ঐখোয়না প্রধান মন্ত্রী মুদ্রা য়োজনাগী (পি.এম.এম.ৱাই.) য়ুম্বীশিংগী খুত্থাঙদা ফাইনান্সিএল ইনক্লুজন ফংহনবগী ৭শুবা কুমওন থৌরম পাঙথোকপগা লোয়ননা হায়রিবা স্কিম অসিগী অচৌবা মশক খরা অমদি মসিনা ফংবা ঙম্লবশিং চাউরাক্না ঐখোয় য়েংসি‍।

পি.এম.এম.ৱাই. এপ্রিল ৮, ২০১৫দা নন-কোর্পোরেৎ, নন-ফার্ম স্মোল/মাইক্রো এন্তরপ্রাইজশিংদা লুপা লাখ ১০ ফাওবগী লোন ফংহন্নবগীদমক প্রধান মন্ত্রী শ্রী নরেন্দ্র মোদীনা হৌদোকখিবনি‍‍।

স্কিম অসিগী ৭শুবা কুমওন থৌরম পাঙথোকপগা লোয়ননা শেলথুম অমসুং কোর্পোরেৎ এফ্যার্সকী কেন্দ্র মন্ত্রী শ্রীমতি নির্মলা সিতরমন্না হায়খিবদা, “স্কিম অসিগী মখাদা শেন্থোক লৈহন্নবা থবক থৌরম পায়খৎনবগীদমক লুপা করোর লাখ ১৮.৬০গী ওইগদবা লোন একাউন্ত করোর ৩৪.৪২ হাংদোকখিবসি শিংথানিংঙাই ওইবা ৱাফম অমনি‍।”

পি.এম.এম.ৱাই.গী খুত্থাঙদা লল্লোন ইতিক্কী ফীভম অমসুং লার্জ স্কেল এমপ্লোইমেন্তকী খুদোংচাবা শেমগৎপা হায়বা হীরমসিদা শেলথুম মন্ত্রীনা ফোঙদোকখিবদা, “স্কিম অসিনা মরুওইনা অপীকপা বিজিনেসশিংগীদমক্তা হেন্না ফবা ফীভম অমা শেমগৎপদা মতেং ওইরি অমদি গ্রাসরুত থাক্তা পাক চাউনা থবক পীবগী খুদোংচাবা শেমগৎপদসু মতেং ওইরি‍। লোন একাউন্তশিং অসিগী ৬৮% হেনবদি নুপীশিংদা পীরি অমদি লোনগী ২২%না স্কিম অসি হেক হৌরকপদগী লোন অমত্তা ফংদ্রিবা অনৌবা ওন্ত্রপ্রিন্যুরশিংদা পীরি‍।”

মুদ্রাগী কান্নবা ফংলবশিংদা য়াইফ পাউজেল পীবা অমদি নুংঙাইবা ফোঙদোকপগা লোয়ননা অতোপ্পা ফংবা য়াবা মীওইশিংবুসু থোরক্তুনা লৈবাক শেমগৎপদা শরুক য়ানবা ৱাফম থম্লদুনা শ্রীমতি সিতরমন্না হায়খি, “হৌজিক ফাওবদা অয়াবা পীখ্রবা লোনগী ৫১% এস.সি./এস.তি./ও.বি.সি. কাঙলুপ্তা ওইবগা লোয়ননা প্রধান মন্ত্রী মুদ্রা য়োজনানা খুন্নাইগী ৱায়েলবু থবক ওইনা উৎলি অমদি ইকায়খুম্নরবা প্রধান মন্ত্রীগী ‘সবকা সাথ, সবকা বিকাস’ হায়রিবা মঙলান অসিগী তশেং তশেংবা ইহুল পুরি‍।”

থৌরমদুদা শেলথুমগী কেন্দ্রগী রাজ্য মন্ত্রী (এম.ও.এস.) দোক্তর ভগৱৎ কিসনরাউ করদনা হায়খিবদা, “প্রধান মন্ত্রী মুদ্রা য়োজনা হৌদোকখিবগী মরুমদা লৈরিবা ইহুলদি মাইক্রো, স্মোল অমসুং মেদিয়ম এন্তরপ্রাইজশিংদা অপনবা লৈতবা মওংদা ইন্সতিত্যুস্নেল ওইবা শেন্থং ফংহনবনি‍।”

“একাউন্ত হোল্দর করোর ৩৪.৪২দা তেংবাং ফংহন্দুনা, স্কিম অসিনা হৌরকপদগী হৌরগা হৌখিবা চহি তরেৎসিদা মতিং লৈবা ওন্ত্রপ্রিন্যুরশিংদা মায় পাক্না মতেং পীরি,” হায়না এম.ও.এস.না মখা তাখি‍।

ক্রেদিত ফ্লোগী মতাঙদা এম.ও.এস.না হায়খিবদা, “পি.এম.এম.ৱাই.গী পনবা য়াবা অতোপ্পা মীৎয়েঙ অমনা নিতি অয়োগনা শকখঙলবা ‘এস্পিরেস্নেল দিস্ত্রিক্ত’শিংদগী মশিং য়াম্লবা বিনিফিসিয়রীশিংদা শেন্থং ফংহন্দুনা, হায়রিবা শেন্থং ফংবা ঙমদ্রিবা দিস্ত্রিক্তশিংসিদা শেন্থং য়ৌহনবা ঙমবসিনি‍।”

লৈবাকসিদা ফাইনান্সিএল ইনক্লুজন (এফ.আই.) প্রোগ্রাম পায়খৎপগী থবক বেঙ্কিং দি অনবেঙ্ক, সিক্যুরিং দি অনসিক্যুর্দ অমসুং ফন্দিং দি অনফন্দেদ হায়রিবা য়ুম্বী অহুমসিদা য়ুম্ফম ওইরগা পায়খৎপনি‍। পায়খৎলিবা প্রোগ্রাম অসিগী মখাদা, তেক্নোলোজী শীজিন্নদুনা অমদি মল্তি-স্তেকহোল্দরশিংগী অপুনবা থৌওং শীজিন্নদুনা হায়রিবা পান্দম অহুম অসি ফংবা ঙমদুনা চাকথুং ফংদ্রবা ফংবা ঙমদ্রবা মীওইশিংবুসু ফংহল্লি‍।

এফ.আই.গী য়ুম্বী অহুমগী মনুংদা অমা ওইরিবা – ফন্দিং দি অনফন্দেদ, অসি অপীকপা ওন্ত্রপ্রিন্যুরশিংদা শেন্থং ফংহন্নবগী পান্দমদা পায়খৎলিবা পি.এম.এম.ৱাই.গী খুত্থাঙদা এফ.আই. ইকোসিস্তেম অসিদা মমি তারি‍। পি.এম.এম.ৱাই.না স্কিম অসিগী তোঙান তোঙানবা থৌরাংশিংগী খুত্থাঙদা মচিন তুমখৎলক্লিবা ওন্ত্রপ্রিন্যুরশিংদগী হৌরগা শুবা নোমবা কনবা লৌমীশিং য়াওনা স্তেকহোল্দর পুম্নমক্কী শেলথুমগী মথৌ তাবশিংদা মীৎয়েঙ থম্লি‍।

মসি নাথৈবিরবা অমদি খুন্নাইসিগী শেলথুমগী লমদা মীরায়বিরবা কাঙলুপ্তা শেলথুমগী ওইবা চৈঙাক পীননবা মরুওইবা থৌরাং অমনি, অদুগা প্রধান মন্ত্রী মুদ্রা য়োগনানা (পি.এম.এম.ৱাই.) মীওই মিলিয়ন কয়াগী পুন্সিদা মশাগী মমল লৈহনবা অমদি মনীং তমহনবগা লোয়ননা মখোয়গী মঙলানশিংবু মশা পানহল্লি‍।

পি.এম.এম.ৱাই.গী মরুওইবা শক্লোনাশিং অমদি হৌখিবা চহি ৭সিদা মসিনা ফংবা ঙমখিবশিং চাউরাক্না য়েংসি‍:

প্রধান মন্ত্রী মুদ্রা য়োজনা (পি.এম.এম.ৱাই.)গী মরুওইবা শক্লোনশিং:

