দবল্যু.ঐচ.ও. ঐচ.ক্যু. ওইরিবা জেনেভাদা পাঙথোকপা ৱর্ল্দ হেল্থ এসেমব্লীগী ৭৫শুবা সেসন্দা ইতিহাসিক ওইনা ৱা ঙাংবদা কেন্দ্রগী হকশেল অমসুং য়াইফ-য়ুম্বাল অমসুং কেমিকেলস এন্দ ফর্তিলাইজর্স মন্ত্রী, দা. মনসুখ মন্দাবিয়ানা ভারতনা হেন্না মপাঙ্গল কনবা গ্লোবেল হেল্থ সেক্যুরিতী আর্কিতেকচর অমা শেমগৎনবা লৌরিবা ফিরেপকী মতাংদা ফোঙদোকখি। দবল্যু.ঐচ.ও. মপাঙ্গল কনখৎহনবগী মথৌ তাবা অদু পল্লদুনা কেন্দ্রগী মন্ত্রীনা হায়খি, “ভারতকী প্রধান মন্ত্রীনা ফোঙদোকখিবগী মতুং ইন্না ভেক্সিন অমসুং হীদাক-লাংথকশিং ইক্বিতেবল ওইনা এক্সেস তৌবা ঙমহন্নবা মপাঙ্গল কনবা গ্লোবেল সপ্লাই চেন অমা শেমগৎপা, দবল্যু.ঐচ.ও.গী ভেক্সিন অমসুং থেরাপ্যুতিক্সকী অয়াবা পীবগী থৌওং হেন্না নীংথিনা পাঙথোক্নবা মতেং পাংবা অমসুং হেন্না মপাঙ্গল কনবা গ্লোবেল হেল্থ সেক্যুরিতী আর্কিতেকচর অমা শেমগৎনবা দবল্যু.ঐচ.ও.গী মপাঙ্গল কনখৎহনবা অসি তঙাই ফদে”। গ্লোবেল কম্ম্যুনিতীগী থৌদাং লৈবা মেম্বর অমা ওইনা ভারতনা খোঙথাংশিং অসিদা মরু ওইবা থৌদাং লৌনবা শেম-শাদুনা লৈরি, হায়না মহাক্না মখা তাখি।

কেন্দ্রগী মন্ত্রীনা হায়খি, “ভারতনা শান্তি অমসুং হকশেল মরী লৈনহল্লিবা চহি অসিগী থিম অসি মতাং চাই অমসুং চুন্নৈ হায়না থাজৈ মরমদি শান্তি লৈতনা সস্তেনেবল দিবেলপমেন্ত অমসুং য়ুনিভর্সেল হেল্থ অমসুং ৱেলবিং লৈরোই”।

অদুম ওইনমক সেসন অদুদা ভারতকী স্তেচুতরী ওথোরিতীনা ফোঙখিবা কন্ত্রী স্পেসিফিক ওথেন্তিক দেতা অদু য়েংদনা দবল্যু.ঐচ.ও.না হন্দক ওক কোজ এক্সেস মোর্তেলিতীদা চত্থখিবা এক্সর্সাইজ অদুগী মতাংদা নুংঙাইতবা ফোঙদোকখি। হীরম অসিদা কেন্দ্রগী হকশেল মন্ত্রীনা ভারতকী রাজ্য পুম্নমক্কী হকশেল মন্ত্রীশিংগী মহুৎ শিল্লিবা বোদী অমা ওইরিবা সেন্ত্রেল কাউন্সিল ওফ হেল্থ এন্দ ফেমিলী ৱেল্ফিয়রনা নুংঙাইতবা পোকখিবা অদু পাউদমখি মরমদি মখোয়না এক্সেস মোর্তেলিতী রিপোর্তশিংগী মতাংদা দবল্যু.ঐচ.ও.গী এপ্রোচ অমসুং মেথোদোলোজীগী মতাংদা অমত্তা ওইনা লৌখিবা ৱারেপ অমা পাস তৌখি।

কেন্দ্রগী হকশেল মন্ত্রীনা থমখিবা মপুং ফাবা ৱারোল মখাদা পীরি:

ভারতনা শান্তি অমসুং হকশেল মরী লৈনহল্লিবা চহি অসিগী থিম অসি মতাং চাই অমসুং চুন্নৈ হায়না থাজৈ মরমদি শান্তি লৈতনা সস্তেনেবল দিবেলপমেন্ত অমসুং য়ুনিভর্সেল হেল্থ অমসুং ৱেলবিং লৈরোই।

