍ର ବିଶ୍ୱ ବୁଝୁଛି ଯେ ଭାରତର ଅର୍ଥ ‘ବ୍ୟବସାୟ’ : ପ୍ରଧାନମନ୍ତ୍ରୀ

• ‘‘ଆପଣମାନେ ନିଜର ବ୍ୟକ୍ତିଗତ ଲକ୍ଷ୍ୟକୁ ଦେଶର ଲକ୍ଷ୍ୟ ସହ ଯୋଡନ୍ତୁ ବୋଲି ମୁଁ ଚାହୁଁଛି”

• “ନିରବଚ୍ଛିନ୍ନ ରାଜନୈତିକ ଅସ୍ଥିରତା କାରଣରୁ ଗତ ତିନି ଦଶନ୍ଧି ଧରି ଦେଶରେ ରାଜନୈତିକ ଇଚ୍ଛାଶକ୍ତିର ଅଭାବ ଦେଖାଦେବା ସହ ଦେଶ ସଂସ୍କାର ଓ ବଡ ନିଷ୍ପତ୍ତି ଠାରୁ ଦୂରେଇ ଯାଇଛି”

• ‘‘ବର୍ତ୍ତମାନର ବ୍ୟବସ୍ଥାରେ ସରକାର ସଂସ୍କାର ଆଣୁଛନ୍ତି, ଅମଲାତନ୍ତ୍ର ଦକ୍ଷ ପ୍ରଦର୍ଶନ କରୁଛି ଏବଂ ଜନଭାଗିଦାରୀ ଯୋଗୁ ବ୍ୟାପକ ପରିବର୍ତ୍ତନ ଆସିଛି’’

• “ଭବିଷ୍ୟତ ପାଇଁ ଭାରତକୁ ପ୍ରସ୍ତୁତ ରଖିବାକୁ ହେଲେ ଆମକୁ ଭାରତର ଆତ୍ମ ନିର୍ଭରଶୀଳତାକୁ ସୁନିଶ୍ଚିତ କରିବାକୁ ହେବ । ଆପଣମାନଙ୍କ ଭଳି ପେସାଦାର ବ୍ୟବସାୟ ବିଶେଷଜ୍ଞଙ୍କର ଏଥିରେ ବିରାଟ ଭୂମିକା ରହିଛି”

Posted On: 26 MAY 2022 3:41PM by PIB Bhubaneshwar

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଇଏସବି ହାଇଦ୍ରାବାଦର ୨୦ବର୍ଷ ପୂର୍ତ୍ତି ତଥା ପିଜିପି କ୍ଲାସ ୨୦୨୨ର ସମାବର୍ତ୍ତନ ସମାରୋହରେ ଅଂଶଗ୍ରହଣ କରିଛନ୍ତି

ପ୍ରାରମ୍ଭରେ, ଏହି ପ୍ରତିଷ୍ଠାନକୁ ବର୍ତ୍ତମାନର ଗରିମାମୟ ସ୍ଥାନରେ ପହଞ୍ଚାଇବା ଲାଗି ଯେଉଁମାନଙ୍କର ମହତ୍ବପୂର୍ଣ୍ଣ ଅବଦାନ ରହିଛି ସେମାନଙ୍କ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ  ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ୨୦୦୧ ମସିହାରେ ଏହି ପ୍ରତିଷ୍ଠାନକୁ ଦେଶ ଉଦ୍ଦେଶ୍ୟରେ ଲୋକାର୍ପଣ କରିଥିବା ନେଇ ସେ ସ୍ମୃତିଚାରଣ କରିଥିଲେ । ତାପର ଠାରୁ ୫୦ହଜାରରୁ ଅଧିକ ବ୍ୟବସାୟ ପରିଚାଳକ ଆଇଏସବିରୁ ଉତ୍ତୀର୍ଣ୍ଣ ହୋଇ ସାରିଛନ୍ତି । ଆଜି ଏସିଆର  ଏକ ପ୍ରମୁଖ ପେସାଦାର ବ୍ୟବସାସ ପରିଚାଳନା ଶିକ୍ଷାନୁଷ୍ଠାନ ଭାବେ ଆଇଏସବି ପରିଚିତ ହୋଇଛି ।

ଆଇଏସବିରୁ ଉତ୍ତୀର୍ଣ୍ଣ ପେସାଦାରମାନେ ଦେଶର ବଡ ବଡ କମ୍ପାନୀଗୁଡିକରେ ନେତୃତ୍ବ ନେବା ସହ ବ୍ୟବସାୟକୁ ଗତି ଦେଇଛନ୍ତି । ଏଠାରେ ବିଦ୍ୟାର୍ଥୀମାନେ ଶହ ଶହ ଷ୍ଟାର୍ଟ ଅପ୍ ସ୍ଥାପନ କରିବା ସହିତ ୟୁନିକର୍ଣ୍ଣ ସୃଷ୍ଟିରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ଏହା ଆଇଏସପିର ସଫଳତା ଏବଂ ସମଗ୍ର ଦେଶ ପାଇଁ ଗର୍ବ ଓ ଗୌରବବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଭାରତ ଆଜି ଜି-୨୦ ଦେଶମାନଙ୍କ ମଧ୍ୟରେ ସବୁଠାରୁ ଦ୍ରୁତ ଆର୍ଥିକ ଅଭିବୃଦ୍ଧି ସମ୍ପନ୍ନ ରାଷ୍ଟ୍ର ମାନ୍ୟତା ପାଇଛି । ସ୍ମାର୍ଟଫୋନ ଡାଟା ବ୍ୟବହାରକାରୀଙ୍କ ମଧ୍ୟରେ ଭାରତର ସ୍ଥାନ ପ୍ରଥମ । ଆମେ ଯଦି ଇଣ୍ଟରନେଟ ବ୍ୟବହାରକାରୀଙ୍କ ସଂଖ୍ୟା ଦେଖିବା, ତେବେ ସେଥିରେ ଭାରତ ଦ୍ୱିତୀୟ ସ୍ଥାନରେ ରହିଛି । ବୈଶ୍ୱିକ ପାଇକାରୀ ସୂଚୀରେ ମଧ୍ୟ ଭାରତ ଦ୍ୱିତୀୟ ସ୍ଥାନରେ ରହିଛି । ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ୍ ଇକୋସିଷ୍ଟମ ଭାରତରେ ରହିଛି । ବିଶ୍ୱର ତୃତୀୟ ବୃହତମ ଖାଉଟି ବଜାର ମଧ୍ୟ ଭାରତରେ  ରହିଛି । ଭାରତ ଆଜି ଅଭିବୃଦ୍ଧିର କେନ୍ଦ୍ରସ୍ଥଳୀ ହେବାକୁ ଯାଉଛି । ଗତବର୍ଷ ସର୍ବାଧିକ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ ଭାରତରେ ହିଁ ହୋଇଥିଲା । ଆଜି ଭାରତର ଅର୍ଥ ‘ବ୍ୟବସାୟ’ - ଏକଥା ସାରା ବିଶ୍ୱ  ବୁଝିବା ଆରମ୍ଭ କରିଛି ।

ପ୍ରଧାନମନ୍ତ୍ରୀ କହିଥିଲେ ଯେ ଆଜି ଅନେକ ସମୟରେ ଭାରତୀୟ ସମାଧାନ ସୂତ୍ର ବିଶ୍ୱରେ ତ୍ୱରାନ୍ୱିତ ହେଉଛି । ତେଣୁ ଆଜିର ଏହି ଗୁରୁତ୍ୱପୂର୍ଣ୍ଣ ଦିବସରେ ମୁଁ ଚାହୁଁଛି ଯେ ଆପଣମାନେ ନିଜର ବ୍ୟକ୍ତିଗତ ଲକ୍ଷ୍ୟକୁ ଦେଶର ଲକ୍ଷ୍ୟ ସହ ଯୋଡ଼ନ୍ତୁ’’ ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଦେଶରେ ସଂସ୍କାରର ଆବଶ୍ୟକତା ସବୁବେଳେ ଅନୁଭୂତ ହେଉଥିଲେ ମଧ୍ୟ ଏଥିପାଇଁ ରାଜନୀତିକ ଇଚ୍ଛାଶକ୍ତିର ଅଭାବ ରହିଥିଲା । ଗତ ତିନି ଦଶନ୍ଧି ଧରି ନିରବଚ୍ଛିନ୍ନ ରାଜନୈତିକ ଅସ୍ଥିରତା କାରଣରୁ ଦେଶ ବହୁଦିନ ଧରି ରାଜନୈତିକ ଇଚ୍ଛାଶକ୍ତିର ଅଭାବ ଦେଖି ଆସିଛି ଏହି କାରଣରୁ ଦେଶ ସଂସ୍କାରଠାରୁ ଦୂରେଇ ରହିବା ସହ ବଡ ନିଷ୍ପତ୍ତି ନେଇପାରିନାହିଁ ।