• পি.এম.এম.ৱাই.গী মখাদা, বেঙ্ক, নন বেঙ্কিং ফাইনেন্সিএল কম্পেনীশিং (এন.বি.এফ.সি.), মাইক্রো ফাইনেন্সিএল ইন্সতিত্যুসনশিং (এম.এফ.আই.), অতৈ ফাইনেন্সিএল ইন্তরমেদিয়রীনচিংবা মেম্বর লেন্দিং ইন্সতিত্যুসন (এম.এল.আই.)শিংগী খুত্থাঙদা লুপা লাখর ১০ ফাওবগী লোন ‘সিসু’, ‘কিসোর’ অমসুং ‘তরুন’ হায়রিবা বোরোৱরশিংগী চাওখৎলকপগী তাঙ্ক্ক নৎত্রগা থাক অমসুং মথৌ তাবা শেন্থংগী মতুং ইন্না খায়দোক্লিবা কাঙলুপ অহুমসিদা পীরি‍।

১.   সিসু: লুপা ৫০,০০০ ফাওবগী লোন

২.   কিসোর: লুপা ৫০,০০০দগী লুপা লাখ ৫ ফাওবগী লোন

৩.   তরুন: লুপা লাখ ৫দগী লুপা লাখ ১০ ফাওবগী লোন

• মতিং লৈবা অনৌবা মীরোলসিগী নহাশিংগী মরক্তা ওন্ত্রপ্রিন্যুরসিপ য়োকখৎনবগী পান্দমদা সিসু কাঙলুপকী লোন্দা হেন্না মীৎয়েঙ থম্লগা কিসোর অমসুং তরুন কাঙলুপ্তা মখা তানা মায় ওনশিন্নবা থবক পায়খৎলি‍।
• সিসু, কিসোর অমসুং তরুনগী মাইক্রো এন্তরপ্রাইজ সেক্তর চাওখৎহন্নবগী অমদি খুমাঙ চাওশিনহন্নবগী লৈয়াৎনুংদা অমদি মপুং ওইবা পান্দমগী মনুংদা মুদ্রানা ফংহল্লিবা পোত্থোকশিং অসি তোঙান তোঙানবা সেক্তর/ বিজিনেস থৌওংশিংগী মথৌ তাবশিং ফংবা ঙমহন্নবগীদমক শেমবনি‍।
• পি.এম.এম.ৱাই.গী মখাদা ফংহল্লিবা লোন অসি য়েন ঙানু লোইবা, শন ইরোই লোইবা, খোই য়োকপনচিংবা লৌউ শিংউগা মরী লৈনবা থবক থৌরমশিং য়াওনা মেনুফেকচরিং, ত্রেদিং অমসুং সর্ভিস সেক্তরদা শেন্থোক লৈহনবা য়াবা থবক থৌওংশিংগী তর্ম লোন অমসুং ৱর্কিং কেপিতেল কম্পোনেন্ত অনিমক ফংবা ঙম্নবা মওংদা পীবনি‍।
• শেন্দোয়গী চাং আর.বি.আই.গী চৎন-পথাপকী মখা পোন্না লেন্দিং ইন্সতিত্যুসনশিংনা লেপ্পনি‍। ৱর্কিং কেপিতেল ফেসিলিতীগী মতাঙদদি, শেন্দোয় অসি পুরিবা মীওইদুনা অহিং লান্না শীজিন্নরিবা শেন্ফমদুখক্তদা লৌবনি‍।

স্কিম অসিনা ফংবা ঙম্লবশিং (২৫.০৩.২০২২ ফাওবদা)

