స్టాండప్ ఇండియా పథకం ఆరవ వార్షికోత్సవం సందర్భంగా, ఈ పథకం ఔత్సాహిక పారిశ్రామికవేత్తల ఆకాంక్షలను, ప్రత్యేకించి మహిళలు, షెడ్యూల్డ్ కులాలు (ఎస్సీలు), షెడ్యూల్డ్ తెగల (ఎస్ టిలు) ఆకాంక్షలను ఎలా నెరవేర్చిందో చూద్దాం.

ఎస్ సి, ఎస్ టి ,మహిళా ఔత్సాహిక పారిశ్రామికవేత్తలు ఎదుర్కొంటున్న సవాళ్లను గుర్తించి, ఆర్థిక సాధికారత ,ఉద్యోగ కల్పనపై దృష్టి సారించి అట్టడుగు స్థాయిలో వ్యవస్థాపకత్వాన్ని ప్రోత్సహించడానికి స్టాండప్ ఇండియా పథకాన్ని 2016 ఏప్రిల్ 5న ప్రారంభించారు. 2019-20లో స్టాండప్ ఇండియా పథకాన్ని 2020-25 15వ ఆర్థిక సంఘం కాలానికి అనుగుణంగా మొత్తం పొడిగించారు.

ఈ సందర్భంగా కేంద్ర ఆర్థిక , కార్పొరేట్

వ్యవహారాల శాఖ మంత్రి శ్రీమతి నిర్మలా సీతారామన్ మాట్లాడుతూ,  స్టాండప్ ఇండియా పథకం ఆరవ  వార్షికోత్సవం

సందర్భంగా ఇప్పటి వర lకు 1.33 ల క్ష ల మందికి పైగా కొత్త ఉద్యోగ సృష్టి కర్తలు, ఔత్సాహిక పారిశ్రామికవేత్తలకు ఈ పథకాన్ని వర్టింపచేయడం సంతోషంగా ఉంది‘‘ అన్నారు.

‘‘ ఈ పథకం ద్వారా ఆరేళ్ల లో ఒక లక్షకు పైగా మహిళా ప్రమోటర్లు ప్రయోజనం పొందారు. ఈ పెరుగుతున్న ఔత్సాహిక పారిశ్రామికవేత్తలు కేవలం సంపద సృష్టికర్తలుగా మాత్రమే కాకుండా ఉద్యోగ సృష్టికర్తలుగా కూడా తమ పాత్రల ద్వారా ఆర్థిక వృద్ధిని నడిపించడంలో గల సామర్థ్యాన్ని ప్రభుత్వం అర్థం చేసుకుంటోంది‘‘ అని శ్రీమతి సీతారామన్ తెలిపారు.

ఔత్సాహిక పారిశ్రామిక వేత్తల తక్కువ సేవల విభాగాల నుండి ఎక్కువ మంది లబ్ధిదారుల  చేర్పు ను లక్ష్యంగా పెట్టుకున్నందున, ఆత్మనిర్భర్ భారత్ ను  నిర్మించే దిశగా మనం గణనీయమైన పురోగతి సాధిస్తాము" అని ఆర్థిక మంత్రి అన్నారు.

భారతదేశం వేగంగా అభివృద్ధి చెందుతున్న కొద్దీ, పెద్ద సంఖ్య లోని ఔత్సాహిక పారిశ్రామికవేత్తల , ముఖ్యంగా మహిళలు , షెడ్యూల్డ్ కులాలు (ఎస్ సిలు), షెడ్యూల్డ్ తెగల (ఎస్ టిలు) ఆశలు, ఆకాంక్షలు, అంచనాలు పెరుగుతున్నాయి. వారు తమకు  తాము ఎదగడానికి స్వంత సంస్థ లను ఏర్పాటు చేయాలనుకుంటున్నారు. అటువంటి ఔత్సాహిక పారిశ్రామికవేత్తలు దేశవ్యాప్తంగా విస్తరించి ఉన్నారు. వారు తమ కోసం, తమ కుటుంబాల కోసం ఏమి చేయవచ్చనే దానిపై ఆలోచనలతో ఉక్కిరిబిక్కిరి అవుతున్నారు. ఔత్సాహిక ఎస్సీ, ఎస్టీ, మహిళా పారిశ్రామికవేత్తల శక్తికి, ఉత్సాహానికి మద్దతు ఇవ్వడం ద్వారా, వారి మార్గం లోని అనేక అడ్డంకులను తొలగించడం ద్వారా వారి కలలను సాకారం చేసుకోవడానికి ఈ