୨୦୧୪ ପରଠାରୁ ଆମ ଦେଶ ରାଜନୈତିକ ଇଚ୍ଛାଶକ୍ତି  ଓ ସଂସ୍କାର ମଧ୍ୟ ଦେଖୁଛି । ସଂସ୍କାର କାର୍ଯ୍ୟକ୍ଷମ ସଂକଳ୍ପ ଓ ଦୃଢ ରାଜନୈତିକ ଇଚ୍ଛାଶକ୍ତି ସହିତ ନିଆଗଲେ ଏହାର ବିପୁଳ ଜନସମର୍ଥନ ମଧ୍ୟ ମିଳିବ ନିଶ୍ଚିତ । ସେ ଜନସାଧାରଣଙ୍କ ମଧ୍ୟରେ ଡିଜିଟାଲ ଦେଣନେଣର ଉଦାହରଣ ଦେଇଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସ୍ୱାସ୍ଥ୍ୟକ୍ଷେତ୍ରର ଶକ୍ତି ଓ ନମନୀୟତା ବୈଶ୍ୱିକ ମହାମାରୀ କାଳରେ ପ୍ରମାଣିତ ହୋଇସାରିଛି । କୋଭିଡ ଟିକା ନେଇ ଉଦ୍‌ବେଗ ପ୍ରକାଶ ପାଇଥିଲା ଯେ ବିଦେଶୀ ଟିକା ଉପଲବ୍ଧ ହେବ କି ନାହିଁମାତ୍ର ଭାରତ ନିଜସ୍ୱ ଟିକା ବିକଶିତ କଲା । ଅନେକ ଟିକା ଉପଲବ୍ଧ ହେବା ସହ ଦେଶରେ ୧୯୦କୋଟି ଟିକା ପ୍ରଦାନ କରାଯାଇ ସାରିଲାଣି  । ବିଶ୍ୱର ଶହେରୁ ଅଧିକ ଦେଶକୁ ଭାରତ ଟିକା ପଠାଇ ସାରିଛିପ୍ରଧାନମନ୍ତ୍ରୀ ଦେଶରେ ସ୍ୱାସ୍ଥ୍ୟ ଶିକ୍ଷାର ସମ୍ପ୍ରସାରଣ ସମ୍ପର୍କରେ ମଧ୍ୟ କହିଥିଲେ ।

ପ୍ରଧାନମନ୍ତ୍ରୀ ଆହୁରି ମଧ୍ୟ କହିଥିଲେ ଯେ ସଂସ୍କାର ପ୍ରକ୍ରିୟାରେ ଅମଲାତନ୍ତ୍ରର ବଳିଷ୍ଠ ଅବଦାନ ରହିଛି । ସରକାରୀ ଯୋଜନା ସଫଳତା ପାଇଁ ପ୍ରଧାନମନ୍ତ୍ରୀ ଜନସାଧାରଣଙ୍କ ସହଯୋଗକୁ ଶ୍ରେୟ ଦେଇଥିଲେ । ଯେତେବେଳେ ଜନସାଧାରଣଙ୍କ ସହଯୋଗ ମିଳେ ସେତେବେଳେ ଉତ୍ତମ ଫଳାଫଳ ସୁନିଶ୍ଚିତ । ବର୍ତ୍ତମାନର ବ୍ୟବସ୍ଥାରେ ସରକାର ସଂସ୍କାର ଆଣୁଛନ୍ତି, ଅମଲାତନ୍ତ୍ର ଦକ୍ଷ ପ୍ରଦର୍ଶନ କରୁଛି ଏବଂ ଜନଭାଗିଦାରୀ ଯୋଗୁ ବ୍ୟାପକ ପରିବର୍ତ୍ତନ ଆସିଛି । ସଂସ୍କାରର ଏହି ପଦ୍ଧତିକୁ ଭଲଭାବେ ଅନୁଧ୍ୟାନ କରି କାର୍ଯ୍ୟ କରିବାକୁ ସେ ଆଇଏସବି ବିଦ୍ୟାର୍ଥୀଙ୍କୁ ପରାମର୍ଶ ଦେଇଥିଲେ ।

୨୦୧୪ ପରେ ଆମର ଖେଳାଳୀମାନଙ୍କ ଆତ୍ମବିଶ୍ୱାସ ଯୋଗୁଁ ଅପୂର୍ବ ସଫଳତା ହାସଲ ହୋଇଛି ବୋଲି କହିଥିଲେ । ଯେତେବେଳେ ପ୍ରକୃତ ପ୍ରତିଭା ଚିହ୍ନଟ ହେବ, ସେତେବେଳେ ଆତ୍ମବିଶ୍ୱାସ ଆସିବ ।   ପ୍ରକୃତ ପ୍ରତିଭା ଚିହ୍ନଟ, ଚୟନରେ ସ୍ବଚ୍ଛତା ଓ ଉନ୍ନତ ତାଲିମ ତଥା ପ୍ରତିଯୋଗିତା ଭିତ୍ତିଭୂମି ମଧ୍ୟ ଆବଶ୍ୟକ ବୋଲି ସେ କହିଥିଲେ । ଖେଲୋ ଇଣ୍ଡିଆଟିଓପିଏସ ଭଳି ଯୋଜନା ଯୋଗୁଁ ଯେଉଁ ଅବସ୍ଥାନ୍ତର ‌କ୍ରୀଡା କ୍ଷେତ୍ରରେ ଆସିଛି ଯାହା ସମସ୍ତଙ୍କ ଆଖିଆଗରେ ଅଛି ବୋଲି ସେ କହିଥିଲେ । ସେହିପରି ଆକାଂକ୍ଷୀ ଜିଲ୍ଲା କାର୍ଯ୍ୟକ୍ରମ ସାର୍ବଜନୀନ ନୀତିରେ ଦକ୍ଷତା ଉତ୍ପାଦକତା ଓ ପ୍ରୋତ୍ସାହନ ଆଣିଥିବା ଅନ୍ୟ ଏକ ଉଦାହାରଣ ବୋଲି ସେ କହିଥିଲେ ।

ସେ କହିଥିଲେ ଯେ ବ୍ୟାବସାୟିକ ଦୃଶ୍ୟପଟରେ ପରିବର୍ତ୍ତନ ଘଟି ଆନୁଷ୍ଠାନିକ, ଅଣ ଆନୁଷ୍ଠାନିକ, କ୍ଷୁଦ୍ର ଓ ବୃହତ ବ୍ୟବସାୟ ସେମାନଙ୍କ କାୟା ବିସ୍ତାର କରି କୋଟି କୋଟି ଲୋକଙ୍କୁ କର୍ମନିଯୁକ୍ତି ଦେଉଛନ୍ତି । ଛୋଟ ବ୍ୟବସାୟଗୁଡିକର ଅଭିବୃଦ୍ଧି ନିମନ୍ତେ ଅଧିକ ସୁଯୋଗ ଦେବା ପାଇଁ ସେ ଗୁରୁତ୍ୱାରୋପ କରିଥିଲେ । ନୂତନ ସ୍ଥାନୀୟ ଓ ବୈଶ୍ୱିକ ବଜାର ସହ  ସେମାନଙ୍କୁ ଯୋଡିବା ନେଇ ସାହାଯ୍ୟ କରିବାକୁ ସୋ କହିଥିଲେ । ସେମାନଙ୍କ ଅପୂର୍ବ ଦକ୍ଷତା ଥିବା ଦର୍ଶାଇ ଭବିଷ୍ୟତରେ ଭାରତକୁ ପ୍ରସ୍ତୁତ କରିବାକୁ ଆମକୁ ଦେଶର ଆତ୍ମ ନିର୍ଭରଶୀଳ ହେବା ସୁନିଶ୍ଚିତ କରିବାକୁ ପଡିବ ବୋଲି ପ୍ରଧାନମନ୍ତ୍ରୀ କହିଥିଲେ । ଆଇଏସବି ଭଳି ପ୍ରତିଷ୍ଠାନର ବିଦ୍ୟାର୍ଥୀମାନଙ୍କ ବିରାଟ ଭୂମିକା ରହିଥିବା ସେ ଦେଖୁଥିବାର ପ୍ରକାଶ କରିଥିଲେ । ଆପଣ ସମସ୍ତ ବୃତ୍ତିଗତ ବ୍ୟବସାୟିକ ବିଶେଷଜ୍ଞମାନଙ୍କ ଏ ଦିଗରେ ବଡ ଭୂମିକା ରହିଛି । ଏହା ଆପଣ ଓ ଦେଶ ପାଇଁ ସେବାର ଏକ ମହାନ୍ ଦୃଷ୍ଟାନ୍ତ ହେବବୋଲି କହି ସେ ଅଭିଭାଷଣ ସମାପ୍ତ କରିଥିଲେ ।

 

****

SM/SLP



(Release ID: 1828596) Visitor Counter : 123