ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ମଇ ୧୩ ତାରିଖରେ ମଧ୍ୟପ୍ରଦେଶ ଷ୍ଟାର୍ଟଅପ୍ ଆଲୋଚନାଚକ୍ର ଅବସରରେ ମଧ୍ୟପ୍ରଦେଶ ଷ୍ଟାର୍ଟଅପ୍ ନୀତିର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ
प्रविष्टि तिथि:
12 MAY 2022 12:34PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୧୩ ମଇ ୨୦୨୨ ସଂଧ୍ୟା ୭ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ମଧ୍ୟପ୍ରଦେଶର ଇନ୍ଦୋରରେ ହେବାକୁ ଥିବା ଷ୍ଟାର୍ଟଅପ୍ ଆଲୋଚନାଚକ୍ର ଅବସରରେ ମଧ୍ୟପ୍ରଦେଶ ଷ୍ଟାର୍ଟଅପ୍ ନୀତିର ଶୁଭାରମ୍ଭ କରିବେ । ସେ ମଧ୍ୟପ୍ରଦେଶ ଷ୍ଟାର୍ଟଅପ୍ ପୋର୍ଟାଲର ଶୁଭାରମ୍ଭ କରିବେ, ଯାହା ଷ୍ଟାର୍ଟଅପ୍ ବ୍ୟବସ୍ଥାକୁ ପ୍ରୋତ୍ସାହିତ କରିବ ଏବଂ ସହାୟକ ହେବ ।
ମଧ୍ୟପ୍ରଦେଶ ଷ୍ଟାର୍ଟଅପ୍ ଆଲୋଚନାଚକ୍ରରେ ସରକାରୀ ତଥା ବେସରକାରୀ କ୍ଷେତ୍ରର ନୀତି ପ୍ରସ୍ତୁତକାରୀ, ଉଦ୍ଭାବକ, ଉଦ୍ୟୋଗୀ, ଶିକ୍ଷାବିତ୍, ନିବେଶକ, ପରାମର୍ଶଦାତା ଏବଂ ଅନ୍ୟାନ୍ୟ ହିତାଧିକାରୀଙ୍କ ସମେତ ଷ୍ଟାର୍ଟଅପ୍ ଇକୋସିଷ୍ଟମର ବିଭିନ୍ନ ବର୍ଗର ଅଂଶଗ୍ରହଣର ସାକ୍ଷୀ ରହିବ । ଏହା ସ୍ପିଡ୍ ମେଣ୍ଟରିଂ ଅଧିବେଶନ ସହିତ ବିଭିନ୍ନ ଅଧିବେଶନର ସାକ୍ଷୀ ହେବ, ଯେଉଁଠାରେ ଷ୍ଟାର୍ଟଅପ୍ ଶିକ୍ଷାନୁଷ୍ଠାନଗୁଡ଼ିକର ମୁଖ୍ୟ ଏବଂ ଷ୍ଟାର୍ଟଅପ୍ଗୁଡିକ ସହିତ ଆଲୋଚନା କରିବେ; କିପରି ଷ୍ଟାର୍ଟଅପ୍ ଅଧିବେଶନ ଆରମ୍ଭ କରିବେ, ଯେଉଁଠାରେ ଷ୍ଟାର୍ଟଅପ୍ ନୀତି ର୍ନିଣ୍ଣୟକାରୀଙ୍କ ଦ୍ୱାରା ପରିଚାଳିତ ହେବ; ପାଣ୍ଠି ଯୋଗାଣ ଅଧିବେଶନ, ଯେଉଁଠାରେ ଉଦ୍ୟୋଗୀମାନେ ବିଭିନ୍ନ ପାଣ୍ଠି ପଦ୍ଧତି ବିଷୟରେ ଜାଣିବେ; ପିଚିଙ୍ଗ ଅଧିବେଶନ, ଯେଉଁଠାରେ ଷ୍ଟାର୍ଟଅପ୍ ନିବେଶକମାନଙ୍କ ସହିତ ସହଯୋଗ କରିବାକୁ ସୁଯୋଗ ପାଇବେ ଏବଂ ପାଣ୍ଠି ପାଇଁ ସେମାନଙ୍କର ଧାରଣା ପ୍ରକାଶ କରିବେ; ଏବଂ ଇକୋସିଷ୍ଟମ୍ ସହାୟତା ଅଧିବେଶନ, ଯେଉଁଠାରେ ଅଂଶଗ୍ରହଣକାରୀମାନେ ବ୍ରାଣ୍ଡ ମୂଲ୍ୟ ଏବଂ ରାଜ୍ୟରେ ଷ୍ଟାର୍ଟଅପ୍ ଇକୋସିଷ୍ଟମକୁ ପ୍ରୋତ୍ସାହିତ କରିବା ବିଷୟରେ ଅବଗତ ହେବେ । ନୂତନ ଧାରା ଏବଂ ଉଦ୍ଭାବନ ପ୍ରଦର୍ଶନ କରୁଥିବା ଏକ ଷ୍ଟାର୍ଟଅପ୍ ଏକ୍ସୋ ମଧ୍ୟ ଏହି ସ୍ଥାନରେ ପ୍ରଦର୍ଶିତ ହେବ ।
HS
(रिलीज़ आईडी: 1824669)
आगंतुक पटल : 203
इस विज्ञप्ति को इन भाषाओं में पढ़ें:
Malayalam
,
Assamese
,
English
,
Urdu
,
Marathi
,
हिन्दी
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada