ঐখোয়না স্তেন্দ অপ ইন্দিয়া স্কিমগী তরুকশুবা কুমওন পাঙথোকপা অসিদা স্কিম অসিনা করম্না এস্পিরেস্নেল ওন্তপ্রিনোরশিং মরু ওইনা নুপীশিং অমসুং সেদ্যুল্দ কাস্তশিং (এস.সি.শিং), সেদ্যুল্দ ত্রাইবশিং (এস.তি.শিং) অসিগী নীংবা থুংহনখিবা অমসুং চহি খরা অসিদা স্কিম অসিনা মাইপাকখিবশিং, মাগী মপুং ওইবা মওং-মতৌশিং অমসুং মসি ফগৎহনখিবগী মতাংদা ঐখোয়না য়েংমিন্নসি।

হৌগৎলক্লিবা এস.সি., এস.তি. অমসুং নুপী ওন্তপ্রিনোরশিংনা মায়োক্নরিবা শীংনবশিং অসিবু খঙলদুনা শেন্মীৎলোন চাউখৎহনবা অমসুং থবক পীবদা মীৎয়েং থমদুনা গ্রাসরুৎকী থাক্তগী ওন্তপ্রিনোরশিপ পুক্নিং থৌগৎনবা স্তেন্দ অপ ইন্দিয়া স্কিম ২০১৬কী এপ্রিল ৫দা হৌদোকখি। ২০১৯-২০দা স্তেন্দ অপ ইন্দিয়া স্কিম অসি ২০২০-২৫কী ১৫শুবা ফাইনান্স কম্মিসনগা লোয়ননা পুন্না তামিন্নদুনা অপুনবা মতম অসি ফাওবা শাংদোকখি।

থৌরম অসিদা কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমরি নির্মলা সিতারামন্না হায়খি, “ঐখোয়না স্তেন্দ-অপ ইন্দিয়া স্কিমগী তরুক শুবা কুমওন পাঙথোকপা অসিদা স্কিম অসিগী মখাদা হৌজিক ফাওবদা অনৌবা থবক পীরিবা মীওই অমসুং ওন্তপ্রিনোর লাখ ১.৩৩ হেনবদা খুদোংচাবা পীখিবা অসিদা নুংঙাইবা পোকই”।

শ্রীমতি সিতারামন্না মখা তারদুনা হায়খি, “মসি চৎনবা হৌখিবগী চহি তরুক অসিগী মনুংদা নুপী প্রমোতর লাখ ১ হেনবদা কান্নবা ফংহনখ্রে। হৌগৎলক্লিবা ওন্তপ্রিনোরশিং অসিনা লন-থুম শেমগৎলিবা মীওইশিং ওইবা খক্তা নত্তনা থবক পীরিবা মীওইশিং ওইনসু মখোয়গী থৌদাংশিং অসিগী খুত্থাংদা শেন্মীৎলোন চাউখৎহনবা ঙম্বগী মতিক-ময়াই চেল্লি হায়বা সরকারনা খঙই”।

“ওন্তপ্রিনোরশিংগী অন্দরসর্ব সেগমেন্তশিংদগী অহেনবা বেনিফিসরী কয়া কবরেজ তৌনবা তার্গেৎ থম্লিবা অসিনা মরম ওইরগা ঐখোয়না আত্মনির্ভর ভারত অমা ওইহন্নবা মাইকৈদা চাউনা খুমাং য়াংনা চংশিল্লি”, হায়না শেল-থুম মন্ত্রীনা মখা তাখি।

