প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি দিসেন্ত্রেলাইজ দোমেস্তিক ৱেস্ত ৱাতর মেনেজমেন্তগী লমশিংদা জল শক্তি মন্ত্রালয়গী দিপার্তমেন্ত ওফ ৱাতর রিসোর্সেস, রিভর দিবেলপমেন্ত এন্দ গঙ্গা রিজুবনেসন (দি.ও.দবল্যু.আর., আর.দি. এন্দ জি.আর.) অমসুং জপানগী মিনিস্ত্রী ওফ এনভাইরনমেন্তগী মরক্তা মেমোরেন্দম ওফ কোওপরেসন (এম.ও.সি.) অমা খুৎয়েক পীনবগী মতাংদা মাগী এক্স-পোস্ত ফেক্তো এপ্রুবেল পীখ্রে।

ইমপ্লিমেন্তেসন তৌবগী লালোং অমসুং পান্দমশিং:

চুংশিন্নরিবা অসিগী থবক-থৌরমশিং কুপ্না য়াৎথোক্তুনা অমসুং থবক্কী খোঙজেল য়েংশিন্দুনা এম.ও.সি. অসি ইমপ্লোমেন্ত তৌবগী থৌদাং লৌগদবা মেনেজমেন্ত কাউন্সিল (এম.সি.) অমা শেমগনি।

অচৌবা কান্নবশিং:

এম.ও.সি. অসিগী খুত্থাংদা জপানগা লোয়ননা চুংশিন্নবা অসিনা জোকাসৌ তেক্নোলোজী শীজিন্নদুনা দিসেন্ত্রেলাইজ দোমেস্তিক ৱেস্তৱাতর মেনেজমেন্ত অমসুং ত্রীৎমেন্ত তৌরবা ৱেস্তৱাতর অমুক হন্না নীংথিনা শীজিন্নবা অসিগুম্বা লমশিং অসিদা য়াম্না কান্নবা ফংহল্লগনি। ৱেস্তৱাতর মেনেজমেন্তগী মতাংদা দিসেন্ত্রেৎলাইজ জোকাসৌ সিস্তেমশিং অসিনা জল জীবন মিসনগী মখাদা কবরেজ তৌবা লোয়ননা নমামি গঙ্গে প্রোগ্রামগী মখাদা মান্নবা ফীভম লৈরিবা অসিগী মথক্তা মিসন অসিগী মখাদা ফ্রেশ ৱাতরগী সোর্সশিংগী সস্তেনেবিলিতী অসিগা লোয়ননা মী তাবা মফমশংদগী থাদোরকপা গ্রে/ব্লেক ৱাতর মেনেজমেন্ত তৌবদা চাউনা কান্নবা পীরবা য়াই।  মসিনা ৱেস্ত ৱাতরগী ত্রীৎমেন্ত তৌবগী অচৌবা সমস্যা লৈরকপদা হেন্না অফবা মওংদা পোরম য়াৎনবা য়ু.এল.বি.শিংগী মতেং পাংলগনি।

চাদিং তৌগদবা:

এম.ও.সি. অসিগী মখাদা পার্তী অনিমক্তা ফাইনান্সিএল ওব্লিগেসনশিং থম্লোই। এম.ও.সি. অসিগী মখাদা থবক-থৌরমশিংদা তেংবাংনবা, মরী লৈনবা লমশিং লোয়ননা করিগুম্বা মথৌ তারবদি, কেস-স্পেসিফিক প্রোগ্রাম অমসুং প্রোজেক্ত অসিগুম্বগী শেল-থুম শিল-লাংবা অসিগুম্বা অতোপ্পা মরু ওইবা হীরমশিংগী মতাংদা অকুপ্পা ৱারোল কবর তৌরিবা প্রি-ফিসিবিলিতী রপোর্তশিং, ফিসিবিলিতী রিপোর্তশিং, অমসুং দিতেল প্রোজেক্ত রিপোর্তশিং অসিগুম্বা কেস-স্পেসিফিক ওইবা অকুপ্পা ৱারোল য়াওবা চে-চাংশিং শেম্বা তাই।

পোইন্ত অমমম ওইনা পীরিবা অকুপ্পা মরোলশিং:

দিপার্তমেন্ত ওফ ৱাতর রিসোর্সেস রিভর দিভেলপমেন্ত এন্দ গঙ্গা রিজুবেনেসন (দি.ও.দবল্যু.আর., আর.দি. এন্দ জি.আর.), জল শক্তি মন্ত্রালয় (এম.ও.জে.এস.) অমসুং জপানগী মিনিস্ত্রী ওফ দি ইনভাইরনমেন্তনা ১৯.০৩.২০২২দা দেসেন্ত্রেলাইজ দোমেস্তিক ৱেস্ত ৱাতর মেনেজমেন্তগী লমশিংদা মেমোরেন্দম ওফ কোওপরেসন (এম.ও.সি.) অমা খুয়েক পীনখি। মসিগী এম.ও.সি. অসি লৈবাক অনিগী মরক্তা লৈরিবা প্রিন্সিপল্স ওফ ইক্বেলিতী অমসুং মুচুএল বেনিফিত্তা য়ুম্ফম ওইরগা পব্লিক ৱাতর এরিয়াশিংদা ৱাতর ইনভাইরনমেন্ত ঙাক শেন্নবা অমসুং পব্লিল হেল্থ ফগৎহন্নবা দিসেন্ত্রেলাইজ দোমেস্তিক ৱেস্ত ৱাতর মেনেজমেন্তগী কোওপরেসন প্রমোৎ তৌনবা খুৎয়েক পীনখিবনি। 

ভারতকী দি.ও.দবল্যু.আর., আর.দি., এন্দ জি.আর., এম.ও.জে.এস. অমসুং জপানগী মিনিস্ত্রী ওফ ইনভাইরনমেন্তকী মরক্তা দিসেন্ত্রেলাইজ দোমেস্তিক ৱেস্ত ৱাতর মেনেজমেন্ত মপাঙ্গল কনখৎনবা, ফংহন্নবা অমসুং কেপাসিতী দিভেলপ তৌনবা এম.ও.সি. খুৎয়েক পীনখ্রে। কোওপরেসন অসিগী স্কোপ অসি অয়াম্বনা দেসেন্ত্রেলাইজ দোমেস্তিক ৱেস্ত ৱাতর মেনেজমেন্ত অমসুং ত্রীৎমেন্ত তৌরবা ৱেস্ত ৱাতর অমুক হন্না নিংথিনা শিজিন্নবদা মীৎয়েং থম্লি। মসিগী এম.ও.সি. অসিগী মখাদা লৈরিবা কোওপরেসনগী মওং মতৌশিং অসিনা কোওপরেসন অসি পুক্নিং থৌগৎকনি অমসুং খুদোংচবা পীগনি, হায়রিবা অসিদা সেমিনারশিং, কনফরেন্সশিং অমসুং কেপাসিতী বিল্দিংগী খুত্থাংদা দিসেন্ত্রেলাইজ দোমেস্তিক ৱেস্তৱাতর মেনেজমেন্তদা ই-পাউ অমসুং খঙ-হৈবশিং একচেঞ্জ তৌবদা ম্যুচুএল ইন্তরেস্তকী লমশিং য়াওগনি অদুবু মসিগী লম অসি খক্তা ওইগনি হায়বদি লৈতে।

মসিগী এম.ও.সি. অসিগী মখাদা থবকশিং অসি পাইখৎনবা, প্রি-ফীসিবিলিতী রিপোর্টশিং, ফীসিবিলিতী রিপোর্তশিং অমসুং প্রোজেক্ত রিপোর্তশিংগী অকুপ্পা মরোলনচিংবা য়াওবা কেস-স্পিসিফিক্কী অকুপ্পা মরোল য়াওবা দোক্যুমেন্তশিং শেমগনি, মসিগী মনুংদা করিগুম্বা দীম মথৌ তাবা মতমদা হায়রিবা কেস-স্পিসিফিক প্রোগ্রাম অমসুং প্রোজেক্ত অসিগী শেল থুমগী শিল লাংবা য়াওনা মরী লৈনবা এরিয়াশিংগা লোয়ননা অতোপ্পা মরুওইবা লমশিংগী অকুপ্পা মরোলশিং য়াওগনি। নাকল অনিমক্না মেনেজমেন্ত কাউন্সিল (এম.সি.) অমা লিংখৎকনি, মসিনা কোলাবোরেসনগী অকুপ্পা থবক থৌরমশিং য়াৎথোক্তুনা অমসুং মসিগী খূমাং চাউশিনবা য়েংশিন্দুনা মসিগী এম.ও.সি. অসি ইম্প্লিমেন্ত তৌবগী থৌদাং লৌগনি।  

বেকগ্রাউন্দ:

ৱারত রিসোর্সেস, রিভর দিভেলপমেন্ত অমসুং গঙ্গা রিজুবেনেসন মন্ত্রালয়না পোলিসী অমসুং তেক্নিকেলগী খং-হৈবা শিয়র তৌনদুনা, ত্রেনিং কোর্সশিং, ৱার্কশোপশিং, সান্তিফিক অমসুং তেক্নিকেল সিম্পোসমশিং পাংথোক্তুনা, এক্সপর্তশিং অমসুং স্তদি তুরশিং এক্সচেঞ্জ তৌবগী খুত্থাংদা ৱাতর রিসোর্সেস দিবেলপমেন্ত অমসুং মেনেজমেন্তকী লমদা অতোপ্পা লৈবাকশিংগা বাইলেতরেল কোর্পোরেসন শেমগৎলি। হৌজিক চত্থরিবা ভারত-জপানগী কোওপরেসন অসিদা মীৎয়েং থমদুনা দেসেন্ত্রেলাইজ ত্রীৎমেন্ত সেক্তরদা এক্সপরিয়েন্স অমসুং খঙ-হৈবা এক্সচেঞ্জ তৌনবা জপানগা য়ানা ৱারোল অমা খুৎয়েক পীননবা ৱারেপ লৌখ্রে। 

*****