• স্কিম অসি হৌদোকখিবদগী হৌরগা (২৫.০৩.২০২২ ফাওবদা) লুপা করোর লাখ ১৮.৬০গী ওইগদবা লোন করোর ৩৪.৪২ হেন্না অয়াবা পীখ্রে‍। চাউরাক্না অপুনবা লোনগী ২২%দি অনৌবা ওন্ত্রপ্রিন্যুরশিংদা পীবনি‍।
• চৎলিবা শেনবা চহিসিদা (২৫.০৩.২০২২ ফাওবদা) লুপা করোর লাখ ৩.০৭)গী ওইগদবা পি.এম.এম.ৱাই. লোন একাউন্ত করোর ৪.৮৬ ফংহনখ্রে‍।
• অপুনবা লোন মশিংগী চাউরাক্না ৬৮%দি নুপী ওন্ত্রপ্রিন্যুরশিংদা পীবনি‍।
• লোনশিং অসিগী চাংচত্তা লৈবা তিকেৎ সাইজ লুপা ৫৪,০০০ রোম ওইগনি‍।
• লোনশিং অসিগী ৮৬%দি ‘সিসু’ কাঙলুপ্তনি‍।
• লোনশিং অসিগী ২২%রোমদি অনৌবা ওন্ত্রপ্রিন্যুরশিংদা পীবনি‍।
• লোনগী ২৩% এস.সি. অমসুং এস.তি. বোরোৱরশিংদা পী; চাউরাক্না ২৮%না ও.বি.সি. বোরোৱরশিংদা পীবনি (অপুনবা লোনগী ৫১%দি এস.সি./এস.তি./ও.বি.সি. কাঙলুপকী শেল পুবশিংদা পীবনি‍)‍।
• লোনগী চাউরাক্না ১১%দি অপীকপা ফুরুপকী মীওইশিংদা পীবনি‍।

কাঙলুপকী মতুং ইনবা ব্রেক-অপ:-

কোবিদ-১৯ লাইচৎনা মরম ওইরগা শেনবা চহি ২০২০-২১ নত্তনা স্কিম অসি হেক হৌরকপদগী থম্লিবা পান্দমশিং ফংদুনা লাক্লি‍। চহি চহিগী ওইনা সেংসন তৌবা শেনফমশিং মখাদা পীরি:-

*প্রোভিজনেল

অতৈ মরী লৈনবা ৱাফমশিং

ইলিজিবল ওইবা বোরোৱর খুদিংদা থা ১২ ফাওবগী ওইনা পি.এম.এম.ৱাই.গী মখাদা পীখিবা সিসু লোন থুনা শিংদোরকপদা ২%গী শেন্দোয় হন্দোকপগী খুদোংচাবা লৈ‍।

• আত্ম নিরভর ভারত পেকেজ (এ.এন.বি.বি.)গী মখাদা ১৪.০৫.২০২২দা কেন্দ্রগী শেলথুম মন্ত্রীনা লাউথোকখিবগী মতুং ইন্না স্কিম অসি পিরামিদগী মখাদা লৈরিবা বোরোৱরশিংগী ক্রেদিতকী মমল হন্থহন্দুনা মখোয়গী শেলথুমগী অৱাবা কোকহন্নবগীদমক হান্না খল্লুদবা মওংদা ওইরকখিবা ফীভমসিগী অকক্নবা পাউখুম ওইনা শেমখিবনি‍।
• কেন্দ্রগী মন্ত্রী মন্দলনা স্কিম অসি জুন ২৪, ২০২০দা অয়াবা পীখি‍।
• স্মোল ইন্দস্ত্রিজ দেভেলপমেন্ত বেঙ্ক ওফ ইন্দিয়া (এস.আই.দি.বি.আই.)দা লুপা করোর ৭৭৫ থাদোকখ্রে‍।
• স্কিম পায়খৎলিবশিং: পব্লিক সেক্তর বেঙ্ক (পি.এস.বি.), প্রাইভেত সেক্তর বেঙ্ক, রিজনেল রুরেল বেঙ্ক (আর.আর.বি.), স্মোল ফাইনান্স বেঙ্ক (এস.এফ.বি.), নন-বেঙ্কিং ফাইনেন্সিএল কম্পেনী (এন.বি.এফ.সি.) অমসুং মাইক্রো ফাইনান্স ইন্সতিত্যুসন (এম.এফ.আই.) অসিনচিংবা এম.এল.আই. কাঙলুপ পুম্নমক্না‍।

পর্ফোর্মেন্ত: ২৫.০৩.২০২২ ফাওবদা, এস.আই.দি.বি.আই.দা থাদোকখিবা লুপা করোর ৭৭৫কী মনুংদা লুপা করোর ৬৫৮.২৫ হেনবা শেনফম বোরোৱরশিংগী একাউন্ততা সবভেন্সনগী শেনফম ওইনা চঙহনখিনবগীদমক এস.আই.দি.বি.আই.না এম.এল.আই.শিংদা থাদোকখ্রে‍।

****