দবল্যু.ঐচ.ও.না ওবজেক্তিব অমসুং রিজল ওরিয়েন্তেদ ওইবা মওং অমদা হেল্থ ফোর ওল হায়বা পান্দম অসি ফংনবা হোৎনবদা মরু ওইবা থৌদাং অমা লৌগনি হায়না ভারতনা চেৎনা থাজৈ। মতম অসিদা থোক্লিবা থৌদোকশিং অসি লাকশিন্নবা হীরমশিংদা দবল্যু.ঐচ.ও. অসি মতিক চাহন্নবা হোৎনবা হায়বা অসি ঐখোয় পুম্নমক্কী থৌদাং লৌগদবনি। ভারতনা মতম চুপ্পদা দবল্যু.ঐচ.ও.না মেম্বর ওইরিবা লৈবাকশিংগী অনীংবা-অপাম্বশিং থুংহন্নবা অমসুং মসিগী থৌওংশিং অসি মেম্বর ওইরিবা লৈবাকশিংনা শাহৌ পীনবা অফবা মওংদা শরুক তমদুনা লাকখি।

হীরম অসিদা স্তেচুতরী ওথোরিতীনা ফোঙখিবা ঐখোয়গী কন্ত্রী স্পেসিফিক ওথেন্তিক দেতা অসি য়েংদনা দবল্যু.ঐচ.ও.না হন্দক ওল কোজ এক্সেস মোর্তেলিতীদা চত্থখিবা এক্সর্সাইজ অদুদা ভারতনা নুংঙাইতবা ফাওই।

মসিনা মরম ওইদুনা ভারতকী সম্বিধানগী আর্তিকল ২৬৩গী মখাদা শেমখিবা ভারত মনুংদা লৈবা রাজ্য পুম্নমক্কী হকশেল মন্ত্রীশিংগী মহুৎ শিল্লিবা বোদী অমা ওইরিবা সেন্ত্রেল কাউন্সিল ওফ হেল্থ এন্দ ফেমিলী ৱেল্ফিয়রনা মখোয়না হীরম অসিদা চত্থখিবা দবল্যু.ঐচ.ও.গী এপ্রোচ অসিদা অপুনবা ওইনা য়ানীংদবা ফোঙদোক্লি হায়না ঐঙোন্দা পাউদমবীয়ু হায়না অমত্তা ওইনা লৌখিবা ৱারেপ অমা পাস তৌখি।

গ্লোবেল আর্কিতেকচরদা দবল্যু.ঐচ.ও.গী সেন্ত্রেলিতী লৈহনবা অমসুং তাঙ্কক নাইবা মওং আমদা দবল্যু.ঐচ.ও.দা শরুক তম্বগী অয়াবা অসি হেনগৎহনবা তঙাই ফদবা অমা লৈ অদুবু মসি একাউন্তেবিলিতী ফ্রেমৱার্ক, ভেল্যু ফোর মনী এপ্রোচ অমসুং মেম্বর ওইরিবা লৈবাকশিংগা তশেংনা থবক তৌমিন্নবা অসিগী লিঙ্ক তৌবা তাই।

ভারতনা ইন্তেলেকচুএল প্রোপর্তীগা মরী লৈনবা হীরমশিং, য়াওনা মেদিকেল কাউন্তর মিজরশিং অসি ইক্বিতেবল ওইনা এক্সেস ফংহনবগী মথক্তা কোস্ত-ইফেক্তিব রিসর্চ, তেক্নোলোজী ত্রান্সফরগী মথৌ তাবা অমসুং রিজনেল মেন্যুফেকচরিং কেপাসিতীশিং অসিসু মরু ওইবা লম অমা ওইহনবা তাই হায়না ফোঙদোকপা পাম্মি।ভারতকী ইকাই খুম্নরবা প্রধান মন্ত্রী মোদীজীনা ভেক্সিন অমসুং হীদাক-লাংথকশিং ইক্বিতেবল ওইনা এক্সেস তৌবা ঙমহন্নবা মপাঙ্গল কনবা গ্লোবেল সপ্লাই চেন অমা শেমগৎপা তঙাই ফদে; ভেক্সিন অমসুং থেরাপ্যুতিক্সকীদমক দবল্যু.ঐচ.ও.গী অয়াবা পীবগী থৌওং অমসুং হেন্না মপাঙ্গল কনবা গ্লোবেল হেল্থ সেক্যুরিতী আর্কিতেকচর অমা শেমগৎনবা রিফোর্ম পুরকপা লোয়ননা দবল্যু.ঐচ.ও.গী মপাঙ্গল কনখৎহনবা অসিদা থবক হেন্না নীংথিনা পাঙথোকহনবগী তঙাই ফবা অদু ফোঙদোকখি। গ্লোবেল কম্ম্যুনিতীগী থৌদাং লৈবা মেম্বর অমা ওইনা ভারতনা খোঙথাংশিং অসিদা মরু ওইবা থৌদাং লৌনবা শেম-শাদুনা লৈরি।

******