প্রধানমন্ত্রীগী লোইশঙ
পি.এম.না সেমিকোন ইন্দিয়া কন্ফরেন্স ২০২২ হৌদোকখ্রে
“ভারতপু মালেমগী সেমি-কন্দক্তর সপ্লাই চেনগী মরুওইবা খোঙবু অমা ওইনা শেমগৎপা হায়বসি ঐখোয়গী অপুনবা পান্দম্নি”
“ঐখোয়না হকশেল অমসুং য়াইফ-থৌরাংদগী হৌরগা পুম্নমক কোনশিনবা অমদি মপাঙ্গল কলহনবা ফাওবদা লৈঙাক্লোনগী হীরম খুদিংদা অওনবা পুরক্নবগীদমক দিজিতেল তেক্নোলোজী শীজিন্নরি”
“ঐখোয়না ভারতপু মথংগী তেক্নোলোজী রিভোলুসন লমজিংনবা লম্বী য়াৎলি”
“মালেমগী খ্বাইদগী য়াঙবা স্তার্তঅপ ইকোসিস্তেমগা লোয়ননা ভারতনা অচৌবা শেন্মিৎলোনগী চাওখৎপা ফীভমগী মায়দা খোঙ থাংজিল্লি”
“ভারতনা লল্লোন ইতিক তৌবা লায়থোকহন্নবগীদমক মখল কয়াগী অহোংবা পুরক্নবা থবক পায়খৎলি”
“ঐখোয়দা কা হেন্না হৈ-শিংবা সেমি-কন্দক্তর দিজাইন তেলেন্ত পুল লৈদুনা মালেমগী সেমিকন্দক্তর দিজাইন ইঞ্জিনিয়রগী ২০% ওইরি”
“ভারত মশাগী সেমি-কন্দক্তর শীজিন্নবগী চাং ২০২৬ ফাওবদা দোলর বিলিয়ন ৮০ অমদি ২০৩০ ফাওবদা দোলর বিলিয়ন ১১০ লান্থোক্লগনি হায়না পানরি”
“মীওইবা খুন্নাইনা চহিচা অমদা অমুকখক লাকপা লাইচৎ অমা থেংনরিঙৈ মনুংদা, ভারতনা ঐখোয়গী মীয়ামগী হকশেল ফগৎহনবতা নত্তনা ঐখোয়গী শেন্মিৎলোনগী ফীভমসু ফগৎহনখি”
“ইন্দসত্রীনা থবক কন্না চঙশিল্লকপদা লৈঙাক্না হেন্না কন্না
Posted On:
29 APR 2022 11:21AM by PIB Imphal
প্রধান মন্ত্রী শ্রী নরেন্দমর মোদীনা সেমিকোন ইন্দিয়া কন্ফরেন্স ২০২২ হৌদোকখ্রে অমদি ঙসি হৌদোকপগী থৌরমদা ভিদিও কন্ফরেন্সিংগী খুত্থাঙদা মহাক্কী ৱারোল থমখি। কেন্দ্রগী মন্ত্রীশিং, সেমিকন্দক্তর ইন্দস্ত্রীগী লুচিংবশিং, ইনভেস্তর, একাদমিক অমসুং দিপ্লোমেতিক কোরগী লূপ্লোয়শিংনা থৌরমদুদা শরুক য়াখি।
থৌরমদুদা প্রধান মন্ত্রীনা পুম্নমকপু তরাম্না ওকখি অমদি কন্ফরেন্স অদু ভারত্তা পাঙথোকপগীদমক নুংঙাইবা ফোঙদোকখি। ঙসিগী মালেমসিদা সেমি-কন্দক্তগী মরুওইবা থৌদাংশিংগী মরমদা ফোঙদোক্লদুনা “ভারতপু মালেমগী সেমি-কন্দক্তর সপ্লাই চেনগী মরুওইবা খোঙবু অমা ওইনা শেমগৎপা হায়বসি ঐখোয়গী অপুনবা পান্দম্নি। হাই-তেক, হায় ক্বালিতী অমসুং হায় রিলাইএবিলিতীগী পথাপ্তা য়ুম্ফম ওইদুনা ঐখোয়না থবক তৌবা পাম্মি,” হায়না মহাক্না হায়খি।