ভারতনা লেপ্পা লৈতনা চাউখৎলকপা অসিদা মতিক ময়াই লৈবা ওন্তপ্রিনোরশিং, মরু ওইনা নুপী অমদি সেদ্যুল্দ কাস্তশিং (এস.সি.শিং), সেদ্যুল্দ ত্রাইবশিং (এস.তি.শিং)গী ওইবা অচৌবা কাংলুপ অমগী আশা, অনীংবা অমসুং থাজবশিং হেনগৎলক্লি। মখোয়না মখোয় মশাবু চাউখৎচনবা মশাগী ওইবা এন্তরপ্রাইজ অমা লিংখৎচবা পামখি। অসিগুম্বা ওন্তপ্রিনোরশিং অসি লৈবাক শিনবা থুংবদা লৈরি অমসুং মখোয় মশাগীদমক অমদি মখোয়গী ইমুং-মনুংশিংগীদমক মখোয়না করি তৌবা য়াবগে হায়না ৱাখল্লোনশিং পুথোক্লি। স্কিম অসিনা হৌগৎলক্লিবা এস.সি., এস.তি. অমসুং নুপী ওন্তপ্রিনোরশিংগী মঙলানশিং অদু মঙফাওনবা ঙমহন্নবা মখোয়দা ইনর্জী অমসুং থৌনা হাপ্নবা অমসুং মখোয়গী লম্বেলদগী অপনবা কয়া অদু লৌথোক্নবা পান্দম থম্মি।

ঐখোয়না স্তেন্দ অপ ইন্দিয়া স্কিমগী তরুকশুবা কুমওন পাঙথোকপা অসিদা স্কিম অসিগী মওং-মতৌশিং অমসুং মাইপাকখিবশিং অদু য়েংমিন্নসি।

স্তেন্দ-অপ ইন্দিয়াগী পান্দম অসি নুপীশিং, সেদ্যুল্দ কাস্তশিং (এস.সি.শিং) অমসুং সেদ্যুল্দ ত্রাইবশিং (এস.তি.শিং)গী কেতগোরীশিংদা লৈরিবা ওন্তপ্রিনোরশিপ অসি পুক্নিং থৌগৎপা, মখোয়দা মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমশিংদা গ্রীনফিল্দ এন্তরপ্রাইজশিং হৌদোকপদা মতেং পাংবা অসিনি।

স্তেন্দ-অপ ইন্দিয়াগী থৌদাং অদুদি:

• নুপী, এস.সি. অমসুং এস.তি. কাংলুপশিংগী মরক্তা ওন্তপ্রিনোরশিপ প্রমোৎ তৌবা;
• মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমশিংদা গ্রীনফিল্দ এন্তরপ্রাইজশিংগীদমক শেন্থংশিং পীথবা;
• সেদ্যুল্দ কম্মর্সিএল বেঙ্ককী বেঙ্ক ব্রাঞ্চ অমদা য়ামদ্রবদা সেদ্যুল্দ কাস্ত (এস.সি.)/ সেদ্যুল্দ ত্রাইব (এস.সি,)কী বোরোৱর অমদা অমসুং য়ামদ্রবদা নুপী বোরোৱর অমদা লুপা লাখ ১০ অমসুং করোর ১ ফাওবগী মরক্তা বেঙ্ককী শেন্থংশিং ফংহনবা।  

করিগীদমক স্তেন্দ-অপ ইন্দিয়া?

স্তেন্দ-অপ ইন্দিয়া স্কিম অসি এস.সি., এস.তি. অমসুং নুপী ওন্তপ্রিনোরশিংনা এন্তরপ্রাইজশিং লিংখৎপদা, শেন্থংশিং লৌবদা অমসুং ললোন-ইতিক্তা মাইপাক্নবগীদমক মতম মতমগী ওইনা মথৌ তাবা অতোপ্পা তেংবাংশিং ফংনবা হোৎনবদা মায়োক্নবা শিংনবশিং অদু মশখ খঙদোকপদা য়ুম্ফম ওইরি। স্কিম অসিনা ললোন-ইতিক তৌবদা সপ্পোর্তিব এনভাইরনমেন্ত অমা পীবদা মতেং পাংনবা অমসুং লেপ্পা লৈতনা ফংনবা ঙম্নবা ইকো-সিস্তেম অমা শেম্বদা পান্দম থমখি। স্কিম অসিনা বেঙ্ক ব্রাঞ্চশিংনা বোরোৱরশিংদা শেন্থংশিং ফংহনদুনা মখোয়গী মশাগী এন্তরপ্রাইজ লিংখৎহনবদা মখোয়বু মতেং পাংনবা হোৎনরি। সেদল্যুল্দ কম্মর্সিএল বেঙ্কশিংগী ব্রাঞ্চ পুম্নমক কবর তৌরিবা স্কিম অসি ওইথোকপা য়াবা মওং অহুম অসিদা এক্সেস তৌবা য়াগনি:

• ব্রাঞ্চতা হকথেংননা, নত্ত্রগা
• স্তেন্দ-অপ ইন্দিয়া পোর্তেল (www.standupmitra.in)গী খুত্থাংদা নত্ত্রগা,
• লীদ দিস্ত্রিক্ত মেনেজর (এল.দি.এম.)গী খুত্থাংদা।

শেন্থং অমা লৌনবগীদমক কনা ইলিজিবল ওইবগে?

• চহি ১৮গী মথক্কী এস.সি./এস.ই. অমসুং/নত্ত্রগা নুপী ওন্তপ্রিনোরশিং;
• গ্রীন ফিল্দ প্রোজেক্তশিং খক্তগী ওইনা স্কিম অসিগী মখঅদা শেন্থংশিং ফংগনি; গ্রীন্দ ফিল্দ হায়বা অসিনা তাক্লিবা অসি হীরম অসিগী ওইনা অহানবদা, মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমদা বেনিফিসরী অদুগী অহানবা ভেঞ্চর অদুবুনি;
• নন-ইন্দিবিজ্যুএল এন্তরপ্রাইজশিংগী ওইনা, এস.সি./এস.তি. অমসুং/নত্ত্রগা নুপী ওন্তপ্রিনোরশিংনা শিয়রহোল্দিং অমসুং কন্ত্রোলিং স্তেক্কী ৫১% পাইবা;
• বোরোৱরশিং অদু বেঙ্ক/ফাইনান্সিএল ইন্সতিত্যুসন অমা হেক্তগী দিফোল্ততা লৈতবা;
• স্কিম অসিনা ইলিজিবল কেন্দ্র/রাজ্যগী স্কিমশিংগা লোয়ননা পুনশিন্দুনা ‘১৫% ফাওবগী’ মর্জিন মনী ফংহন্নবা পান্দম থম্মি। অসিগুম্বা স্কিমশিং অসি মথৌ তাবা এদমিসিবল সবসিদীশিং নত্ত্রগা মর্জিন মনীগী মথৌ তাবশিং ফংনবগীদমক থাবা য়াগনি, কেস পুম্নমক্কী ওইনা বোরোৱর অদুনা প্রোজেক্ততা চংগদবা শেলগী য়ামদ্রবদা ১০%দি মখোয়গী শরুক ওইনা পুরকপা মথৌ তাগনি।

হেন্দহোল্দিং সপ্পোর্ত:

প্রোস্পেক্তিব বোরোৱরশিংনা শেন্থংগীদমক বেঙ্কশিংগা লিঙ্ক তৌবগী মথক্তা, স্তেন্দ অপ ইন্দিয়া স্কিমগীদমক স্মোল ইন্দস্ত্রীজ দিবেলপমেন্ত বেঙ্ক ওফ ইন্দিয়া (এস.আই.দি.বে.আই.)না দিবেলপ তৌবা ওনলাইন পোর্তেল www.standupmitra.in  অসিনা প্রোস্পেক্তিব ওন্তপ্রিনোরশিংদা বেঙ্ককী মথৌ তাবশিংগী মতুং ইন্না, ত্রেনিংদগী হৌরগা লোনগী এপ্লিকেসনশিং মেনবা ফাওবা য়াওনা বিজিনেস অমা হৌদোক্নবা মখোয়গী খোঙথাংদা লমজিং-লমতাক্কনি। হেন্দ হোল্দিং এজেন্সী ৮,০০০ হেনবগী নেৎৱার্ক অমগী খুত্থাংদা পোর্তেল অসিনা স্কিলিং সেন্তরশিং, মেন্তরশিপ সপ্পোর্ত, ওন্তপ্রিনোরশিপ দিবেলপমেন্ত প্রোগ্রাম সেন্তরশিং, দিস্ত্রিক্ত ইন্দস্ত্রীজ সেন্তর অসিগুম্বা অখন্নবা এক্সপর্তাইজ য়াওনা লৈফমশিং অমসুং কন্তেক্ত নম্বরশিং য়াওনা তোঙান-তোঙানবা এজেন্সীগা প্রোপেক্তিব বোরোৱরশিংগা কন্নেক্ত তৌনবগীদমক মথং-মথং নাইদুনা লমজিং লমতাক্কনি।

স্তেন্দ অপ ইন্দিয়া স্কিমদা লাকপা অহোংবশিং

এফ.ৱাই. ২০২১-২২গী বজেৎ স্পীচতা কেন্দ্রগী শেল-থুম মন্ত্রীনা লাউথোকখিবগী মতুং ইন্না স্তেন্দ অপ ইন্দিয়া স্কিমদা মখাগী অহোংবশিং অসি পুরকখ্রে:-

• বোরোৱরনা পথোক্কদবা মার্জিন মনী অসি প্রোজেক্তকী শেনফমগী ‘২৫% ফাওবা’ ওইরম্বদগী ‘১৫% ফাওবদা’ হন্থহনখি। অদুম ওইনমক বোরোৱরনা প্রোজেক্তকী শেনফমদা য়ুমদ্রবা ১০%দি মশাগী শরুক ওইনা মখা তানা পুথোকখিগনি;
• ‘লৌউ-শিংউগা মরী লৈনবা থবক-থৌরমশিং’ খুদম ওইনা, পিস্সিকলচর, বীকীপিং, পোলত্রী, লাইবস্তোক, রীয়রিং, গ্রেদিং, সোর্তিং, এগ্রিগেসন এগ্রো-ইন্দস্ত্রীশিং, দাইরী, ফিশরী, এগ্রিক্লিনিক অমসুং এগ্রিবিজিনেস সেন্তরশিং, ফুদ অমসুং এগ্রো-প্রোসেসিং অসিনচিংবা (ক্রোপ লোনশিং, কেনেলশিং, ইথৈ-লৌখোং অমসুং গুহাশিংগী লম ফগৎহনবা য়াওদনা) অমসুং হায়রিবশিং অসিবু সপ্পোর্ত তৌরিবা সর্ভিসশিং অসিদা লৈরিবা এন্তরপ্রাইজশিংদা লোনশিং পীনবা স্কিম অসিগী মখাদা কবর তৌনবগীদমক ইলিজিবল ওই।

কোল্লাতরেল ফ্রী কবরেজ ফংহন্নবগীদমক ভারত সরকারনা ক্রেদিৎ গরেন্তী ফন্দ ফোর স্তেন্দ অপ ইন্দিয়া (সি.জি.এফ.এস.আই.) হৌদোকখি। ক্রেদিৎ ফেসিলিতী পীবগী মথক্তা স্তেন্দ অপ ইন্দিয়া স্কিমনা মতিক-ময়াই লৈবা বোরোৱরশিংদা হেন্দহোল্দিং সপ্পোর্তসু পীনবা পান্দম থম্মি। মসিনা কেন্দ্র/রাজ্য সরকারগী স্কিমশিংগা লোয়ননা পুনশিন্নবা য়াহল্লি। স্কিম অসিগী এপ্লিকেসনশিং (www.standupmitra.in) পোর্তেলদা ওনলাইন্দা থাজবা য়াগনি।

২১.০৩.২০২২ ফাওবদা স্কিম অসিগী মাইপাকখিবশিং

• স্কিম অসি হৌদোকখিবদগী ২১.০৩.২০২২ ফাওবদা স্তেন্দ-অপ ইন্দিয়া স্কিমগী মখাদা একাউন্ত ১,৩৩,৯৯৫দা লুপা করোর ৩০,১৬০ সেঙ্কসন তৌখ্রে।
• ২১.০৩.২০২২ ফাওবদা স্তেন্দ অপ ইন্দিয়া স্কিমগী মখাদা কান্নবা ফংখ্রবা এস.সি./এস.তি. অমসুং নুপী বোরোৱরশিংগী অপুনবা মশিং মখাদা পীরি:

(শেনফম অসি লুপা করোরদা পীরি)

****