పథకాన్ని  ఉద్దేశించారు.

స్టాండప్ ఇండియా పథకం ఆరో వార్షికోత్సవాన్ని జరుపుకుంటున్న సందర్భంగా, ఈ పథకం విలక్షణతను, విజయాన్ని మనం ఇప్పుడు చూద్దాం.

స్టాండప్ ఇండియా లక్ష్యం మహిళలు, షెడ్యూల్డ్ కులాలు (ఎస్ సి) ,షెడ్యూల్డ్ తెగల (ఎస్ టి) లో వ్యవస్థాపకత్వాన్ని ప్రోత్సహించడం, తయారీ, సేవలు లేదా వ్యాపార రంగం ,వ్యవసాయానికి అనుబంధంగా కార్యకలాపాలలో గ్రీన్ ఫీల్డ్ సంస్థను ప్రారంభించడంలో వారికి సహాయపడటం.

స్టాండప్ ఇండియా ఉద్దేశ్యం:     

మహిళలు, ఎస్సీ ,ఎస్టీ కేటగిరీల్లో పరిశ్రమల స్థాపనతత్వాన్ని ప్రోత్సహించడం;

*తయారీ, సేవలు లేదా వ్యాపార, వ్యవసాయ అనుబంధ కార్యకలాపాలలో గ్రీన్ ఫీల్డ్ సంస్థలకు రుణాలను అందించడం;

షెడ్యూల్డ్ కమర్షియల్ బ్యాంకుల ప్రతి బ్యాంకు బ్రాంచీ  కనీసం ఒక షెడ్యూల్డ్ కులం/షెడ్యూల్డ్ తెగ రుణగ్రహీత ,కనీసం ఒక మహిళా రుణగ్రహీతకు రూ.10 లక్షల నుంచి రూ.1 కోటి వరకు బ్యాంకు రుణాలను అందించడం.

స్టాండ్-అప్ ఇండియా ఎందుకు?

స్టాండప్ ఇండియా పథకం అనేది ఎస్ సి, ఎస్ టి ,మహిళా ఔత్సాహిక పారిశ్రామికవేత్తలు యూనిట్ల ఏర్పాటులో, రుణాలు పొందడం, వ్యాపారంలో విజయం సాధించడం లో ఎదుర్కొంటున్న సవాళ్లను గుర్తించడం, నియతానుసారంగా అవసరమైన ఇతర మద్దతును పొందడంపై ఆధారపడి ఉంటుంది. అందువల్ల ఈ పథకం ఒక పర్యావరణ వ్యవస్థను సృష్టించడానికి ప్రయత్నిస్తుంది, ఇది వ్యాపారం చేయడానికి ఒక సహాయక వాతావరణాన్ని అందిస్తుంది. కొనసాగిస్తుంది. ఈ పథకం బ్యాంకు శాఖల నుండి రుణగ్రహీతలకు వారి స్వంత సంస్థను ఏర్పాటు చేయడంలో సహాయపడటానికి రుణాలకు ప్రాప్యతను ఇవ్వడానికి ప్రయత్నిస్తుంది. షెడ్యూల్డ్ కమర్షియల్ బ్యాంకుల అన్ని బ్రాంచీలను కవర్ చేసే ఈ పథకం, మూడు అనుకూల మార్గాల్లో అందుబాటు లో ఉంటుంది.

                           నేరుగా బ్రాంచీ వద్ద లేదా,

                   స్టాండప్ ఇండియా పోర్టల్ (www.standupmitra.in) ద్వారా లేదా,

                     లీడ్ డిస్ట్రిక్ట్ మేనేజర్ (ఎల్ డిఎమ్) ద్వారా.

రుణానికి ఎవరు అర్హులు?

    ఎస్సీ/ఎస్టీ మరియు/లేదా మహిళా పారిశ్రామికవేత్తలు, 18 సంవత్సరాల కంటే ఎక్కువ వయస్సు ఉన్నవారు;

ఈ పథకం కింద రుణాలు గ్రీన్ ఫీల్డ్ ప్రాజెక్టులకు మాత్రమే అందుబాటులో ఉన్నాయి. గ్రీన్ ఫీల్డ్ సూచిస్తుంది; ఈ నేపథ్యంలో, తయారీ, సేవలు లేదా వ్యాపార, వ్యవసాయ అనుబంధ కార్యకలాపాలలో లబ్ధిదారుని యొక్క మొట్టమొదటి వెంచర్;

        వ్యక్తిగతేతర సంస్థల విషయంలో, వాటా ,నియంత్రణ వాటాలో 51% ఎస్సీ / ఎస్టీ మరియు / లేదా మహిళా పారిశ్రామికవేత్తలు కలిగి ఉండాలి;

       రుణగ్రహీతలు ఏదైనా బ్యాంకు/ఫైనాన్షియల్ ఇనిస్టిట్యూషన్ కు డిఫాల్ట్ గా ఉండరాదు.

      ఈ పథకం '15% వరకు' మార్జిన్ మనీని కలిగి ఉంటుంది, ఇది అర్హత కలిగిన కేంద్ర/రాష్ట్ర పథకాలతో సమ్మిళితంగా అందించబడుతుంది. ఆమోదయోగ్యమైన సబ్సిడీలను పొందడం కోసం లేదా మార్జిన్ మనీ అవసరాలను తీర్చడం కోసం అటువంటి స్కీంలను తీసుకోవచ్చు, అయితే, అన్ని సందర్భాల్లో, రుణగ్రహీత ప్రాజెక్ట్ ఖర్చులో కనీసం 10% ని స్వంత కంట్రిబ్యూషన్ గా తీసుకురావాల్సి ఉంటుంది.

 హ్యాండ్ హోల్డింగ్ సపోర్ట్:

రుణాల కోసం అర్హులైన రుణగ్రహీతలను బ్యాంకులకు అనుసంధానించడమే కాకుండా, స్టాండప్ ఇండియా పథకం కోసం స్మాల్ ఇండస్ట్రీస్ డెవలప్మెంట్ బ్యాంక్ ఆఫ్ ఇండియా (సిడ్బి) అభివృద్ధి చేసిన www.standupmitra.in ఆన్లైన్ పోర్టల్, బ్యాంకు అవసరాలకు అనుగుణంగా శిక్షణ మొదలు రుణ దరఖాస్తులను నింపడం వరకు, వ్యాపార సంస్థలను స్థాపించే ప్రయత్నంలో ఔత్సాహిక పారిశ్రామికవేత్తలకు మార్గదర్శకత్వాన్ని కూడా అందిస్తోంది.8,000 కంటే ఎక్కువ హ్యాండ్ హోల్డింగ్ ఏజెన్సీల నెట్ వర్క్ ద్వారా, ఈ పోర్టల్ ll రుణగ్రహీతలను స్కిల్లింగ్ సెంటర్లు, మెంటర్ షిప్ సపోర్ట్, ఎంటర్ ప్రెన్యూర్ షిప్ డెవలప్ మెంట్ ప్రోగ్రామ్ సెంటర్ లు, డిస్ట్రిక్ట్ ఇండస్ట్రీస్ సెంటర్, చిరునామాలు ,కాంటాక్ట్ నెంబరుతో సహా నిర్ధిష్ట నైపుణ్యం కలిగిన వివిధ ఏజెన్సీలకు కనెక్ట్ చేయడం కోసం దశలవారీగా మార్గదర్శకత్వాన్ని అందిస్తుంది.