ভারতনা সেমি-কন্দক্তর তেক্নোলোজীগী পুক্নিং চিংশিন্নিংঙাই ওইরবা পন্থুংফম অমা ওইনবগী মরম তরুক প্রধান মন্ত্রীনা থমখি।
অহানবদা, ভারত মচা বিলিয়ন ১.৩ হেনববু শমজিন্ননবা দিজিতেল ইনফ্রাস্ত্রকচর ভারতনা শেমগৎলি। ফাইনেন্সিএল ইনক্লুজন, বেঙ্কিং অমসুং দিজিতেল পেমেন্ত রিভোলুসনগী মরমদা ভারতনা চঙশিল্লিবা থবকশিংগী মরমদা শন্দোক্না তাক্লদুনা “ঐখোয়না হকশেল অমসুং য়াইফ-থৌরাংদগী হৌরগা পুম্নমক কোনশিনবা অমদি মপাঙ্গল কলহনবা ফাওবদা লৈঙাক্লোনগী হীরম খুদিংদা অওনবা পুরক্নবগীদমক দিজিতেল তেক্নোলোজী শীজিন্নরি,” হায়না প্রধান মন্ত্রীনা হায়খি।
অনিসুবদা, খুঙ্গঙ লাখ তরুকপু ব্রোদবেন্দগী মতেংনা শম্নহন্নবা অমদি ৫জি, আই.ও.তি. অমসুং ক্লীন ইনর্জী তেক্নোলোজীগী মতিং হেনগৎহন্নবা শেল থাদরিবা থৌরাংশিংগা লোয়ননা ভারতনা মথঙগী তেক্নোলোজী রিভোলুসন লমজিংনবা লম্বী য়াৎলি হায়না প্রধান মন্ত্রীনা হায়খি।
অহুমসুবদা, মালেমগী খ্বাইদগী খোঙজেল য়াঙবা স্তার্তঅপ ইকো-সিস্তেমগা লোয়ননা ভারতনা চাউরবা শেন্মিৎলোনগী চাওখৎপা পুরক্নবা মায়কৈদা চঙশিল্লি। ভারত মশাগী সেমি-কন্দক্তর শীজিন্নবগী চাং ২০২৬ ফাওবদা দোলর বিলিয়ন ৮০ অমদি ২০৩০ ফাওবদা দোলর বিলিয়ন ১১০ লান্থোক্লগনি হায়না পানরি।
মরিসুবদা, ভারত্তা লল্লোন ইতিক তৌবা লায়থোকহন্নবগীদমক মখল কয়াগী অহোংবা পুরক্নবা থবক ভারতনা পায়খৎলি। কম্প্লাইএন্স ২৫,০০০ হেন্না মুত্থৎখিবা অমদি ওতো রিনিউএবল লাইসেন্সকী লমদা শাফু অমগা লোয়ননা চঙশিল্লিবা, রিগুলেতরী ফ্রেমৱর্ক্তা দিজিতাইজেসনগী খুত্থাঙদা অয়াঙবা খোঙজেল অমসুং মনুং মপান ফাওনা উবা ফীভম পুরকপা অমদি মালেমগী খ্বাইদগী খুদোংচাবা তেক্সেসনগী মওং মতৌনচিংবা থৌরাংশিংগী মরমদা প্রধান মন্ত্রীনা পাউদমখি।
মঙাসুবা মরমদি ভারত মচাশিংবু ২১শুবা চহিচাগী মথৌ তাগদবশিং য়েংলগা হৈ শিংবা হেনগৎহনবদা অমদি ত্রেনিং পীবদা শেল য়াম্না থাদরিবা অসিনা হায়না প্রধাম মন্ত্রীনা ফোঙদোকখি। “ঐখোয়দা কা হেন্না হৈ-শিংবা সেমি-কন্দক্তর দিজাইন তেলেন্ত পুল লৈদুনা মালেমগী সেমিকন্দক্তর দিজাইন ইঞ্জিনিয়রগী ২০% ওইরি। মকোক থোংবা সেমি-কন্দক্তর দিজাইন কম্পেনী ২৫গী মনুংদা অয়ামবদি ঐখোয়গী লৈবাকসিদা দিজাইন নৎত্রগা আর এন্দ দি সেন্তর লৈ”, হায়না মহাক্না মখা তাখি।
তরুকসুবদা, ঐখোয়না ভারতকী মেনুফেকচরিং সেক্তরদা অওনবা পুরক্নবগীদমক য়াম্লবা থৌরাংশিং লৌখৎলে হায়না প্রধান মন্ত্রীনা ফোঙদোকখি। “মীওইবা খুন্নাইনা চহিচা অমদা অমুকখক লাকপা লাইচৎ অমা থেংনরিঙৈ মনুংদা, ভারতনা ঐখোয়গী মীয়ামগী হকশেল ফগৎহনবতা নত্তনা ঐখোয়গী শেন্মিৎলোনগী ফীভমসু ফগৎহনখি,” হায়না মহাক্না হায়খি। প্রধান মন্ত্রীনা মরুওইবা সেক্তর ১৪দা দোলর বিলিয়ন ২৬ হেনবগী ইন্সেন্তিবশিং পীরিবা “প্রদক্সন লিঙ্ক ইন্সেন্তিব্স” স্কিমগী মতাঙদা ৱাফম কয়া থমখি। মথঙগী চহি ৫সিদা ইলেক্ত্রোনিক্স মেনুফেকচরিং সেক্তর রেকোর্দ ওইবা মওংদা চাওখৎলক্কনি হায়না পারি হায়বা ৱাফমসু মহাক্না থমখি। হন্দক্তা দোলর বিলিয়ন ১০ হেনবগী অপুনবা শেনফমগা লোয়ননা লাউথোকখিবা সেমি-কোন ইন্দিয়া প্রোগ্রামগী মতাঙদসু শ্রী মোদীনা হায়খি। প্রোগ্রাম অসিনা সেমি-কন্দক্তর, দিস্প্লে পুথোকপা অমদি দিজাইন ইকোসিস্তেমদা শেল থাদরিবা কম্পেনীশিংদা শেলগী তেংবাং পীনবা পান্দম থম্লি।
শ্রী মোদীনা লৈঙাক্কী মায়কৈদগী মতিক চাবা ঙাক্লৌ পীবগী মথৌ তাই হায়রদুনা লল্লোন ইতিক তৌবগী খ্বাইদগী খুদোংচাবা ফীভম অমা পীননবগীদমক লৈঙাক্না হেক ঙম্লিবমখৈ হোৎনগনি হায়না থাজবা পীখি। “ইন্দসত্রীনা থবক কন্না চঙশিল্লকপদা লৈঙাক্না হেন্না কন্না চঙশিনবা মথৌ তাই,” হায়না মহাক্না ফোঙদোকখি।
অনৌবা মালেমগী মচৎ অমা শেম্লক্লি হায়বা ৱাফম থম্লদুনা প্রধান মন্ত্রীনা লাক্লিবা খুদোংচাবা অসিবু লৌহৌনবা ৱাফম থমখি। “ঐখোয়না চাওখৎপদা পুক্নিং থৌগৎকদবা ফীভম অমা পুরক্নবগীদমক হৌখিবা চহি খরসিদা কন্না হোৎনখি। ভারত্তা তেক অমসুং খুদোংথিবা মায়োক্নবগী খৌরাংবা লৈ। সপ্পোর্ত পোলিসি এনভাইরনমেন্ত অমগী খুত্থাঙদা ঐখোয়না খুদোংচাদবশিং নখোয়গী হেক য়ারিবমখৈ কান্নগদবা মওংদা থম্লে। ভারত হায়বসি বিজিনেসনি হায়না ঐখোয়না উৎলে,” হায়বা ৱাফমগা লোয়ননা প্রধান মন্ত্রীনা মহাক্কী ৱারোল লোইশিনখি।
***
(Release ID: 1821234)
Visitor Counter : 171
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam