প্রধানমন্ত্রীগী লোইশঙ
azadi ka amrit mahotsav

প্রধান মন্ত্রীনা মে ১৩দা মধ্য প্রদেশ স্তার্ত-অপ কনক্লেব মনুংদা মধ্য প্রদেশ স্তার্ত-অপ পোলিসী হৌদোক্লগনি

Posted On: 12 MAY 2022 12:34PM by PIB Imphal

প্রধান মন্ত্রী, শ্রী নরেন্দ্র মোদীনা ইন্দোরদা পাংথোক্লিবা মধ্য প্রদেশ স্তার্ত-অপ কনক্লেব অসিগী মনুংদা মে ১৩, ২০২২গী নুংথিলগী পুং ৭ তাবা মতমদা ভিদিও কনফরেন্সিংগী খুত্থাংদা মধ্য প্রদেশ স্তার্ত-অপ পোলিসী হৌদোকপগা লোয়ননা স্তার্ত-অপ খুন্নাই অসিগী মফমদা মশাগী ৱারোলসু থমগনি। মহাক্না মধ্য প্রদেশ স্তার্ত-অপ পোর্তেলসু লোঞ্চ তৌগনি অমসুং মসিনা স্তার্ত-অপ ইকোসীস্তেম্বু হেন্না তেংবাংবা অমসুং খুমাং চাউশিলহনগনি।

মধ্য প্রদেশ স্তার্ত-অপ কনক্লেব অসিদা সরকারগী মাইকৈদা লৈরিবা পোলিসী শেম্বশিং, প্রাইভেত সেক্তর, ইন্নোভেতর, ওন্তোপ্রিনর, একাদমিসিয়ন, ইনভেস্তর, মেন্তর অমসুং অতোপ্পা স্তেকহোলদর কয়া য়াওনা স্তার্ত-অপ ইকোসীস্তেমগী তোঙানবা য়ুম্বী কয়ানা শরুক য়াগনি। মসিদা স্পীদ মেন্তরিং সেসনগুম্বা মহৈগী ইন্সতিত্যুসনগী মকোক ওইবা মীওইগা স্তার্ত-অপকী মীওইগা ৱারী শাবগী থৌওং; পোলিসী শেম্বা মীওইশিংনা লমজিংদুনা স্তার্ত-অপ অমা করম্না হৌদোক্কনি হায়বগী সেসন; ওন্তোপ্রিনরশিংনা ফন্দিংগী তোঙানবা থৌওং কয়াগী মতাংদা তমজবা য়াবা ফন্দিং সেসন; স্তার্ত-অপশিংনা ইনভেস্তরশিংগা খুৎশম্নবগী খুদোংচাবা ফংদুনা ফন্দিং ফংনবগীদমক্তা মখোয়গী ৱাখল্লোন ফোংদোকপগী পিৎচিং সেসন; অমসুং মসিদা শরুক য়ারিবশিংনা ব্রান্দ ভেল্যুগী মতাংদা খঙবা ঙম্বা অমসুং রাজ্য অসিদা স্তার্ত-অপ ইকোসীস্তেম্বু খুমাং চাউশিলহনবগী মতাংদা নৈনগদবা ইকোসীস্তেম সপ্পোর্ত সেসনগুম্বা মখল কয়াগী সেসনসু পাংথোক্কনি। অনৌবা চৎনবী অমসুং ইন্নোভেসন কয়া উৎপা স্তার্ত-অপ এক্সপো অমসু মফমসিদা পাংথোক্কনি।

*******



(Release ID: 1824715) Visitor Counter : 48