స్టాండప్ ఇండియా స్కీమ్ లో మార్పులు

2021-22 ఆర్థిక సంవత్సరం బడ్జెట్ ప్రసంగంలో కేంద్ర ఆర్థిక మంత్రి చేసిన ప్రకటనకు అనుగుణంగా, స్టాండప్ ఇండియా పథకంలో ఈ క్రింది మార్పులు చేయబడ్డాయి:-

        రుణగ్రహీత ద్వారా తీసుకురావాల్సిన మార్జిన్ మనీ పరిధిని ప్రాజెక్ట్ ఖర్చులో '25% వరకు' నుంచి '15% వరకు' కు తగ్గించారు.  అయితే, రుణగ్రహీత ప్రాజెక్ట్ ఖర్చులో కనీసం 10% స్వంత కంట్రిబ్యూషన్ కొనసాగిస్తాడు;

       వ్యవసాయానికి అనుబంధంగా కార్యకలాపాలు' ఉదా. చేపల పెంపకం, తేనెటీగల పెంపకం, పౌల్ట్రీ, పశువుల పెంపకం, గ్రేడింగ్, సార్టింగ్, అగ్రిగేషన్ ఆగ్రో ఇండస్ట్రీస్, డెయిరీ, ఫిషరీ, అగ్రిక్లినిక్ ,అగ్రిబిజినెస్ సెంటర్లు, ఫుడ్ & ఆగ్రో ప్రాసెసింగ్ మొదలైనవి (పంట రుణాలు మినహాయించి, కాలువలు, ఇరిగేషన్, బావులు వంటి భూమి మెరుగుదల) ఇంకా వీటికి మద్దతు ఇచ్చే సేవలు వంటి వాటిలో రుణాలకు ఈ పథకం కింద కవరేజీకి అర్హత కలిగి ఉంటాయి.

పూచీకత్తు లేని కవరేజీని పొడిగించడంకోసం భారత ప్రభుత్వం స్టాండ్ అప్ ఇండియా కు క్రెడిట్ గ్యారెంటీ ఫండ్ (సిజిఎఫ్ ఎస్ ఐ)ని ఏర్పాటు చేసింది. క్రెడిట్ సదుపాయాన్ని అందించడంతో పాటు, స్టాండ్ అప్ ఇండియా స్కీం రుణగ్రహీతలకు హ్యాండ్ హోల్డింగ్ మద్దతును కూడా విస్తరిస్తుంది. ఇది కేంద్ర/రాష్ట్ర ప్రభుత్వ పథకాలతో ఏకీకరణను కూడా అందిస్తుంది. ఈ పథకం కింద దరఖాస్తులను (www.standupmitra.in) పోర్టల్ లో కూడా ఆన్ లైన్ లో చేయవచ్చు.

21.03.2022 నాటికి ఈ పథకం విజయాలు

     స్టాండప్ ఇండియా పథకం ప్రారంభం నుంచి 21.03.2022 వరకు 1,33,995 ఖాతాలకు రూ.30160 కోట్లు

మంజూరయ్యాయి.

     21.03.2022 నాటికి, స్టాండప్ ఇండియా పథకం కింద లబ్ధి పొందిన మొత్తం ఎస్సీ/ఎస్టీ, మహిళా రుణగ్రహీతల సంఖ్య దిగువ పేర్కొన్నవిధంగా ఉంది:

                                                                                            (రుణ మొత్తం రూ.కోట్లలో. ·

 షెడ్యూల్డ్ కులాలు           షెడ్యూల్డ్ తెగలు                     మహిళలు.                       మొత్తం

****