হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রী, দা. মনসুখ মন্দাবিয়ানা কোবিদ-১৯গী অনৌবা এক্স.ই.-ভেরিএন্তকী মতাংদা মরু ওইবা এক্সপর্তশিং অমসুং ওফিসিএলশিংগা লোয়ননা য়েংশিন মীফম অমা পাঙথোকখ্রে
অনৌবা ভেরিএন্তশিং অমসুং কেসশিংগী হৌজিক চত্থরিবা মোনিতরিং অমসুং সর্ভিলেন্স অসি কনখৎনবা ওফিসিএলশিংদা খঙহনখ্রে
प्रविष्टि तिथि:
12 APR 2022 11:57AM by PIB Imphal
হকশেল অমসুং য়াইফ-য়ুম্বালগী কেন্দ্র মন্ত্রী দা. মনসুখ মন্দাবিয়ানা ঙসি কোবিদ-১৯গী অনৌবা ‘এক্স.ই.-ভেরিএন্ত’কী মতাংদা লৈবাক অসিগী মরু ওইবা এক্সপর্তশিং অমসুং ওফিসিএলশিংগা লোয়ননা য়েংশিন মীফম অমা পাঙথোকখ্রে। লৈবাক অসিদা কোবিদ-১৯গী কেসশিং য়েংশিনবদা মহাক্না অনৌবা ভেরিএন্তশিং অমসুং কেসশিংগী হৌজিক চত্থরিবা মোনিতরিং অমসুং সর্ভিলেন্স অসি কনখৎনবা ওফিসিএলশিংদা খঙহনখ্রে।
মেদিকেল ইনফ্রাস্ত্রকচর অমসুং রিসোর্সশিংগী মতাংদা দা. মন্দাবিয়ানা ওফিসিএলশিংদা কোবিদ লায়েংগী মথৌ তাবা হীদাক-লাংথকশিং লৈরিবা লেপ্তনা য়েংশিন্নবা হায়খি। মহাক্না মখা তারদুনা হৌজিক চত্থরিবা ভেক্সিনেসন দ্রাইব অসি মপুং ফানা চত্থগদবনি অমসুং ইলিজিবল ওইবা পুম্নমক ভেক্সিন কাপথোক্কদবনি হায়খি।
মীফম অদুদা নিতি আয়োগকী হেল্থকী মেম্বর দা. ভি.কে. পোল, হেল্থকী সেক্রেতরী শ্রী রাজেশ ভুশন, এম্সকী দিরেক্তর দা. রন্দিও গুলেরিয়া, আই.সি.এম.আর.গী দি.জি. দা. বলরাম ভর্গবা, এন.তি.এ.জি.আই.গী দা, এন.কে. অরোরা অমসুং হকশেল মন্ত্রালয়গী অতোপ্পা মকোক থোংবা ওফিসিএলশিংনা শরুক য়াখি।
****
(रिलीज़ आईडी: 1815946)
आगंतुक पटल : 238
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam