ইকাইখুম্নরবা প্রধান মন্ত্রী, শ্রী নরেন্দ্র মোদীনা হৌদোকখিবা অজাদি কা অমৃত মাহোতসবকী থৌরম পাংথোকপগী শরুক অআ ওইনা, কেন্দ্রগী ইনফোর্মেশন অমসুং ব্রোদকাস্তিং মন্ত্রী শ্রী অনুরাগ সিং থাকুরনা ঙসি ও.তি.তি. প্লেতফোর্ম নেতফ্লিক্সকা খুৎশম্নদুনা শেম্বা অতেনবআ ভীদিও সিরীজ, ‘অজাদি কি অমৃত মাহোতসব’ লোঞ্চ তৌখ্রে। থৌরম অদুদা রাজ্য মন্ত্রী, দা. এল. মুরুগন, ইনফোর্মেশন অমসুং ব্রোদকাস্তিং মন্ত্রালয়গী সেক্রেতরী, শ্রী অপুর্ব চন্দ্র, অমসুং গ্লোবল তি.ভি., নেতফ্লিক্সকী মকোক, সুকুমারি বেলা বজারিয়ানা শরুক য়াখি।

নুপীগী অহোংবা পুরক্লিবা, কোসি তুরেলবু অমুক হন্না হিংগৎহনবগী মাইকৈদা থৌদাং কয়া অমা লৌবগীদমক্তা মশক খঙনরবা পিথোরাগরদগী পদ্মা এৱার্দ ফংখ্রবী এনভাইরনমেন্তেলিস্ত,সুকুমারি বসন্তি দেবি, ১০১৭দা নুমিৎ মঙানিগী মনুংদা মাউন্ত এভরেস্তমতোন য়ৌখিবা মালেম অসিগী অহানবা নুপী ওইখিবগীদমক্তা পদ্মা শ্রী এৱার্দ ফংখ্রবী, সুকুমারি অন্সু জামসেনপা অমসুং ভারতকী অহানবা নুপী ফায়রফাইতর সুকুমারি হর্শিনি কনহেকরনালোঞ্চ তৌবগী থৌরম অদুদা শরুক য়াখি।

মন্ত্রী শ্রী অনুরাগ সিং থাকুরনা মীয়ামদা অমসুং মীদিয়াদা ৱা ঙাংবা মতমদা হায়খি মদুদি আই.আমসুং বি.গী মন্ত্রালয়না অনৌবা থবক কয়া অমা পাইখৎপগা লোইননা অমৃত মাহোতসবকী থৌরমগীয়াম্না মরু ওইবা শরুক অমনি। অজাদিগী ৱাখল্লোন অসি ভারত্তা নুপীশীংবু কোমথোকপীবগা মরি লৈনৈ। মন্ত্রী অজাদি নত্রগা নিংতম্বা অসি খুনাই অসিদা লৈরিবা স্তেরিয়োতাইপইপশিংগী অমসুং তেবুশিংগী মায়োক্তা লান্থেংনবা নুপীশিংগীদমক্তা  হেন্না চাউবা ৱাহন্থোক লৈ।  নুপীশিংনা মনিং-মখা তম্বা হায়বসি খুনাই অসিগী ইমান্সিপেশন ইন্দেক্সকী হোলমার্ক্নি হায়না মহাক্না হায়খি।

কোলাবোরেশন অদুগী মতাংদা শ্রী থাকুর হায়খি “মসিগী অনৌবা খৌথাং অসিনা ভারতমচাশিংগী পুক্নিং থৌগৎনিংঙাই ওইবা ৱারিশিং অদুবু উৎথোকপগী পান্দম থম্লি অমসুং মসিগী ৱারিশিং অসিনা মীয়ামদা মখোয়গী পান্দমশীং অদুবু ফংবা ঙম্নবা মীশিংবু থৌগৎকনি অমসুং এমপাৱর তৌগনি”।

তোঙান-তোঙানবা থীমশিং অমসুং ৱারিশিং উৎকদবা তুং কোইনগী ওইবা পার্তনরশীপ অমনি হায়না মহাক্না হায়খি। “নেতফ্লিক্সনা ৱীমেন এপাৱরমেন্ত য়াওনা এনভাইরনমেন্ত অমসুং সস্তেন্নেবল দেবেলপমেন্ত অমসুং অতোপ্পা মরু ওইবা নুমিৎশিংগী থীমশিং অসিগী মতাংদা ভীদিও ২৫ পুথোক্কনি। নেতফ্লিক্সনা মন্ত্রালয় অসিগীদমক্তা মিনিত অনিগী অতেনবা ভীদিংওশিং পুথোক্কনি, হায়রিবা অসি সোসিয়েল মীদিয়া প্লেতফোর্মশিংদা শিয়র তৌরগনি অমসুং দুর্দর্শন নেতৱার্কতা তেলিকাস্ত তৌরগনি” হায়না শ্রী থাকুর শন্দোক্না হায়খি।

