প্রধান মন্ত্রী রাইৎ ওনরেবল শের বহাদুর দেউবানা বর্তন তৌরকপদগী প্রধান মন্ত্রী, শ্রী নরেন্দ্র মোদীনা মে ১৬, ২০২২দা বুদ্ধ পুর্নিমাগী য়াইফরবা থৌরমগা চাননা নেপালগী লুম্বিনীদা ওফিসিএল ওইবা খোঙচৎ অমা চৎখ্রে। প্রধান মন্ত্রী ওইনা মসি শ্রী নরেন্দ্র মোদীগী নেপালদা চৎপা মঙাশুবা অমসুং লুম্বিনীদা চৎপা অহানবা খোঙচৎ ওইরি।

প্রধান মন্ত্রীনা থুংখিবদা প্রধান মন্ত্রী দেউবা, মহাক্কী লোইনবী দা. অর্জু রানা দেউবা, গৃহ মন্ত্রী মিস্তর বাল কৃষ্ণ খান্দ, মপাল থৌরম মন্ত্রী দা, নারায়ন খাদকা, ফিজিকেল ইনফ্রাস্ত্রকচর অমসুং ত্রান্সপোর্তেসন মন্ত্রী মিস রেনু কুমারি য়াদব, ইনর্জী, ৱাতর রিসোর্সেস এন্দ ইরিগেসন মিস পম্ফা ভুসল, কলচর, সিভিল এভিএসন অমসুং তুরিজম মন্ত্রী মিস্তর প্রেম বহাদুর অলে, এজুকেস মন্ত্রী মিস্তর দেবেন্দ্র পৌদেল, লো, জস্তিস এন্দ পার্লিয়ামেন্তরী এফিয়র্স মিস্তর গোবিন্দা প্রসাদ শর্ম অমসুং লুম্বিনী প্রোভিন্সকী মুখ্য মন্ত্রী মিস্তর কুল প্রসাদ কে.সি.না তরাম্না ওকখি।

থুংখিবগা প্রধান মন্ত্রীনা ভগৱান বুদ্ধ পোকখিবা মফম লৈরিবা মায়াদেবী মন্দিরদা চৎখি। লাইশঙ অসিদা প্রধান মন্ত্রীশিংনা বুদ্ধিস্তকী লাইশোন-তিনশোনগী মতুং ইন্না পাঙথোকপা থৌনিবগী থৌরমদা শরুক য়াখি অমসুং হৈকৎ-লৈকৎ তমখি। প্রধান মন্ত্রীশিংনা ভগৱান বুদ্ধগী পোক্নফম অসি লুম্বিনীনা হায়বগী খুদম-চাংদম য়াওরিবা অহানবা ইপিগ্রাফিক ওইরিবা ইতিহাসিক ওইরবা অশোকা পিল্লরদা চৎখি অমসুং থাওমৈ চুখৎখি। ২০১৪দা নেপালদা চৎখিবা প্রধান মন্ত্রী মোদীগী খোঙচৎতা মহাক্না খুদোল ওইনা পীখিবা শেংলবা বোধি পাম্বী অদু মখোয়না ঈশিং চাইখি।

প্রধান মন্ত্রী মোদীনা প্রধান মন্ত্রী দেউবাগা লোয়ননা নই দিল্লীদা বেজ তৌবা ইন্তর্নেস্নে বুদ্ধিস্ত কনফেদরেসন (আই.বি.সি.)কী ওইবা লুম্বিনীগী প্লোৎ অমদা ইন্দিয়া ইন্তর্নেস্নেল সেন্তর ফোর বুদ্ধিস্ত কলচর এন্দ হেরিতেজ শাবগী “শিলান্যাস”কী থৌরম পাঙথোকখি। প্লোৎ অসি ২০২১গী নবেম্বরদা লুম্বিনী দিবেলপমেন্ত ত্রস্তনা আই.বি.সি.দা পীখিবনি। “শিলান্যাস”কী থৌরম অসিগী মতুংদা প্রধান মন্ত্রীশিংনা বুদ্ধিস্ত সেন্তরগী মোদেল অমা মাইখুম হাংদোকখি, মসি নেৎ-জিরো কমপ্লেন্ত ওইবা মালেমগী থাক্কী ফেসিলিতী অমা ওইহন্নবা পান্দম থম্মি মসিদা লাইখুরুম্নবা হোল, মেদিতেসন সেন্তরশিং, লাইব্রেরী, একজিবিসন হোল, কেফেতেরিয়া, ওফিস অমসুং অতোপ্পা তঙাই ফদবা কয়া অমা য়াওগনি অমসুং মালেম শিনবা থুংবদগী লাকপা বুদ্ধিস্তকী তীর্থ য়াত্রা চৎপা মীওই অমসুং লমকোইবশিংদা খুদোংচাবা পীরগনি।

প্রধান মন্ত্রী অনিমক্না বাইলেতরেলগী ওইবা মীফম অমা পাঙথোকখি, মসিদা মখোয়না নই দিল্লীদা এপ্রিল ২দা পাঙথোকখিবা মখোয়গী খন্ন-নৈনখিবশিংগী ফোলো অপ তৌখি। মখোয়না কলচর, শেন্মীৎলোন, ত্রেদ, কন্নেক্তিবিতী, ইনর্জী অমসুং দিবেলপমেন্ত পার্তনরশিপ য়াওনা তোঙান-তোঙানবা সেক্তরশিংদা তেংবাং পীনরিবা অসি হেন্না মপাঙ্গল কনখৎহন্নবা অখন্নবা থৌরাংশিং অমসুং ৱাখল্লোনশিংগী মতাংদা খন্নখি। নাকল অনিনা বুদ্ধিজমগী শেংলবা লাইফমলেনশিংগী মরক্তা চল্লিবা, লুম্বিনী অমসুং কুশিনগরদা সিস্তর সিতী রিলেসনশিং থম্নবা অমসুং লৈবাক অনিগী মরক্তা বিদ্ধিস্ত হেরিতেজ শিয়র তৌরিবা অসি তাক্নবা প্রিন্সিপল অমদা য়ান্নখি।

প্রধান মন্ত্রী অনিনা থা খরা অসিদা জেনরেসন প্রোজেক্তশিং, পাৱর ত্রান্সমিসন ইনফ্রাস্ত্রকচর অমসুং পাৱর ত্রেসকী চাউখৎ-থৌরাং কোনশিল্লিবা বাইলেতরেল পাৱর সেক্তর কোওপরেসন্দা খুমাং চাউশিল্লিবা অসিদা অপেনবা ফোঙদোকখি। প্রধান মন্ত্রী দেউবানা ভারতকী কম্পনীশিংদা নেপালদা লৈবা ৱেস্ত সেতি হাইদ্রোজেন পাৱর প্রোজেক্তকী চাউখৎ-থৌরাংগী থবক পাইখৎপীনবা হায়খি। পি.এম.না নেপালগী হাইদ্রোপাৱর সেক্তরগী চাউখৎ-থৌরাংদা ভারতনা তেংবাং পীগনি অমসুং হীরম অসিদা অনৌবা প্রোজেক্তশিং খোঙজেল য়াংনা খঙদোক্নবা থৱায় য়াওবা ভারতকী দিবেলপরশিংবু পুক্নিং থৌগৎকনি হায়না থাজবা পীখি। প্রধান মন্ত্রী অনিনা লৈবাক অনিগী মীয়াম অসি হেন্না নকশিন্ননবা এজুকেস্নেল অমসুং কলচরেল একচেঞ্জশিং তৌনবা য়ান্নখি। প্রধান মন্ত্রী দেউবানা প্রধান মন্ত্রী মোদীবু ইকাই খুম্নবা উৎপা ওইনা অয়ুক্কী চাকলেন অমা শিনখি।

প্রধান মন্ত্রী অনিনা নেপাল সরকারগী লুচিং মখাদা লুম্বিনী দিবেলপমেন্ত ত্রস্তনা শিনবা ২৫৬৬শুবা বুদ্ধ জয়েন্তি পালন তৌনবা পাঙথোকপা অখন্নবা থৌরম অমদা শরুক য়াখি। থৌরম অসিদা পি.এম. মোদীনা লম্বোইবা, ওফিসিএল, দিগনিতরী অমসুং বুদ্ধিস্তকা মরী লৈনবা মীওইশিংগী ওইবা য়াম্লবা মীয়ামগী মীতিন অমদা ৱা ঙাংখি।

এপ্রিল ১-৩, ২০২২দা প্রধান মন্ত্রী দেউবানা দিল্লী অমসুং বারানসীদা চৎখিবা মাইপাক্লবা খোঙচৎকী মতুংদা প্রধান মন্ত্রীনা নেপালগী লুম্বিনীদা খোঙচৎ অসি চৎখিবনি। ঙসিগী খোঙচৎ অসিনা লৈবাক অনিগী মরক্তা লৈরিবা মলতিদফেসেতেদ পার্তনরশিপ  অমসুং মরু ওইবা লমশিং মরু ওইনা এজুকেসন, কলচর, ইনর্জী অমসুং লৈবাক অনিগী প্রজাশিংগী মরক্তা একচেঞ্জশিং তৌবা য়াওনা এদভান্স কোওপরেসন খোঙজেল য়াংশিনহনগনি। প্রধান মন্ত্রী মোদীগী লুম্বিনীগী খোঙচৎ অসিনা ভারত অমসুং নেপালগী মরক্তা অচেৎপা অমসুং অফবা সভ্যতাগী মরীশিং অমসুং নাকল অনিমক্তা মীয়াম্না শরুক তম্লিবা অসি য়োকখৎনবা অমসুং চাউখৎহনবা মীৎয়েং চংখি।

খোঙচৎ অসিদা ৱারোইশিন পুরকখিবা দোক্যুমেন্তশিংগী লিস্ত মসিদা য়েংবা য়াগনি।

****