হিস এক্সেলেন্সী, ফিজিগী প্রধান মন্ত্রী, বেনিমরামা জী, সদগুরু মধুসুদন সাই, সাই প্রেম ফাউন্দেশনগি ত্রস্তী পুম্নমক, ওসপিতলগী মেম্বরশিং, শক্নাইরবা মীথুংলেনশিং, অমসুং ফিজিগী ইচিল-ইনাওশিং!

নি-সাম বুলা ৱিনাকা, খুরমজরি!

সুৱাদা স্রি সত্য সাই সঞ্জিবনি চিল্দ্রেন্স আর্ত ওসপিতল হৌদোকপগী অসিগুম্বা য়াম্না য়াইফরবা থৌরম অসিদা শরুক য়াবা ফংবদা য়াম্না নুংঙাইবা ফাওই। ঐহাক্না মসিগীদমক্তা হিস এক্সেলেন্সী, ফিজিগী প্রধান মন্ত্রী অসুং ফিজিগী মীয়ামদা থাগৎচরি। মসি ঐখোয় মশেলগী মরক্তা হান্নদগী লৈরক্লবা মরী  অদুগী খুদম্নি। মসি ভারত অমসুং ফিজি অনিনা পুন্না চৎমিন্নবা খোংচৎ অদুগী অনৌবা পন্দুপ অমনি। অঙাংশিংগী ওইবা হার্তকী হোসপিতল অসি ফিজি খক্ত নত্তনা সাউথ ইস্ত এসিয়া রিজন পুম্বগী ওইনা অসিগুম্বা মখলগী অমত্তা ঙাইরবা হোসপিতলনি হায়না ঐঙোন্দা হায়রকখি। হার্তকা মরী লৈনবা লাইনা অসিনা য়াম্না অচৌবা শিংনবা অমা ওইবা রিজনগীদমক্তা, মসিগী হোপিতল অসি অঙাং লিশিং কয়া অমদা অনৌবা পুনশি অমা পীনবগী লম্বি অমা ওইগনি।  মসিদা অঙাং খুদিংমকপু ৱার্ল্দ ক্লাস ত্রীতমেন্ত ফংবদা নত্তনা সর্জরী পুম্নমক ‘ফ্রী ওফ কোস্ত’সু ওইগনি হায়বসি ঐহাক্না য়াম্না অপেনবা ফাওই। মসিগীদমক্তা ফিজি সরকার, সাই প্রেম ফাউন্দেশন, ফিজি, অমসুং ভারতকী শ্রী সথ্য সাই সঞ্জীৱনি চিল্দ্রেন্স হোসপিতলবু থাগৎপা ফোংদোক্লি।

মসিগী থৌরম অসিদা অকন্ননা ব্রাহমলীন স্রি সাই বাবাবু কোক নোন্দুনা ইকাইখুম্নবা উৎচরি। মীওইবগী সেবা তৌনবগীদমক্তা মহাক্না থারম্বা উপাম্বি চরা মচা অদুনা ঙসিদি চাউরবা খোংনাং পাম্বি অমা ওইদুনা মীওইবা জাতি পুম্বগী সেবা তৌরি। ঐহাক্না হান্নসু হায়খি মদুদি স্রি সত্য সাই বাবানা স্পিরিচুৱলিজমবু রিচুৱলশিংদগী তোঙালহন্দুনা মীয়ামগী য়াইফবগা মরী লৈনহনবগী য়াম্না চাউরবা শিন্থা অমা পাংথোক্লমখি।। এজুকেশন অমসুং হেল্থকী লমদা মহাক্না তৌরম্বা থবকশিং, লাইরবা অমসুং কনা লৈজদ্রবশিংগীদমক্তা মহাক্না তৌরম্বা থবকশিং অদুনা ঙসিসু ঐখোয়বু পুক্নিং থৌগৎলি।  দেকেদ অনিগী মমাংদা গুজরাত্তা জুহার হাখিবা অদুনা অমাং-অতা কয়া অমা থোকহনখি, মতম অদুদা বাবাগী মতুং ইনবশিং অদুনা  তৌখিবা সেবাশিং অদু কাওবা ঙম্লোই। সথ্য সাই বাবাগী থৌজাল তত্তনা ফংবসি ঐহাক্না ঐহাকপু  য়াম্না লাইবক ফবনি হায়না খঞ্জৈ,  দেকেদ কয়াদগী মহাক্কা মরী থমদুনা লাক্লি অমসুং ঙসিসু অমুক থৌজাল অদু অমুক ফংলি।

মরুপশিং,

ঐখোয়গী লমদা “পরোপকারয় শন্ত ৱিভুতয়” হায়না হায়নৈ। মসিনা হায়বদি কত্থোকপা হায়বসি পুকচেল চাউবা মী অমগী মরলনি। মীওইবা জাতিগী সেবা, জিব-পানবশিংগী য়াইফনবা তৌবা, হায়রিবশিং অসি ঐখোয়গী রিসোর্সশিং অদুগী অমত্তা ঙাইরবা পান্দম্নি। মসিগী ভেল্যুশিং অসিদা ভারত অমসুং ফিজিগী অপুনবা লিগেসী অসি শেমখিবনি।  মসিগী ৱাখল্লোনশিং অসিদা চত্তুনা ভারতনা লাইচৎ মনুংদা মশাগী তৌফম থোকপা মথৌশিং পাংথোকখি। ‘ৱাসুথিৱ কুতুম্বকম’ হায়বদি পুম্নমকপু ইমু-মনুং ওইনা খন্দুনাভারতনা  লৈবাক ১৫০দা হিদাক-লাংথকশিং, তঙাইফদবা পোৎলমশিং থাখি। ঐখোয়গী করোর কয়া অমগী প্রজাশিং অদুগীদমক্তা খনবগা লোইন-লোইননা অতোপ্পা রাজ্যশিংগীসু খনখি। ঐখোয়না  চাউরাক্না লৈবাক ১০০দা চাউরাক্না ভেক্সিন মিলিয়ন ১০০ রোম থাখি। মসিগী থবকশিং অসিদা ফিজিবুসু ঐখোয়গী য়াম্না মরু ওইনা লৌখি। ঐহাক য়াম্না হরাওই মদুদি ভারত পুম্বনা ফাওরিবা য়াম্না নক্নবা মরীগী ওইবা ৱাখল্লোন অদুবু মফম অসিদা মখাতানা চত্থরি।   

মরুপশিং,

ঐখোয়গী লৈবাক অনি অসিগী মরক্তা য়াম্না পাক-চাউরবা সমুদ্র লৈ, অদুবু অদুবু ঐখোয়গী কলচরনা ঐখোয়বু পুনশিন্দুনা থম্লি। ঐখোয়গী মরী অসি অমনা অমবু ইকাইখুম্নবীবা, মতেং পাংনবা , অমসুং ঐখোয়গী মীশিংগী য়াম্না চেৎবা মরীশিংদা অদুদা মরম ওইরগা লেংদনা লৈরিবনি। ভারতনা ফিজিগী সোসিয়ো-ইকোনোমিক দেবেলপমেন্ততা মরু ওইবা থৌদাং লৌনবগী  শরুক য়ানবগী খুদোংচাবা ফংবা অসিবু  য়াম্না লাইবক ফবনি। হৌখিবআ দেকেদ কয়াদগী ভারত-ফিজিগী মরী অসি হিরম কুদিংমক্তা লেপ্তেনা খুমাং চাউশিল্লকখি, চেৎশিল্লকখি। ফিজি অমসুং হিস এক্সেলেন্সী, প্রধান মন্ত্রীগী মতাংদগী ঐখোয়গী মরী অসি লাক্কদবা মতমশিংদা অমুক্কসু হেন্না চেৎশিল্লগনি। তান চারুদনা, ঐগী মরুপ প্রধান মন্ত্রী, বেনীরামা জী মপোক নুমৎশুং ওই। ঐহাক্না মহাকপু মআক্কী মপোক নুমিৎকিদমক্তা য়াইফ-পাউজেল পীরি। ঐহাক্না স্রি সত্য সাই সঞ্জীৱনি চিল্দ্রেন্স হার্ত ওসপিতলগআ মরী লৈনবা মীপুম খুদিংমকপু অমুক্কসু হন্না থাগৎপা ফোংদোক্লি। ঐহাক্না থাজৈ মদুদি. মসিগী হোসপিতল অসিনা ফিজি অমসুং মসিগী রিজন পুম্বদা সেবা তৌনবগীদমক্তা য়াম্না লিংবা ইন্সতিত্যুশন অমা ওইরগনি, অমসুং ভারত-ফিজিগী মরি অসিবু মখাতানা হেন্না অৱাংবা থাক্তা পুখৎলগনি।

হন্না হন্না থাগৎচরি!

*****