প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ইন্দিয়া পোস্ত পেমেন্ত বেঙ্ক (আই.পি.পি.বি.) লিংখৎপদা চঙগদবা অপুনবা শেনফম্বু লুপা করোর ১৪৩৫দগী কাঙলোনগী মতুং ইন্না তঙাই ফদবা কয়া থেংনবা ঙম্নবগীদ্মক্তা ইক্বিতী হাপচিনবা ওইনা লুপা করোর ২২৫৫ য়ৌহন্দুনা প্রোজেক্ত অসিগী অচঙবা শেনফম হেনগৎপগী অয়াবা পীখ্রে। কীবিনেতনা কাঙলোনগী মতুং ইন্না তঙাই ফদবা কয়া থেংনবা অমসুং তেক্নোলোজী অপগ্রেদ তৌবগীদমক্তা লুপা করোর ৫০০গী চাংদা তুংগী মতমদা ফন্দ হাপচিনবগী অয়াবসু পীখি।

মীচম মীয়াম্না কান্নবা ফংবদা লায়বা, শেল চঙদবা অমসুং থাজবা য়াবা বেঙ্ক অমা শাবা, বেঙ্ককী খুদোংচাবা ফংদবশিংনা থেংনবা অপনবা কয়া লৌথোক্তুনা শেল-থুমগী হীরমদা মনুং চলহনবা অমসুং অসিগুম্বা মীশিংগী ওইনা য়ুম্থোং খুদিং চত্তুনা তেংবাংবগী খুত্থাংদা ওপোরচুনিতী কোস্ত হন্থহনবা হায়বসিনা প্রোজেক্ত অসিগী পান্দম্নি। ভারত সরকারগী ‘লেস কেস’ ইকোনোমীগী মিৎয়েংবু প্রোজেক্ত অসিনা হেন্না তেংবাংবগা লোয়ননা মসিনা শেন্মিৎলোন্দা শাহৌ লৌবা অমসুং শেল-থুমগী হীরমগী মনুং চলহনবগী থৌওংবুসু মান্নবা মতমদা পুক্নিং থৌগৎকনি।

ইন্দিয়া পোস্ত পেমেন্ত বেঙ্ক অসি ব্রাঞ্চ/কন্ত্রোল্লিং ওফিস ৬৫০গা লোয়ননা সেপ্তেম্বর ১, ২০১৮দা লৈবাক শিনবা থুংবদা হৌদোকখ্রবনি। আই.পি.পি.বি.না পোস্ত ওফিস লাখ ১.৩৬পু বেঙ্কিং সর্ভিস পীবা ঙমহনখি অমসুং পোস্তমেন অমসুং গ্রামিন দাক সেবক চাউরাকপা লাখ ১.৮৯দা স্মার্ত ফোন অমসুং বাইওমেত্রিক খুৎলায় পীদুনা য়ুম্থোং খুদিংদা চত্তুনা বেঙ্কিং সর্ভিস পীবা য়াহনখি।

আই.পি.পি.বি. হেক হৌদোকখিবদগী, মসিনা একাউন্ত করোর ৫.২৫ হাংদোকখ্রে অমসুং একাউন্তশিং অসিনা লুপা করোর ২১,৩৪৩গী এ.ই.পি.এস. ত্রাঞ্জেক্সন লাখ ৭৬৫ য়াওনা লুপা করোর ১,৬১,৮১১গী শেনফম তাবা অপুনবা ত্রাঞ্জেক্সন করোর ৮২ পাংথোকখ্রে। একাউন্ত করোর ৫গী মনুংদগী, ৭৭%গী চাংদি খুঙ্গংগী মফমশিংদা হাংদোকখি, অমসুং ৪৮%গী চাংনা নুপী কস্তমর ওইদুনা লুপা করোর ১০০০গী দিপোজিত তৌখি। চাউরাকপা নুপী কস্তমর লাখ ৪০না মখোয়গী একাউন্তশিংদা চাউরাকপা লুপা করোর ২৫০০গী শেনফমগী দাইরেক্ত বেনেফিত ত্রান্সফর (দি.বি.তি.) ফংনখি। স্কুলগী মহৈরোইশিংগী একাউন্ত লাখ ৭.৮ হেনবসু হাংদোকখ্রে।

আই.পি.পি.বি.না এস্পিরেস্নেল দিস্ত্রিক্তশিংদা চাউরাক্না একাউন্ত লাখ ৯৫.৭১ হাংদোকখি অমসুং মখোয়শিং অসিনা লুপা করোর ১৯,৪৮৭কী শেনফমগা লোয়নবা ত্রাঞ্জেক্সন লাখ ৬০২ পাংথোকখি। লেফ ৱিং এক্সত্রিমিজম (এল.দবল্যু.ই.) জিলাশিংদা আই.পি.পি.বি.না চাউরাক্না একাউন্ত লাখ ৬৭.২০ হাংদোকখি অমসুং মসিদসু মখোয়শিং অসিনা লুপা করোর ১৩,৪৬০হী শেনফমগা লোয়নবা ত্রাঞ্জেক্সন লাখ ৪২৬ পাংথোকখি।

ৱাহৌদোক অসিগী মখা পোন্না চঙগদবা অপুনবা চাদিং অসি লুপা করোর ৮২০ ওইগনি। ইন্দিয়া পোস্ত পেমেন্ত বেঙ্কনা পোস্ত বিভাগকী মতেংদগী ভারত শিনবা থুংবদা শেল-থুমগী হীরমদা মনুং চলহনবা হায়বগী পান্দম অসিবু ফংবদা ৱারেপ অসিনা মশক থোক্না তেংবাংগনি।

*****