শ্রী থাকুরনা মসিগী পার্তনরশীপ অসিগী তোঙান-তোঙানবা দাইমেন্সনশিংগী মতাংদা হায়খি অমসুং নেতফ্লিক্স অমসুং মন্ত্রালয় অসিনা অজাদি কা অমৃত মাহোতসবকী মখাদা তোপিক কয়া অমগী মতাংদা পুক্নিং থৌগৎনিংঙাই ওইবা কন্তেন্ত শেম্নবা ভারত্তা লৈরিবা ফিলম মেকরশিংবু থৌগৎনবা ত্রেনিং ৱার্কশোপশিং অমসুং মাস্তর ক্লাসশিং মখাতানা শিনখিগনি হায়না মহাক্না হায়খি।

“পোস্ত-প্রোদক্সন, ভি.এফ.এক্স, এনিমেশন, ম্যুজিক প্রোদক্সনগীদমক্তা ত্রেনিং প্রোগ্রামশিং শিনদুনা নেতফ্লিক্স অমসুং মন্ত্রালয়না  ক্রিয়েতিব ওইবা ইকোসীসস্তেম দেবেলপ তৌনবা খুৎশম্নদুনা থবক তৌরগনি অমসুং হায়রিবা অসি গ্রাউন্দ অমসুং ভর্চুৱল ওইনা পাংথোক্লগনি”, হায়না মহাক্না লাউথোকখি ”

মন্ত্রী অসিনা দাইসতা ফম্লিবা নুপী অহুম অদুগী শিংথাংনিঙাই ওইবা এচীবমেন্তশিং অদুগূঈদমক্তা থাগৎখি অমসুং মখোয়গী ৱারিশিংঅদুনা লৈবাক অসিগী মীয়ামদা থৌগৎলগনি। মসিগী কোলাবোরেশন অসিগী মতুংদগীদি মালেম অসিগী অকোইবদগী ফিলম মেকরশিংনা ভারতমচাশিংগীদা নত্তনা মালে পুম্বদা উৎথোক্নবগীদমক্তা ফিলমশিং অমসুং দোক্যুমেন্তরীশিং নম্নবা ভারত্তা লাক্লগনি হায়বা মহাক্কী থাজবা অদু ফোংদোকখি। মন্ত্রালয় অমসুং নেতফ্লিক্সকী মরক্তা লৈরিবা পার্তনরশীপ অসি হৌরকপদা ঙাইরি অমসুং অজাদি কা অমৃত মাহোতসব খক্তদা অকক্নববা ওইরোই। 

মমাংদা, সেক্রেতরী, শ্রী অপুর্ব চন্দ্রনা মহাক্কী অহৌবগী ৱারোলদা আই.অমসুং বি. অমসুং নেতফ্লিক্সকী মরক্তা খুৎশম্নবগী মতাংদা পনখি অমসুং হায়খি মদুদি এন্তাইতী অনি অসিনা কোলাবোরেতিব এগ্রীমেন্ত অমা খুৎয়েক পনখি অমসুং ঙসি থাদোকখিবা মসিগী ভীদিও অহুম অসিনা মসিগী পার্তনরশীপকী মখাদা পুথোকখিবা অহানবা সেতনি। ঐখোয়গীনিংতম লান অসমুং মালেম অসিদা তাহনবগী মথৌ তাবা ৱারিশিংগী মতাংদা  মতম শাংনা শান্নগদৌবা সিরীজশিং য়াওবা কোলাবোরেশন অমসু পুথোক্নবগীদমক্তা ঙাইদুনা  লৈরে।

থৌরম অদুদা নেতফ্লিক্স, গ্লোবল তি.ভি.গী মকোক সুকুমারি বেলা বাজারিয়া ৱা ঙাংলদুনা হায়খি মদুদি ভারত অসি মালেম অসিগী ওইনা খ্বাইদগী ভাইব্রেন্ত ওইবা এন্তরতেনমেন্ত ইন্দসত্রীশিংগী মনুংদা অমা ওইরম্মি অমসুং ভারত অসি ইন্তর্নেত এন্তর্মেন্তকী মতংদা মফম চাউনা কল্লম্মি হায়না মহাক্না হায়খি। “নেতফ্লিক্সনা ভারত্তগী ৱারিশিং অদু মালেমদা শন্দোকপদা অমসুং ভারতকী খ্বাইদগী অহেনবা ৱারিশিং খঙদোকখি অমসুং গ্লোবল স্তেজদা পাম্নখি, মসিগী মতম অসিগী শরুক অমা ওইবগী নুংঙাইবা ফোংদোক্লি।” হায়না মহাক্না হায়খি।

আই.অমসুং বি. মন্ত্রালয়গা খুৎশম্নবগী মতাংদা পল্লদুনা, শুকুমারি বজারিয়ানা হায়খি মদুদি “ভারতনা নিংতম্বগী হৌখিবা চহি ৭৫ অসিদা মখোয়গী ফজরবা আর্ত, কলচর অমসুং স্তোরী তেলিং অসিবু পাংথোক্তুনা অওনবা অসিবু সেলেব্রেত তৌনবা অমসুং একনোলেজ তৌনবা এম.আই.বি.গা লোইননা খুৎশম্নবা অসিদা নেতফ্লিক্সনা য়াম্না চাউথোকচৈ”। মহাক্না মখাতানা হায়খি মদুদি মসি “পার্তনরীশপ অসিগী মতুং ইন্না নেতফ্লিক্সনা ভারতকী মফম খুদিংমক্তগী মীশিংগী এচীবমেন্তশিং অদু সেলেব্রেত তৌনবগী পান্দমদা অশেংবা ৱারিশিংদা য়ুমফম ওইরগা অতেনবা ভীদিওশিংগী সিরীজ অমা শেমখ্রে” হায়না মহাক্না মখা তারকখি।

সিরীজ অসিদা অহানবা সেত অদুগী মতাংদা পল্লদুনা, সুকুমারি বজারিয়ানা হায়খি মদুদি মসিগী ৱারিশিং অসি অৱাবা কয়া লান্থেংনদুনা মখোয়গী মঙলান অদুবু মঙফাওনবা ঙম্নবা হোৎনখিবা শিংথানিংঙাই ওইরবা নুপীগী ৱারিনি। ভারত্তা নেতফ্লিক্সনা  থম্লিবা ফিরেপ অসি য়াম্না কল্লি অমসুং চাউখৎলক্লি অমসুং  নেতফ্লিক্স অসিনা মখাতানা লৈবাক অসিগী খ্বাইদগী ফজবা ৱারিশিং থিগনি অমসুং তেক গ্লোব শিনব-থুংনা শিয়র তৌগনি হায়না মহাক্না হায়খি।

‘অজাদি কি অমৃত কহানিয়ান’ অসিনা ৱিমেন এমপাৱরমেন্ত য়াওনা, এনভাইরনমেন্ত অমসুং সস্তেন্নেবিলিতী অমসুং অতোপ্পা থীম কয়া অমদা পুক্নিং থৌগৎনিংঙাই ওইবা ভারত মচাশিংগী ফজরবা ৱারিশিং অদুবু পুথোরক্লিবা য়াম্না আইকোনিক ওইবা ইনিসিয়েতিবনি। তোঙান-তোঙানবা ৱারিশিং অসিনা লৈবাক অসিগী মফম খুদিংমক্তগী ভারতমচাশিংবু পুক্নিং থৌগৎ অমসুং এমপাৱর তৌবা পাম্লি।

অথিংবা অপনবা কয়া অমা নমথেক্তুনা অওনবা পুরকখিবা লৈবাক অসিগী নুপী চেঞ্জ মেকর তরেতনা মখোয়গী এক্সপরিয়েন্সশিং অদুবু শিয়র তৌবা ভীদিওশিংগী অহানবা সেত পুথোক্নবা মন্ত্রালয় অমসুং নেতফ্লিক্সনা খুৎশম্নখি। মখোয়দা অজাদি অসিগ ৱাহন্থোক করি লৈবগে হায়বগী মতাংদা ঙাংবা মতদা মখোয়শিং অসিবু ‘ফোর্স ওফ নেচর’ হায়না উৎখি। ভরতকী তোপ-তোপ্পা দাইভর্সিতিবু উৎলিবা মসিগ মিনিত অনিগী অতেনবা ফিলমশিং অসি লৈবাক অসিগী মফম কয়াদা নমখি অমসুং মসিবু শক্নাইরবাএক্তর সুকুমারি নিনা গুপ্তানা ৱারি লীখি।

চেঞ্জমেকর তরেত অসিদা মীপুম খুদিংমকপু ভেক্সিন কাপথোক্নবগীদমক্তা উত্তরাখন্দগী বাগেশ্বর জিলাদা মাইল কবা চৎখিবা হেল্থকিয়র ৱার্কর, সুকুমারি পুনম নোতিয়াল; ভারত্তা মিসাইল প্রোজেক্ত লুচিংখিবা অহানবআ নুপী সাইন্তিস্ত, দা. তেস্সী থোমাস; ভারতকী অহানবা কমপিতিতিব ৱিমেন স্তেন্দঅপ পেদলবোর্দর, শুকুমারি তনভি জগদিশ অমসুং লাইত-স্পোর্ত এয়রক্রাফতা মথন্তনা এতলান্তিক মআসাগর অমসুং পেসিফিক মহাসাগর লানখিবা মালেম অসিগী খ্বাইদগ নহা ওইরিবা অমসুং খ্বাইদগী অহানবা নুপী পাইলোত, সুকুমারি আরোহি পন্দিত য়াওরি।

সুকুমারি বসন্তি দেবি, সুকুমারি অনশু অমসুং সুকুমারি হরশিনি উৎপা ভীদিওশিং; অমসুং সিরীজ অসিগী মতাংদা উৎলিবা ত্রেলর ঙসি থাদোকখ্রে। থোইদোক-হেন্দোক্না শিংথংনিংঙাই ওইরবআ নুপীশিং অসিবু উৎনবা অমসুং ইকাইখুম্নবাদা মীৎয়েং থমদুনা মসিগী চেঞ্জমেকর অহুম অসিবু শ্রী অনুরাগ থাকুর ফেলিসিতেত তৌখি, মহাক্না লৈবাক অসিগী নুপীশিংবু এমপাৱর তৌনবগীদমক্তা মখোয়না হৌৎনখিবা অমসুং থবক্না শাখি ওইদুনা লমজিংখিবা অদুগীদমক্তা থাগৎখি

কোসি তুরেলগী সেবিয়র, বসন্তি দেবিগী ৱারি

মাউন্ত এভরেস্তপু খুদুম চনখিবা , অনশু জামসেনপাগী ৱারি

হিংনবগীদমক্তা মৈগা লান্থেংনরিবী থৌনা –লৈরবী, হর্শিনি কানহেকরগ ৱারি

 ‘অজাদি কি অমৃত কহানিয়ান’সিরীজ অসি হৌদোকপা অসিনা ইনফোরমেশন অমসুং ব্রোদকাস্তিং মন্ত্রালয় অমসুং নেতফ্লিক্সকী মরক্তা পার্তনরশিপকী অনৌবা পন্দুপ অমা হাপচিনখ্রে, মরমদি মখোয়না ভারতকী নিংতম্বগি চহি ৭৫ শুবগ অজাদি কা অমৃত মাহোতসব অসিবু নিংশিংনবগীদমক্তা পুন্না খুৎশম্নদুনা থবক তৌরি।

২০২১গী নবেম্বরদা গোৱাদা ৫২শুবা ইন্তর্নেস্নেল ফিলম ফেস্তিভল ওফ ইন্দিয়াদা নেতফ্লিক্সনা শরুক য়াখিবা অসিনা পার্তনরশীপ অসিবু অনৌবা খোংথাংশিং খুদম ওইনা স্কিল দেবেলপমেন্ত ৱার্কশোপশিং, মাস্তরক্লাস, ফিলম স্করীনিংশিং, শোর্ত ফিলম কমপিতিশনশিংগী খুত্থাংদা মখাতানা লাক্কদবা তুংগী মতমশিংদা অমুক্কসু হেন্না কনশিলহল্লগনি।

অজাদি কি অমৃত কহানিয়ান’ ভীদিওশিং অসি মন্ত্রালয়গী তোঙান-তোঙান সোসিয়েল মীদিয়া চেনেলশিংঅমসুং নেতফ্লিক্সতা ফংগনি, লোইন-লোইননা দুর্দরশন নেতৱার্কতসু ব্রোদকাস্ত তৌরগনি। লৈবাক অসিগী মীয়াম্না ৱারিশিং অসি য়েংনবা অমসুং তানবা মখোয়শিং অসি অথুবা মতমদা অতোপ্পা লোনশিং খুদম ওইনা গুজরাতি, মরাথি, বেঙ্গলি, তামিল , ইংলিশ অমসুং মলয়ালমদসু ফংহল্লগনি।

‘অজাদি কি অমৃত কহানিয়া’ লোঞ্চ তৌবগ থৌরম অদু মখাগী লিঙ্ক অসিদা ফংবীগনি।